Morgunblaðið - 27.02.2003, Blaðsíða 22

HÖFUÐBORGARSVÆÐIÐ
22 FIMMTUDAGUR 27. FEBRÚAR 2003 MORGUNBLAÐIÐ
ÁSTAND holræsakerfisins er víða
slæmt í elstu hlutum borgarinnar
og brýn þörf á endurbótum. Þetta
kemur fram í greinargerð gatna-
málastjóra en borgarrráð sam-
þykkti á fundi sínum á þriðjudag
500 til 600 milljóna króna fjárveit-
ingu til endurnýjunar holræsakerf-
isins á næstu fjórum árum.
„Við höfum beint sjónum okkur
að svæðinu vestan Kringlumýrar-
brautar en það er á nokkuð mörg-
um stöðum sem rörin eru orðin
tærð, brotin, illa gengið frá stútum
inn á þau og annað slíkt,“ segir
Sigurður Skarphéðinsson gatna-
málastjóri. „Núna er hins vegar
kominn möguleiki á að fóðra þau
með því að draga í þau lina plast-
fóðrun sem síðan er hert með ýms-
um aðferðum. Þetta gerir okkur
kleift að endurbæta og lagfæra
kerfið með miklu minni óþægind-
um fyrir íbúa en áður var þegar
endurbætur þýddu að að grafa
varð upp göturnar og menn þurftu
að búa við opin holræsi vikum og
mánuðum saman.“
Ítarleg skýrsla hefur verið gerð
um ástand kerfisins í vesturhluta
borgarinnar sem Sigurður segir að
stuðst verði við þegar kemur að
endurbótunum. „Sums staðar í
Hlíðunum má segja að rörin séu
nánast eydd og horfin og eftir er
bara gat í jarðveginum. Það er í
sjálfu sér í lagi því við getum sett
plastkápu inn í gatið svo fremi
sem það er ekki fallið saman.“
Hann segir því mikilvægt að ráð-
ast í framkvæmdir núna þegar
hreinsun strandlengjunnar er nán-
ast lokið en það verkefni hefur
tekið afar mikið fjármagn á und-
anförnum árum að hans sögn.
Sigurður tekur undir að verk-
efnið sé talsvert aðkallandi þótt
ástandið sé ekki þannig að það
trufli íbúa viðkomandi svæða. „Það
gerist þó ekkert í dag eða á morg-
un eða á næsta ári þótt við gerum
ekki neitt heldur er þetta lang-
tímaverkefni. Reyndar var í
skýrslunni gert ráð fyrir meiri
fjárveitingu í upphafi sem síðan
fari verulega lækkandi en ég vel
að fara aðeins hægar af stað til að
auka ekki skuldir heldur frekar
greiða þær niður.“ Hann segir þó
um umtalsverða fjármuni að ræða
því aðrar tekjur komi til en ein-
ungis fjárveiting borgarinnar. Ár-
lega verði því um 150 til 200 millj-
ónum varið til verkefnisins.
Í greinargerð Sigurðar kemur
fram að talið sé að aðeins tveir
innlendir verktakar hafi þau tæki
og reynslu sem þarf til að taka
verkefnið að sér. Með útboðinu
aukist hins vegar líkurnar á að
fleiri séu reiðubúnir til að afla sér
tækjabúnaðar og þekkingar sem
þarf. Hann segist eiga von á að
verkið fari í útboð á næstu vikum
og framkvæmdir hefjist þegar á
þessu ári. „Núna munum við setja
fullan kraft í málið í ljósi þessara
fjárveitinga sem borgarráð hefur
nú samþykkt,“ segir hann.
Ástand holræsa víða mjög slæmt
Morgunblaðið/Sverrir
Lagnir eru víða orðnar tærðar í Hlíðunum en þessi mynd var einmitt tekin
við endurnýjum veitukerfa í Bogahlíð síðastliðið sumar. Með nýrri tækni er
hægt að komast hjá því að grafa upp heilu göturnar við endurnýjun rör-
anna þannig að íbúar verða ekki fyrir eins miklum óþægindum og áður.
Borgin ver 500 til 600 milljónum
til endurbóta lagnakerfisins
Reykjavík
BÆJARSTJÓRN Kópavogs hefur
samþykkt að breyta lögreglusam-
þykkt bæjarins í þá veru að einka-
