Morgunblaðið - 25.02.2003, Blaðsíða 4

FRÉTTIR
4 ÞRIÐJUDAGUR 25. FEBRÚAR 2003 MORGUNBLAÐIÐ
DAVÍÐ Oddsson forsætisráðherra
gagnrýndi bónusgeiðslur til for-
stjóra Kaupþings í viðtali við Ingva
Hrafn Jónsson í þættinum Hrafna-
þing á Útvarpi Sögu í gær. Davíð
sagði að menn ættu ekki að komast
upp með það að borga forstjórum í
fyrirtækjum hér á landi 70 milljónir
kr. á ári.
„Það verður að vera eitthvert hóf
í þessu öllu saman því þetta skapar
undarlegar tilfinningar. Það er ekki
bara það að bankinn þurfi að græða
og það sé gott að bankinn græði og
starfi vel. Hann þarf að sjá vel um
sína hluti aðra þannig að allir þeir
sem eru að ávaxta sitt fé, sem er
lykillinn að velgengni banka og
sjóða, séu líka ánægðir. Mér fannst
þetta nú óþarfi mikill, óhóf mikið að
greiða svona mánaðarlaun, sex
milljónir á mánuði til þessa ágæta
forstjóra,“ sagði Davíð.
Forsætisráðherra sagði einnig að
í öðrum löndum væru óhófsgreiðslur
til forstjóra fyrirtækja mun meira
gagnrýndar en áður hefði verið.
„Það var svona forstjóraæði á tíma-
bili. Þetta er svolítið að ganga til
baka því mönnum hefur blöskrað
meira að segja þar (í Bandaríkjun-
um – innsk. Mbl.) og þá eigum við
nú ekki að fara að ganga þessa götu.
Það er sjálfsagt að borga launa-
mönnum vel en sex milljónir á mán-
uði, það er að minnsta kosti afar vel
í lagt að mínu viti,“ sagði Davíð.
Upphæðirnar
koma mjög á óvart
Davíð að sér hefði komið mjög á
óvart um hversu háar fjárhæðir
væri að ræða í skýrslu skattrann-
sóknarstjóra um rannsókn á skatt-
skilum Jóns Ólafssonar.
Í þættinum var Davíð spurður um
birtingu Morgunblaðsins á skýrslu
skattrannsóknarstjóra. „Það er
merkilegur leiðari í Morgunblaðinu í
dag [í gær], því að í framhaldi af
þessum hálfkveðnu vísum og
kannski dylgjum, sem talsmaður
Samfylkingarinnar var með í Borg-
arnesi, þá kemur Lúðvík Berg-
vinsson og segir, það er skrýtin til-
viljun ef þessar upplýsingar eru allt
í einu birtar viku eftir að talsmann-
inum verður það á að halda þessa,
ég vil segja vitlausu ræðu sem
þarna var haldin. Og Mogginn spyr;
bíddu, voru Davíð Oddsson og Jón
Ólafsson í samstarfi um að birta
þessar tölur til að koma talsmanni
Samfylkingarinnar í bobba, sem hún
reyndar kom sér í sjálf. Menn sjá
delluna og vitleysuna sem veður
uppi þegar slíku er haldið fram,“
sagði Davíð.
„Ég skil málið þannig að Jón
Ólafsson hafi viljað birta þetta til að
koma sínum sjónarmiðum að, því
auðvitað vissi hann að það yrði mikil
sprengja þegar þetta yrði birt. Ein-
hvern tíma hlaut þetta að verða birt
og hann semur um það bersýnilega
við Morgunblaðið, án þess að mér sé
kunnugt um hvernig það gerist. Það
bara lýsir sér sjálft að hann fái að
koma sínum hlutum að um leið og
þetta er birt og það er hann sem
ákveður þessa birtingu,“ sagði Dav-
íð.
Eins og rauð dula framan í
skattyfirvöld ár eftir ár
„Það kom mér jafnmikið á óvart
þegar ég frétti til útlanda að þessi
birting hefði átt sér stað, en ég var
staddur þar þá. Auðvitað hafði ég
verið sannfærður um að þessi ágæti
maður lifði ekki á 35 eða 40 þúsund
krónum á mánuði, eins og hann gaf
upp hér, og var með eins og rauða
dulu ár eftir ár framan í skattyfir-
völd. Og kannski getur maður undr-
að sig á því að þau skuli ekki hafa
gert neitt í málinu fyrr, því það lifir
enginn í mörgum íbúðum og
helekopterum með 40 þúsund krón-
ur á mánuði. Þannig að það er verið
að ögra skattyfirvöldum bersýni-
lega, en mér datt nú ekki í hug að
þetta væru slíkar upphæðir sem um
væri að tefla, því þetta er náttúrlega
langmesta skattsvikamál sem upp
hefur komið í sögu þjóðfélagsins, og
hlutfallslega kannski í sögu Norð-
urlanda eða Evrópu ef við tökum
stærðina, ef að þetta er svona. En
við skulum gá að því að þetta er
ennþá bara skýrsla sem skattrann-
sóknarstjóri hefur sent Jóni Ólafs-
syni og Jón Ólafsson hefur síðan
sett fram sín svör, sínar skýringar
og þess háttar (...) Svo á skattrann-
sóknarstjóri náttúrlega eftir að fara
í gegnum þessi andmæli þannig að
við þurfum aðeins að vara okkur á
því að tala um 3,2 milljarða,“ sagði
Davíð.
