Morgunblaðið - 03.03.2003, Blaðsíða 2

FRÉTTIR
2 MÁNUDAGUR 3. MARS 2003 MORGUNBLAÐIÐ
SAMDRÁTTUR Í FLUGI
Samdráttur hefur orðið í einka-
flugi á síðustu árum, litlum einka-
flugvélum hefur fækkað og kennslu-
flug hjá Flugskóla Íslands hefur
dregist saman um 50% á síðustu
fjórum árum. Kennsluflugið í fyrra
var hið minnsta í mörg ár.
Stofnanir gera upp við LSR
Tólf opinberar stofnanir hafa gert
að fullu upp skuldbindingar sínar
vegna lífeyrisréttinda starfsmanna
sinna við Lífeyrissjóð starfsmanna
ríkisins. Skuldbindingarnar námu
alls 32,6 milljörðum króna á árunum
1997–2001.
Mikið áfall fyrir al-Qaeda
Khalid Sheikh Mohammed, þriðji
æðsti forystumaður al-Qaeda, var
handtekinn í Pakistan á laugardag.
Bandarískir embættismenn segja
þetta mikilvægustu handtökuna til
þessa í baráttunni gegn hryðju-
verkasamtökunum og mikið áfall
fyrir þau. Talið er að Mohammed
hafi tekið þátt í skipulagningu allra
helstu árása al-Qaeda og geti veitt
upplýsingar um hryðjuverk sem
samtökin eru að undirbúa.
Hóta að hætta afvopnun
Írakar hótuðu í gær að hætta að
eyða bönnuðum eldflaugum ef
Bandaríkjamenn héldu áfram að
undirbúa stríð. Írakar hafa eyðilagt
tíu bannaðar eldflaugar frá því á
laugardag.
Jarðhita leitað í Grímsey
Stefnt er að því að leita að heitu
vatni í Grímsey á næstu mánuðum í
því skyni að nýta jarðhitann til
kyndingar. Talið er að hitaveita í
Grímsey myndi borga sig niður á tólf
árum.
70% atvinnuleysi í Kosovo
Halldór Ásgrímsson utanrík-
isráðherra, sem er staddur í Kosovo,
segir uppbygginguna þar eftir
stríðsátökin ganga mjög hægt fyrir
sig. Framfarir séu þar litlar og allt
að 70% atvinnuleysi.
Óttast rangfærslur
Valgerður Sverrisdóttir, iðnaðar-
og viðskiptaráðherra, kveðst óttast
rangfærslur náttúruvernd-
arsamtaka sem reyna að hafa áhrif á
erlendar lánastofnanir með það að
markmiði að koma í veg fyrir virkj-
anaframkvæmdir.
2003
MÁNUDAGUR 3. MARS BLAÐ B
B L A Ð A L L R A L A N D S M A N N A
LOGI GUNNARSSON: „ATVINNUMENNSKAN HARÐUR HEIMUR“ / B9
ÖRN Arnarson, sundkappi úr ÍRB,
setti Íslandsmet í 50 metra flug-
sundi á laugardagskvöldið. Örn
synti á 24,09 sekúndum og bætti
eigið met um 31/100 úr sekúndu.
Metið setti hann í sérstöku sun-
deinvígi sem haldið var í tengslum
við unglingamót KR og keppti
hann þar meðal annars við danska
sundmenn.
Örn setti metið í annarri umferð
einvígisins og í þeirri þriðju synti
hann einnig undir gamla metinu,
24,23 sekúndur.
Sundeinvígið var hluti af Vetr-
arhátíð Reykjavíkur og var haldið
undir mikilli ljósadýrð og tónlist-
arflutningi.
Í flugsundseinvígi kvenna hafði
Jeanett Ottesen frá Danmörku
betur gegn Kolbrúnu Ýr Kristjáns-
dóttur, synti á 27,62 sekúndum en
Kolbrún Ýr var á 28,05 sekúndum.
Íslandsmet hennar er 27,79 sek-
úndur. Ottesen er sjöfaldur Norð-
urlandameistari stúlkna frá síð-
asta ári.
Keppt var í Sundhöllinni og
voru keppendur 450 talsins frá 21
sndfélagi. Danskir keppendur
voru þrettán talsins
Íslands-
met
hjá Erni
SIGURÐUR Sveinn Sigurðsson,
fyrirliði SA í íshokkí, fagnaði vel
um helgina enda full ástæða til.
