Morgunblaðið - 02.03.2003, Blaðsíða 9
MORGUNBLAÐIÐ SUNNUDAGUR 2. MARS 2003 B 9
Landkostir Skaftárhrepps
Ráðstefna Kirkjubæjarstofu um rannsóknir á náttúru og auðlindum í
Skaftárhreppi í samvinnu við Fræðslunet Suðurlands, Landsvirkjun,
Náttúrufræðistofnun Íslands og Rarik Kirkjubæjarklaustri 8.-9. mars 2003
Laugardagur 8. mars
13:00-13:15 Setning: Jón Helgason, formaður Kirkjubæjarstofu.
13:15-13:50 Grunnvatn og vatnajarðfræði Skaftársvæðisins, verðlaunaverkefni
Fræðslunets Suðurlands: a) Kynning: Jón Hjartarson, framkvæmdastjóri.
b) Erindi: Ríkey Hlín Sævarsdóttir, BS jarðfræðingur.
13:50-14:30 Vistgerðir á vatnasviði Skaftár og Hólmsár: Sigurður H.
Magnússon og Borgþór Magnússon, gróðurvistfræðingar.
14:30-14:40 Kaffihlé
14:40-15:00 Fuglalíf í Skaftárhreppi: Guðmundur A. Guðmundsson,
dýravistfræðingur.
15:00-15:20 Verndun jarðminja í Skaftárhreppi: Helgi Torfason, jarðfræðingur.
15:20-15:40 Tillögur um náttúruverndarsvæði í Skaftárhreppi: Jón Gunnar
Ottósson, náttúrufræðingur.
15:40-16:10 Kaffihlé.
16:10-16:40 Laxfiskar á vatnasvæði Skaftár og Kúðafljóts: Magnús
Jóhannsson, líffræðingur.
16:40-17:00 Botndýrafána á vatnasvæði Skaftár og Kúðafljóts: Erla Björk
Örnólfsdóttir, sjávarlíffræðingur.
17:00-17:15 Árangur af bleikjueldi í lindarvatni: Birgir Þórisson, framkvæmdastjóri.
17:30-19:00 Vettvangsferð að bleikjueldisstöð á Teygingalæk.
Sunnudagur 9. mars
9:00-9:25 Jarðfræði Skaftártungu og Álftaversafréttar: Haukur Jóhannesson,
jarðfræðingur.
9.25-9:45 Rannsóknir á hraunhellum í Skaftáreldahrauni: Sigurður Sveinn
Jónsson, jarðfræðingur, formaður Hellarannsóknarfélags Íslands.
9:45-10:10 Ferðaþjónusta í náttúru Skaftárhrepps og vannýttir möguleikar:
Rögnvaldur Guðmundsson, ferðamálaráðgjafi.
10:10-10:25 Kaffihlé.
10:25-10:45 Nauðsyn atvinnu og mannlífs í Skaftárhreppi fyrir fjölbreyttari
nýtingu landkosta: Sigurður Bjarnason, Atvinnuþróunarsjóði
Suðurlands.
10:45-11:05 Kynning á Norðurslóðaáætlun ESB: Ingunn Bjarnadóttir,
Byggðastofnun.
11:05-11:25 Fundarstjórar taka saman niðurstöður erinda og fyrirspurna á
ráðstefnunni.
11:25 Ráðstefnuslit.
Gert er ráð fyrir stuttum fyrirspurnum í lok hvers erindis.
Landsvirkjun og Rarik sýna ennfremur á myndum og veggspjöldum yfirlit um rann-
sóknarstörf og áætlanagerð fyrirtækjanna í Skaftárhreppi. Á ráðstefnunni er sérstaklega
ætlað að kynna hið fjölbreytta og sérstæða náttúrufar héraðsins og renna með þeim
hætti stoðum undir þróunarverkefni um frekari nýtingu þessara náttúrugæða. Gefnar
eru upplýsingar og tekið við skráningu á ráðstefnuna og gistingu á Hótel Kirkju-
bæjarklaustri, sími 487 4900, netfang klaustur@icehotel.is. Ráðstefnugjald og kaffi
báða daga kr. 2000.
kosta. Það er að segja hvort þörfin
væri virk. Þrátt fyrir að fólk segð-
ist mundu koma í þeim markaðs-
könnunum sem við gerðum vildu
þeir vita hvort svo væri í raun og
veru.
Þá var í þessu ferli einnig unnin
markaðsgreining á heilsuræktar-
geiranum á Íslandi. Við vildum
skoða hvað væri í boði og hvort
eitthvað væri í líkingu við þetta.
Ljóst er að hér á landi er ekki í
boði sérhæfð heildarlausn eins og
við hyggjumst bjóða upp á.