Forsætisráðherra gagnrýnir bónusgreiðslur forstjóra Kaupþings
Mikill óþarfi og óhóf
GEIR H. Haarde fjármálaráðherra
segir að fjármálaráðuneytið sé að
skoða hvernig megi betrumbæta
skattalöggjöfina og tryggja þannig
betri skattskil. Meðal þess sem er í
skoðun er að setja reglur um starf-
semi erlendra eignarhaldsfélaga í
eigu íslenskra aðila, svokallaða
CFC-löggjöf (Controled Foreign
Company).
„Það virðist vera eitthvað um
skattasniðgöngu í gegnum félög af
þessu tagi. Ráðuneytið er að fara
yfir það með hvaða hætti sé hægt
að bregðast við því og hefur verið
að því um nokkurt skeið. Hér er
líka að störfum sérstök nefnd um
skattsvik samkvæmt ákvörðun Al-
þingis sem m.a. er að líta á þessa
þætti. Hins vegar ber að taka það
fram að svona hlutir eru ekki mjög
gamlir hérlendis því frelsi í fjár-
magnsflutningum er frekar nýtt,
skattalögin hafa ekki verið löguð að
þeim breytingum,“ segir Geir.
Geir segir að það verði að koma í
ljós hvort frumvarp til laga um
breytingu á skattalögum komi til
kasta Alþingis á næstunni. „Þessar
CFC-reglur eru víða til í löndum
OECD en eru ekki við lýði alls stað-
ar. Þær hafa komið við sögu í okkar
nýjustu tvísköttunarsamningum,
þannig að það kemur vel til greina
að huga að því,“ segir Geir.
„Menn hafa ekki skynjað þetta
sem sérstakt vandamál, en í kjölfar
aukins frelsis í fjármagnsflutning-
um virðist að einhverjir menn hafi
séð sér hag í því að koma tekjum
undan skatti með þessum hætti, það
er ekki eðlilegt og þarf þess vegna
að bregðast við því. Þetta er eitt af
því sem menn eru að skoða ásamt
öðrum lögum til að betrumbæta
skattalögin og tryggja betri skatt-
skil,“ segir Geir.
Ráðherra bendir á ráðuneytið sé
að skoða fleiri leiðir sem notaðar
séu til að skjóta sér undan skatti,
sem CFC-löggjöf myndi ekki ná ut-
an um. Því þurfi að breyta skatta-
lögum á breiðari grundvelli. „Stund-
um er það ekki þannig að það vanti
reglur, stundum er það þannig að
menn fari ekki eftir þeim. Við erum
að reyna að kortleggja allt sviðið,“
segir Geir.
Ráðuneytið
skoðar leiðir
til að tryggja
betri skattskil
VEGNA þungrar öldu varð björgunarteymið, sem
vinnur að því að koma Guðrúnu Gísladóttur KE-15
upp á þurrt land, að hverfa frá tilraun sem gerð
var á föstudag til að sökkva tönkum, sem notaðir
verða við björgunina, niður til skipsins. Guðrún
sökk við strendur Norður-Noregs í júní síðast-
liðnum eftir að hafa steytt á skeri og liggur nú á 40
metra dýpi.
Ásgeir Logi Ásgeirsson, sem er í forsvari fyrir
aðgerðirnar, segir að síðustu daga hafi kafarar
gengið frá festingum á skipinu, ásamt því að ljúka
við að þétta öll útloftunarrör frá olíutönkum skips-
ins, þannig að olía leiki ekki úr skipinu þegar því
verður snúið við og síðan lyft upp á yfirborð sjáv-
ar. Ásgeir segir veðurfar ekki hafa verið nógu hag-
stætt síðustu daga til að hægt sé að sökkva tönk-
ununum niður að skipinu, en lítið vanti upp á til að
hægt sé að hefja þann hluta verksins.
