Morgunblaðið - 02.03.2003, Blaðsíða 7

vísar þeirri gagnrýni algjörlega á
bug að Stella í framboði hafi ekki
verið nægilega vel unnin tæknilega.
„Ég get nefnt að sá sem sá um hljóð-
vinnsluna í London og vann m.a. að
Harry Potter-myndunum hrósaði
Pétri Einarssyni hljóðmanni sér-
staklega fyrir hans þátt. Vönduð
vinnubrögð Péturs urðu til þess að
hljóðvinnslan gekk mun hraðar fyrir
sig en áætlanir gerðu ráð fyrir í upp-
hafi. Með sama hætti kom berlega í
ljós við vinnsluna hvað tökumað-
urinn Hálfdan Theódórsson hafði
staðið sig rosalega vel. Svo sest
gagnrýnandi með takmarkaða þekk-
ingu á kvikmyndagerð kannski niður
til að sjá myndina með lélegum græj-
um og telur sig geta dæmt um gæð-
in. Hann áttar sig kannski ekki einu
sinni á því hvar vísvitandi er beitt
tæknilegum brögðum til að ná fram
ákveðnum áhrifum.“
Guðný segir að sér finnist stund-
um gæta ákveðinnar ólundar út í
kvikmyndagerðarmenn. „Hugsan-
lega er þessi ólund að einhverju leyti
okkur að kenna. Við erum alltaf að
fara á einhverjar hátíðir, koma svo
heim og monta okkur í blöðunum –
til að fá meira áhorf. Þessar kvik-
myndahátíðir eru bara ekki nærri
því eins mikið húllumhæ og nafnið
gefur til kynna. Þetta er miklu meira
eins konar markaður þar sem allir
eru að reyna að ota sínum tota.
– Og þó svo að fólk fái einhverja
athygli á þessum mörkuðum eru
sjaldnast nokkrir peningar í spilinu.
Á því var reyndar ánægjuleg und-
antekning í Berlín á dögunum. Þar
fór Ungfrúin góða og Húsið inn í nor-
rænan pakka til Bandaríkjanna.
Samningurinn gerir ráð fyrir að
kvikmyndin verði í sýnd í um 700
kvikmyndahúsum og sjónvarpi vest-
anhafs svo að út úr því fást vænt-
anlega einhverjar tekjur.“
„Sýnið mér líkið“ í bígerð
Hvert verður næsta verkefni
Umba? „Við höfum aðallega verið að
hjálpa nokkrum ungum norðlensk-
um mönnum við að koma á koppinn
nýrri íslenskri kvikmynd – svona
spennumynd með twist.“ Twist? „Já,
svona spennumynd með sínu nefi.
Við höfum aðeins verið að gefa þeim
góð ráð við fjárhagsáætlunargerðina
og þvíumlíkt. Þessi vinna hefur verið
mjög skemmtileg og gefið góð fyr-
irheit um framhaldið. Handritshöf-
undurinn kallar sig Baldvin Z. En
meira vil ég ekki segja í bili,“ segir
Halldór dularfullur á svipinn.
Guðný upplýsir að fyrir utan ráð-
gjafarverkefnið séu hjónin að vinna
að nýrri kvikmynd undir vinnuheit-
inu Habeas Corpus (Sýnið mér líkið).
„Ef einhver hefur haldið að við vær-
um að gagnrýna styrktarhlutfallið til
staðbundinna kvikmynda til að búa í
haginn fyrir næstu kvikmynd er sá
hinn sami á algjörum villigötum. Við
gerum ráð fyrir því að næsta kvik-
mynd höfði til breiðs áhorfendahóps
og teljum því eðlilegt að leita eftir
fjármögnun í fleiri löndum en bara á
Íslandi,“ segir Guðný og forvitnast
er um umfjöllunarefni nýju kvik-
myndarinnar. „Kveikjan að handrit-
inu er að ég vann einu sinni á ung-
lingsárunum á betrunarheimili í
Breiðavík. Stemningin þarna var
mjög sérstök, t.d. mátti ekki ræða af
hverju unglingarnir höfðu verið
sendir þangað. Hins vegar var ým-
islegt hvíslað og sumar stelpurnar
jafnvel kallaðar mellur af því að þær
höfðu lent í sifjaspellum. Viðhorfið til
þessara afbrota hefur auðvitað gjör-
breyst á fáum árum. Nú – nýja kvik-
myndin gerist á sama sögusviði, þ.e.
betrunarheimili á Íslandi svona 1971
til 1972. Nokkrir krakkar hverfa og
strax er byrjað að leita að söku-
dólgi.“
„Sitjum uppi með hvort annað“
Hver skrifar handritið? „Við skrif-
um handritið saman. Fyrst skrifuð-
um við svona 10 blaðsíðna atburða-
rás. Svo tók Duna við því að hún er
svo miklu betri í að skrifa samtöl og
alls konar smáatriði,“ segir Halldór
og er spurður að því hvernig þeim
gangi að vinna saman. „Bara nokkuð
vel. Yfirleitt komumst við fljótt að
samkomulagi. Ef illa gengur leitum
við til þriðja aðila. Við verðum að
vinna saman. Við sitjum jú uppi með
hvort annað,“ segir hann og hlær.
