Morgunblaðið - 26.02.2003, Blaðsíða 13
MORGUNBLAÐIÐ MIÐVIKUDAGUR 26. FEBRÚAR 2003 B 13
bílar
Sími 588 8282Radíóþjónusta
FÁEINAR gerðir ökumannslausra bif-
reiða eru nú svo þróaðar að búast má
við því að a.m.k. ein tegund verði
prófuð fljótlega á völdum svæðum
þar sem umferðarálag er með
minnsta móti.
Bílatímaritið Auto Express prófaði
eina gerð ökumannslauss bíls nýverið
og stóðst hún erfiðustu prófin. Meðal
annars komust bílarnir yfir gatnamót
án þess að skella saman, afgreiddu
framúrakstur án vandkvæða og
sýndu hæfni til að aka í samfloti á
jöfnum hraða.
Bílarnir, sem eru frönsk hönnun,
eru búnir nemum sem skynja önnur
farartæki á vegunum og flókinn
tölvubúnaður hjálpar þeim að marka
stefnu.
Sem fyrr segir verða þeir nú brátt
prófaðir þar sem umferðarþungi er
lítill og slysahætta hverfandi. Er talað
um að það verði helst í afmörkuðu
rými í skemmtigörðum og á ferða-
mannastöðum.
Ökumanns-
lausir bílar
standast
erfið próf
BÍLADELLUFÓLK um heim allan get-
ur glaðst þessa dagana, því í und-
irbúningi er að stofnsetja Hraðasafn-
ið (The Museum of Speed) í
Lundúnum. Þar verða til sýnis hundr-
uð bifreiða, lesta, vélhjóla, flugvéla og
báta, ýmist frumgerðir eða vandaðar
eftirlíkingar. Skemmtigarður verður
og byggður í tengslum við Hraðasafn-
ið og verða þar meðal annars þeir
hraðskreiðustu rússíbanar sem fyr-
irfinnast í Bretlandi. Safnið/
skemmtigarðurinn verður í Stratford,
sem er í austurhluta Lundúna og er
áætlað að hann verði opnaður eftir
þrjú ár.
Hraðasafn
í Lundúnum
ÁSTRALSKA fyrirtækið Boffins hef-
ur blandað nýjan málm sem er léttari
en ál og þó eigi að síður sterkari en
stál og er nú verið að prófa efnið í bíl-
vélum. Hefur það að sögn reynst afar
vel, t.d. í nýrri gerð VW Lupo þar sem
það er notað til reynslu. Hér er um
magnesíumblöndu að ræða og notkun
hennar dregur verulega úr eldsneyt-
isbruna þar sem vélin er aðeins fjórð-
ungur af sambærilegri þyngd jafn-
stórrar vélar sem væri smíðuð úr
stáli. Vafalaust munu nánari fregnir
berast af þessu nýja undraefni í ná-
inni framtíð.
Nýr fisléttur
málmur
í bílvélar