Við gátum því lagt fram við-
skiptaáætlun sem sýnir fram á að
miklar líkur séu á að fólk muni
sækja miðstöðina þannig að rekst-
ur hennar standi undir sér, mark-
aðsgreiningu á íslenska markaðn-
um þar sem kemur í ljós að fólk
segist muni nota slíka aðstöðu og
könnun á Bandaríkjamarkaði, sem
bendir til að áhugaverðir mögu-
leikar séu á að sækja inn á hann
með svona lausn í framtíðinni. Þá
bentum við á að ein meginástæðan
fyrir því að hótel á landsbyggðinni
væru í erfiðleikum væri sú að þau
hefðu ekki haft getu eða mögu-
leika á að skapa sér sérstöðu. Það
ætlum við hins vegar að gera.
Eftir þetta voru nokkrir fjár-
festar tilbúnir að leggja fram fjár-
magn til að reyna dagskrána áður
en ákvörðun yrði tekin um að fjár-
magna allan pakkann. Á þessu
stigi bættist í hópinn Vesturland
ehf. sem er fjárfestingarfyrirtæki
á Vesturlandi og Nýsköpunarsjóð-
ur atvinnulífsins sem veitir okkur
áhættulán til að hefja tilrauna-
verkefnið, auk núverandi hlut-
hafa.“
Næsta skref var að setja saman
dagskrá sem hægt væri að
reynslukeyra og kostnaðaráætlun
fyrir hana. Kostnaðurinn nemur
nokkrum milljónum og hefur tek-
ist að afla fjármagns til að byrja.
Ef vel tekst til og námskeiðin
verða fullbókuð er vonast til að ná
einhverju af þessu fjármagni til
baka. Páll segir aðalatriðið vera að
sannreyna hugmyndina.
Hollur matur, rólegheit
og engir farsímar
Þegar hér var komið sögu voru
allir aðilar málsins sammála um að
nauðsynlegt væri að fá fram-
kvæmdastjóra með rekstrar-
menntun til að stjórna uppbygg-
ingu miðstöðvarinnar og
tilraunadagskránni. Erla Björg
Guðrúnardóttir var þá að ljúka
námi við Háskólann í Reykjavík og
var hún ráðin um síðustu áramót.
Stjórnin mun starfa náið með
henni, en auk Páls Kr. Pálssonar,
sem er formaður hennar, sitja í
henni þeir Ólafur Sveinsson frá
Atvinnuþróun Vesturlands og
Bergþór Ólason sem er fulltrúi
Stykkishólmsbæjar.
Páll hafði farið til Bandaríkj-
anna og skoðaði Kripalu heilsu- og
jógamiðstöðina í Massachusetts.
Þar hafa margir Íslendingar
stundað nám. Meðal annarra
Helga Mogensen jógakennari og
aðstoðaði hún við val á námskeið-
um, en hún hefur mikla reynslu í
andlegri meðferð, streitu- og
álagsmeðferðum og hefur verið
mikil áhugamanneskja um hollt
mataræði og stofnaði m.a. veit-
ingastaðinn Á næstu grösum.
Helga mun sjá um jógakennsluna
sem boðið verður upp á.
Af þeim námskeiðum sem voru í
boði í þessari miðstöð taldi Páll að
fjögur þeirra hentuðu mjög vel.
Þau Erla fóru í gegnum þessi
námskeið og ákváðu að velja tvö
þeirra til að vera í tilraunaverk-
efninu og fá leiðbeinendur frá mið-
stöðinni. Auk þess bættu þau einu
íslensku námskeiði við.
„Stofnunni var gefið nýtt nafn
nýlega,“ segir Erla. „Þegar ég
kom að verkefninu verð ég að við-
urkenna að mér fannst nafnið
Heilsuefling Stykkishólms ehf.
ekki sérstaklega markaðsvænt.
Mér datt því í hug nafnið Temple
Spa sem vísar bæði í gæðavatnið
sem skiptir svo miklu máli í starf-
seminni og einnig staðarins þar
sem það fannst, Hofsstaði. Þessu
nafni fylgir einnig viss dulúð sem
er einkennandi fyrir Snæfellsnes.“
„Við leggjum mikla áherslu á að
„afstressa“ fólk þegar það kemur
til okkar,“ segir Erla. „Helst vildi
ég að fólk skildi símana sína eftir í
móttökunni. Á þessum þriggja
daga námskeiðum gefst fólki kost-
ur á að einbeita sér alfarið að því
að vinna með sjálft sig. Fjarri öllu
áreiti og það sem ég sé einna já-
kvæðast við þetta er að það fer
ekki heim að loknum degi, heldur
gistir á staðnum og nær því að
kúpla sig út úr öllu.“
Stefnt að langtímaárangri
Erla segir að allt miði að vellíð-
an fólksins. Það fái góðan mat sem
Snorri Birgir Snorrason býr til.