„Við stefnum að því að kynna
handritið á Cannes í vor,“ heldur
Guðný áfram. „Helsti kosturinn við
þennan samstarfsvettvang er hvað
hann er stór. Þarna eru allir. Þú get-
ur hitt einn, talað við hann, talað síð-
an við annan, og aftur við hinn. Þó að
tölvur og faxtæki séu í sjálfu sér
ágæt kemur ekkert í staðinn fyrir al-
vöru mannleg samskipti og oft er
hægt að spara mikinn tíma með því
að hitta marga á sama staðnum eins
og í Frakklandi í vor. Eftir að vakin
hefur verið athygli á handritinu á
Cannes hefst síðan 2 til 3 ára þrauta-
ganga í tengslum við fjármögnun þar
til hægt verður að hefjast handa við
tökur á kvikmyndinni. Við ætlum
ekki að ana að neinu því að verkefnið
er stórt og verður að takast vel,“
segir hún og svarar því til að líklega
eigi hún eftir að leikstýra myndinni
sjálf. „Þó alls ekki sé heldur útilokað
að ég leiti til einhvers annars.“
Kemur til greina að taka Habeas
corpus á ensku? „Nei,“ svarar Guðný
ákveðið. „Eftir að hafa séð norsku
kvikmyndina Dinu hef ég engan
áhuga á því að framleiða mynd á
ensku. Allir leikararnir í þeirri mynd
tala ensku – hverrar þjóðar sem þeir
eru upprunalega, t.d. talar franski
leikarinn Gerard Depardieu þarna
ensku. Ég get ekki séð að það breyti
neinu fyrir myndina nema hvað hún
var óheyrilega dýr í framleiðslu –
kostaði um 1,4 milljarða. Við skulum
heldur ekki gleyma því að flestir
aðdáendur íslenskra kvikmynda eru
evrópskir og hafa ekki ensku að
móðurmáli. Svo hafa íslenskar kvik-
myndir notið talsverðra vinsælda í
Suður-Ameríku og áfram mætti
telja. Viðfangsefnið skiptir meira
máli í tengslum við markaðsetningu í
útlöndum og það getur auðveldlega
máð út öll landamæri.“
ago@mbl.is
MORGUNBLAÐIÐ SUNNUDAGUR 2. MARS 2003 B 7
K A R L A R
Ráðstefna fráveitunefndar
um fráveitumál sveitarfélaga
haldin í samráði við Samband íslenskra sveitarfélaga og
umhverfisráðuneytið 7. mars 2003 á Grand Hótel Reykjavík
9.00 Setning: Siv Friðleifsdóttir, umhverfisráðherra.
9.10 Ávarp: Vilhjálmur Þ. Vilhjálmsson, formaður Sambands íslenskra sveitarfélaga.
9.20 Starf fráveitunefndar: Ingimar Sigurðsson,
skrifstofustjóri í umhverfisráðuneytinu og formaður fráveitunefndar.
9.45 Kynning á skýrslu um úttekt á fráveitumálum á Íslandi:
Ágúst Þorgeirsson, Ráðbarði.
10.45 Kaffi.
11.00 Umræður.
12.15 Matarhlé.
13.00 Hvað hefur áunnist? Sigurður Skarphéðinsson,
gatnamálastjóri í Reykjavík, Ármann Jóhannesson, sviðsstjóri tækni-
og umhverfissviðs Akureyrarbæjar, Guðmundur Ingi Gunnlaugsson, sveitarstjóri
í Rangárþingi ytra, Jóna Fanney Friðriksdóttir, bæjarstjóri á Blönduósi,
Sigurður Grétarsson, byggingarfulltrúi í Fellabæ og Guðmundur Baldursson,
bæjartæknifræðingur í Hveragerði.
14.00 Athugun á skólpmengun við sjö þéttbýlisstaði: Anton Helgason,
framkvæmdastjóri Heilbrigðiseftirlits Vestfjarðasvæðis, Helgi Jensson,
forstöðumaður Umhverfisstofnunar.
14.45 Fráveitumál inni í landi:
Sigurbjörg Sæmundsdóttir, deildarstjóri í umhverfisráðuneytinu.
15.00 Kaffi.
15.15 Umræður.
16.00 Samantekt: Smári Þorvaldsson, deildarstjóri í umhverfisráðuneytinu.
16.30 Framtíðarsýn: Knútur Bruun,
fulltrúi sveitarfélaga í fráveitunefnd. Siv Friðleifsdóttir, umhverfisráðherra.
17.00 Ráðstefnuslit.
Ráðstefnustjóri: Magnús Jóhannesson, ráðuneytisstjóri umhverfisráðuneytis.
Skráning er hjá umhverfisráðuneytinu
með tölvupósti á postur@umhverfisraduneyti.is
eða í síma 545 8600. Grand Hótel býður upp á hádegismat á 1.700 kr.
og þarf að skrá sig í hann við upphaf ráðstefnu.