Morgunblaðið - 25.02.2003, Blaðsíða 6

FRÉTTIR
6 ÞRIÐJUDAGUR 25. FEBRÚAR 2003 MORGUNBLAÐIÐ
GEIR H. Haarde fjármálaráðherra telur ekki
knýjandi þörf á formlegu samstarfi af því tagi
sem Gylfi Arnbjörnsson, framkvæmdastjóri Al-
þýðusambands Íslands, sagði nauðsynlegt að
efna til í ræðu sem hann flutti á fundi Samtaka
atvinnulífsins á föstudag. Sagði Gylfi að stjórn-
völd, Seðlabanki Íslands og aðilar vinnumark-
aðarins þyrftu að koma á formlegu samstarfi til
að samræma viðbrögð hagstjórnar.
„Þessir aðilar eru mjög mikið að tala saman.
Aðilar vinnumarkaðarins eru mikið á fundum
hér í ráðuneytum og ég veit að þeir hafa fundað
með Seðlabankanum. Svo funda ráðuneytin og
bankinn eftir atvikum. Hvort það á að formbinda
það eitthvað meira, það tel ég kannski ekki aðal-
atriðið. Það er hægt að ná árangri í þessum efn-
um án þess,“ segir Geir.
Hann bendir á að Alþýðusambandið hafi verið
að byggja upp mjög öfluga fjárdeild fyrir ríflegt
framlag af fjárlögum. „Ég tel að þeir hafi ekki
verið í vandræðum með að koma sínum sjón-
armiðum á framfæri. Alls ekki. Alþýðusamband-
ið er oft á fundum bæði með forsætisráðherra og
öðrum ráðherrum, eða hér í ráðuneytinu á fund-
um með mér um ýmis mál. Það má ekki gleyma
því hvernig ábyrgðar- og verkaskiptingin er í
rauninni, ég tel að þeir geti ekki gert kröfu til
þess að fá að stjórna ferðinni þó að þeir gegni
mikilvægu hlutverki hér sem aðilar vinnumark-
aðarins og hafi sýnt mikla ábyrgð á undanförn-
um árum,“ segir Geir.
SA styður hugmynd Geirs
Hannes G. Sigurðsson, aðstoðarframkvæmda-
stjóri Samtaka atvinnulífsins, segist styðja hug-
mynd Gylfa heilshugar. Mikilvægt sé að menn
beri saman bækur sínar því það liggi í sjálfu sér
ekki fyrir einhverjar einfaldar lausnir í því
flókna viðfangsefni að auka stöðugleika krón-
unnar. „Okkur finnst öllum að það skorti aðeins
upp á að það sé samræming á milli afstöðu og
aðgerða stjórnvalda annars vegar og yfirvalda
peningamála í Seðlabankanum hins vegar. Það
er útaf fyrir sig mikilvægt að fá skýrar línur í
það. Ég held að menn verði að koma saman og
fjalla um það hvort hægt sé að bæta úr ástand-
inu og minnka þessar miklu sveiflur bæði niður á
við og upp á við. Það hlýtur að vera mjög brýnt
viðfangsefni og það er það sem Gylfi var að
stinga upp á,“ segir Hannes. „Nú eru menn bún-
ir að tjá sig um þennan vanda hver fyrir sig og
ég held að eðlilegur farvegur fyrir þessar mis-
munandi áherslur sem hafa komið fram sé að
þessir aðilar komi sameiginlega að umræðuvett-
vangi og reyni að sameinast um sýn í þessu máli
og þá vonandi einhverjar tillögur sem að gagni
koma,“ segir Hannes.
Hugmyndir um samstarf stjórnvalda og vinnumarkaðar um hagstjórn
Fjármálaráðherra telur ekki
þörf á formlegu samstarfi
JAPANSKUR ferðamaður, Kazuya
Sakakihara, sem er búsettur í Tók-
ýó kom til Grímseyjar á dögunum,
ekki í þeim tilgangi eins og svo
margir að komast yfir heimskauts-
bauginn. Nei, Kazuya kom aðallega
til að sjá sundlaugina í Grímsey.
Kazuysa ætlar að ferðast um Ís-
land í heilan mánuð og skoða eins
margar sundlaugar á leið sinni og
hann getur. Hann sagði að á einni
viku hefði hann náð að heimsækja
16 sundstaði!
Kazuysa sagðist heillaður af ís-
lenskum sundstöðum. Honum finnst
stórmerkilegt að flest öll þorp og
bæir landsins skuli hafa yfir sund-
laug að ráða fyrir íbúa sína. Sem
lítill drengur sagðist hann hafa séð
sjónvarpsþátt frá Íslandi og ákvað
þá strax að einn góðan veðurdag
myndi hann heimsækja Ísland og
skoða eldfjöll, hveri og laugar. Það
er líka annar hlutur sem Kazuysa
finnst næstum jafn merkilegur og
sundlaugarnar en það eru öll bóka-
söfnin vítt og breitt um landið.