dans verði bannaður á sama hátt og
gert hefur verið á Akureyri og í
Reykjavík. Gert er ráð fyrir að end-
urskoðun samþykktarinnar verði
lokið innan tveggja mánaða og að
bannið taki þá gildi.
Á fundinum lagði Samfylkingin
fram að nýju tillögu sína um bann við
einkadansi í Kópavogi en áður en
kom til afgreiðslu hennar kynnti Sig-
urður Geirdal bæjarstjóri tillögu
sem fól í sér að fram færi „heildar-
endurskoðun á lögreglusamþykkt
Kópavogs, þar sem m.a. verði bætt
inn ákvæði er banni einkadans skv.
því sem dómur Hæstaréttar frá 20.
feb. sl. gefur tilefni til.“
Er þar vísað til þess að Hæstirétt-
ur sneri við dómi héraðsdóms frá því
í nóvember og staðfesti að Reykja-
víkurborg hefði mátt setja ákvæði í
lögreglusamþykkt sem bannar svo-
nefndan einkadans á nektarstöðum.
Í greinargerð með tillögu bæjar-
stjóra kom fram að gert væri ráð fyr-
ir að endurskoðuninni yrði lokið inn-
an tveggja mánaða og eftir að
samþykkt var, að beiðni Flosa Ei-
ríkssonar, oddvita Samfylkingarinn-
ar, að bæta því við tillöguna sjálfa
var tillaga meirihlutans samþykkt
með öllum greiddum atkvæðum.
Oddviti Sjálfstæðisflokksins,
Gunnar Birgisson, sem áður hefur
lýst yfir efasemdum um slíkt bann,
var ekki á fundinum. Hann segist þó
ekki ósáttur við afgreiðslu málsins
og leggur áherslu á að einkadans
sem slíkur hafi ekki verið bannaður,
heldur einungis í lokuðum rýmum.
„Við frestuðum þessu á meðan við
vildum fá úr því skorið hvort það
væru lagalegar forsendur fyrir því
að gera þetta eða ekki.“ Hann segir
slíka niðurstöðu hafa fengist um
málið með dómi Hæstaréttar. „Með
þessu held ég að það verði einfald-
lega kominn friður um málið.“
Bann við
einkadansi
samþykkt
Kópavogur
MOSFELLSBÆR leggst gegn því að Reykjavík
noti heitið Úlfarsfell á nýtt hverfi sem fyrirhug-
að er í hlíðum Úlfarsfells. Bæjarstjóri segir
nafnið og fellin í kring um bæinn standi fyrir
náttúrulegri sérstöðu Mosfellsbæjar auk þess
sem stærsti hluti fjallsins sé innan lögsögu bæj-
arins. Því sé ekki við hæfi að heilt hverfi í
Reykjavík beri þetta heiti.
Byggingafulltrúi Reykjavíkurborgar sendi á
dögunum erindi til Mosfellsbæjar þar sem óskað
var eftir skoðun bæjarins á því að nýtt hverfi í
hlíðum Úlfarsfells beri sama heiti og fjallið. Sú
hugmynd er komin frá svokallaðri nafnanefnd
Reykjavíkur, sem hefur það hlutverk að koma
með tillögur að nöfnum og heitum fyrir hverfi og
götur í borginni.
Í mars 2001 undirrituðu Reykjavíkurborg og
Mosfellsbær samkomulag um að 447 hektarar í
suðurhlíðum Úlfarsfells færðust úr lögsögu
Mosfellsbæjar til Reykjavíkur en í staðinn eign-
aðist Mosfellsbær öll lönd Reykjavíkurborgar í
Mosfellsbæ eða samtals 253 hektara auk þess
sem borgin greiddi bænum um 400 milljónir
króna. Síðan hefur borgin unnið að skipulagn-
ingu um 3.000 íbúða byggðar sem rísa mun undir
Úlfarsfelli.
Sem fyrr segir lagðist bæjarráð á fundi sínum
í síðustu viku gegn því að hverfið beri heitið Úlf-
arsfell. „Það er einfaldlega vegna þess að okkur
finnst að þessi fell, Úlfarsfellið, Lágafellið,
Reykjafellið, Helgafellið, Grímarsfellið og Mos-
fellið, séu eins konar náttúruleg sérstaða okkar í
Mosfellsbæ,“ segir Ragnheiður Ríkharðsdóttir
bæjarstjóri. „Auk þess er stærri hluti Úlfarsfells