Skautafélag Akureyrar varð þá Ís-
landsmeistari í tíunda sinn, en Sig-
urður í tólfta sinn.
„Ég spilaði fyrstu sjö árin með
SA og við urðum meistarar öll ár-
in, síðan fór ég suður til náms í tvö
ár og lék þá með SR og við urðum
meistarar þau ár. Síðan hef ég
verið meistari síðustu þrjú árin
með SA,“ segir Sigurður, en hann
er sá eini sem getur hrósað sér af
því að hafa orðið Íslandsmeistari
öll tólf skiptin sem keppt hefur
verið um þann titil í íshokkí hér á
landi. „Ég held að ég sé líka sá eini
sem hef spilað í deildinni alveg frá
upphafi,“ sagði meistarinn, sem
sagði að auðtvitað færi að styttast
í þessu hjá sér þrátt fyrir að hann
væri aðeins 27 ára. „Það liggur í
hlutarins eðla að eftir því sem ár-
unum fjölgar styttist í það að mað-
ur hætti,“ segir meistarinn.
Hefur alltaf
orðið
meistari
SA náði undirtökunum strax,komst í 5:1 í fyrstu lotu og 8:2
var staðan eftir tvær lotur. Þá
fengu óreyndari leikmenn að
spreyta sig og nýttu Reykvíkingar
sér það og unnu síðustu lotuna 5:3.
„Þetta er alltaf jafngaman, sama
hvað titlarnir verða margir enda er
það þetta sem málið snýst um, að
vinna,“ sagði Sigurður Sveinn Sig-
urðsson, fyrirliði SA, eftir sigurinn.
Hann sagði úrslitakeppnina hafa
verið spennandi þó svo SA hafi
unnið 3:0. „Fyrstu tveir leikirnir
voru mjög jafnir og spennandi og
fyrir sunnan lentum við í framleng-
ingu, tvöfaldri vítakeppni og síðan
bráðabana. Í síðasta leiknum hér
heima var eitthvert mannahallæri
hjá SR þannig að þetta var frekar
öruggt hjá okkur,“ sagði fyrirlið-
inn.
Tímabilið er búið að vera jafnara
en nokkru sinni fyrr hjá íshokkí-
mönnum. „Það voru nú margir
búnir að afskrifa okkur þegar við
töpuðum þremur leikjum í röð um
mitt tímabil, einum leik fyrir SR
og tveimur fyrir Birninum. Þetta
er í fyrsta sinn síðan Íslandsmótið
hófst sem allir vinna alla og það
sýnir að þetta er að verða jafnara
en áður. Maður átti því von á
spennandi úrslitakeppni og hún
varð það þó svo við næðum að
vinna í þremur leikjum. Við vorum
alltaf ákveðnir í að leika bara þrjá
leiki í úrslitarimmunni og það
tókst,“ sagði fyrirliðinn kampakát-
ur.
Það verður ekki langt frí hjá
þeim bestu í íshokkíinu því í lok
mánaðarins heldur landsliðið til
Sófíu í Búlgaríu þar sem það tekur
þátt í heimsmeistaramótinu. „Við
fáum frí um næstu helgi en síðan
hefjast æfingar af fullum krafti og
hingað koma erlend lið til að leika
æfingaleiki við hokkur áður en við
förum til Búlgaríu,“ sagði fyrirliði
Íslandsmeistaranna.
Morgunblaðið/Kristján
Sigurður Sveinn Sigurðsson, fyrirliði SA, lyftir Íslandsbikarnum. Við hlið hans stendur Rúnar Rún-
arsson. Sigurður er tólffaldur Íslandsmeistari í íshokkí, hefur alltaf orðið meistari, með SA og SR.
Tíundi titill
Akureyringa
SKAUTAFÉLAG Akureyrar varð á laugardaginn Íslandsmeistari í ís-
hokkí í tíunda sinn, en tólf sinnum hefur verið keppt á Íslands-
mótinu. Sannarlega glæsilegur árangur hjá Akureyringum. SA vann
úrslitarimmuna gegn Skautafélagi Reykjavíkur 3:0 og úrslitaleikinn
á laugardag nokkuð auðveldlega 11:7.
