Morgunblaðið - 27.02.2003, Blaðsíða 7
MORGUNBLAÐIÐ FIMMTUDAGUR 27. FEBRÚAR 2003 B 7
NFRÉTTIR Frá hugmynd
að fullunnu verki
Heildarlausnir
H
ön
nu
n:
G
ís
li
B
.
ÖLGERÐIN Egill Skallagríms-
son ehf. og Vöruhótelið ehf. hafa
undirritað samning um að Vöruhót-
elið muni annast allt birgðahald öl-
gerðinnar næstu fjögur árin. Í því
felst að öll vöruafgreiðsla og lager
ölgerðarinnar, bæði fyrir gosdrykki
og áfenga drykki, flyst til
Vöruhótelsins.
16 starfsmenn hafa unnið á lager
ölgerðarinnar. „Öllum starfsmönn-
um á lagernum verður boðin at-
vinna, annaðhvort hjá Ölgerðinni
eða hjá Eimskip, en það fækkar að
sjálfsögðu í lagerhaldi hjá ölgerð-
inni. Við munum hins vegar tryggja
að öllum verði boðin atvinna, að
minnsta kost fram á haustið,“ sagði
Jón Diðrik Jónsson, forstjóri Öl-
gerðarinnar, í samtali við Morgun-
blaðið.
Framleiðslan á einn stað
Jón segir að aðal hagræðið hjá Öl-
gerðinni sé að þetta gefi tækifæri til
að koma framleiðslunni að mestu
leyti á einn stað, í núverandi lager-
húsnæði fyrirtækisins sem sprengt
hafði lagerinn utan af sér, en fram-
leiðsla á vatni og plastflöskum mun
nú flytjast þangað inn. „Vöruhótelið
gefur okkur mikla möguleika á
gæðastýringu og rekjanleika vör-
unnar sem er mjög mikilvægt fyrir
okkur. Sá tölvubúnaðuar sem Vöru-
hótelið er með, er með því besta sem
gerist og mun fullkomnari en við
höfum verið með á okkar lager.“
Jón segir að kostnaður fyrirtæk-
isins vegna birgða hafi hlaupið á tug-
um milljóna króna á ári. Jón segir
aðspurður að enn sé sá möguleiki
fyrir hendi að byggja nýjan lager
fyrir Ölgerðina. „Við gerðum fjög-
urra ára samning við Vöruhótelið en
erum með leyfi fyrir byggingu lag-
erhúsnæðis á lóð ölgerðarinnar. Við
förum núna á fullu í að vinna með
Vöruhótelinu, en erum ekki að afsala
okkur þeim möguleika að byggja
lager sjálfir í framtíðinni.“
Í fréttatilkynningu frá ölgerðinni
kemur fram að samningurinn feli í
sér að Ölgerðin verði með allt sitt
birgðahald á einum stað og geti nýtt
sér geymslu bæði á frísvæði og toll-
afgreiddu svæði Vöruhótelsins, sem
mun annast móttöku á vörum og
geymslu á framleiðslu og innfluttum
vörum Ölgerðarinnar. „Við þetta
verður allur birgðahaldskostnaður
ölgerðarinnar breytilegur og fjár-
binding fyrirtækisins minnkar um-
talsvert. Þá öðlast ölgerðin með
þessu fullkomið svigrúm í birgða-
haldi sínu og getur þannig mætt
vexti í sölu og árstíðabundnum
sveiflum á hagkvæmari hátt. Við af-
greiðslu pantana mun ekki skipta
máli hvort varan sé á frísvæði eða
tollafgreiddu svæði. Vöruhótelið
mun taka að sér afgreiðslu pantana
og ábyrgjast að á hverjum tíma sé
magn tollafgreiddrar vöru í lág-
marki. Með þessu getur ölgerðin
samnýtt afgreiðslu á áfengi og gosi,“
segir í tilkynningunni.
Vöruhótelið tekur að sér að fylgj-
ast með framleiðsludagsetningum
og síðasta söludegi á öllum vörum öl-
gerðarinnar og tryggja algjöran
rekjanleika þeirra. Ölgerðin mun
áfram sjá um dreifingu frá Vöruhót-
elinu til sinna viðskiptavina. Allar
pantanir og önnur samskipti fara
eins og áður í gegnum sölumenn öl-
gerðarinnar.
Ölgerðin flytur allt birgða-
hald til Vöruhótelsins
16 starfsmönnum lagers verður boðin vinna fram á haustið
Jón Diðrik Jónsson, forstjóri Ölgerðarinnar, Gunnar Bachmann, fram-
kvæmdastjóri Vöruhótelsins, Höskuldur H. Ólafsson, framkvæmdastjóri
rekstrarsviðs Eimskips, Ásgeir Jónsson, vörustjóri Ölgerðarinnar, og
Tryggvi Þór Ágústsson, sölu- og markaðsstjóri Vöruhótelsins.
SÍMINN Breiðband hefur hafið
stafræna dreifingu sjónvarps á
breiðbandsneti sínu samhliða því að
halda áfram að sinni með hefð-
bundna sjónvarpsdreifingu. Segir í
tilkynningu frá Símanum að í upp-
hafi verði rúmlega 40 sjónvarps-
stöðvar í boði í þremur áskriftar-
pökkum ásamt yfir 20 erlendum
útvarpsstöðvum sem sérhæfa sig í
tema-tónlist.
Í tilkynningu Símans segir, að
stafrænt sjónvarp opni nýja mögu-
leika í framboði á sjónvarpsefni þar
sem flutningsgetan sé mun meiri en
með hefðbundinni tækni. Ör þróun í
sjónvarpsdreifingu um allan heim
eigi sér stað með stafrænni tækni
þannig að nýjunga sé þar að vænta.
Hljóð- og myndgæði batni almennt
frá því sem áður hefur þekkst.
Síminn hóf undirbúning að hinu
stafræna sjónvarpi á síðasta ári og
hafa uppsetning og prófanir gengið
eftir áætlun.
SkjárEinn og Sjónvarpið eru í
stafrænu sjónvarpi og auk þeirra er
kristilega sjónvarpsstöðin 3ABN
inni á kerfinu. Af erlendum sjón-
varpsstöðvum má nefna 4 með frétt-
ir, 3 með barna- og unglingaefni, 5
með íþróttir, 5 með fræðslutengt
efni, 4 með skemmtiefni, 4 með tón-
list, 3 með lífsstílsefni, 6 norrænar
stöðvar og 8 frá öðrum Evrópulönd-
um.
Verð áskriftarpakka er frá 2.295
krónum til 3.995 króna á mánuði.
40 sjónvarpsstöðvar
og 20 útvarpsstöðvar