Morgunblaðið - 27.02.2003, Blaðsíða 43

MINNINGAR
MORGUNBLAÐIÐ FIMMTUDAGUR 27. FEBRÚAR 2003 43
Flestar ef ekki allar
fjölskyldur eiga sér sína
frænku. Stundum er
þeim titli bætt við skírn-
arnafn, í öðrum tilvikum er hann lát-
inn nægja til nafngreiningar. Mín fjöl-
skylda var rík. Hún átti þær tvær,
Stínu frænku sem við kvöddum síðla
vetrar árið 1992 og Helgu frænku
sem við kveðjum nú. Helga Hansdótt-
ir var systir móður minnar. Þó þær
væru um margt ólíkar manneskjur og
lífsferill annar, þá voru þær góðar
systur. Það voru ekki margir stórat-
burðir í lífi fjölskyldunnar þar sem
hún Helga frænka var ekki á staðnum
með strákana sína fjóra.
HELGA
HANSDÓTTIR
✝ Helga Hansdótt-ir fæddist á Ket-
ilsstöðum í Hörðudal
í Dalasýslu 7. nóvem-
ber 1924. Hún lést á
hjúkrunardeild
Hrafnistu í Reykja-
vík hinn 11. febrúar
síðastliðinn og var
útför Helgu gerð í
kyrrþey að ósk hinn-
ar látnu.
Helga frænka var á
margan hátt stórbrotin
kona og að sumu leyti
öðruvísi en hinar kon-
urnar í fjölskyldunni.
Hún lauk prófi frá Sam-
vinnuskólanum þegar
aðrar konur fóru í
Kvennaskóla eða Hús-
mæðraskóla. Hún gifti
sig, eignaðist strákana
sína fjóra og hún skildi,
sem þá var fátítt. Hún
helgaði Landsbanka Ís-
lands starfskrafta sína,
þar sem hún starfaði á
fjórða áratug. Þegar ég
ólst upp unnu konur ekki utan heim-
ilis. Vissulega hafði hún ekkert val.
Hún átti kröftuga stráka sem þurfti
að fæða og klæða. En hefði hún haft
val, þá held ég að hún hefði hvort sem
er valið að vera virk í atvinnulífinu.
Vinnan var henni afar mikilvæg. En
ég veit líka að stundum var vinnudag-
urinn langur og lífið erfitt.
Helga frænka hafði sterkar skoð-
anir á mönnum og málefnum, og lá
ekki á þeim. Hennar flokkur var
Sjálfstæðisflokkurinn. Það urðu oft
fjörugar umræður í nýársboðunum
hennar mömmu þegar rædd voru
landsmálin eða jafnréttisbrölt okkar
yngri kvennanna. Og þó svo við vær-
um ekki oft sammála, þá skyggði það
aldrei á væntumþykju mína og virð-
ingu.
Fljótlega eftir að Helga lét af störf-
um, veiktist hún og náði aldrei fullum
bata eftir það. Síðustu æviárin dvaldi
hún á Hrafnistu. Mér skilst að hún
hafi verið hvíldinni fegin. Ég kveð
hana frænku mína með söknuði. Son-
um hennar, konum þeirra og börnum,
móður minni og Erlingi frænda sendi
ég mínar samúðarkveðjur.
Elsa S. Þorkelsdóttir.
✝ Guðrún Jónsdótt-ir fæddist á Ás-
geirsbrekku í Viðvík-
ursveit í Skagafirði
hinn 4. september
1911. Hún lést á
hjartadeild Landspít-
ala – háskólasjúkra-
húss við Hringbraut
hinn 17. febrúar síð-
astliðinn. Foreldrar
hennar voru Fanney
Sigfúsdóttir, f. á
Tyrfingsstöðum á
Kjálka í Skagafirði
10. september 1884,
d. 24. febrúar 1912 og
Jón Jónsson, f. í Hofstaðaseli í Hof-
staðabyggð 6. október 1883, d. 2.
október 1950. Systkini Guðrúnar
eru: 1) Zophonías Gestur, albróðir,
f. 1909, d. 1985, 2) Jóhannes, f.
1923, samfeðra, d. 1966, 3) Stefán,
f. 1932, samfeðra, búsettur á Borg-
arhóli í Skagafirði. Auk þess átti
Guðrún tvö hálfsystkin, sem dóu
kornabörn.
