Morgunblaðið - 27.02.2003, Blaðsíða 12
FRÉTTIR
12 FIMMTUDAGUR 27. FEBRÚAR 2003 MORGUNBLAÐIÐ
KRISTÍN Unnsteinsdóttir lauk
á síðasta ári doktorsprófi í
uppeldis- og kennslufræðum frá
Centre for Applied Research in
Education í University of East
Anglía í Norwich í Englandi.
Doktorsritgerð Kristínar ber
heitið „Fairy tales in tradition and
in the classroom: Traditional and
self-generated fairy tales as
catalysts in
children’s
educational and
emotional
development.“
Leiðbeinandi
Kristínar við
rannsóknir
hennar og skrif
ritgerðarinnar
var dr. Maggie
MacLure prófessor. Andmælendur
við doktorsvörn Kristínar voru dr.
Terry Philips frá University of
East Anglia og dr. Carol Fox frá
University of Brighton.
Ritgerð Kristínar lýsir því
hvernig sígild ævintýri og æv-
intýri sem börn semja sjálf hafa
áhrif á samverkan meðvitundar og
dulvitundar. Í rannsókninni er
stuðst við kenningar greining-
arsálfræðinga af skóla Carls G.
Jung og kenningar formgerð-
arsinna. Í greiningu sinni á æv-
intýrum úr munnlegri geymd og
túlkun á ævintýrum frumsömdum
af börnum teflir Kristín saman
hugmyndum þessara tveggja skóla
fræðimanna.
Kristín greinir í ritgerð sinni
tvö ævintýri úr munnlegri geymd,
Söguna af Kisu kóngsdóttur og
Gullintönnu út frá kenningum
Jungs um frummót eða erkitýpur
og einsömun og kenningum Levi-
Strauss um formgerð goðsagna.
Sömu aðferðum er beitt við að
greina ævintýri sem hópur tíu og
ellefu ára gamalla íslenskra barna
samdi, ýmist með því að skrifa
ævintýrin niður eða með því að
mæla þau beint af munni fram.
Einnig lýsir Kristín í ritgerð sinni
ytri einkennum ævintýranna í ljósi
einkenna sígildra indó-evrópskra
ævintýra.
Afbrigði íslensku ævintýranna
tveggja sem Kristín vinnur með í
ritgerðinni eru ættuð úr Fljóts-
hlíð. Bakgrunnur, uppeldi og per-
sónuleiki fjögurra kvenna sem ým-
ist sögðu eða skráðu þessi
ævintýri á tuttugustu öld er kann-
aður í þeim tilgangi að varpa ljósi
á eðli ævintýra og sagnalistar og
gildi þeirra fyrir einstaklinginn.
Kristín Unnsteinsdóttir fæddist
í Reykjavík 9. apríl 1947, dóttir
hjónanna Guðrúnar Einarsdóttur
og Unnsteins Stefánssonar, fyrr-
verandi prófessors. Hún lauk
stúdentsprófi frá Menntaskólanum
í Reykjavík árið 1967 og stundaði
eftir það nám í bókasafnsfræðum
við Danmarks Bibliotekskole í
Kaupmannahöfn þaðan sem hún
lauk prófi árið 1971.
Árið 1972 var Kristín við fram-
haldsnám í La bibliotheque en-
fantine de Clamart í Frakklandi.
Kristín lauk prófi í uppeldis- og
kennslufræðum frá Háskóla Ís-
lands árið 1988 og M.Ed. prófi frá
Kennaraháskóla Íslands 1997.
Hún starfaði sem skólasafnskenn-
ari við Æfingaskóla Kennarahá-
skóla Íslands á árunum 1975–97.
Á árunum 1997 og 1998 kenndi
Kristín námskeið um barnabók-
menntir á Leikskólakennarabraut
við Háskólann á Akureyri og
starfaði jafnframt við Amts-
bókasafnið.
Í vetur annast Kristín sér-
kennslu í Ártúnsskóla í Reykjavík.
Sambýlismaður Kristínar er
Trausti Ólafsson. Sonur Kristínar
af fyrra hjónabandi er Tómas
Lemarquis.
Doktor í
uppeldis-
og kennslu-
fræðum
JAPANSKI sendiherrann, Masao
Kawai, heimsótti Viðskiptahá-
skólann á Bifröst í gær, kynnti
sér starfsemi skólans og ræddi
samstarf Bifrastar við Við-
skiptaháskólann í Otaru á sviði
nemendaskipta og rannsókna.
