Morgunblaðið - 24.02.2003, Blaðsíða 2

FRÉTTIR
2 MÁNUDAGUR 24. FEBRÚAR 2003 MORGUNBLAÐIÐ
FLOKKSÞINGI LOKIÐ
Halldór Ásgrímsson var endur-
kjörinn formaður Framsókn-
arflokksins á flokksþingi sem lauk í
gær. Hlaut hann 96,7% atkvæða í
formannskjöri. Guðni Ágústsson var
jafnframt endurkjörinn varafor-
maður og Siv Friðleifsdóttir var
endurkjörin ritari flokksins. Sam-
staða var á þinginu um að stefnt
skuli að því að tekjuskattur launa-
fólks lækki úr 38,55% í 35,2%.
Minna um sumarstörf
Mikil ásókn er í styrki frá Ný-
sköpunarsjóði námsmanna og þykir
þetta m.a. til marks um að náms-
menn hafi vaxandi áhyggjur af fram-
boði á sumarstörfum í ár. Borg-
arstofnanir hafa dregið úr fjölda
sumarstarfa miðað við undanfarin ár
samkvæmt upplýsingum Vinnumiðl-
unar skólafólks.
Tap á Macbeth
Íslenska óperan tapar á aðra
milljón króna á hverri sýningu á óp-
erunni Macbeth sem nú er sýnd í
Gamla bíói. Sökum þessa kemur
ekki til greina að fjölga sýningum á
óperunni – en þær verða átta – jafn-
vel þó að uppselt sé á allar sýning-
arnar. Mestu veldur að aðeins tæp-
lega fimmhundruð manns geta
keypt sig inn á hverja sýningu.
Ellefu féllu í átökum
Tíu Palestínumenn og einn Ísraeli
féllu í átökum á Gaza-ströndinni
þegar Ísraelsher lagði undir sig
borgina Beit Hanun, norðarlega á
svæðinu. Markmið hersins var að
stöðva árásir sem liðsmenn Hamas-
samtakanna palestínsku hafa gert
með flugskeytum á Ísrael.
Flakkað á milli rása
Sjö af hverjum tíu þátttakendum í
úrtaki könnunar um viðhorf til sjón-
varpsauglýsinga kváðust skipta um
rás stundum, oft eða mjög oft, til að
forðast auglýsingar. Um það bil 45%
sögðust skipta um rás oft eða mjög
oft.
HK og Haukar unnu bikar
HK eru bikarmeistarar karla í
handknattleik en Haukar unnu hins
vegar í kvennaflokki. HK bar sig-
urorð af Aftureldingu 24-21 í úrslita-
leik sem fram fór í Laugardagshöll
en konurnar í Haukum unnu bik-
armeistara síðustu tveggja ára, ÍBV,
23-22 í æsispennandi leik. Þetta er
fyrsti stóri titillinn í 33 ára sögu HK.
Y f i r l i t
Í dag
Sigmund 8 Þjónusta 27
Viðskipti 11 Bréf 26
Erlent 12/13 Dagbók 28/29
Listir 14/15 Leikhús 30
Umræðan 16/17 Fólk 30/33
Forystugrein 18 Bíó 30/33
Skoðun 20 Ljósvakar 34
Minningar 20/25 Veður 35
* * *
VIÐRÆÐUR hafa staðið yfir síð-
ustu mánuði milli Háskóla Íslands og
menntamálaráðuneytisins um aukn-
ar fjárveitingar til kennslu og rann-
sókna. Í burðarliðnum er nýr
kennslusamningur sem felur í sér
aukin framlög vegna fjölgunar nem-
enda og endurskoðun á greiðslu fyrir
hvern nemanda á mismunandi
fræðasviðum. Þetta kom m.a. fram í
ræðu Páls Skúlasonar rektors við
brautskráningu á laugardag.
„Eftir er að ljúka samningi um
rannsóknir, en hér er metnaður Há-
skólans sá að framlög til rannsókna
verði jafnhá framlögum til kennslu
eins og tíðkast í rannsóknaháskólum
á Norðurlöndum. Ég heiti á ráð-
herrann að beita sér einnig ötullega
fyrir farsælli niðurstöðu í þeim
samningaviðræðum.“
Nemendum fjölgað um 40%
Páll sagði fjárveitingar til Háskóla
Íslands frá opinberum aðilum ekki
hafa aukist í samræmi við mikla
fjölgun nemenda. Aðsókn að skólan-
um hefur aukist um 40% frá árinu
1997 en á sama tímabili fjölgaði há-
skólum á landinu um fimm. Með nýj-
um lögum um Háskóla Íslands hefur
stjórnendum hans þó verið falin
margvísleg aukin ábyrgð á öllum
rekstri hans og skipulagi.