BÍLDSHÖFÐI 510 8020
SMÁRALIND 510 8030
SELFOSS 480 7000
WWW.INTERSPORT.IS
Yf ir l i t
Í dag
Sigmund 8 Kirkjustarf 24
Viðskipti 11/12 Bréf 26/27
Erlent 13 Dagbók 28/29
Listir 14/15 Leikhús 30
Umræðan 16/17 Fólk 30/33
Forystugrein 18 Bíó 30/33
Minningar 20/23 Veður 35
* * *
VALGERÐUR Sverrisdóttir, iðn-
aðar- og viðskiptaráðherra, segist
mjög ósammála þeirri skoðun for-
manns Náttúruverndarsamtaka Ís-
lands, að það sé sjálfsagt að nátt-
úruverndarsamtök reyni að hafa
áhrif á erlendar lánastofnanir í því
skyni að koma í veg fyrir virkjana-
framkvæmdir. Hún segist óttast
rangfærslur slíkra samtaka við
lánastofnanirnar.
Í Morgunblaðinu í gær sagði Árni
Finnsson, formaður Náttúruvernd-
arsamtaka Íslands, að það væri
sjálfsagt atriði í baráttu allra nátt-
úruverndarsamtaka að benda lána-
stofnunum á það ef þær ætli að fjár-
magna framkvæmdir sem eru
gagnrýniverðar en alþjóðlegu sam-
tökin International Rivers Network
hafa nýlega sett sig í samband við
a.m.k. eina erlenda lánastofnun og
hvatt hana til að
taka ekki þátt í
fjármögnun
vegna Kára-
hnjúkavirkjunar.
Fæti brugðið
fyrir lýðræðið
„Ég er mjög
ósammála Árna í
þessu því þarna
má segja að sé
verið að reyna að bregða fæti fyrir
lýðræði,“ segir Valgerður. „Það er
búið að taka hér ákvörðun á Alþingi
með miklum meirihluta um að fara í
þessa framkvæmd. Þetta sýnir bara
að þessir aðilar leita víða fanga við
málflutning sinn en auðvitað er það
mjög lítill minnihluti sem er þeirrar
skoðunar að svona vinnubrögð séu
réttlætanleg.“
Hún segir ósanngjarnt að tala um
að með þessu sé verið að benda
lánastofnunum á ef reglur þeirra
um framkvæmdir eru ekki uppfyllt-
ar. „Það sem ég óttast er að þessi
samtök séu með rangfærslur og
reyni að hafa áhrif á lánastofnan-
irnar á grundvelli rangra upplýs-
inga því það veit ég að hefur verið
ástundað.“
Valgerður telur þó ósennilegt að
þessi málflutningur hafi mikil áhrif
á lánastofnanirnar. „Ég trúi því
ekki að virtar lánastofnanir kynni
sér ekki málin þegar verið er að
bera það á borð að íslensk stjórn-
völd séu að falsa úrskurði og þar
fram eftir götunum. Þetta er nátt-
úrlega svo yfirgengilegt að ég trúi
því ekki að virtar lánastofnanir
kynni sér ekki mál í þaula áður en
þær fara að hlusta á svona lagað.“
Valgerður Sverrisdóttir iðnaðar- og viðskiptaráðherra
Óttast rangfærslur
náttúruverndarsamtaka
Valgerður
Sverrisdóttir
Morgunblaðið/Júlíus
Sjónarspil í Öskjuhlíðinni
tilefni af Vetrarhátíð Reykjavíkur. Talið er að
um tvö til þrjú hundruð manns hafi fylgst
með gjörningnum. Meðal annars var notast
GJÖRNINGAKLÚBBURINN og Slökkvilið
höfuðborgarsvæðisins voru með sannkallað
sjónarspil í Öskjuhlíðinni á laugardagskvöld í
við tvo körfubíla frá slökkviliðinu, rauð blys,
vatnsstróka og líkbíla. Myndin segir þó meira
en mörg orð.
Svipmyndir/32
OLÍUFÉLAGIÐ ákvað verð-
hækkun á dísilolíu um 2,30 kr.
lítrinn og flotaolíu um 2,20 kr. í
gær en verð á bensíni og svart-
olíu helst hins vegar óbreytt,
skv. upplýsingum félagsins.