Alls verða átta tankar notaðir við björgunina,
þeir þyngstu vega 25 tonn, eru um fjögurra metra
breiðir og 24 metrar á lengd. Tankarnir verða
fylltir af sjó og þeim síðan sökkt niður til Guð-
rúnar og festir við skipið. Þá verður sjónum dælt
úr þeim og þannig munu þeir lyftast upp af hafs-
botni og taka skipið með sér.
„Við bíðum nú betri verðurskilyrða til að geta
komist í að sökkva tönkunum. Á meðan er gert
klárt niðri við skipið til að dæla lofti í þá tanka
skipsins sem notaðir verða við að fá það til að fljóta
upp,“ segir Ásgeir.
Ljósmynd/Ásgeir Logi Ásgeirsson
Fyrsti tankurinn gerður klár í höfninni í Ball-
stad, sem er næsta höfn við strandstað Guð-
rúnar, áður en hann var dreginn á strandstað
þegar tilraunin var gerð á föstudag.
Bíða betri veðurskilyrða
til að geta sökkt tönkunum
„VIÐ erum í sjöunda himni yfir
árangrinum hjá stráknum og er-
um auðvitað öll mjög stolt af hon-
um,“ sagði Höskuldur Þráinsson,
prófessor í íslensku, um árangur
sonar síns, Steinars, en hann vann
til tvennra Grammy-verðlauna að-
faranótt mánudagsins fyrir hljóð-
upptökustjórn við plötu blús-
söngkonunnar Noruh Jones, Come
Away With Me.
„Við fylgjumst alltaf vel með því
sem hann er að gera, bæði tölum
við oft við hann í síma og svo með
því að skoða heimasíðuna hans.“
Höskuldur segir að hann hafi
því miður ekki getað fylgst með
hátíðinni í sjónvarpinu en Steinar
hafi hringt heim í fjölskylduna
meðan hún fór fram og sagt þeim
jafnóðum frá því sem var að ger-
ast. „Svo við vorum eiginlega að
fylgjast með þessu í beinni útsend-
ingu,“ segir Höskuldur hlæjandi.
Hann segir verðlaunin hafa
komið öllum skemmtilega á óvart.
„Við heyrðum reyndar um tilnefn-
ingarnar fyrst í útvarpinu,“ út-
skýrir Höskuldur.
Hann segir að hann og eigin-
konan, Sigrún Magnúsdóttir, hafi
haldið upp á árangur sonarins
ásamt systrum hans Margréti
Láru og Guðrúnu Þuríði með því
að fá sér sérstaklega góðan kvöld-
mat.
Morgunblaðið/Kristinn
„Erum í sjöunda himni“
STARFSMENN við kennslu í
grunnskólum landsins voru tæp-
lega 4.700 í október 2002, sam-
kvæmt upplýsingum frá Hagstofu
Íslands. Kennurum með kennslu-
réttindi hafði þá fjölgað um 180,
eða um 5% frá haustinu 2001, en
kennurum án kennsluréttinda
hafði fjölgað um 26, eða um 2,9%,
frá haustinu 2001. Kennurum með
kennsluréttindi fjölgaði því hlut-
fallslega meira en réttindalausum
kennurum. „Starfsfólki við kennslu
hefur fjölgað ár frá ári undanfarin
ár enda hefur grunnskólanemend-
um fjölgað og einsetning skóla
staðið yfir,“ segir í frétt frá Hag-
stofu Íslands.
Í fréttinni kemur fram að alls
3.766 kennarar í grunnskólum
landsins séu með kennsluréttindi
en það er rúmlega 80% þeirra sem
starfa við kennslu í grunnskólun-
um.
Alls 47% þeirra kennara sem eru
án kennsluréttinda hafa lokið námi
á háskólastigi, en 13% hafa lokið
námi á grunnskólastigi. Kennarar
án kennsluréttinda utan höfuð-
borgarsvæðisins hafa minni
menntun en réttindalausir kenn-
arar á höfuðborgarsvæðinu.
Kennur-
um með
kennslu-
réttindi
fjölgar
TVEIR menn frá Afganistan hafa
leitað hælis á Íslandi en þeir komu til
landsins á föstudag. Þeir fá nú hæl-
ismeðferð hjá Útlendingastofnun.
Samkvæmt upplýsingum Jóhanns
Benediktssonar, sýslumanns á
Keflavíkurflugvelli, þótti framburð-
ur þeirra ekki standast að hluta við
komuna til landsins. Því var málið
tekið til sérstakrar skoðunar en þeir
fá nú hælismeðferð.
Tveir Afgan-
ar leita hælis
♦ ♦ ♦