Morgunblaðið - 23.02.2003, Blaðsíða 8
Það eru ýmsir gagnlegar upplýs-
ingar á slóðinni www. eyjafjörd-
ur.is fyrir þá sem ætla að skella sér
norður á næstunni.
ÞEGAR Margeir Ingólfsson, eig-
inmaður Elsu Guðsteins, fór á eft-
irlaun fyrir átta árum ákváðu hjón-
in að prófa að hafa vetursetu á
Spáni. Þau voru leið á myrkri og
kulda hér heima og sáu fyrir sér að
notalegra væri yfir háveturinn að
vakna í sól og birtu.
Hlutirnir æxluðust þannig að þau
duttu niður á hús sem þurfti að
dytta heilmikið að og þar sem Mar-
geir Ingólfsson er húsasmiður voru
hæg heimatökin og þau keyptu slot-
ið. „Það þurfti í raun að gera allt
fyrir húsið og Margeir hefur svo að
segja endurbyggt það,“ segir Elsa.
„Við búum hér við lónið Mar
Menor sem er í um 90 kílómetra
fjarlægð frá Alicante. Fjöl-
mennastir eru Íslendingarnir núna
á svæðinu milli borganna Alicante í
norðri og Cartagena í suðri, þ.e.
við strendurnar Costa Blanca og
Costa Calida og þeim fjölgar hratt
hér við lónið þar sem við búum.
Hér á Spáni dvelja hundruð Ís-
lendinga yfir veturinn.“ Elsa segir
að svæðið við Mar Menor sé eitt
hið veðursælasta, meðfram allri
strönd Spánar og í vetur hafa
a.m.k. 10–12 íslensk hjón verið bú-
sett þar. „Það fer mjög vel um
okkur í þessu þorpi sem við búum
í. Þorpið hefur undanfarið vaxið
mjög hratt og nú búa þar mörg
þúsund manns frá öllum heims-
hornum en þó aðallega frá Norð-
urlöndunum, Spáni, Bretlandi
Þýskalandi og Íslandi.
Um 20 stiga hiti í febrúar
Þegar ég spyr Elsu hvernig
veðrið sé núna í febrúar segir hún
að meðalhitinn á morgnana þegar
hún fer framúr sé um 10 gráður en
yfir daginn fari hann gjarnan í um
tuttugu gráður.
„Það er líka birtan sem gerir svo
mikið. Hér vöknum við snemma í
birtu á veturna í stað þess að
vakna heima í niðamrykri.“ Elsa
og Margeir dvelja á Spáni frá sept-
ember og fram í maí. „Þá komum
við heim og njótum þess að vera
heima fram á haust á meðan þar er
bjart og hlýtt.“ Elsa segir að í vet-
ur hafi veðrið hjá þeim verið ein-
staklega gott, mikið sólskin og
hlýindi fyrir sunnan Alicante.
„Þeir sem á hinn bóginn búa fyrir
norðan Alicante hafa þurft að þola
mikla kulda, storma og snjó, allt
frá Benidorm og norður til Pyren-
eafjalla.
Jólaferðin vel þegin
Elsa segir að samgöngur við Ís-
land séu mjög góðar á sumrin þeg-
ar hægt er að fljúga vikulega beint
frá Alicante til Keflavíkur og tekur
flugið aðeins 4 klukkustundir. Hún
segir að á veturna hafi verið erf-
iðara að komast á milli landanna
þar sem oft þurfi að gista eina nótt
á leiðinni. „Nú í vetur varð hins
vegar breyting þar á, þar sem
Plúsferðir buðu okkur beint flug til
Íslands um jólin. Þetta var í fyrsta
sinn í sögunni sem varð af slíkri
jólaferð og gat fólk byrjað ferðina
ýmist frá Íslandi eða Spáni.“ Hún
segir að Plúsferðir eigi sannarlega
þakkir skildar fyrir framtakið.
„Mér skilst að forsvarsmenn hjá
Plúsferðum séu búnir að ákveða að
endurtaka svona ferð um næstu jól
og við hlökkum til að notfæra okk-
ur það tækifæri.“
Þorrablót og Góugleði
Þegar Elsa er spurð hvort Ís-
lendingarnir haldi hópinn segir
hún að Íslendingafélag sé starf-
rækt á þessum slóðum og svo sé
alltaf mikið um heimsóknir milli
vina.
