Morgunblaðið - 27.02.2003, Blaðsíða 55

ÍÞRÓTTIR
MORGUNBLAÐIÐ FIMMTUDAGUR 27. FEBRÚAR 2003 55
FÓLK

ÞÓRÐUR Guðjónsson meiddist á
hné í leik með Bochum gegn Ro-
stock í þýsku 1. deildinni í knatt-
spyrnu um síðustu helgi. Peter
Neururer, þjálfari Bochum, sagði
við Westdeutsche Allgemeine í gær
að það kæmi ekki í ljós fyrr en á síð-
ustu stundu hvort Þórður gæti leik-
ið með gegn Hannover um næstu
helgi.

SIGURÐUR Skúli Eyjólfsson,
knattspyrnumaður úr KA, sleit
krossband í hné á æfingu fyrir
skömmu og leikur ekkert með liðinu
í sumar. Sigurður Skúli er 19 ára og
lék 6 leiki með KA í úrvalsdeildinni í
fyrra.

FLENSBURG komst í gærkvöld í
undanúrslit þýsku bikarkeppninnar
í handknattleik með því að sigra
Kiel, 28:24, frammi fyrir 6.000
áhorfendum á heimavelli sínum.
Joachim Boldsen og Lars Jeppesen
skoruðu 6 mörk hvor fyrir Flens-
burg en Demetrio Lozano skoraði 6
mörk fyrir Kiel. Ásamt Flensburg
eru Göppingen og Wallau Massen-
heim komin í undanúrslitin en fjórða
liðið verður Essen eða Burgdorf.

MARKUS Baur skoraði 8 mörk
fyrir Lemgo og Marc Baumgartner
7 þegar liðið vann Nordhorn, 35:33, í
þýsku 1. deildinni í gærkvöld.
Lemgo hefur nú átta stiga forskot á
Flensburg sem hinsvegar á tvo leiki
til góða.

BURNLEY, sem leikur í 1. deild,
lék úrvalsdeildarlið Fulham grátt,
3:0, í ensku bikarkeppninni í gær-
kvöld. Burnley sækir því Heiðar
Helguson og félaga í Watford heim í
átta liða úrslitum keppninnar. Þar
með er öruggt að í það minnsta eitt
lið úr 1. deild kemst í undanúrslitin.

JEAN Tigana, knattspyrnustjóri
Fulham, var æfur yfir frammistöðu
Phil Dowd, dómara, eftir leikinn.
Tigana sagði að leikmenn Burnley
hefðu stöðvað Luis Boa Morte með
öllum mögulegum ráðum og komist
upp með það. „Ég sagði við hann í
hálfleik að hann yrði að vernda mína
menn, sér í lagi Boa Morte. Hann
játti því, og veifaði svo rauðu spjaldi
á fyrsta brot okkar í seinni hálfleik,“
sagði Tigana en Sean Davis hjá Ful-
ham var rekinn af velli í byrjun síð-
ari hálfleiks.

TIGANA sagðist ekki vera neinn
Arsene Wenger eða Alex Ferguson.
„Ég er því ekki með mikið á bakvið
mig og það gerir mér erfitt fyrir, en
dómararnir verða samt að bera virð-
ingu fyrir mér og fyrir Fulham,“
sagði Frakkinn.

