Morgunblaðið - 03.03.2003, Side 1

STOFNAÐ 1913 60. TBL. 91. ÁRG. MÁNUDAGUR 3. MARS 2003 PRENTSMIÐJA ÁRVAKURS HF. mbl.is
Neitaði aldrei
góðri skák
Skákmót til minningar um
Guðmund J. hefst í dag Fréttir 10
Umsögn um tónleika Gvazava
og Bjarna Thor Listir 14
Alltaf Íslands-
meistari
Sigurður Sigurðsson hampar
12. íshokkítitlinum Íþróttir 1
Slógu í gegn
með söng
HALLDÓR Ásgrímsson utanríkisráðherra
segir uppbygginguna eftir stríðsátökin í
Kosovo ganga afskaplega hægt fyrir sig og
að framfarir þar séu litlar. Allt að 70% at-
vinnuleysi er í landinu.
Um fjögur ár eru síðan stríðið í Kosovo
stóð sem hæst en það var á fyrri hluta árs
1999 sem NATO hóf loftárásir vegna að-
gerða Serba í héraðinu.
Halldór er nú staddur í Pristina, höfuð-
borg Kosovo, til að taka formlega við stjórn
NATO-flugvallarins þar fyrir hönd Ís-
lensku friðargæslunnar. Hann segir eitt og
hálft ár síðan hann var síðast í Kosovo en
litlar breytingar hafi orðið síðan þá. „Það er
víða heldur dapurlegt um að litast, upp-
byggingin er afskaplega hæg og framfar-
irnar litlar,“ sagði Halldór. „Þetta er land
sem þarfnast mikillar aðstoðar og greini-
lega skiptir mestu að hér verði fjárfest og
einhver atvinna sköpuð.“
Utanríkisráðherra í Kosovo
Uppbygg-
ingin afskap-
lega hæg

Næg verkefni/4
Pristina. Morgunblaðið.
ÍRAKAR eyðilögðu í gær sex bannaðar eld-
flaugar af gerðinni Al Samoud 2 en hótuðu
að hætta afvopnun ef Bandaríkjamenn
héldu áfram að undirbúa árásir á Írak.
Írakar hafa eyðilagt tíu eldflaugar í við-
urvist eftirlitsmanna Sameinuðu þjóðanna
frá því á laugardag.
Vísindaráðgjafi Saddams Husseins,
Amer al-Saadi, sagði þetta sýna að Írakar
virtu kröfur öryggisráðs SÞ um samstarf
við eftirlitsmennina en þeir kynnu að hætta
því ef Bandaríkjamenn gæfu til kynna að
þeir hygðust samt hefja stríð. „Hvers vegna
ættum við að halda þessu áfram ef í ljós
kemur í byrjun mánaðarins að Bandaríkja-
menn hyggjast ekki fara löglegu leiðina?“
sagði al-Saadi á blaðamannafundi í Bagdad
og bætti við: „Afvopnun – friðsamleg –
kostar bandaríska skattborgarann ekkert,
[en] stríð til að knýja fram afvopnun 80
milljarða dollara.“
Eiturvopn grafin upp
Eftirlitsmennirnir fóru í gær á stað þar
sem Írakar segjast hafa grafið sýkla- og eit-
urvopn. Al-Saadi sagði að þar væru 157
sprengjur með miltisbrand, aflatoxín og
taugasperðileitur. Írakar væru að grafa
vopnin upp og hefðu þegar fundið átta
sprengjur.
Tvö arabaríki, Kúveit og Bahrain, tóku í
gær undir tillögu, sem Sameinuðu arabísku
furstadæmin settu fram á leiðtogafundi
arabaríkja á laugardag, um að skora á
Saddam Hussein að fara frá völdum þar
sem ekki verði komið í veg fyrir stríð í Írak
með öðrum hætti. Leiðtogarnir neituðu að
ræða tillöguna á laugardag og Írakar sögðu
hana bera því vitni að Sameinuðu arabísku
furstadæmin væru handbendi Ísraela.
Hóta að
hætta að
eyða eld-
flaugum
Bagdad. AP.
SAMDRÁTTUR hefur orðið í einkaflugi á sein-
ustu árum, litlum einkaflugvélum hefur fækkað
og samkvæmt upplýsingum Össurar Brynjólfs-
sonar, yfirflugkennara hjá Flugskóla Íslands,
hefur kennsluflug hjá skólanum dregist saman
um 50% á síðustu fjórum árum. Að sögn Össurar
var kennsluflug á seinasta ári hið minnsta í mörg
undanfarin ár.
Að mati Össurar eru meginskýringarnar á
þessu þær miklu þrengingar sem urðu í flugheim-
inum í kjölfar hryðjuverkaárásanna 11. septem-
ber 2001.
Notkun á flugvélaeldsneyti
minnkað um 44% frá 1996
Samdrátt í flugi má einnig merkja af mun
minni sölu á flugvélaeldsneyti. Hefur notkun á
flugvélaeldsneyti dregist saman um 44% frá
árinu 1996. Árið 1996 var innlend notkun 1.519
tonn, en nú áætlar Reynir Guðlaugsson, inn-
kaupastjóri Skeljungs, út frá tölum félagsins, að
heildarnotkunin í fyrra hafi numið um 850 tonn-
um. Segir hann að gera megi ráð fyrir því, að sala
á flugvélabensíni
hafi dregist saman
um 10 -–15% milli ár-
anna 2001 og 2002.
Árið 2001 var notk-
unin 972 tonn.
Reynir segir meg-
inskýringuna á þess-
ari þróun vera að
flugvélar í innan-
landsflugi hafi í
auknum mæli byrjað
að nota flugsteinolíu.
Núna séu það nánast
eingöngu litlar flug-
vélar í einkaeign sem noti flugvélabensín auk véla
sem hafi verið notaðar í sjúkraflug.
Fækkun einkaflugvéla
Litlum einkaflugvélum hefur fækkað á sein-
ustu árum. 271 slík vél var skráð hérlendis 1992,
en í árslok 2001 voru 263 litlar vélar skráðar.
Össur segir alveg ljóst að fækkun litlu einka-
flugvélanna sé alvarleg vegna þess hve mikilvæg-
um þætti þær gegni við þjálfun flugmanna. „Það
þekktist hér áður fyrr að margir ættu sína eigin
einkaflugvél en það hefur minnkað mikið. Það átti
að vísu stóran þátt í þessu að fyrir nokkrum árum
var stofnaður flugklúbbur, Geirfugl, sem er stór
og öflugur klúbbur í dag. En álagning opinberra
gjalda er svo há að það er ofboðslega dýrt fyrir
menn að eiga og reka eigin vél, jafnvel þótt þeir
séu nokkrir saman um hverja vél,“ segir hann.
Lítrinn af flugvélaeldsneyti kostar í dag 75
krónur með virðisaukaskatti og er það óbreytt frá
1. ágúst 2000, en þá hækkaði lítrinn um 20 krón-
ur, fór úr 55 krónum í 75 kr. Lítrinn kostaði 50
krónur 1. ágúst 1999 og 44 krónur 1. júní 1998.
Greinileg merki um uppsveiflu
Össur er þrátt fyrir allt bjartsýnn á að þróunin
sé að snúast til betri vegar. „Það eru greinileg
merki um uppsveiflu á nýjan leik. Þar er bæði um
aukinn áhuga að ræða og svo verðum við strax
varir við það í skólanum þegar flugfélögin eru far-
in að ráða inn mannskap aftur.“
50% samdráttur í
kennsluflugi á 4 árum