Eiginmaður Guðrúnar var Páll
Ásgeirsson bifreiðastjóri, f. á Sól-
borgarhóli í Glæsibæjarhreppi í
Eyjafirði 8. júlí 1911, d. 5. desem-
ber 1998. Foreldrar Páls voru
Anna Pálsdóttir húsfreyja, f. í Þrí-
hyrningi í Hörgárdal 20. septem-
ber 1876, d. 24. júlí 1955, og Ásgeir
Þorvaldsson bóndi á Sólborgar-
hóli, f. á Finnastöðum í Hrafnagils-
hreppi 13. september
1883, d. 19. maí 1969.
Sonur Guðrúnar og
Páls er Gestur Ingvi,
barnalæknir í
Reykjavík, f. 23. nóv-
ember 1946, kvænt-
ur Björgu Jónsdóttur
hjúkrunarfræðingi.
Börn þeirra eru: a)
Jón Páll stúdent, f.
27. október 1967,
kvæntur Írisi Sam-
úelsdóttur. Sonur
þeirra er Breki Dag-
ur, f. 2001. Fyrir á
Jón Páll soninn
Ingva Stein, f. 1995. b) Inga Guð-
rún viðskiptafræðingur, f. 14.
febrúar 1970, sambýlismaður
Ágúst Agnarsson. Börn: Ástrós
Ögn, f. 1999 og Sunna Dögg, f.
2002. c) Bryndís Ósk félagsráð-
gjafi, f. 14. febrúar 1973, sambýlis-
maður Thomas Zahniser. Sonur:
Andri Freyr, f. 2000. Dóttir Páls af
fyrra hjónabandi er Guðbjörg
Anna Pálsdóttir, f. 30. ágúst 1937.
Guðrún fluttist ung til Akureyr-
ar og átti þar heimili, lengst af á
Víðivöllum 6. Hún gekkst undir
aðgerð á sjúkrahúsi í Reykjavík
sumarið 2000 og átti ekki aftur-
kvæmt norður.
Útför Guðrúnar verður gerð frá
Akureyrarkirkju í dag og hefst at-
höfnin klukkan 13.30.
Minningar úr æsku, góðar minn-
ingar um sól og hita, sundlaugina á
Akureyri. Minningar um afa og
ömmu á Akureyri en þangað fórum
við systkinin sem börn á sumrin.
Afi er einnig látinn, hann dó fyrir
fjórum árum. Það reyndist ömmu
mjög þungbært að verða ein, hún
var orðin veikburða og þarfnaðist
aðhlynningar. Fyrir tæpum þrem
árum kom hún suður til Reykjavík-
ur til að gangast undir augnaðgerð
og átti ekki afturkvæmt norður.
Amma missti móður sína á fyrsta
aldursári og ólst upp við þröngan
kost. Henni og Gesti frænda, bróð-
ur hennar, var komið í fóstur og
þurftu þau fljótlega að sjá sér far-
borða með kaupavinnu á sveitabæj-
um. Fátæktin var mikil í þá daga og
matur oft af skornum skammti.
Þannig mótaðist amma. Ég minnist
þess vel hversu gestrisin hún var og
matur í hávegum hafður, engri mál-
tíð sleppt og alltaf kvöldkaffi með
fullt af kökum. Fyrir vikið kom ég
yfirleitt nokkrum kílóum þyngri til
baka suður.
Amma varð liðlega 91 árs gömul.
Undir lokin var hún komin með
sykursýki á háu stigi og hafði feng-
ið nokkur hjartaáföll en samt var
hún skýr andlega og fullkomlega
með á nótunum. Hún fylgdist vel
með og vildi fá fréttir af því sem
henti barnabarnabörnin.
Það gleður mig mikið, að hún
náði að vera viðstödd giftingu mína
og Írisar 1. febrúar síðastliðinn og
upplifa með mér besta dag lífs
míns.
Amma lést í svefni, án þess að
þjást. Hún var friðsæl yfirlitum síð-
ast þegar ég sá hana. Ég veit að
henni líður vel í örmum Drottins og
að hún er komin aftur á sinn stað
við hlið afa.
Hvíl þú í friði, amma mín.
Jón Páll.
Elsku amma. Nú ertu komin til
hans afa. Okkur er huggun í því,
þar sem við vitum að lífið var aldrei
eins hjá þér eftir að hann dó. Í
minningunni eruð þið alltaf saman
við hvað eina sem þið tókuð ykkur
fyrir hendur.
Þegar við vorum yngri var æv-
inlega farið á sumrin norður til Ak-
ureyrar í heimsókn til ykkar afa.