STAN Ternant, stjóri Burnley,
kvaðst undrandi á ummælum Tig-
anas. „Þetta er ekki sanngjarnt, en
Jean á rétt á að hafa sína skoðun á
hlutunum. Ef það er rangt að berj-
ast, þá höfðum við rangt við í leikn-
um,“ sagði Ternant og kvaðst himin-
lifandi með sína menn sem hreinlega
yfirspiluðu úrvalsdeildarliðið.
„ÉG GET ekki tekið þátt í því að
handknattleikur á Íslandi yrði að-
eins stundaður fyrir vestan
Rauðavatn og á Akureyri,“ sagði
Bergur Guðmundsson, formaður
handknattleiksdeildar Selfoss, í
gær en liðið er sem stendur í
neðsta sæti 1. deildarinnar og var
að missa aðalmarkaskorara sinn
til Spánar, en Hannes Jón Jóns-
son hefur samið við Naranco á
Spáni.
Bergur sagði það ekkert leynd-
armál að rekstur deildarinnar
væri afar erfiður, standa þyrfti
við skuldbindingar frá gamalli tíð
og glíman væri erfið en ekki von-
laus. „Ég er smiður en vil ekki
taka þátt í því að smíða kistuna
fyrir handknattleikinn á Selfossi.
Það blæs vissulega hraustlega á
móti þessa stundina en við höfum
lagt áherslu á yngri flokkana og
eigum að geta haldið úti liði hér.
Það á að reisa nýtt íþróttahús
sem verður tilbúið haustið 2004
og það ætti að létta aðeins
brúnina hjá þeim sem stunda
íþróttir hér á Selfossi,“ sagði
Bergur og vildi ekki meina að lið-
ið yrði dregið úr keppni í vor
þrátt fyrir erfiðleika. „Það er ljós
í myrkrinu því 4. fl. karla lék til
úrslita í bikakeppni HSÍ sl.
sunnudag og þessir flokkar þurfa
að hafa það sem markmið að
leika í efstu deild. Að því stefnum
við,“ sagði Bergur.
Selfyssingar leggja
ekki árar í bát
Mikið gekk á fyrstu tíu mínút-urnar þegar alls voru skoruð
14 mörk. Haukar spiluðu vörnina
framarlega en það
gekk engan veginn
upp því HK-menn
eru frískir og fundu
hverja smugu sem
gestirnir gleymdu. Engu að síður
náðu Haukar forystu en þegar 5
sóknir þeirra í röð fóru í súginn
sneri HK taflinu við en þar munaði
mikið um að Ólafur Víðir Ólafsson
kom ferskur inná. Hinum megin
hélt Halldór Ingólfsson Haukum
inni í leiknum með mörkum úr ým-
iss konar færum. Um miðjan hálf-
leik dró úr hraðanum enda tók hann
sinn toll af þrekinu.
Eftir hlé færðu Haukar varnar-
línuna aftar og það var ekki að sök-
um að spyrja. Leiðin var ekki eins
greið fyrir leikmenn HK, sem þá
hikuðu í sókninni. Haukar gengu á
lagið með Halldór í broddi fylkingar
en vörnin auðveldaði líka markverði
Hauka, Bjarna Frostasyni, vinnu
sína og kjarkurinn í bikarmeistur-
unum fjaraði út. Eftir sex mörk
gestanna í röð án þess að HK tækist
að svara fyrir sig urðu hlutverka-
skipti í leiknum, í hlut HK kom að
vinna upp fjögurra marka forskot
Hauka, sem gripu þá til leikreynsl-
unnar og héldu fengnum hlut.
Reyndar fékk hvort lið mörg færi til
að breyta muninum en tókst ekki.
HK-menn náðu ekki að fylgja eft-
ir góðri byrjun og tæplega hægt að
skrifa það á bikarúrslitaleikinn síð-
asta laugardag, frekar að þeir áttu
ekki svar við leik gestanna. „Eftir
glimrandi fyrri hálfleik ætluðum við
að halda áfram,“ sagði Árni Stef-
ánsson, þjálfari HK, eftir leikinn.
„Það gekk ekki og getur verið að
þreyta hafi spilað inní en við vorum
að spila mjög óskynsamlega hver í
sínu horni í stað þess að berjast eins
og lið en við megum alls við því,
okkar sterkasta vopn er liðsheild-
in,“ bætti þjálfarinn við. Framan af
voru Ólafur Víðir og Jaliesky
Garcia sprækir auk þess að Alex-
ander Arnarson vann vel bæði í
vörn og sókn en eftir hlé var fátt um
fína drætti.