  


 






    

 

 
!

!
"
JACQUES Chirac, forseta Frakklands, var fagnað
sem hetju í Algeirsborg þegar hann kom þangað í
gær í fyrstu opinberu heimsókn fransks forseta til
Alsírs frá því að landið fékk sjálfstæði frá Frakk-
landi árið 1962 eftir blóðugt stríð.
Hundruð þúsunda voru á götum Algeirsborgar til
að fagna gestinum. Chirac hefur notið mikilla vin-
sælda í Alsír síðustu ár og þær hafa aukist vegna
andstöðu hans við stríð í Írak.
Chirac og forseti Alsírs, Abdelaziz Bouteflika,
veifa hér til mannfjöldans, umkringdir vörðum.
Heimsóknin stendur í þrjá daga.
AP
Chirac heimsækir Alsír
HELSTI efnahagsráðgjafi dönsku
ríkisstjórnarinnar leggur til að hún
stöðvi atgervisflótta með því að láta
hámenntaða Dani greiði hluta kostn-
aðar ríkisins af menntun sinni flytji
þeir til útlanda að námi loknu.
Að sögn dagblaðsins Berlingske
Tidende leggur ráðgjafinn, prófess-
or Torben M. Anderssen, til að skuld
danskra námsmanna verði afskrifuð
með punktum sem þeir fái fyrir
skattana sem þeir greiða eftir að þeir
hefja störf í Danmörku, en fari þeir
að vinna í öðrum löndum endurgreiði
þeir hluta námskostnaðarins.
Hann spáir auknum atgervisflótta
með alvarlegum afleiðingum.
Greiði
sjálfir fyrir
menntunina
MIÐFLOKKURINN í Eistlandi
virtist hafa fengið flest þingsæti í
kosningum sem fram fóru í gær en
ekki var ljóst hvort hann gæti mynd-
að stjórn þar sem mið- og hægri-
flokkar virtust hafa fengið fleiri
þingsæti samanlagt.
Miðflokkurinn er undir forystu
Edgars Savisaars, fyrrverandi inn-
anríkisráðherra, sem hefur verið
kallaður „Nixon Eistlands“ því að
hann neyddist til að segja af sér 1995
eftir að upp komst að hann lét taka
upp samtöl pólitískra keppinauta.
Fylgi flokksins var 25,3% er 90%
atkvæðanna höfðu verið talin og var
honum spáð 28 þingsætum af 101.
Kosið í Eistlandi
Miðflokk-
urinn
stærstur
Tallinn. AP.
♦ ♦ ♦
♦ ♦ ♦