Morgunblaðið - 25.02.2003, Blaðsíða 21

LANDIÐ
MORGUNBLAÐIÐ ÞRIÐJUDAGUR 25. FEBRÚAR 2003 21
FEBRÚARMÁNUÐUR hefur verið
einstaklega vindasamur og hvert
hvassviðrið rekið annað. Göngu-
klúbburinn á Þórshöfn og nágrenni
hélt sínu striki þrátt fyrir strekk-
ingsvind og ákvað að heimsækja
eyðibýlið Kumblavík sem er á aust-
anverðu Langanesinu.
Farið var á jeppum að eyðibýlinu
Hrolllaugsstöðum en þangað var
ágætt jeppafæri þótt leiðindahlið-
arhalli væri á hjarninu þegar ekið
var yfir Heiðarfjall.
Frá Hrolllaugsstöðum var gengið
af stað yfir í Kumblavík og gekk
greitt því göngufólk fékk meðvind
á þeirri leið sem er um 3 kílómetr-
ar. Kumblavík fór í eyði árið 1946
en jörðin var kostarýr; landið grýtt
og erfitt til ræktunar. Þarna er góð-
ur reki eins og víðast hvar á Langa-
nesi en vegna hárra sjávarbakka
hefur ekki verið auðvelt að bjarga
timbri. Bærinn var byggður mjög
framarlega á bakkanum og þætti
líklega ekki öruggt bæjarstæði í
dag; þó er ekki vitað um að nein slys
hafi orðið þarna á fólki eða að börn
hafi farið fram af þessum háu bökk-
um rétt við bæjardyrnar. Landbún-
aður og fiskveiðar voru lifibrauð
Kumblavíkurbænda í gegnum tíð-
ina en hafnleysa hefur þó löngum
háð útvegsbændum á Langanesi.
Hvílst var nokkra stund í
Kumblavík og fylgst þar með fálka
á flugi en sá fugl sést víða á Langa-
nesinu og keppir grimmt við mann-
inn um rjúpuna.
Mjög gott er að ganga um Langa-
nesið og framundan er það verkefni
að merkja þar gönguleiðir, þó að
ekkert jafnist á við það að ganga
um með kunnugum sem þekkir alla
sögu, eyðibýli og örnefni. Langnes-
ingurinn Óli Ægir Þorsteinsson er
flestum kunnugri á þessum slóðum
og félagar hans í gönguklúbbnum
komu ekki að tómum kofunum þar.
Eftir að hafa gleymt sér stundar-
korn í gamla tímanum í Kumblavík
lá leiðin aftur að Hrolllaugsstöðum
en nú í mótvindi og særoki svo
bakaleiðin varð heldur seinfarnari
en ákaflega hressandi.
Morgunblaðið/Líney Sigurðardóttir
Hvílst í skjóli við Kumblavíkurbæ og gamlar sagnir rifjaðar upp.
Langanesganga í særoki
Þórshöfn
HÉRAÐSMÓT HSÞ í frjálsum
íþróttum, innanhúss, fór fram í
Íþróttahöllinni á Húsavík fyrir
skömmu. Þar tóku þátt um hundrað
keppendur frá níu aðildarfélögum
HSÞ og tókst mótið mjög vel í alla
staði.
Bestum árangri mótsins náði
Sigrún Björg Aðalgeirsdóttir,
Völsungi, er hún setti héraðsmet í
800 metra hlaupi í flokki 13 ára
telpna. Sigrún Björg hljóp 800
metrana á 2.55,80 sekúndum og
bætti þar með met Völu Drafnar
Björnsdóttur um tæpar 5 sekúndur.
Ungmennafélagið Efling úr
Reykjadal bar sigur úr býtum í
stigakeppni félaga með þó nokkr-
um yfirburðum. Efling hlaut 406
stig sem tryggðu þeim sigur sjö-
unda árið í röð, í öðru sæti urðu
Völsungar með 305,5 stig og í
þriðja sæti Ungmennafélagið Ein-
ingin úr Bárðardal með 163,5 stig.
Morgunblaðið/Hafþór Hreiðarsson
Sigrún Björg Aðalgeirsdóttir,
frjálsíþróttamaður Húsavíkur 16
ára og yngri árið 2002, náði bestum
árangri á héraðsmóti HSÞ innan-
húss í frjálsum íþróttum.
Sigrún Björg
með bestan
árangur
Húsavík ÞAÐ voru fjölmargir sem
lögðu leið sína í félagsheim-
ilið í Ólafsvík þegar trú-
félagið Krossinn kom þang-
að ásamt fríðu föruneyti.
Var mikil gleði og ham-
ingja sem áhorfendur urðu
vitni að er tónlistarhópurinn
GIG var með gospeltónleika,
sem vöktu mikla hrifningu,
voru áhorfendur greinileg
djúpt snortnir yfir fallegri
músík og mikilli innlifun
hópsins er söng fjölmörg
lög.
Gunnar Þorsteinsson pre-
dikaði, og einnig komu fram
tveir ungir menn sem lýstu
baráttu sinni við fíkniefna-
drauginn og áfengisneyslu
sína, en þeir hafa losnað úr
viðjum þessara efna með að-
stoð guðs.
Í lok samkomunnar gafst
gestum tækifæri á koma
fram til fyrirbæna, og taka á
móti Jesú Kristi inn í sitt líf.
