Morgunblaðið - 05.03.2003, Blaðsíða 8
8 B MIÐVIKUDAGUR 5. MARS 2003 MORGUNBLAÐIÐ
bílar
JÖKLAR eru töluvert frábrugðnir
öðrum ferðasvæðum og varasamari.
Á jöklum geta geisað vályndari veð-
ur en þekkjast annars staðar og þau
standa yfirleitt lengur yfir en á lág-
lendi. Þrátt fyrir þessar ísköldu stað-
reyndir eru allir sem tækifæri hafa
hvattir til að ferðast um jökul á jeppa
því svona ferðalög eru venjulega ein-
stök upplifun og ekki hættuleg ef
farið er með kunnáttufólki sem fer
að öllu með gát.
Upplifunin, þegar komið er í fyrsta
skipti að jökli, er venjulega sú að
manni finnst hann vera eins og hver
önnur snævi þakin brekka. Stað-
reyndin er sú að á jöklum geta
leynst dauðadjúpar sprungur svo
mikillar aðgæslu og kunnáttu er þörf.
Jökulsporðarnir, sem ekið er upp á
leið á jökul, geta einnig verið vara-
samir. Þar er gjarnan stutt niður á ís
og á þeim eru víða sprungur, vatns-
rásir og svelgir. Aðstæður á jök-
ulsporðum fara þó mikið eftir árs-
tíma og árferði því ef snjór er mikill
verður vanalega ekki vart við
sprungur og vatnsrásir. Svæðið neð-
an við jökulsporðana er einnig oft
erfitt yfirferðar. Þar er mikið af fínni
leirkenndri drullu sem myndast er
skríðandi jökullinn ryður á undan sér
jarðvegi. Það er vont að festa jepp-
ann í henni því hún fer illa með
bremsur, hjöruliði og legur.
Rétt er að benda þeim sem ætla
að ferðast um jökla að kynna sér
GPS-leiðir, en þær eru margar og
fjölgar stöðugt. Þær er t.d. hægt að
nálgast á heimasíðu Ferðaklúbbsins
4x4. Varasamt getur þó verið að
nota GPS-punkta um jökla frá öðrum
því aðstæður geta breyst án fyr-
irvara. Mikilvægt er að fylgjast vel
með öllum torkennilegum misfellum
framundan og ekki hika við að kanna
þær betur áður en lengra er haldið.
Ef bíll dettur í sprungu er mjög
mikilvægt að engum sé hleypt út úr
bílunum meðan verið er að kanna
hvernig sprungan liggur. Þegar
svona er komið er mjög líklegt að
fleiri sprungur séu í næsta nágrenni.
Öruggast er að binda þann sem fer
út við bílinn meðan hann kannar að-
stæður. Talstöðvar í jeppum eru
mjög mikilvægar þegar svona gerist
því þá er auðveldara að samhæfa að-
gerðir.
Akstur á
og við jökla
Morgunblaðið/Árni Sæberg
Jeppahornið
Úr Jeppabók Arctic Trucks.
Öflug loftdæla
frá Oasis
MARGAR gerðir af loftdælum
eru fáanlegar en óhætt er að
segja að Oasis-loftdælurnar séu
athyglisverður kostur. Þetta eru
stimpildælur en í stað þess að
vera knúnar áfram með mótor
bílsins eru þær knúnar áfram
með rafmagnsmótor spilsins.
Mótorinn er fimm hestafla
miðað við 24 volt en hann geng-
ur líka á 12 voltum, sem er al-
gengast í flestum bílum. Miðað
við 12 volt er hámarksþrýst-
ingur dælunnar 125 pund en 175
pund miðað við 24 volta raf-
kerfi. Mótorinn snýst 1.650
snúninga á mínútu..
Oasis-loftdælan, sem seld er
hjá Fjallasporti, er fyrirferðarlítil
miðað við afköst. Málin eru
42,5 cm á lengd, 17,5 cm á
breidd og 25 cm á hæð.
Fjallasport hefur gert mæl-
ingar á afkastagetu dælunnar
við dælingu í 38 og 44 tommu
dekk. Samkvæmt upplýsingum
frá Fjallasporti tekur hana 30
sekúndur að dæla úr tveggja
punda þrýstingi í 18 punda
þrýsting í 38 tommu dekk og
60 sekúndur að dæla úr tveggja
punda þrýstingi í 15 punda
þrýsting í 44 tommu dekk.
Loftflæðið frá Oasis-dælunni
er 396 lítrar á mínútu í 12 volta
rafkerfi en 707 lítrar á mínútu í
24 volta kerfi.
Staðgreiðsluverð á Oasis-
dælunni er 98.700 kr.
KARIM Djermoun rekur fyrirtækið Aukahlut-
ir.com sem sérhæfir sig í sölu alls kyns aukahluta
fyrir bíla eingöngu á Netinu. Karim, sem á
franskan föður, er borinn og barnfæddur hér á
landi og hefur haft mikinn áhuga á bílum allt frá
því hann komst til vits og ára. Það merkilega við
Karim er að þrátt fyrir umfangsmikinn rekstur á
aukahlutaverslun er hann ekki ennþá kominn
með bílpróf.
„Ég fæ bílpróf eftir nákvæmlega fjóra daga og
var því sextán ára þegar ég stofnaði fyrirtækið.
Ég hef hins vegar alltaf verið á kafi í bílum og
keppti t.d. í körtubílaakstri í sumar. Ég er líka á
kafi í motocrossi, sæsleðum og öllu sem hefur
mótor,“ segir Karim.
„Ég byrjaði á þessu í lok september á síðasta
ári. Ég hef alltaf haft mjög gaman af því að
breyta bílum og hafa þá fallega. Ég sel neonljós í
bíla, að innan og utan, tölvukubba og loftsíur og
stór pústkerfi. Þetta er dýr vara og þrír aðilar
bjóða hana hérna. Þeir eru allir með mikla yf-
irbyggingu og þurfa því að leggja mikið á vöruna.
Ég er hins vegar bara með þetta á lager heima
hjá mér og þarf því ekki að leggja alls konar
kostnað á vöruna. Hjá mér er varan allt að 40–
50% ódýrari, nákvæmlega sömu merki,“ segir
Karim.
Hann kveðst ná lægra verði með því að panta í
gegnum Netið. Hann fékk gott viðskiptatilboð frá
Bandaríkjunum og fær allar sínar vörur sendar
þaðan.
„Þetta þrælgengur. Mér hefur gengið vel að
kynna þetta án þess að hafa þurft að auglýsa
starfsemina mikið. Þetta hefur spurst út. Það eru
mjög margir að breyta bílum sínum og ég fæ allt
upp í 1.300 flettingar á síðunni minni á hverjum
degi. Núna er ég með tilboðsviku sem virkar mjög
vel. Viku áður tilkynni ég að varan verði á 25–40%
afslætti ofan á þetta góða verð sem ég er að
bjóða. Á tilboðsvikunni er allt vitlaust að gera en
þess á milli er rólegra. 90–95% af viðskiptavinum
mínum búa úti á landi. Heima hef ég allt sem þarf
til þess að senda vöruna og gefa út reikninga.
Einnig hef ég sent innan höfuðborgarsvæðisins.
Ég held að höfuðborgarbúar vilji koma og skoða
vöruna en landsbyggðarfólk á erfiðara með það.“
Sextán ára með Aukahluti.com
Morgunblaðið/Jim Smart
Karim Djermoun rekur Aukahluti.com.