„Í samningum Háskóla Íslands og
ríkisins um kennslu skiptir tvennt
meginmáli,“ sagði Páll. „Annars veg-
ar fjöldi nemenda sem ríkið er tilbúið
að greiða fyrir, hins vegar framlag
ríkisins fyrir hvern nemanda á hin-
um mismunandi fræðasviðum. Há-
skóli Íslands hefur talið að framlag
ríkisins á hvern nemenda sé alltof
lágt reiknað miðað við þann kostnað
sem Háskólinn hefur af kennslunni.
Framlagið til kennslunnar hefur
ekki hækkað frá árinu 2000 í takt við
kostnaðarhækkanir og fjárveiting til
rannsókna er nú aðeins 60% af fjár-
veitingu til kennslu en var tæp 67% á
árinu 2000.“
Páll segir að af þessum sökum hafi
HÍ mátt sætta sig við að draga úr
þjónustu við nemendur í ýmsum
greinum, til að mynda með því að
fækka kennslustundum og stækka
nemendahópa umfram það sem
æskilegt er.
„Hvorki Háskólinn né stúdentar
geta unað slíku til lengdar. Þetta mál
verður því að taka föstum tökum og
leiða til lykta á næstunni með ráð-
stöfunum sem tryggja þá hagsmuni
sem hér eru í húfi fyrir háskólana og
nemendur þeirra, fyrir ríkið og þjóð-
félagið í heild.“
Páll sagði nútímann gera þá kröfu
til Háskóla Íslands að kenna æ fleiri
nemendum og stórauka vísindalegar
rannsóknir.
HÍ vill að framlög til rannsókna verði
jafnhá framlögum til kennslu
Samningur í
burðarliðnum
„ENN sem komið er höfum við
fengið mjög misvísandi fréttir af
því hvernig þessi samningur er,
hvað þeir eru búnir að semja um,
hvað ekki og eins hvaða form er
á þessu,“ segir Árni M. Mathie-
sen sjávarútvegsráðherra um
samning Norðmanna við Færeyj-
ar og Evrópusambandið um veið-
ar úr norsk-íslenska síldarstofn-
inum. Samkvæmt samningnum
fá Norðmenn 60% af heildarkvót-
anum, sem er alls rúmlega 700
þúsund tonn, eða þremur pró-
sentum meira en þeir höfðu áður.
Upphaflega gerðu Norðmenn
kröfu um að fá 70% af heild-
arkvótanum.
Íslendingar hafa verið með um
16% af heildinni og segir Árni að
íslensk stjórnvöld hafi viljað hafa
samkomulagið óbreytt. „Þetta
hefur ekki áhrif á okkar stöðu
eins og er og við gerum ráð fyrir
því að veiða áfram á svipaðan
hátt og undanfarin ár. Við höfum
auðvitað möguleika á að veiða á
alþjóðlega svæðinu, í færeyskri
og íslenskri lögsögu sem og á
Svalbarðasvæðinu. Við gerum
ráð fyrir því að Norðmenn mis-
noti ekki aðstöðu sína þar til að
hafa áhrif á okkar veiðar á svæð-
inu,“ segir Árni. Fiskveiðiárið
sem um ræðir er fyrir árið 2003,
sem hófst um síðustu áramót.
Skilningur íslenskra stjórn-
valda er, að hans sögn, að Norð-
menn hafi fengið veiðiheimildir
frá ESB og Færeyjum í skiptum
fyrir aðgang að norskri lögsögu.
„Við höfum ekki haft uppi neinar
áætlanir um að minnka okkar
kvóta og afhenda Norðmönnum
gegn auknum aðgangi að þeirra
lögsögu,“ segir Árni. Hann segir
að þar sem svo margt sé óljóst
um samninginn sem Norðmenn
hafi náð sé erfitt að segja til um
hvert framhaldið verði. „Við er-
um í sambandi við þetta fólk, það
er ekkert kalt stríð í gangi, við
erum enn í sambandi en fáum
misvísandi upplýsingar,“ segir
Árni. Aðspurður segist hann ekki
hafa orðið var við að óskað hafi
verið eftir samningafundi með
Íslendingum.