Eru ástæður verðbreyting-
anna sagðar verðhækkanir á
heimsmarkaðsverði gasolíuteg-
unda vegna mikillar eftirspurn-
ar víða um heim vegna kulda á
meginlandi Evrópu og í Banda-
ríkjunum. Til viðbótar því hafi
langvarandi spenna í Mið-Aust-
urlöndum ásamt löngu verkfalli
í Venesúela ýtt undir hækkun
heimsmarkaðsverðs. Á síðustu
vikum hafi þó bensínverð ekki
fylgt þessari þróun og hið sama
gildi um verð á svartolíu. Bens-
ínverð sé því óbreytt.
Ekki hafa borist tilkynning-
ar frá öðrum olíufélögum um
breytingar á eldsneytisverði.
Dísilolía
hækkar en
bensínverð
er óbreytt
VINSTRIHREYFINGIN grænt
framboð (VG) vill að eitt af for-
gangsverkefnum á næsta kjör-
tímabili verði að ríkið tryggi allt
að 1.800 milljónum króna í sameig-
inlegt átaksverkefni þess og sveit-
arfélaga um ókeypis leikskóla í
áföngum. Þetta kemur fram í
kosningaáherslum VG sem sam-
þykktar voru á flokksráðsfundi.
Einnig er lagt til að hver fjöl-
skylda greiði aðeins leikskólagjöld
fyrir eitt barn í senn frá og með
árinu 2004.
Meðal annarra forgangsverk-
efna VG eru breytingar í skatta-
málum. Lagt er til að sköttum
verði létt af lægstu launum í
áföngum á næsta kjörtímabili með
hækkun skattleysismarka og
tekjutengdum endurgreiðslum.
Fjármagnstekjur undir 100
þús. verði skattfrjálsar
Dregið verði úr skattlagningu
meðaltekna og lægri tekna með
stiglækkandi skattbyrði um leið og
jaðaráhrif verði takmörkuð. Fjár-
magnstekjur undir 100.000 kr.
verði skattfrjálsar og skattþrep á
hækkandi tekjur umfram það
verði tvö, 12% og 18%, og skili allt
að 2.000 milljóna kr. viðbótar-
tekjum.
Kosningaáherslur VG kynntar
Ríkið tryggi
1.800 milljónir til
ókeypis leikskóla SIV Friðleifsdóttir umhverfisráð-herra segist vilja beita sér fyrir þvíað skrifstofa Sameinuðu þjóðanna
um varnir gegn mengun hafsins hafi
aðsetur á Íslandi. Hún segir að málið
sé á algjöru frumstigi, en telur ekki
óeðlilegt, í ljósi þess að Ísland hafi
haft forystu á alþjóðlegum vettvangi
í baráttu gegn mengun hafsins, að
Ísland sækist eftir að skrifstofa SÞ,
sem fyrirhugað er að setja á stofn,
verði á Íslandi.
„Ísland hefur verið í fararbroddi
ríkja sem vilja setja baráttuna gegn
mengun hafsins hærra á verkefna-
skrá alþjóðasamfélagsins. Við höfum
barist fyrir því í meira en tvö ár að
Sameinuðu þjóðirnar settu af stað
vinnu sem miðaði að því að gera
reglulega úttektir á mengun hafsins.
Slíkar úttektir eru forsenda fyrir því
að stjórnmálamenn fái í hendur
áreiðanlegar upplýsingar um meng-
un sjávar og tengsl þessarar meng-
unar við efnahagslega og félagslega
þróun,“ sagði Siv.
Ísland tók þetta mál fyrst upp á
fundi Umhverfisstofnunar Samein-
uðu þjóðanna í Nairobi í Kenýa og
tillaga Íslands var síðan samþykkt á
leiðtogafundi SÞ um sjálfbæra þróun
í Jóhannesarborg í S-Afríku.
Siv sagði að áfram yrði unnið að
þessu máli, en hún sagðist vera
þeirrar skoðunar að nauðsynlegt
væri að setja upp skrifstofu sem
héldi utan um vinnu við þessar út-
tektir. Í ljósi þess frumkvæðis sem
við hefðum sýnt í málinu væri ekki
óeðlilegt að Ísland óskaði eftir að
þessi skrifstofa yrði hér á landi. Siv
tók fram að málið væri á frumstigi.
Aðgerðir gegn mengun sjávar
Skrifstofa SÞ hafi
aðsetur á Íslandi