Morgunblaðið - 26.02.2003, Blaðsíða 14

14 B MIÐVIKUDAGUR 26. FEBRÚAR 2003 MORGUNBLAÐIÐ
bílar
BÍLAGENIN eru ríkjandi í fjöl-
skyldunni í Heiðargerði 2 á Húsa-
vík. Feðgarnir Karl Óskar Geirs-
son og Sverrir Ingvi og Karl
Hermann eru á kafi í bílum og
heimilisfaðirinn er reyndar marg-
faldur Íslandsmeistari í sand-
spyrnu. Nýlega spurðist það út að
Sverrir Ingvi hefði sprautað
Chevrolet Malibu 1979, sem er í
hans eigu, með viðarlakki. Þetta
ku vera eini bíllinn á landinu sem
hefur verið sprautaður með þess-
ari aðgerð.
Námskeið í Hollandi
„Ég fór í endaðan nóvember til
Hollands og var á námskeiði hjá
Glassurite-fyrirtækinu í ýmsum
„effect“-sprautunum, þar á meðal
viðaráferð og einnig með klessu-
pappír og bréfpokum. Þetta er ætl-
að fyrir hvað sem er, svo sem inn-
réttingar í húsum, mælaborð í
bílum og, eins og í mínu tilfelli, ut-
an á bíl. Það er reyndar ekki vitað
til þess að það hafi nokkurn tíma
verið gert áður. Ég byrja á því að
mála allan bílinn gulan en síðan set
ég á brúnan lit og venjulegt snýtu-
bréf. Ég vöðla bréfinu saman og
dýfi því ofan í litinn og doppa allan
bílinn með bréfinu. Þetta er gert
mjög skipulega og með réttum efn-
um, ýmsum þynnum í réttri röð.
Síðan glæra ég bílinn og millislípa
aftur glæruna. Loks glæra ég hann
aftur til að fá eggslétta áferð á
hann,“ segir Sverrir Ingvi.
Hann kveðst ekki vita betur en
að leyfilegt sé að sprauta bíla með
þessum hætti. Bíllinn er bara
brúnn en með vissri áferð. Þetta er
svokölluð mahóní-áferð, sem sjá
má í innréttingum í stórum Merce-
des-Benz og BMW-bílum.
Sverrir Ingvi, sem er átján ára
gamall, hefur unnið undanfarið eitt
ár hjá Bílamálun Alla Berg á
Húsavík. Margar fyrirspurnir hafa
borist um nýja litinn en hann
kveðst ekki upplýsa í smáatriðum
hvernig staðið er að verki. „Við
fórum tíu, frekar en átta, út til
Hollands og vorum þar af leiðandi
þetta margir sem lærðum þetta.
En það liggur að baki fleiri hundr-
uð klukkustunda vinna við þessa
sprautun. Ég keypti bílinn vélar-
lausan og sprautaði hann í fjórum
pörtum. Það er svartur vinyltopp-
ur á honum og hann sprautaði ég
sérstaklega. Vélarsalurinn, öll föls,
hurðir og skottlok að innan eru
sprautuð í þessum lit.“
Sverrir Ingvi fékk í bílinn 305
kúbiktomma Chevrolet-vél sem
skilar nálægt 200 hestöflum.
Komnar eru í bílinn flækjur og
fjögurra hólfa blöndungur. Hann á
annan bíl sem hann segir að sé
mun meiri keppnisbíll. „Þetta er sá
eini sem eftir er í landinu af Ponti-
ac Grand Prix árgerð 1977. Hann
er glimmersprautaður. Ég fékk
bílinn illa farinn frá bróður mínum.
Hann stóð á búkkum og engin inn-
rétting í honum. Ég smíðaði nýjan
topp á hann og þurfti að ryðbæta
hann mikið. Bróðir minn hafði far-
ið í gólfið á honum þannig að það
er nýtt. Pabbi hjálpaði mér síðan
að mála hann. Ég var sextán ára
þegar ég tók bílinn í gegn og kunni
þá ekki að glimmersprauta. Bíllinn
er kominn með miklu stærri vél og
aðra skiptingu. Vélin er 455 kúbik-
tomma Pontiac með nítrói og full-
græjaðri vél.“
Lakk í viðarlíki á Malibu
Pontiac Firebird í eigu föður Sverris Ingva. Sverrir Ingvi við Malibu-inn með viðarlakkinu.
Sverrir Ingvi Karlsson er átján ára bílamálari á Húsavík. Hann kann að glimmersprauta og sprauta
viðarlakki. Hann á líka tvo aflmikla ameríska bíla, þ. á m. eina Pontiac Grand Prix ’77 á landinu.
Hyrjarhöfða 7, sími 567 8730
LAKKVÖRN Á BÍLINN
Pústþjónusta BJB ehf.
Flatahraun 7 - 220 HAFNARFIRÐI - Sími 565 1090
Sala, smíði og ísetning á pústkerfum
VAL FAGMANNSINS
• Sala
• Varahlutir
• Viðgerðir
G.T. ÓSKARSSON
Vörubílavarahlutir
Vesturvör 23, 200 Kópavogi
sími 554 6000.
Gerðu betur
í vetur
Teflon húðun
Fólksbíll 10 þús.
Jeppi 13 þús.
Pantaðu tíma og gerðu
innkaupin í Kringlunni á meðan
Kringlubón
sími 568 0970
Varahlutir — hagstætt verð
Gabriel höggdeyfar, drifliðir,
drifliðshosur, vatnsdælur, vatnslásar,
stýrisendar, spindilkúlur, tímareimar,
sætaáklæði, ökuljós o.fl.
Bíldshöfða 14 • sími 567 6744