Morgunblaðið/Alfons Finnsson
Krossinn
með gosp-
eltónleika
Ólafsvík
MÁNAÐARLÖNGU enskunám-
skeiði sem haldið var í Ólafsfirði er
nýlokið. Nemendur voru 62 og voru
þeir frá flestir Ólafsfirði eða rúm-
lega 50, en aðrir frá Dalvíkurbyggð.
Konur voru í miklum meirihluta.
Yngsti nemandinn er fæddur 1984
en sá elsti árið 1924 og var því ná-
kvæmlega sextíu ára aldursmunur á
þeim.
Nemendum var skipt í sjö hópa
eftir getu, en áður en námskeiðið
hófst fóru allir í viðtal þar sem
kunnátta var metin. Var námskeiðið
haldið á vegum Enskuskólans í
Reykjavík.
Það var eiginlega tilviljun að
námskeið þetta var haldið í Ólafs-
firði, en það var fyrir tilstilli Ólafar
Garðarsdóttur að sú varð raunin.
Hana langaði sjálfa á slíkt nám-
skeið, sá það auglýst á Akureyri, en
vildi helst af öllu fá það heim í
Ólafsfjörð. Eftir að hafa talað við
Enskuskólann varð þetta niðurstað-
an og kennari að nafni Susannah
Hand, sem hafði dvalið um eins árs
skeið í Reykjavík, og síðar á Ak-
ureyri, fékkst til að koma til Ólafs-
fjarðar.
Hún hafði ætlað sér alla leið aust-
ur á Egilsstaði, en kom hingað frek-
ar. Hér líkaði henni afskaplega vel
og fannst notalegt að dvelja í litlum
firði. Hún fór meira að segja á
þorrablót Kvenfélagsins og smakk-
aði á íslenskum mat; ekki líkaði
henni allt sem var á matseðlinum,
fannst sumt gott en annað hræði-
legt, eins og hún orðaði það. Leið
hún þó ekkert hungur meðan á
dvölinni stóð.
Susannah Hand er mannfræðing-
ur að mennt en er frá New York í
Bandaríkjunum. Hún kom til lands-
ins 9. september 2001. Aðeins tveim
dögum síðar dundu ósköpin yfir í
New York þegar hryðjuverkamenn
flugu á turnana tvo. Faðir Susann-
ah er slökkviliðsmaður í New York
og óttaðist hún um líf hans. En síð-
ar kom í ljós að hann slapp ómeidd-
ur.
Susannah dvaldi í Reykjavík í eitt
ár en kenndi einnig á Selfossi og
Akureyri. Hún er búin að gera víð-
reist, hefur m.a. kennt í Ekvador og
Taílandi, og talar auk þess spænsku
reiprennandi.
„Þetta tókst bara hreint ágætlega
og ég er mjög ánægð,“ sagði Ólöf
Garðarsdóttir. „Það tókst að halda
hér námskeið, sem var aðalmark-
miðið, og ég veit ekki betur en að
fjöldi manns hafi hætt við á síðustu
stundu, svo það er góður grundvöll-
ur til að halda fleiri námskeið.
Við héldum upp á námskeiðslok á
Glaumbæ, slógum þar upp eins kon-
ar ensku partíi og það var voðalega
gaman. Við nemendurnir gáfum
Susannah þríkross og þótti henni
afar vænt um þá gjöf, sagði hún að
krossinn myndi minna hana alla tíð
á Ísland. Ég held líka að hún hafi
tekið sérstöku ástfóstri við landið
og ekki síður við þennan litla fjörð,
Ólafsfjörð. Hún fékk líka að prófa
ýmislegt í fyrsta sinn á ævinni, til
að mynda fór ég með hana á vél-
sleða upp á toppinn á Ósbrekku-
fjalli.“
Vel heppnað ensku-
námskeið í Ólafsfirði
Morgunblaðið/Helgi Jónsson
Frá vinstri: Susannah Hand, enskukennari frá New York, Ólöf Garðars-
dóttir, Jóna Berg, Brynja Júlíusdóttir, Klara Arnbjörnsdóttir, Jörgína
Ólafsdóttir, Gunnlaug Kristjánsdóttir og Una Matthildur Eggertsdóttir,
sem var reyndar yngsti nemandinn á námskeiðinu.
Ólafsfjörður
Sendum grænmetismat
í hádeginu
til fyrirtækja
Sími 552 2028 fyrir hádegi
RAFMÓTORAR
ALLAR GERÐIR OG STÆRÐIR
w
w
w
.d
es
ig
n.
is
©
20
02 Skeifunni 2
108 Reykjavík
Sími 530 5900
www.poulsen.is
Bikiní - BCD skálar
Sundbolir
Strandpils
COS
Undirfataverslun • Glæsibæ • S: 588 5575
BANDALAG ÍSLENSKRA LEIKFÉLAGA
Vantar þig gervi
fyrir grímuballið?
Hárkollur • Trúðanef • Gervinef • Tannlakk
Gerviskegg • Gerviaugnhár • Lithársprey
Leikhúsfarði • Gervitennur • Gervieyru
Gerviskallar • Gerviblóð • Gervihor
Sendum í póstkröfu!
Laugavegi 96 • www.leiklist.is • 551 6974
Moggabúðin
Íþróttataska, aðeins 2.400 kr.