Þær heimsóknir voru ykkur dýr-
mætar og þú kvaddir okkur alltaf
með tár í augum. Það er ýmislegt,
sem við skildum ekki þá en skiljum
í dag. Þú lagðir t.d. mikla áherslu á
að við borðuðum vel og hafðir
áhyggjur, ef við borðuðum lítið. Þú
ólst sjálf upp við fátækt og kynntist
sjálfsagt svengdinni vel. Það var því
þín leið til að sýna okkur vænt-
umþykju að ganga úr skugga um að
við værum ævinlega saddar á með-
an við dvöldumst hjá þér.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Þýð. Sveinbjörn Egilsson.)
Við vitum að þér líður vel þar
sem þú ert nú, þið afi saman.
Hvíldu í friði elsku amma.
Inga Guðrún og Bryndís.
GUÐRÚN
JÓNSDÓTTIR
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa
um leið og grein hefur borist). Ef greinin
er á disklingi þarf útprentun að fylgja.
Nauðsynlegt er að símanúmer höfundar
og/eða sendanda (vinnusími og heimasími)
fylgi með. Þar sem pláss er takmarkað get-
ur þurft að fresta birtingu greina, enda
þótt þær berist innan hins tiltekna frests.
Nánari upplýsingar eru á mbl.is. Um hvern
látinn einstakling birtist formáli og ein að-
algrein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um
50 línur í blaðinu (17 dálksentimetrar). Til-
vitnanir í sálma eða ljóð takmarkast við
eitt til þrjú erindi. Einnig er hægt að
senda örstutta kveðju, HINSTU KVEÐJU,
5–15 línur, og votta virðingu án þess að það
sé gert með langri grein. Greinarhöfundar
eru beðnir að hafa skírnarnöfn sín en ekki
stuttnefni undir greinunum.
Sími 562 0200
Erfisdrykkjur
Móðir okkar og tengdamóðir,
KRISTÍN ÞÓRÐARDÓTTIR,
hjúkrunarheimilinu Eir,
Reykjavík,
sem lést þriðjudaginn 18. febrúar, verður
jarðsungin frá Grafarvogskirkju í dag, fimmtu-
daginn 27. febrúar, kl. 13.30.
Málfríður K. Björnsdóttir, Guðmundur A. Þórðarson,
Margrét Björnsdóttir
og fjölskyldur.
Ástkær eiginmaður minn, faðir, tengdafaðir, afi
og langafi,
RAGNAR GUÐMUNDSSON,
Dalbraut 21,
áður Bogahlíð 10,
lést á Landspítalanum Hringbraut þriðjudaginn
25. febrúar.
Útförin auglýst síðar.
Sigríður Gunnarsdóttir,
Þórunn Nanna Ragnarsdóttir, Jóhann Hólmgrímsson,
Ingunn Ragnarsdóttir, Már Óskarsson,
Gunnar Ragnarsson, Ásthildur Ágústsdóttir,
Heiðar Ragnarsson, Sigrún Guðjónsdóttir,
barnabörn og barnabarnabörn.
Elskuleg eiginkona mín, móðir okkar, dóttir,
tengdamóðir og amma,
ANNA ALFONSDÓTTIR,
Starhólma 16,
Kópavogi,
lést á líknardeild Landspítalans þriðjudaginn
25. febrúar.
Harry Sampsted,
Alfons Sigurður Kristinsson, Gerður Aagot Árnadóttir,
Hannes Ómar Sampsted, Eygló Íris Oddsdóttir,
Bergsveinn Sampsted, Hrönn Sveinsdóttir,
Alfons Oddsson
og barnabörn.
Elskuleg móðir okkar, tengdamóðir og amma,
MARGRÉT B. ÞORSTEINSDÓTTIR,
Laugaskarði,
Hveragerði,
lést á Landspítalunum við Hringbraut sunnu-
daginn 23. febrúar.
Útförin fer fram frá Hveragerðiskirkju laugar-
daginn 1. mars kl. 14:00.
Ester Hjartardóttir, Halldór Sigurðsson,
Þorsteinn Hjartarson, Erna Ingvarsdóttir,
Jóhanna M. Hjartardóttir, Ragnar M. Sigurðsson
og barnabörn.
Ástkær eiginmaður minn og sonur okkar,
SVEINN GUÐFINNUR RAGNARSSON,
lést þriðjudaginn 25. febrúar.
Fyrir hönd aðstandenda,
Svanfríður Eygló Ívarsdóttir,
Kristín Anna Baldvinsdóttir, Geir Grétar Pétursson,
systkini, börn og barnabörn,
Gabríel Máni Unnarsson.
Elskuleg móðir mín,
GUÐRÚN JÓNSDÓTTIR,
Víðivöllum 6,
Akureyri,
sem lést mánudaginn 17. febrúar, verður
jarðsungin frá Akureyrarkirkju í dag, fimmtu-
daginn 27. febrúar, kl. 13.30.
Gestur Pálsson.