Hann notaði því tækifærið og skoð-
aði Eyjabókasafnið í Grímsey.
Hann hafði heyrt um dr. Daníel
Willard Fiske, velgjörðarmann
Grímseyinga og hans mikla skák-
áhuga.
Draumur litla japanska drengs-
ins rættist því eftir 20 tíma flug
milli Japans og Íslands!
Japani kom að
skoða sundlaugina
Morgunblaðið/Helga Mattína
Kazuya Sakakihara, sem búsettur er í Tókýó, við sundlaugina í Grímsey.
Grímsey. Morgunblaðið.
STARFSMENN Klofnings ehf. á Suðureyri við Súgandafjörð unnu á dög-
unum við að hengja upp þorskhausa á Hvilftarströnd í Önundarfirði en ör-
lög hausanna er að enda í maga Nígeríumanna sem kunna vel að meta þá.
Stærstur hluti framleiðslunnar er þurrkaður í þar til gerðum skápum en þó
er alltaf nokkur hluti hertur úti. Hausarnir eru hengdir út allt frá því sept-
ember og fram í maí og hafa bændur innan úr firði hengt upp um 230–240
tonn fyrir Klofning það sem af er vetrar. Þurrkur og kuldi er bestur við
herðinguna en hlýindi og úrkoma eru síðri.
Morgunblaðið/Halldór Sveinbjörns
Herða þorskhausa allan veturinn
Sjálfstæðisflokkurinn og Sam-
fylkingin missa fylgi en Fram-
sóknarflokkurinn og Frjáls-
lyndi flokkurinn auka fylgi sitt
samkvæmt fylgiskönnun
Fréttablaðsins, sem birt var í
gær. Könnunin var gerð sl.
laugardag.
Fylgi Vinstrihreyfingarinnar
– græns framboðs (VG) stend-
ur í stað miðað við síðustu
könnun blaðsins og mælist
7,9%. Samkvæmt könnuninni
hefur fylgi Framsóknarflokks-
ins aukist úr 11,3% í 14,3% frá
könnun sem blaðið gerði fyrir
viku. Fylgi Sjálfstæðisflokksins
hefur hins vegar minnkað um
3% og er nú 36,2%. Fylgi Sam-
fylkingarinnar minnkar einnig
og er nú 38,7% en í síðustu viku
var það 40% samkvæmt könn-
un blaðsins. Þá eykst fylgi
Frjálslynda flokksins á milli
kannana úr 1,8% í 3%.
Könnun Fréttablaðsins var
gerð sl. laugardag. Hringt var í
600 manns af landinu öllu.
32,3% neituðu að svara, sögð-
ust ekki kjósa eða voru
óákveðnir.
Könnun
Fréttablaðsins
Framsókn-
arflokkur
bætir
við sig
LANDSVIRKJUN hefur óskað eftir
tilboðum í byggingu stöðvarhúss
Kárahnjúkavirkjunar í Fljótsdal.
Tilboðunum skal skila fyrir hádegi
mánudaginn 19. maí nk. og verða þau
opnuð þann dag.
Um opið útboð er að ræða og er
um að ræða eitt af stærstu verkefn-
unum við virkjanaframkvæmdirnar
sem boðið er út, skv. upplýsingum
Þorsteins Hilmarssonar, upplýs-
ingafulltrúa Landsvirkjunar.
Verklok í nóvember 2007
Verður stöðvarhúsið neðanjarðar
og skal verktaki grafa aðkomugöng
(7,5 x 7,2 metra), strengjagöng (4,0 x
4,0 metra), stöðvarhúshelli (115 x 14
x 34 metra), spennahelli (103 x 13,5 x
16 metra) og tvenn fallgöng (3,5
metra í þvermál og 410 metra löng)
ásamt frárennslisgöngum (9 x 9
metrar). Skal verktaki síðan steypa
upp stöðvarhúsið og tilheyrandi
mannvirki og ganga frá þeim. Eru
verklok áætluð 1. nóvember 2007.
Kárahnjúkavirkjun
Stöðvarhús
og neðan-
jarðarvirki
boðin út
ALLS 1.266 nemendur í grunnskól-
um landsins hafa annað móðurmál
en íslensku, skv. upplýsingum frá
Hagstofu Íslands. Það þýðir m.ö.o.
að 2,8% grunnskólanemenda hafa
annað móðurmál en íslensku. Flest
þessara barna hafa pólsku að móð-
urmáli eða alls 182. Enskan hefur
hins vegar verið algengasta erlenda
móðurmálið fram til þessa.
Alls 177 nemendur hafa ensku
sem móðurmál, 107 börn hafa filipp-
eysku sem móðurmál og 105 börn
hafa taílensku sem móðurmál, svo
dæmi séu nefnd.
Um 70% þeirra grunnskólabarna
sem hafa annað móðurmál en ís-
lensku búa utan höfuðborgarsvæðis-
ins.
Pólska
algengasta
tungumálið