Morgunblaðið - 25.02.2003, Blaðsíða 25
UMRÆÐAN
MORGUNBLAÐIÐ ÞRIÐJUDAGUR 25. FEBRÚAR 2003 25
KOSNINGAR til Stúdentaráðs
Háskóla Íslands og háskólafundar
fara fram 26. og 27. febrúar næst-
komandi. Framboðin hafa borið
fram stefnumál sín og lagt þau í dóm
kjósenda. Vaka leggur sérstaka
áherslu á kennslumálin enda eru þau
sú stoð sem öll önnur hagsmunabar-
átta byggist á. Vaka vill aukið sam-
starf kennara og nemenda með það
að leiðarljósi að nemendur fái bestu
mögulega menntun. Að auki er mik-
ilvægt að kennarar fái fullnægjandi
aðbúnað og aðstöðu til að gera þeim
kleift að bjóða nemendum upp á
fyrsta flokks kennslu.
Ekki bara orðin tóm
Þegar Vaka tók við meirihlutanum
í Stúdentaráði í vor var ákveðið að
gera átak í þessum málaflokki. Stúd-
entaráð stóð að opnun gagnasafns
gamalla prófverkefni sem nýtist
nemendum vel við próflestur. 21
stúdent skannaði inn 3.000 próf á 150
vinnustundum. Markmið Vöku er að
efla prófasafnið á næstu árum og
þrýsta á um að öllum prófum verði
skilað þangað. Þessi framkvæmd er
dæmi um ný vinnubrögð í Stúdenta-
ráði en í stað þess að bíða eftir að
þriðji aðili skilaði verkefninu gengu
stúdentar sjálfir í málin. Þá var
kennslukönnunum komið á Netið og
er nú hægt að framkvæma þær oftar
og úrvinnsla þeirra er auðveldari.
Einnig var tryggt að fulltrúar stúd-
enta fái að fara yfir kannanirnar. Við
þrýstum á betri einkunnaskil og
hringdum eftir prófum. Þá lögðum
við mikla áherslu á eflingu fram-
haldsnáms sem nú er að skila sér.
Á réttri leið
Þó góður árangur hafi náðst í vet-
ur horfir Vaka fram á við og af næg-
um verkefnum er að taka til að gera
góðan Háskóla enn betri. Við viljum
t.a.m. berjast fyrir styttri námskeið-
um sem valkost fyrir þá sem vilja
hraða námi sínu. Við viljum nýta
sumarönnina betur. Lánasjóður ís-
lenskra námsmanna hefur nú þegar
heimilað sumarlán og í framhaldi af
því vill Vaka að Háskólinn opni enn
frekar fyrir sumarnám. Við viljum
efla þverfaglegt nám en nám við
fleiri en einu fagi á að vera möguleiki
í sem flestum deildum. Þá viljum við
sjá fleiri námskeið á ensku kennd í
öllum skorum sem býður upp á meiri
möguleika í námsframboði og greiðir
fyrir stúdentasamningum við skóla
erlendis. Þá viljum við leggja aukna
áherslu á að kennurum verði gert
kleift að sækja nám í kennslufræðum
og það metið þeim til tekna.
Það er kosið um árangur!
Stúdentar þurfa ekki annað en að
líta yfir árangur Stúdentaráðs í vet-
ur til að sjá að mikill kraftur er í
Vökufólki. Við óskum eftir endurnýj-
uðu umboði stúdenta til að leiða
starfið í Stúdentaráði og koma fleiri
stefnumálum okkar í framkvæmd.
Ágætu stúdentar, það er kosið um
áþreifanlegan árangur. Setjum X við
A á kjördag.
Vaka setur
kennslumál í
forgang
Eftir Jarþrúði
Ásmundsdóttur og
Sigþór Jónsson
„Vaka vill aukið sam-
starf kennara og nem-
enda með það að leið-
arljósi að nemendur
fái bestu mögulega
menntun.“
Jarþrúður skipar 1. sæti á lista
Vöku til Stúdentaráðs og
Sigþór situr í Stúdentaráði.
