Morgunblaðið - 27.02.2003, Blaðsíða 25
LANDIÐ
MORGUNBLAÐIÐ FIMMTUDAGUR 27. FEBRÚAR 2003 25
MIKILL fjöldi fólks sótti heilsubæj-
arhátíð sem haldin var nýverið í til-
efni af þriggja ára afmæli verkefn-
isins „Bolungarvík, heilsubær á nýrri
öld“. Boðið var uppá fjölbreytta dag-
skrá í íþróttahúsinu Árbæ.
Framkvæmdanefnd heilsubæjar-
verkefnisins undirbjó hátíðina í sam-
vinnu við Ungmennafélag Bolungar-
víkur, en á hátíðinni sem stóð í um 6
tíma fór fram kynning á þeim fjöl-
mörgu þáttum, andlegum og líkam-
legum, sem bæjarbúar leggja stund á
sér til eflingar á sál og líkama.
Sýndar voru ýmsar íþróttagreinar,
dans, líkamsrækt og fleira í bland við
tónlistaratriði.
Þá var trúður á ferðinni sem vann
sérstaklega hug og hjörtu hinna
yngri.
Þátttakendur voru á öllum aldri,
allt frá leikskólabörnum og upp í eldri
borgara.
Verkefninu, „Bolungarvík, heilsu-
bær á nýrri öld“ var hleypt af stokk-
unum fyrir um þremur árum með það
að markmiði að vinna að forvörnum
og þannig auka möguleika bæjarbúa
á að varðveita heilsu sína.
Verkefnið tekur m.a. mið af þeim
staðreyndum að heilbrigði er full-
komin líkamleg, andleg og félagsleg
vellíðan en ekki einungis tilvera án
sjúkdóma og vanheilsu og að heil-
brigði mótast af umhverfi einstak-
lingsins, námi, starfi, leik og fjöl-
skyldulífi.
Fundir og kynningar
Á þessum þremur árum hafa í
krafti verkefnisins verið haldnir
fræðslufundir og kynningar á hinum
ýmsu þáttum er lúta að bættri líðan
fólks.
Einnig hefur verið staðið fyrir
ýmsum útivistarverkefnum s.s.
gönguferðum, ratleikjum, hjóladegi
fjölskyldunnar og sleðaferðum.
Bæjarsjóður hefur styrkt verkefn-
ið og einnig hafa fengist fjárframlög
frá ríkinu.
Um árangur verkefnisins segir
Sigrún Gerða Gísladóttir hjúkrunar-
fræðingur, sem fer fyrir fram-
kvæmdanefndinni, að það sé erfitt að
gera ýtarlega grein fyrir árangrinum
í miðju verkefninu, en eitt sé ljóst;
vilji bæjarbúa er til staðar og mikill
áhugi á að fræðast um þessi mál og
auka þannig möguleika sína á að lifa
heilsusamlegu lífi.
Sigrún sagði að Bolvíkingar hefðu
tekið verkefninu vel og mikill hugur
sé í framkvæmdanefndinni að halda
áfram að vinna að málefnum heilsu-
bæjarins.
Ljósmynd/Gunnar Hallsson
Íþróttamaður ársins í Bolungarvík, kajakræðarinn Sveinbjörn Kristjánsson,
sýndi íþrótt sína og áhugasamir einstaklingar fengu tilsögn í kajakróðri.
Fjölmenni tók þátt
í heilsubæjarhátíð
Bolungarvík
Í GRUNNSKÓLANUM á Þórshöfn
er nýliðin þemavika þar sem hefð-
bundnu skólastarfi var vikið til
hliðar en meiri áhersla lögð á ýms-
ar listgreinar, leiklist og óvænta
viðburði. Úr rekavið voru unnir
landnámsmenn og þeir síðan mál-
aðir af listfengi; einnig gerð lista-
verk úr ull og flóka að ógleymdri
ýmissi mynd- og leirlist.
Í skólaeldhúsinu fór fram al-
þjóðleg matreiðsla og voru búnir til
kúnstugir réttir, svo sem sýróp-
slegnir tyrkneskir naflahringir.
Tölvur skipa stóran sess í nútíma-
samfélagi og nemendur kynntu sér
tölvubúnað hjá Hraðfrystistöð
Þórshafnar, bæði á skrifstofum og
loðnuverksmiðju að ógleymdum
Júpíter þar sem farið var um allt
skipið.
Í íþróttahúsinu var boxað af
kappi en þar var að boðið upp á
kennslu í undirstöðuatriðum í boxi
undir leiðsögn einkaþjálfarans og
boxarans Ingólfs Hreinssonar, sem
var gestakennari að þessu sinni.
Hann leiðbeindi einnig í þreksal.
Nemendur höfðu mikinn áhuga á
kennslu Ingólfs en almenningi
gafst líka kostur á að nýta sér leið-
sögn hans í íþróttahúsinu eftir
skólatíma.
Hefðbundið skólastarf tekur síð-
an við en eftir standa nemendur
reynslunni ríkari og með ýmis lista-
verk eftir öðruvísi daga í skólanum.
Opnir
dagar í
skólanum
Þórshöfn
Morgunblaðið/Líney Sigurðardóttir
Daníel Starrason, nemandi í 10. bekk, reynir sig í boxi við gestakennarann
Ingólf Hreinsson í íþróttahúsinu á Þórshöfn.
Evrópurútur Úrvals Útsýnar
í Smáranum slá í gegn!
Evrópurúta nr. 2
Lúxusferð Portúgal/Spánn 25. apríl til 4. maí: Nokkur sæti laus.
Forskot á sumarið. 10 dagar á Spáni og Portúgal,
lúxushótel, frábær matur, skoðanaferðir m.a. til Sevilla og
Lissabon. Verð aðeins 99.500.
Evrópurúta nr. 3 - Eystrasaltslöndin 9. til 22. maí: 4 sæti laus
Evrópurúta nr. 4 - Ítalía 21. júní til 5. júlí: Uppselt
Evrópurúta nr. 9 - Ítalía 5. til 19. júlí: Aukaferð/sæti laus
Evrópurúta nr. 5 - Mið-Evrópa 26. júlí til 9. ágúst 4 sæti laus
Evrópurúta nr. 6 - Stórborgir 15. til 28. ágúst Sæti laus
Evrópurúta nr. 7 - Vínuppskeruferð 5. til 12. október Sæti laus
Evrópurúta nr. 8 - Aðventuferð Trier 23. til 30. nóv. 4 sæti laus
Aukaferð - Evrópurúta nr. 9:
Vegna mjög góðrar undirtektar höfum við ákveðið að bjóða upp
á aukaferð til Ítalíu dagana 5.-19. júlí. Góðir samningar okkar
gera það mögulegt að bjóða á háannatíma sama lága verðið kr.
134.900 (í tvíbýli, 11 máltíðir innifaldar).
Sími 585 4100 • www.urvalutsyn.is
Friðrik fararstjóri gefur
upplýsingar í Úrval Útsýn í
Smáranum, Hlíðarsmára 15,
þriðjudaga og fimmtudaga
milli kl. 14 og 17,
sími 585 4113.