Morgunblaðið - 05.03.2003, Blaðsíða 2

2 B MIÐVIKUDAGUR 5. MARS 2003 MORGUNBLAÐIÐ
bílar
BÍLAR er að þessu sinni að
mestu lagt undir umfjöllun
um Formúla-1 sem hefst
næstkomandi laugardag með
keppni í Melbourne í Ástralíu.
Liðin og ökuþórarnir eru
kynnt í máli og myndum og
fjallað er um reglugerðar-
breytingar og fjármálin í
kringum íþróttina ásamt
mörgu öðru. Umfjöllunin
hefst á blaðsíðu 12 þar sem
sagt er frá hættulegum
beygjum og þær sýndar á
teikningum.
Þess má geta að mótin á
árinu eru 16 talsins og verður
Ríkissjónvarpið með beinar
útsendingar frá þeim öllum;
jafnt tímatökum á laugardegi
og keppninni sjálfri á sunnu-
degi.
Formúla-1
í Bílum
VÍK (Vélhjóla-
íþróttaklúbb-
urinn), undirritaði
sl. föstudag
samning við
Reykjavíkurborg
um afnot af Álfs-
nesi undir moto-
cross-braut til
næstu 17 ára. Um
er að ræða um 16
hektara lands og
munu framkvæmdir við motocross-
braut hefjast í þessari viku og mun
þeim ljúka á vormánuðum. Vænt-
anlegur er til landsins sænskur sér-
fræðingur í gerð motocross-brauta
og hefur hann yfirumsjón með fram-
kvæmdum.
Á svæðinu verða brautir fyrir börn
og unglinga, auk þess braut í fullri
stærð sem uppfylla alþjóðlega staðla.
Fyrsta Íslandsmótið á brautinni
verður haldið í ágúst.
Vélhjólaíþróttaklúbburinn verður
25 ára í haust og hefur aldrei haft
varanlega aðstöðu. Hefur klúbburinn
verið með aðstöðu á 32 stöðum á
þessum aldarfjórðungi. Um 300
manns eru í félaginu og alls er áætlað
að 500 menn og konur stundi moto-
cross á höfuðborgarsvæðinu. Mikill
fjöldi stundar einnig íþróttina á lands-
byggðinni og eru keppnisbrautir á
Ólafsvík og Akureyri, í Vest-
mannaeyjum og fleiri stöðum. 14
keppnir í motocross, enduro og ísc-
rossi eru skipulagðar víðs vegar um
landið á árinu og keppendafjöldinn
nálgast 200. Aldur keppenda er frá
12 ára og langt yfir fimmtugt.
„Tilgangur klúbbsins er m.a. að
veita félögum aðstöðu og nú hillir
undir það,“ segir Hákon Orri Ásgeirs-
son, formaður VÍK.
Motocross-braut í Álfsnesi
Ljósmynd/Magnús Þór Sveinsson
Vélhjólaíþróttaklúbburinn fær í fyrsta sinn varanlega aðstöðu fyrir íþrótt sína.
Hákon Orri
Ásgeirsson
RÍKISSTJÓRNIN hefur lagt
fram frumvarp til laga um
lækkun vörugjalds af nokkrum
flokkum ökutækja. Lagt er
m.a. til að vörugjald af bílum
sem eru sérútbúnir og notaðir
til líkflutninga verði lækkað til
samræmis við lækkun vöru-
gjalds af leigubifreiðum, bíla-
leigubifreiðum og bifreiðum til
ökukennslu. Vörugjald á fyrr-
greinda flokka ökutækja er nú
10% ef sprengirými vélar er frá
0–2.000 rúmsentimetrar og
13% ef sprengirými er yfir
2.000 rúmsentimetrum. Þá er í
frumvarpinu lagt til að vöru-
gjald af ökutækjum til vöru-
flutninga, þ.e.a.s. sendibíla, að
heildarþyngd 5 tonn eða minna,
lækki í 13%. Þessi lækkun sé til
þess fallin að draga úr hvata til
innflutnings þyngri bifreiða
sem bera ekkert vörugjald. Í
athugasemdum með frumvarp-
inu segir að nokkuð hafi borið á
því að ökutækjum sem ekki ná
5 tonnum sé breytt til þess að
þau nái þeirri þyngd fyrir
álagningu vörugjalds.
Lægra
vörugjald
á líkbíla og
þunga bíla




   
 
 


 





   

  !















   







  

     

 
 

 
 
 
 
  
 
 
 

 
 
  
  
 
 
  
 

  
  
     

"#$
%%"
%$&
&$
'(
'(
''
'#
)(
)'
))
)*
""
*$
%+
%*%







 

 !
THERE’S ONLY ONENetsalan, Garðatorgi 3 • sími 544 4210
GRAND CHEROKEE LIMITED OG
GRAND CHEROKEE OVERLAND
Árgerð 2003
Notið tækifærið
meðan $ er hagstæður
Opið virka daga kl. 10-18 og laugardaga kl. 10-12
Nú er lagið!
en enginn veit hve lengi
Útvegum notaða
Dodge Durango og Caravan
bíla á mjög góðu verði.
NÝTT sölumet fyrir janúar hefur ver-
ið slegið hjá Toyota en 200 bifreiðir
voru seldar í síðasta mánuði. Gamla
janúarmetið er frá árinu 1999 þegar
181 bifreið var seld.
Af þessum 200 bifreiðum eru 68,
eða 34%, Land Cruiser 90, sem
kynntur var nú í byrjun árs. Þá voru
einnig seldir 42 RAV4, 26 Corolla og
23 Avensis.
Sölumet
í janúar
Morgunblaðið/Jim Smart
Sextíu og átta Toyota Land Cruiser
seldust í janúar.