Jarþrúður
Ásmundsdóttir
Sigþór
Jónsson
ÞAÐ þykir ekki á mjög háu plani að
segja hlutina blátt áfram eins og þeir
eru. Svokallaðir stjórnmálafræðingar
og fréttaskýrendur virðast sérhæfa
sig í að drepa aðalatriðum á dreif.
Samt skal þrjóskast við að skrifa af
skynsamlegu viti.
Ekki þarf að efa að Saddam Huss-
ein sé vondur skálkur eins og margir
landstjórnarmenn fyrr og síðar. Lítil
ástæða er samt til að ætla að hann sé
fífl. Enginn nema fífl færi að beita
gereyðingarvopnum í þeirri stöðu
sem hann hefur verið í seinustu 12 ár.
Jafnvel þótt hann ætti þau. Það væri
ekki til annars en egna stórveldin á
sig. Hann hagaði sér að vísu fíflalega
þegar hann réðst inn í Kúveit fyrir 12
árum, af því hann taldi að tekið væri
að starfrækja olíubrunna á svæði sem
kalífinn í Bagdad hefði einu sinni ráð-
ið yfir. Hann virtist ekki átta sig á að
þar kom hann við hagsmuni banda-
rískra olíurisa. Eftir þá ráðingu sem
hann hlaut í Flóabardaga væri ekki
annað en óðs manns æði að reyna eitt-
hvað þvílíkt á nýjaleik. Af þeim manni
getur ekki lengur stafað nein ógn.
Ekki er heldur réttmætt að segja
að Bush sé hálfviti þótt hann tali
stundum kjánalega um ógnina af
Saddam. Hann er bara að vinna fyrir
kaupinu sínu. Olíurisar í Texas og
framleiðendur hverskonar hergagna
um gjörvöll Bandaríkin fjármögnuðu
öðrum fremur kosningabaráttu hans.
Bush er einungis að veita gjöf til
gjalda. Engir munu hagnast meir á
stríði gegn Írak en einmitt þessir
stuðningsaðiljar hans.
Menn hafa spurt hvort ekki væri
einfaldara að semja við Saddam um
olíukaup. Þar er ófróðlega spurt. Með
samningum hlytu bandarísk og bresk
olíufélög að þurfa að greiða miklar
fúlgur fyrir starfrækslu hinna feiki-
auðugu olíulinda. Með hernámi
fengju þau leyfi til hins sama á spott-
prís. Og olíurisarnir þurfa ekki að
borga herkostnaðinn. Það gera
bandarískir og aðrir skattgreiðendur
því stríðið yrði háð í nafni þeirra ríkja
sem að hernaðinum stæðu. Auk þess
fengju hergagnaframleiðendur ekk-
ert í sinn hlut ef samið væri friðsam-
lega.
Ekki er heldur við hæfi að segja að
þeir Halldór Ásgrímsson og Davíð
Oddsson séu einhverjir bjálfar þótt
þeir virðist styðja stefnu Bush í
blindni. Þeir vilja einungis tryggja að
Kaninn verði áfram hér á vellinum
svo að þóknanlegir íslenskir verktak-
ar geti haldið áfram að stunda sinn
ábatasama atvinnurekstur. Fyrir
nokkrum árum var Bandaríkjastjórn
með það á prjónunum að rýma her-
stöðina. Það tókst ríkisstjórn Íslands
að hindra, en virðist í staðinn hafa
þurft að heita því að styðja Bandarík-
in í einu og öllu á alþjóðavettvangi.
Þetta er að breyttu breytanda hið
sama og Tyrkir eru nú að segja opin-
skátt.
Ef einhverjir eru kjánar í öllu
þessu máli, eru það þeir sem gleypa
við þeim áróðri að fyrirhugað stríð
gegn Írak verði framið af mannúðar-
ástæðum.
Hver er kjáni?
Eftir Árna
Björnsson
„Ef ein-
hverjir eru
kjánar í öllu
þessu máli,
eru það þeir
sem gleypa við þeim
áróðri að fyrirhugað
stríð gegn Írak verði
framið af mannúðar-
ástæðum.“
Höfundur er menningarfræðingur.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050