Þrautseigjan skilaði Haukum
tveimur stigum því þrátt fyrir dapr-
an fyrri hálfleik héldu þeir áfram
þolinmóðir. Breytingar í vörninni
skiluðu líka sínu og um leið góðri
markvörslu. „Fyrri hálfleikur var
dapur á öllum sviðum, vörnin eins
og gatasigti og við hentum síðan
boltanum beint í hendurnar á HK-
mönnum og vorum heppnir að vera
ekki nema þremur mörkum undir í
hálfleik. Síðan bökkum við aftar í
vörninni eftir hlé, vitum þá hver af
öðrum og vinnum saman,“ sagði
Bjarni Frostason markvörður.
Halldór var þó hetja liðsins en Ro-
bertas Pauzuolis átti líka góða
takta.
Morgunblaðið/Kristinn
Robertas Pauzuolis skorar eitt sjö marka sinna fyrir Hauka gegn HK í gærkvöld án þess að Sam-
úel Ívar Árnason fái vörnum við komið. Haukar eru nú komnir í annað sæti deildarinnar.
HK hélt ekki út
gegn Haukum
NÝBAKAÐIR bikarmeistarar HK riðu ekki feitum hesti frá viðureign
við fyrrverandi bikarmeistara Hauka í Kópavoginum í gærkvöldi.
Lengi vel leit út fyrir að HK fengi enn eina rós í hnappagatið en þeir
voru alls ekki viðbúnir bættri vörn Hafnfirðinga og töpuðu 31:28.
Fyrir vikið taka Haukar annað sæti deildarinnar af ÍR.
Stefán
Stefánsson
skrifar
Árni Þorvarðarson, markvörðurStjörnunnar, gaf félögum sín-
um tóninn í fyrri hálfleik og varði á
köflum stórkostlega.
Á sama tíma létu
Valsmenn mótlætið
fara í taugarnar á
sér, innan vallar sem
utan. Sem dæmi um það fékk Freyr
Brynjarsson sína þriðju brottvísun
skömmu fyrir leikhlé fyrir kröftug
mótmæli. Stjarnan hélt 2-3 marka
forskoti framan af síðari hálfleikn-
um en Roland hrökk heldur betur í
gang og lokaði hreinlega marki Vals
á um 12 mínútna kafla. Þá skoruðu
Valsmenn 8 mörk í röð án þess að
Stjörnunni tækist að svara fyrir sig
og náðu 5 marka forystu, 20:25.
Þennan mun náðu Stjörnumenn
ekki að yfirvinna og Valsmenn sitja
því sem fastast á toppi deildarinnar.
Stjörnumenn sýndu frábæran leik
í fyrri hálfleiknum, ekki aðeins
héldu þeir toppliðinu fyrir aftan sig
heldur virtust Valsmenn ekki vita
hvaðan á þá stóð veðrið. Vilhjálmur
Halldórsson átti virkilega góðan leik
ásamt Árna Þorvarðarsyni, mark-
verði, og Þórólfi Nielsen en þeir
náðu ekki að fylgja leik sínum eftir í
síðari hálfleik. Stjarnan er án vafa
eitt efnilegasta lið deildarinnar og
með meiri stöðugleika og meiri trú
getur það staðið jafnfætis hvaða liði
sem er.
Valmenn komu e.t.v. fullkæru-
lausir til þessa leiks. En þeir lærðu
það fljótt og örugglega að enginn
leikur er unninn fyrirfram, það er
ekkert gefið eftir. Þeir létu mótlætið
í upphafi hafa alltof mikil áhrif á leik
sinn en um leið og þeir fóru að leika
eins og þeir eiga að sér áttu Stjörnu-
menn ekkert svar. Snorri Steinn
Guðjónsson er mikilvægur hlekkur í
Valsliðinu eins og þeir Markús Máni
og Hjalti Gylfason, sem þó léku ekki
eins og þeir eiga að sér fyrr en í síð-
ari hálfleiknum. En sterkasti hlekk-
ur liðsins er þó Roland Valur
Eradze, sem varði á köflum meist-
aralega og var besti maður vallarins.
VALSMENN spýttu heldur bet-
ur í lófana í síðari hálfleik
gegn Stjörnunni þegar liðin
mættust í Garðabæ í gær-
kvöldi. Að sama skapi vantaði
Stjörnumenn viljann og trúna
á sigur þegar á leið, eftir að
hafa haft mjög svo vænlega
stöðu í fyrri hálfleiknum. Í
leikhléi var staðan 15:11 fyrir
Stjörnuna en Valsmenn, með
Roland Val Eradze í far-
arbroddi sneru leiknum sér í
vil og unnu 27:24.
Ingibjörg
Hinriksdóttir
skrifar
Frábær
lokakafli
hjá Val