Morgunblaðið - 27.02.2003, Blaðsíða 52
ÍÞRÓTTIR
52 FIMMTUDAGUR 27. FEBRÚAR 2003 MORGUNBLAÐIÐ
ATLI Eðvaldsson, landsliðsþjálfari
í knattspyrnu, verður í Þýskalandi
og í Belgíu um næstu helgi þar sem
hann ætlar að fylgast með íslensku
leikmönnunum sem þar leika. Á
laugardaginn ætlar hann að fylgj-
ast með Þórði Guðjónssyni hjá
Bochum þegar liðið tekur á móti
Hannover í þýsku Bundesligunni og
á sunnudaginn heldur hann til
Belgíu þar sem hann fylgist með
leik Lokeren og Mechelen en með
Lokeren leika sem kunnugt er fjór-
ir Íslendingar – Arnar Grétarsson,
Arnar Þór Viðarsson, Rúnar Krist-
insson og Marel Baldvinsson.
Íslendingar mæta Skotum í und-
ankeppni EM í Glasgow 29. mars.
Atli í „njósnaferð"
LITLAR líkur eru á að Árni Gautur Arason mark-
vörður geti leikið með íslenska landsliðinu í knatt-
spyrnu þegar það mætir Skotum í undankeppni
Evrópumótsins í Glasgow hinn 29. mars. Árni
Gautur þarf að gangast undir aðgerð á olnboga í
næstu viku og segja læknar að hann verði frá æf-
ingum og keppni næstu 4–6 vikurnar. Það kemur
því væntanlega í hlut Birkis Kristinssonar að verja
mark Íslands í Glasgow en leikurinn er báðum
þjóðum ákaflega mikilvægur – Íslendingar með
þrjú stig í riðlinum eftir tvo leiki og Skotar fjögur.
„Læknir sem skoðaði myndir af olnboganum
hefur fundið út að fjarlægja þurfi beinflísar og
brjósk svo ég geti rétt úr olnboganum og hann
segir að ekki verði hjá því komist að ég fari í upp-
skurð. Rosenborg leggur mikla áherslu á að ég
fari sem fyrst í aðgerðina. Það væri kannski hægt
að fresta henni fram yfir tímabilið en með því væri
verið að taka mikla áhættu. Ég fer því að öllum
líkindum í aðgerðina á mánudginn,“ sagði Árni
Gautur við Morgunblaðið í gær en hann er staddur
með Rosenborg í æfinga- og keppnisferð á La
Manga á Spáni.
Árni Gautur segir að læknirinn hafi sagt sér að
litlar líkur væru á að hann gæti verið með í lands-
leiknum við Skota. Hann segir að olnboginn hafi
verið að plaga sig frá því á síðustu leiktíð en á
undanförnum vikum segist hann hafa fundið
meira fyrir meiðslunum.
„Læknirinn talar um að ég verði frá í 4–6 vikur
svo það lítur ekki út fyrir að ég verði klár í leikinn
við Skotana. Ég er samt ekki búinn að gefa upp
alla von. Það verður auðvitað hundfúlt af missa af
leiknum sem maður er búinn að bíða lengi eftir en
ég verð bara að bíta í það súra epli ef svo fer,“
sagði Árni.
Árni Gautur ekki í marki Íslands
á móti Skotum í Glasgow
FRAMTÍÐ Árna Gauts hjá Rosen-
borg er enn óráðin en eins og Morg-
unblaðið greindi frá fyrir skömmu
var Árni ekki sáttur við tilboð
norska liðsins sem bauð honum að
framlengja samning sinn um þrjú
ár en núgildandi samningur rennur
út í lok ársins.
„Við höfum ekki enn náð saman.
Ég er hins vegar búinn að gera Ros-
enborg gagntilboð sem það er að
skoða og ég vænti þess heyra í
Rune Bratseth sem hefur með
samningamálin að gera þegar við
komum heim frá La Manga um
helgina. Það má því segja að bolt-
inn sé hjá Rosenborg.“
Boltinn
er hjá
Rosenborg
HARRY Redknapp knattspyrnu-
stjóri Portsmouth segist vilja fá Ítal-
ann Paolo Di Canio í sumar en Di
Canio hefur ákveðið að yfirgefa West
Ham eftir leiktíðina. „Paolo er einn
besti knattspyrnumaðurinn sem ég
hef augum litið,“ segir Redknapp
sem keypti Di Canio frá Sheffield
Wednesday þegar hann var við
stjórnvölinn hjá West Ham.
DIEGO Forlan verður ekki með
Manchester United í úrslitaleiknum
við Liverpool í deildabikarkeppninni
á Þúsaldarvellinum í Cardiff á sunnu-
daginn. Forlan varð fyrir meiðslum á
upphafsmínútunum í leik United og
Juventus í fyrrakvöld og verður hann
frá æfingum næstu þrjár vikurnar.
ÞAÐ mættu 19.450 áhorfendur til
að sjá Brasilíumanninn Juninho, 30
ára, leika með varaliði Middles-
brough gegn varaliði Bradford á Riv-
erside-leikvanginum á þriðjudags-
kvöld. Hann skoraði eitt af mörkum
liðsins, sem vann 9:0. Juninho hefur
ekki leikið með Middlesbrough í sex
mánuði, en hann meiddist í æfinga-
leik aðeins degi eftir að hann kom til
liðsins frá Atletico Madrid.
ÁHORFENDAMET á leik með
varaliði Middlesborugh var slegið.
Áhorfendur voru um fjögur þúsund
fleiri en sáu Brasilíumanninn Branco
leika með varaliðinu á Riverside
1996.
ÞAÐ hafa oft fleiri komið á leiki
varaliðs Newcastle – um 30 þús.