Ekki hafi verið farið út í að bjóða
upp á svokallað makróbíótískt
fæði, heldur sé markmiðið að
bjóða upp á góðan, heilbrigðan og
fallegan mat úr fersku hráefni.
Þeir sem eru grænmetisætur geti
að sjálfsögðu fengið mat við hæfi,
en reynt verður að nota hráefni af
svæðinu svo sem sjávarfang og
fleira.
„Námskeiðin sjálf eru hugsuð
þannig að fólk stefni að langtíma-
árangri. Við viljum að fólk gangi
inn í „hofið“ og komi endurnært
út. Ekki nóg með það heldur vilj-
um við að það hafi með sér heim
þau „verkfæri“ sem því verða af-
hent á námskeiðunum sem það
getur notað áfram til að vinna með
sjálft sig og bæta líf sitt.“
Erla segir að mjög margt fólk sé
undir miklu álagi í sínu daglega
lífi. Hún telur að námskeiðið
Streita og álag sem í boði verður
höfði sérstaklega vel til fólks sem
vinnur mikið með öðru fólki sem
er jafnvel veikt eða á við erfiðleika
að stríða. Þetta eru til dæmis
hjúkrunarfræðingar, félagsfræð-
ingar, kennarar og fleiri. Ástæðan
er sú að auk þess að vinna með
sjálft sig fer þetta fólk út með
þekkingu sem nýtist því í starfi og
það getur miðlað til skjólstæðinga
sinna. Hún bendir einnig á að fólk
sem starfar í fjármálageiranum sé
oft undir miklu álagi í starfi. Eins
og áður segir hentar námskeiðið
einnig þeim sem hafa orðið fyrir
miklu álagi í einkalífinu til dæmis
við ástvinamissi því ekki er margt
í boði fyrir fólk sem þarf að ná sér
eftir slíkt. En þetta er aðeins eitt
af þremur námskeiðum sem í boði
verður.
Talið berst að því að stundum
virðist eins og að það sé ákveðinn
stíll eða jafnvel vísbending um
dugnað fólks að það sé stressað.
„Ég vona að við getum innleitt
nýja tísku sem felst í því að það
þyki flott að vera í góðu jafnvægi
og alveg án streitu,“ sagði Erla.
Erla segir leiðbeinendurna á
námskeiðunum búa yfir mikilli
reynslu, en þrír þeirra eru stofn-
endur og leiðbeinendur við áður-
nefnda Kripalu jógamiðstöð sem
er orðin 25 ára. Eftirfarandi þrjú
námskeið verða í boði til reynslu
nú í vor.
Streita og álag nefnist fyrsta
námskeiðið sem haldið verður 3.-6.
apríl nk. og reyndar aftur 15.-18.
maí. Joel Feldman hefur þróað og
haldið þetta námskeið í meira en
15 ár. Þátttakendum eru kenndar
aðferðir til að taka á álagi og
streitu. Beitt er margvíslegum að-
ferðum, m.a. samtölum, æfingum,
hreyfingu og ýmiss konar annarri
þjálfun sem þátttakendur fara í
gegnum.
Líf mitt og framtíð er námskeið
sem haldið er af Richard Michaels
og Marciu Goldberg 8.-11. maí nk.
Þau hafa staðið fyrir þessu nám-
skeiði í yfir 10 ár og er lögð
áhersla á að fólk fari í gegnum
lífsferil sinn og skoði sig í „bak-
sýnisspeglinum“ og átti sig á
styrkleikum sínum og veikleikum.
Sjálfstraust í samskiptum er
námskeið sem þeir Jóhann Ingi
Gunnarsson og Sæmundur Haf-
steinsson sjá um 10.-13. apríl. Á
námskeiðinu verður farið yfir
helstu einkenni árangursríkra
samskipta og góðs sjálfstrausts.
Kenndar verða leiðir til að skil-
greina og efla sjálfstraust, t.d. með
hugþjálfun, spurningalistum og
léttum æfingum.
Markviss
kynning á fulla ferð
Um þessar mundir er að hefjast
kynning á námskeiðunum. Ætlunin
er að senda bæklinga til sérvalinna
einstaklinga úr markhópum. Auk
þess verða veggspjöld hengd upp í
heilsuræktarstöðvum og fyrirtækj-
um. Þá verða um 40 fyrirtæki
heimsótt og námskeiðin kynnt. Á
femin.is verður auglýsing sem fólk
getur smellt á og komist inn á
heimasíðuna www.templespa.is ,
en femin sendi krækjuna í tölvu-
pósti til um 10.000 kvenna. Þau
Erla og Páll leggja einmitt mikla
áherslu á að beina fólki inn á
heimasíðuna því þar eru allar upp-
lýsingar um fyrirtækið og þar er
hægt að bóka sig á námskeiðin.