Viðskiptaháskólinn á Bifröst
hefur undanfarin ár lagt aukna
áherslu á samskipti við Asíuríki
og þá sérstaklega Japan og dvelj-
ast nú tveir japanskir skiptinem-
ar á Bifröst. Einnig hafa 3. árs
nemar Viðskiptaháskólans að-
gang að eins árs alþjóðlegu hag-
fræði- og markaðsnámi í Otaru í
Norður-Japan og eru fyrstu tveir
nemendur skólans í því vænt-
anlegir heim í maí eftir árs dvöl
við nám þar ytra.
Samstarfssamningur skólanna
tveggja, sem komið var á í
tengslum við opnun sendiráðs Ís-
lands í Tókýó, hefur fyrst og
fremst fjallað um nemendaskipti.
Nú eru hins vegar í gangi við-
ræður um virkt rannsóknarsam-
starf á milli skólanna, segir í
fréttatilkynningu.
Ræða rannsóknarsamstarf
milli Bifrastar og Japans
Frú Kawai, Okazaki ritari, Masao Kawai, sendiherra Japans á Íslandi,
Runólfur Ágústsson rektor, Magnús Árni Magnússon aðstoðarrektor, Sig-
rún Hjartardóttir alþjóðafulltrúi, Fumiko Yamamoto og Takayo Saikawa,
báðar skiptinemar á Bifröst.
GISTINÓTTUM á hótelum og
gistiheimilum fjölgaði um 6,4%
milli áranna 2001 og 2002 sam-
kvæmt tölum frá Hagstofu Ís-
lands. Gistinætur á hótelum og
gistiheimilum töldust 1.256.000
árið 2002 en árið á undan voru
þær 1.180.000, sem er aukning
upp á 76 þúsund nætur. Gisti-
nóttum Íslendinga fjölgaði um
6% en útlendinga um 6,5%.
Gististöðum fjölgaði um 22 á
milli ára en herbergjum um
600.
Aukningin þarf ekki einungis
að þýða opnun nýrra gististaða
þar sem sumir heimagististaðir
urðu að gistiheimilum á síðasta
ári í kjölfar skipulagsbreyt-
inga.
Gistinóttum fjölgaði í öllum
landshlutum milli áranna 2001
og 2002, þó mest á Suðurlandi.
Þar fjölgaði þeim um 25,7%.
Gistinóttum á Austurlandi
fjölgaði um 16,2%, á Vestfjörð-
um um 13,9%, á Norðurlandi
eystra um 8,2% og Norðurlandi
vestra um 7,8%. Þá var 3,6%
aukning á Vesturlandi og 1,2%
á Suðurnesjum. Minnst var
aukningin á höfuðborgarsvæð-
inu en þar fjölgaði gistinóttum
um 0,6% milli ára.
Gistinótt-
um fjölgaði
um 6,4%
milli ára
INGIBJÖRG Sólrún Gísladóttir
borgarfulltrúi tilkynnti á hádegis-
fundi Röskvu, samtökum fé-
lagshyggjufólks við Háskóla Ís-
lands, sl. mánudag að framlag
Reykjavíkurborgar til Nýsköpun-
arsjóðs yrði aukið um helming.
Reykjavíkurborg hefur undanfarin
ár styrkt sjóðinn um 12 milljónir á
móti 12 milljónum frá ríki. Fram-
lag borgarinnar verður 24 milljónir
og því þrefaldast sjóðurinn miðað
við undanfarin ár.
Á fundinum voru ræddar leiðir
til að auka atvinnumöguleika stúd-
enta og er aukið framlag borg-
arinnar þáttur í því. Þetta aukna
framlag mun nýtast til að veita 108
námsmönnum atvinnu í einn mán-
uð.
Ingvi Snær Einarsson, formaður
Röskvu, segir marga nemendur nú
þegar farna að hafa áhyggjur af
sumarstörfum. „Þetta skiptir nán-
ast öllu máli. Það eru sífellt fleiri
stúdentar sem leita eftir styrkjum
úr sjóðnum,“ segir Ingvi Snær.
Borgin eykur
framlag í Ný-
sköpunarsjóð
HLUTFALL þeirra sem stunda
nám hér á landi er yfir meðaltali
Evrópusambandslanda, að því er
fram kemur í ritinu Key Data on
Education in Europe 2002, en þar er
að finna samanburðarhæfar upplýs-
ingar um menntamál í 30 Evrópu-
löndum. Fram kemur að 65% lands-
manna á aldursbilinu 0–29 ára eru í
skóla en 58% að meðaltali í löndum
ESB.
Í ritinu, sem fjallar um aðildarlönd
ESB og EFTA/EES-landa, kemur
fram að 15% landsmanna eru í námi
ofar skyldustigi, en til samanburðar
er hlutfallið 10% í löndum ESB. Þá
kemur fram að börnum í leikskólum
hefur fjölgað mjög í Evrópu á síð-
ustu áratugum.