áhorfendur. Það hefur oft verið sagt
um knattspyrnuáhugann í New-
castle, að það þurfi ekki nema að
hengja búninga liðsins upp til þerris á
snúru á St. James’s Park, þá mæti yf-
ir tíu þúsund manns til að horfa á
búningana.
STEVEN Gerrard og El-Hadji
Diouf eru komnir úr leikbanni og
geta því leikið með Liverpool gegn
Auxerre í UEFA-bikarnum á An-
field í kvöld. Stephane Henchoz, sem
hefur verið meiddur á ökkla, er einnig
tilbúinn í slaginn. Þá mun Michael
Owen, sem var á bekknum gegn
Birmingham, verða í byrjunarliðinu.
MIÐVÖRÐUR enska úrvalsdeild-
arliðsins Manchester United, Laur-
ent Blanc, hefur ákveðið að leggja
skóna á hilluna í lok leiktíðarinnar en
Blanc er 37 ára gamall. Frakkinn
hafði reyndar sagt hið sama fyrir ári
en þá var lagt hart að honum að skrifa
undir samning til eins árs til viðbótar.
Blanc segir að nú sé hann harðákveð-
inn og honum verði ekki hnikað.
PETER Schmeichel, markvörður
Manchester City, sem hefur ekki get-
að leikið með liðinu sl. fimm leiki
vegna meiðsla, leikur með gegn
Blackburn á laugardaginn á Ewood
Park. Þá mun hann reyna að koma í
veg fyrir að tveir fyrrverandi sam-
herjar hans hjá Man. Utd., Dwight
Yorke og Andy Cole, skori hjá hon-
um.
FÓLK
Eyjólfur lék með Stuttgart í 6 ár,fór þaðan til Besiktas í Tyrk-
landi þar sem hann lék eitt tímabil og
frá árinu 1995 hefur hann verið í her-
búðum Hertha Berlin og tekið þar
þátt í miklu ævintýri en uppgangur
félagsins hefur verið gríðarlegur síð-
an Eyjólfur gekk í raðir þess þegar
það lék í 2. deildinni.
Eyjólfur ákvað eftir mikinn þrýst-
ing frá forráðamönnum Berlínarliðs-
ins að framlengja samning sinn í
fyrra um eitt ár en á vormánuðum
segir hann skilið við félagið og flytur
til Íslands. Leiktíðin í ár hefur verið
sú rólegasta fyrir Eyjólf enda hefur
hann verið mikið fyrir utan liðið og
aðeins spilað fimm leiki með Hertha-
liðinu. Það er af sem áður var, er hann
var fastamaður liðsins, enda einn fjöl-
hæfasti leikmaður Þýskalands – gat
leikið allar stöður á vellinum.
„Þetta er bara alveg eins og talað
hafði verið um. Þjálfarinn Huub Ste-
vens er að byggja upp nýtt lið með
ungum leikmönnum og ég vissi að
hlutskipti mitt yrði að vera nokkurs
konar varaskeifa. Hann sagði mér við
upphaf leiktíðarinnar að hann ætlaði
að hafa mig til taks ef einhver
skakkaföll yrðu svo ég hef aðeins
komið við sögu í nokkrum leikjum
þegar þannig hefur háttað til,“ segir
Eyjólfur.
Að sögn Eyjólfs er hann ennþá að
bræða það með sér hvort hann spili á
Íslandi í sumar en vitað er af áhuga
Fylkis og Grindavíkur á að fá hann í
sínar raðir rétt eins og fyrir síðustu
leiktíð.
„Ég er enn óákveðinn og hef velt
þessu fyrir mér fram og til baka. Það
er allt opið hjá mér ennþá en ætli ég
byrji ekki á því að ákveða mig fyrst
hvort ég spili áður en ég ákveð með
hverjum það verður. Ég held að ég
eigi 99 leiki að baki fyrir Tindastól og
það væri gaman að komast í 100 leikja
klúbbinn,“ segir Eyjólfur og hlær við.
Hann segir það vel koma til greina
að koma heim áður en leiktíðinni
lýkur í Þýskalandi í sumar svo
framarlega sem hann ákveði að að
spila á Íslandi.
Hertha á leik fyrir höndum á móti
Boavista í Portúgal í 16 liða úrslitum
UEFA-bikarsins í kvöld. Eyjólfur
sagðist fara með liðinu til Portúgals
en reiknaði ekki með að vera í leik-
mannahópnum.
Eyjólfur Sverrisson enn að hugsa um hvort hann eigi að
ljúka knattspyrnuferlinum með liði í efstu deild á Íslandi
Eyjólfur Sverrisson hefur verið talinn einn fjölhæfasti knattspyrnumaður Þýska-
lands í gegnum tíðina – getur leikið í vörn, á miðjunni og í sókn.
Liggur enn
undir feldi
í Berlín
„ÉG er bara að undirbúa heimkomuna,“ sagði
Eyjólfur Sverrisson, atvinnumaður hjá þýska lið-
inu Hertha Berlin, þegar Morgunblaðið sló á
þráðinn til hans í gær en Eyjólfur lýkur í vor
glæsilegum ferli sínum í atvinnumennsku sem
spannar heil 14 ár. Sauðkræingurinn, sem verður
35 ára gamall í sumar, fór út í atvinnumennsku
árið 1990 þegar hann var keyptur frá Tindastóli
til þýska liðsins Stuttgart.
’ Leik-tíðin í ár
hefur
verið sú
rólegasta
fyrir
Eyjólf
enda
hefur
hann
verið
mikið
fyrir
utan
liðið og
aðeins
spilað
fimm
leiki. ‘