Páll er mjög áhugsamur um að
fá líklega fjárfesta til að koma
sjálfa á námskeiðin til að sann-
reyna gildi þeirra. Það hljóti að
vera áhrifaríkasta aðferðin til að fá
þá til að leggja fjármuni í fyr-
irtækið og kynnast Erlu, sem hann
telur mjög hæfan stjórnanda til að
leiða daglegan rekstur.
Eftir tilraunanámskeiðin verður
viðskiptaáætlunin uppfærð sam-
kvæmt þeirri reynslu sem fæst af
þeim.
„Við munum síðan kynna fram-
tíðaráform okkar fyrir líklegum
fjárfestum strax í maí og vonumst
til að það leiði til þess að við get-
um sett rekstrarlega og umhverf-
islega uppbyggingu á fulla ferð
þannig að starfsemin geti hafist af
fullum krafti frá og með næsta
hausti,“ segir hann.
Þau Erla og Páll eru bjartsýn
og sannfærð um að um einstaka
starfsemi verði að ræða í Temple
Spa í Stykkishólmi. Þau eru
ánægð með staðsetninguna og
segja hana mikilvæga. Þau benda
á að miðstöðvar á borð við þessa
úti í heimi séu alls ekki í stór-
borgum heldur í minni bæjum sem
búa yfir einhverri sérstöðu. Stykk-
ishólmur sé einmitt slíkur bær og
þar sé hægt að eiga dýrðardaga.
asdish@mbl.is
Dagskrá námskeiðanna er þannig
uppbyggð að á fimmtudeginum hefj-
ast námskeiðin með móttöku og
kvöldverði. Eftir kvöldverð hefst síð-
an dagskráin. Kvöldinu lýkur með
stuttri útiveru; sundi eða gönguferð.
Á föstudögum og laugardögum
hefst dagurinn með morgunjóga,
síðan er morgunverður og að því
loknu þriggja tíma vinna á nám-
skeiði. Eftir hádegi er útivist og síð-
an hefst námskeiðsvinna að nýju og
stendur til klukkan 18, eftir það er
farið í kvöldjóga. Þá er kvöldverður
og um kvöldið er síðan hvíldar- og
hressingardagskrá. Á sunnudegi er
dagskrá með hefðbundnum hætti
fram yfir hádegi en þá lýkur nám-
skeiðunum og heimferð er áætluð
upp úr kl. 14.
Fimmtudagur:
16.00–17.30 Innritun. Frjáls tími
til 17.30.
17.30–18.00 Móttaka.
18.00–19.30 Kvöldverður.
19.30–21.00 Gestir boðnir
velkomnir. Dagskráin yfirfarin
og kennarar kynntir. Þátttakendur
kynna sig. Rætt um væntingar
en síðan taka kennarar við og
hrista hópinn saman.
21.00–22.00 Frjálst val; sund
eða gönguferð.
22.00–23.00 Spjall í veitingasal.
23.00 Gengið til náða.
Föstudagur:
07.00–08.00 Morgunjóga.
08.00–09.00 Morgunverður.
09.00–12.00 Námskeið.
12.00–13.30 Hádegisverður.
13.30–15.30 Frjálst val; hvíld,
sund, gönguferð, nudd.
15.30–18.00 Námskeið.
18.00–19.00 Kvöldjóga.
19.00–20.30 Kvöldverður.
20.30–22.00 Tónleikar í
kirkjunni með söng og tónlist.
22.00–22.30 Spjall í veitingasal.
22.30 Gengið til náða.
Laugardagur:
07.00–08.00 Morgunjóga.
08.00–09.00 Morgunverður.
09.00–12.00 Námskeið.
12.00–13.30 Hádegisverður.
13.30–15.30 Frjálst val; hvíld,
sund, gönguferð.
15.30–18.00 Námskeið.
18.00–19.00 Kvöldjóga.
19.00–20.30 Kvöldverður.
20.30–22.00 Róandi sundferð.
22.00–22.30 Spjall í veitingasal.
22.30 Gengið til náða.
Sunnudagur:
07.00–08.00 Morgunjóga.
08.00–09.00 Morgunverður.
09.00–12.00 Gengið til klausturs
og íhugað. Lok námskeiðsins.
Hópurinn kvaddur af kennurum.
12.00–14.00 Hádegisverður.
14.00 Heimferð.
Dagskráin