„Ísland er í hópi nokkurra landa
sem hafa hæst hlutfall fjögurra ára
barna í leikskólum, eða yfir 90%. Ís-
land er einnig í hópi þeirra landa þar
sem hlutfall þriggja ára barna er
hvað hæst, eða yfir 80%. Börn á
hvern starfsmann í leikskólum á Ís-
landi eru með því fæsta sem gerist,
eða átta,“ segir í fréttatilkynningu
menntamálaráðuneytisins um ritið.
Fæstar kennslustundir
í skyldunámi
Einnig kemur fram að árlegur
kennslustundafjöldi talinn í klukku-
stundum, í grunnskólum hér á landi
skólaárið 2000/2001 var að meðaltali
746. „Er Ísland meðal þeirra landa
sem hafa fæstar árlegar kennslu-
stundir að meðaltali á skyldunáms-
stigi. Þess ber þó að gæta að laga-
ákvæði um fjölda kennslustunda í
íslenskum grunnskólum var ekki að
fullu komið til framkvæmda fyrr en
skólaárið 2001/2002. Heildar-
kennslustundafjöldi í 10 ára skyldu-
námi á Íslandi er hins vegar yfir
meðaltali samanburðarlandanna þar
sem skólaskylda í mörgum Evrópu-
löndum er 9 ár,“ segir í fréttatil-
kynningu.
Þá segir að í Evrópulöndum séu
almennt fleiri nemendur í starfsnámi
en almennu bóknámi á framhalds-
skólastigi. „Í nokkrum löndum er
þessu þó öfugt farið, þar á meðal á
Íslandi, þar sem tveir þriðju hlutar
nemenda á framhaldsskólastigi eru í
almennu bóknámi.“
Ennfremur kemur fram að í öllum
samanburðarlöndunum, nema Bret-
landi, séu stúlkur í almennu bóknámi
í framhaldsskólum fleiri en piltar. „Á
Íslandi er munurinn mestur, en hér á
landi eru 78% stúlkna í framhalds-
skólum í almennu bóknámi, en 58%
pilta. Þrjár stúlkur á móti tveimur
piltum útskrifuðust hér á landi úr al-
mennu bóknámi árið 2000,“ segir í
fréttatilkynningunni.
Hlutfallslega fleiri stunda nám á Íslandi en í ESB-löndum
15% landsmanna við
nám ofar skyldustigi
FISKVINNSLAN Kambur á Flateyri hefur fest kaup á
200 tonna skipi sem nota á til línuveiða, einkum yfir
vetrartímann. Skipið, sem ber nafnið Sólrún, sigldi ný-
lega til hafnar á Flateyri en þangað kemur það frá
Grindavík.
Að sögn Hinriks Kristjánssonar, framkvæmdastjóra
Kambs ehf., er skipið ekki nýtt af nálinni, smíðað um
miðjan sjöunda áratuginn. Kambur gerir út samtals sex
trillur og segir Hinrik að hugmyndin með kaupunum á
skipinu sé að auka hráefnisöflun yfir vetrartímann
þegar alla veðra er von. Ráðgert er að 11 manns verði í
áhöfn. Enginn kvóti fylgir skipinu, en fyrirhugað er að
leigja og kaupa aflaheimildir til skipsins. Að sögn Hin-
riks er eftir að ákveða nýtt nafn á skipið.
Morgunblaðið/Halldór Sveinbjörns
Nýtt skip til Flateyrar
SKIPASMÍÐASTÖÐIN í Lübeck í
Þýskalandi mun afhenta Smyril Line
nýja Norrænu 7. apríl næstkomandi.
Tæknilegum prófunum á ferjunni
lauk í síðustu viku og er vinnu við
hana því að ljúka.
Norræna leggur af stað frá Lü-
beck 8. apríl nk. og kemur til Þórs-
hafnar í Færeyjum 10. apríl. Þaðan
heldur skipið til Hjaltlandseyja,
Danmerkur og Íslands og fylgir
hefðbundinni áætlun.
Fram kemur í tilkynningu frá
Smyril Line að stjórnendur fyrir-
tækisins eru mjög ánægðir með ferj-
una og vinnu skipasmíðastöðvarinn-
ar sem er sögð fyrst flokks.
Um 150 manns voru um borð í
Norrænu í ferð þar sem hæfni skips-
ins var prófuð. Vélar skipsins voru
keyrðar á fullu afli í Eystrasalti og
stóðust þær prófraunina.
Norræna
verður afhent
7. apríl
♦ ♦ ♦