innan lögsögu Mosfellsbæjar og því finnst okkur
ekki við hæfi að heilt hverfi í Reykjavík heiti Úlf-
arsfell. Okkur finnst við hálfpartinn eiga þessi
fell og þess vegna leggjumst við gegn því að
Reykjavíkurborg noti þetta nafn sem hverfa-
heiti.“
Vilja ekki að borgin noti heitið Úlfarsfell
Mosfellsbær
NÝR gervigrasvöllur og stúka,
miðasöluhús og ný flóðlýsing er með-
al þess sem koma skal á íþróttasvæði
KR við Frostaskjól samkvæmt til-
lögu að deiliskipulagi sem auglýst
hefur verið. Þetta er í fyrsta sinn
sem deiliskipulag er gert af svæðinu.
Að sögn Helgu Bragadóttur,
skipulagsfulltrúa í Reykjavík, er
með deiliskipulaginu verið að af-
marka lóðina sem íþróttasvæðið er á.
„Þarna er verið að koma fyrir gervi-
grasvelli í stað malarvallar sem áður
var ráðgerður,“ segir hún en sam-
kvæmt auglýsingunni verða bíla-
stæði á malarvellinum jafnframt lát-
in falla niður.
Þá gerir deiliskipulagið ráð fyrir
nýrri stúku að vestanverðu til móts
við þá sem fyrir er en æfingavellir
verða minni en áður. Aðkomuleiðir
verða óbreyttar og er gert ráð fyrir
sex hliðum inn á völlinn sem verða
við Frostaskjól, Flyðrugranda og
Kaplaskjólsveg.
Bílastæði við Grandaskóla
nýtt á stórleikjum
Möguleiki verður á miðasöluhúsi
auk lítillar viðbyggingar við eitt af
íþróttahúsunum, að sögn Helgu.
Áformað er að koma upp nýrri flóð-
lýsingu á átta 30 metra háum staur-
um með því skilyrði að hún trufli
ekki íbúðarhús í kring.
„Það má einnig nefna að búið er að
samþykkja bílastæði við Flyðru-
grandann norðan við svæðið og gert
er ráð fyrir að þegar um stórleiki er
að ræða þá sé hægt að nýta bílastæði
við Grandaskóla,“ segir Helga.
Hægt er að kynna sér deiliskipu-
lagstillöguna nánar hjá skipulags- og
byggingasviði Reykjavíkurborgar
sem hefur aðsetur í Borgartúni 3 eða
á á heimasíðu sviðsins sem hefur
slóðina www.skipbygg.is. Athuga-
semdum skal skilað skriflega til
skipulagsfulltrúa í síðasta lagi 2. apr-
íl 2003.
Deiliskipulag KR-svæðisins auglýst
Morgunblaðið/Árni Sæberg
Deiliskipulagið gerir m.a. ráð fyrir nýrri stúku gegnt þeirri sem fyrir er.
Ný stúka, flóð-
lýsing og gervi-
grasvöllur
Vesturbær
EIN stærsta sýning sem haldin hef-
ur verið í Hafnarfirði, Fólk og fyr-
irtæki, verður í maí nk. en samn-
ingur þar um var undirritaður sl.
þriðjudag. Alls munu vel á annað
hundrað fyrirtæki taka þátt í henni.
Auk bæjarins er Alcan stærsti
bakhjarl sýningarinnar en Alcan er
stærsti vinnustaður bæjarins.
Framkvæmdaaðili sýningarinnar
er markaðsfyrirtækið MB Miðlun.
Segir í fréttatilkynningu að fyrir
utan fyrirtækjakynningar verði á
sýningunni settir upp ólíkir mark-
aðir, m.a. uppboðs- og flóamarkaðir
auk stórrar kauphallar.
Sýningin, sem fer fram dagana
29. maí til 2. júní, mun einnig
marka upphaf menningarhátíðar
Hafnarfjarðar.
Lúðvík Geirsson bæjarstjóri und-
irritaði samninginn fyrir Hafn-
arfjarðarbæ en Björgvin Rún-
arsson, framkvæmdastjóri MB
Miðlunar, fyrir framkvæmdaaðila.
Morgunblaðið/Árni Sæberg
Ein stærsta
sýning
hingað til
Hafnarfjörður
♦ ♦ ♦


 





 

      

  .




 
   
  /
   0 
     
 

 1234567 8
 
      

 

  
        ! "#




 

 
'  "$ % # &' 
#
()"*(+,-"*(

 


   

! "  ! "#



  634#

  9 
 %&




 
!

 

 
  

  
"#