„Við höldum í hefðir, erum með
jólahlaðborð, árshátíðir og síðast
en ekki síst var haldið hér mjög
myndarlegt þorrablót nýlega. Ís-
lensk hjón, Völundur Þorgilsson og
Sigríður Finnbogadóttir, komu sér
upp mjög vinalegum veitingastað í
borginni Torrevieja, El Empera-
dor, þar sem þorrablótið var hald-
ið. Þar var sneisafullt út úr dyrum
og maturinn var hreint frábær. Á
boðstólum var súrmatur s.s. hrúts-
pungar, lifrarpylsa, blóðmör, sviða-
sulta og svo síld og lax í ýmsum út-
færslum, rófustappa, kartöflu-
gratin, laufabrauð, flatbrauð,
skonsur að ógleymdum harðfisk-
inum og íslensku brennivínsstaupi.
Ekki er allt upptalið enn, því þarna
var einnig boðið upp á heitan mat,
lambasteik og kjúklinga.“
Elsa segir að þetta hafi verið
frumraun þessara ágætu hjóna og
nú séu þau að hugsa um að bjóða
einnig upp á Góugleði.
Beint á móti þessum ágæta veit-
ingastað er svo kaffistofa með bar
sem önnur ung íslensk hjón, Bald-
vin Smári Matthíasson og Jóna
Gylfadóttir, reka. Þar er einnig
mjög gott að njóta ekta íslenskra
veitinga og t.d. hægt að fá Kjörís,
SS-pylsur og fleira. Þau hafa einn-
ig boðið upp á kaffihlaðborð með
hnallþórum, marengstertum, flat-
brauði m. hangikjöti og brauðtert-
um.
Slarkfær í spænsku
En er ódýrt að lifa á Spáni?
„Já, það er ekki hægt að segja
annað og auk birtu og hlýju þá er
það nú líka ástæðan fyrir því að
margir Íslendingar á eftirlaunum
hafa hér vetursetu. Við erum að
borga margfalt minna fyrir allar
nauðsynjar s.s. mat og drykk og
svo líka fyrir hluti eins og bíla-
tryggingar, hárgreiðslu, fatnað,
bensín og síðan kostar það afskap-
lega lítið að fara út að borða. Ég
get nefnt sem dæmi að það er
hægt að fá ágætis fatnað á mörk-
uðunum hérna fyrir sama og ekk-
ert, fallegar peysur og blússur á
250 krónur og pils og draktir á
broti af því sem það kostar heima.“
Hafa í áttunda sinn vetursetu á Spáni
Þegar haustar halda hjónin Elsa Guðsteins og Margeir Ingólfsson
suður á bóginn þar sem þau vakna í björtu og fallegu veðri fram á
vor. Elsa tjáði Guðbjörgu R. Guðmundsdóttur að þeim gengi líka
mun betur að lifa á íslensku eftirlaununum sínum á Spáni.
Húsið þeirra er við lónið Mar Menor sem er í um 90 kílómetra fjarlægð frá
Alicante. Rifið heitir La Manga og þar búa margir þekktir einstaklingar.
Vöknum í birtu
á veturna
Kíló af kjúklingabringum
kostar 150–200 krónur
Heill ferskur kjúklingur kostar
145 krónur
Lítil bjórdós út úr búð kostar
12 krónur
Lítil gosdós kostar 12 krónur.
Lítri af bensíni kostar um 65
krónur
Fínar nautasteikur kosta um
1.500 krónur kílóið.
Jógúrtdósin kostar um 18
krónur
Einn og hálfur lítri mjólk kost-
ar 70 krónur.
Kíló af ferskum sveppum
kostar 150 krónur
Kíló af vínberjum kostar 75
krónur
Kíló af blómkáli kostar 80
krónur
Kíló af papriku kostar 100
krónur
Permanent með þvotti, klipp-
ingu og lagningu kostar 2.500
krónur
Ábyrgðar- og kaskótrygging
fyrir nýlegan fimm manna evr-
ópskan bíl kostar 35.000 krón-
ur á ári
Elsa og Margeir búa í bænum Los
Alcazares en hann hefur vaxið hratt
síðustu árin. Þar dvelja aðallega
Norðurlandabúar, Bretar, Þjóðverjar
og Spánverjar.
Kynningarfundur
um gönguferðir erlendis
Sími 585 4140
verður haldinn sunnudaginn
23. febrúar kl. 15.00 á Hótel Loftleiðum
•Pyíreneafjöll
•Majorka
•Toscana
•Dolomita-Alpar
• Krít
Aðgangur,
kaffi og kökur kr. 600