„Hefur ekki
áhrif á okkar
stöðu“
Sjávarútvegsráðherra segir
fréttir af samningi um veiðar
norsk-íslenskrar síldar misvísandi
2003
MÁNUDAGUR 24. FEBRÚAR BLAÐ B
BÍLDSHÖFÐI 510 8020
SMÁRALIND 510 8030
SELFOSS 480 7000
WWW.INTERSPORT.IS
B L A Ð A L L R A L A N D S M A N N A
MIKIL GLEÐI Í HERBÚÐUM HK / B2,B3,B6,B7
ÚRVALSDEILDARLIÐ FH í knatt-
spyrnu fær tvo danska leikmenn til
reynslu í næsta mánuði. Leikmennirnir
sem um ræðir eru báðir á mála hjá
danska úrvalsdeildarliðinu AGF og hef-
ur Ólafur H. Kristjánsson, fyrrverandi
leikmaður FH, sem nú er aðstoðarþjálf-
ari AGF, unnið að því að útvega FH-
ingum leikmennina. Þeir heita Tommy
Nielsen, 31 árs gamall varnarmaður, og
Allan Borgvardt, 23 ára gamall fram-
herji. Ólafur sagði við Morgunblaðið í
gær að leikmennirnir ættu að geta
styrkt lið FH en samningar þeirra við
AGF renna út á árinu.
Ólafur og lærisveinar hans í AGF
halda í viku æfingaferð til Spánar á
morgun þar sem Nielsen og Borgvardt
verða með í för en áætlað er að þeir
komi svo til FH upp úr miðjum mars.
Danir til
reynslu hjá
FH-ingum
RÚNAR Alexandersson sigraði í æfingum
á tvíslá á alþjóðlegu fimleikamóti sem
fram fór á Madeira á Spáni um helgina en
hann fékk 9,15 í einkunn fyrir æfingar sín-
ar. Rúnar keppti til úrslita á þremur
áhöldum, tvíslá, bogahesti og hringjum.
Hann varð annar í æfingum á bogahesti og
fékk 8.625 en náði ekki verðlaunasæti í
hringjum.
Viktor Kristmannsson keppti einnig á
sama móti og fékk 8,55 í einkunn í stökki.
Rúnar fékk
gull á tvíslánni
Ljósmynd/Göran Len
Þórey Edda Elísdóttir í sigurstökki sínu í Malmö, þar sem hún fagnaði sigri á Opna danska
meistaramótinu – stökk 4.30 m. „ÞETTA er ekki spurningin um hvort heldur hvenær, það á
ekki að vera neitt vandamál fyrir mig að stökkva hærra,“ sagði Þórey Edda. Sjá nánar B12.
ÍSLENDINGAR sendu 18 keppndur á al-
þjóðlegt júdómót í Danmörku um s.l.
helgi en mótið nefnist Matsumae Cup og
er haldið á tveggja ára fresti í sam-
vinnu við japanska háskóla. Auk liða frá
Norðurlöndum voru þrjú keppnislið frá
japan mætt til leiks að þessu sinni.
Vernharð Þorleifsson sigraði í 100 kg
flokki og fékk gullverðlaun en bronsið
hlaut Gísli Jón Magnússon sem keppti í
sama flokki.
Bjarni Skúlason fékk brons í -90kg
flokki og Gígja Guðbrandsdóttir fékk
einnig brons á mótinu en hún keppti í
-70kg flokki
Sævar Sigursteinsson er landsliðs-
þjálfari karlaliðsins en Bjarni Frið-
riksson er landsliðsþjálfari kvenna.
Vernharð
Þorleifsson
krækti í gull
Essen vildi gera við Patrek nýj-an samning og eins var hann
með undir höndum tilboð frá
þýska liðinu Grosswallstadt,
ásamt því að Portland San Anton-
io frá Spáni setti sig í samband við
hann en að vel athuguðu máli
ákvað Patrekur að ganga að til-
boði Bidasoa. Þar með verða tveir
íslenskir landsliðsmenn í liði Bida-
soa á næstu leiktíð en fyrir hjá lið-
inu er Heiðmar Felixsson, sem
staðið hefur sig vel á sínu fyrsta
tímabili með liðinu. Lærimeistari
þeirra tveggja hjá KA á árum áð-
ur, Alfreð Gíslason, lék með Bida-
soa við góðan orðstír fyrir rúmum
áratug síðan.
„Ég er geysilega ánægður að
þessi mál skuli vera kominn í höfn.
Það verður gaman að fara í nýtt
lið og ekki síður spennandi að fara
til annars lands. Ég hlakka mikið
til að takast á við þetta verkefni,“
sagði Patrekur við Morgunblaðið í
gærkvöldi en hann hefur gegnt
fyrirliðastöðunni hjá Essen und-
anfarin tvö keppnistímabil.
Bidasoa er í 10. sæti af 16 liðum
en liðið vann um helgina góðan
sigur á hinu geysisterka liði Ciu-
dad Real á útivelli. Lið Bidasoa er
að mestu skipað Spánverjum en
auk Heiðmars leika tveir rúss-
neskir landsliðsmenn með liðinu,
Júrí Nesterov og Oleg Khodov.
Patrekur samdi
við Bidasoa
PATREKUR Jóhannesson, landsliðsmaður í handknattleik,
skrifaði í gær undir tveggja ára samning við spænska 1. deild-
arliðið Bidasoa. Eins og Morgunblaðið greindi frá fyrir
skömmu ákvað Patrekur að segja skilið við Essen og yfirgefur
hann liðið í vor eftir sex ára dvöl hjá félaginu.
ÁHAFNARHÁTÍÐ ísfisktogarans
Páls Pálssonar ÍS var haldin á Ísa-
firði sl. laugardag í tilefni þess að
þrjátíu ár eru liðin frá því að skipið
kom nýsmíðað til Ísafjarðar. Um
100 manns, núverandi og fyrrver-
andi skipverjar á togaranum, ásamt
mökum, tóku þátt í hátíðar-
höldunum.
Páll Pálsson ÍS var smíðaður í
Japan en kom til Ísafjarðar í fyrsta
sinn hinn 21. febrúar árið 1973. Síð-
an hefur skipið borið að landi hvorki
meira né minna en 140 þúsund tonn
af fiski, miðað við óslægðan afla, eða
um 4.200 tonn að meðaltali á ári.
Verðmæti aflans, miðað við meðal-
verð sem fékkst fyrir afla Páls árið
2002, er tæplega 14 milljarðar króna
eða um 462 milljónir á ári að með-
altali.
Guðmundur Óli Lyngmo var skip-
verji á Páli Pálssyni ÍS frá árinu
1973 til 1994, þar af vélstjóri frá
árinu 1976. Hann stóð að undirbún-
ingi hátíðarinnar ásamt fleirum og
segir að fólk hafi gert sér margt til
skemmtunar.
Ýmislegt skráð í Ugluspegil
„Meðal annars fóru fyrrverandi
skipverjar um borð í Pál og skoðuðu
þær breytingar sem gerðar hafa
verið á skipinu. Síðan var slegið upp
veislu á Hótel Ísafirði þar sem rakin
var saga skipsins og rekstur þess og
afkoma á þessum þrjátíu árum. Eins
voru rifjuð upp skemmtileg atvik af
sjónum en frá því að skipið kom
fyrst til Ísafjarðar, allt fram til árs-
ins 1990, var í borðsalnum dagbók
sem kölluð var Ugluspegill. Þar
skráðu skipverjar ýmsa atburði sem
upp komu í daglegu amstri um
borð.“ Guðmundur Óli segir margar
„Pálssögur“ hafa fengið að fjúka um
helgina, fæstar prenthæfar. Hann
féllst þó á að láta eina flakka. „Lengi
vel var um borð í Páli stór og mikil
sleggja sem menn notuðu jafnan til
að berja út beyglur eða laga hlera.
Einhverju sinni var ónefndur skip-
verji að laga hlera og lá mikið á.
Þegar hann var búinn að slá boltann
í hlerann, grýtti hann sleggjunni frá
sér en sendi hana í hamaganginum
yfir lunningu og hún hefur ekki sést
síðan. Það er talað um það um borð
að hún sé enn á sporbaug.“
Þrír skipstjórar frá upphafi
Guðmundur Óli segir sögu skips-
ins merkilega fyrir margra hluta
sakir. Skipið hafi alla tíð aflað hrá-
efnis til vinnslu í hraðfrystihúsinu í
Hnífsdal. Miðfell hf., dótturfélag
Hraðfrystihússins hf. í Hnífsdal, lét
smíða Pál Pálsson ÍS en eftir sam-
runa sjávarútvegsfyrirtækja við
Djúp sé það nú Hraðfrystihúsið –
Gunnvör hf. í Hnífsdal sem geri
skipið út. Þá hafi aðeins þrír skip-
stjórar verið um borð í Páli Pálssyni
frá upphafi. „Guðjón Arnar Krist-
jánsson, alþingismaður, sótti skipið
til Japans og var skipstjóri í tæp
tuttugu ár eða fram til 1992. Þá hafa
þeir verið skipstjórar þeir Kristján
heitinn Jóakimsson frá árinu 1992 til
1995 og núverandi skipstjóri, Páll
Halldórsson. Það segir kannski
margt um hversu gott er að vera um
borð í Páli.
Skipið fór að minnsta kosti vel
með mig en ég ætlaði aldrei að vera
lengur um borð en mánuð, í mesta
lagi eitt sumar. Ég fór hinsvegar
ekki í land fyrr en eftir 20 ár.“
Morgunblaðið/Halldór SveinbjörnsÁhöfnin á Páli Pálssyni síðustu 30 árin. Skipið hefur á 30 árum lagt upp alls 140 þúsund tonn af fiski.
Sleggjan er enn á sporbaug
„Pálssögur“ sagðar á 30 ára áhafnar-
hátíð Páls Pálssonar ÍS á Ísafirði