Morgunblaðið - 09.03.2003, Blaðsíða 37

UMRÆÐAN
MORGUNBLAÐIÐ SUNNUDAGUR 9. MARS 2003 37
ÁGÆTI Hjálmar.
Erindi þessa bréfs er að þakka
þér fyrir að opna augu mín fyrir
því að ég á ekki lengur heima í
kirkjunni sem ég hef tilheyrt frá
því að ég var skírður. Þetta gerðist
daginn sem þú meinaðir nokkrum
guðsbörnum aðgang að guðshúsi
vegna þess að þér líkuðu ekki bæn-
arefni þeirra. Þau ætluðu að biðja
almættið um styrk í baráttu sinni
gegn Kárahnjúkavirkjun, en þín
skoðun virtist vera sú að slíkar
bænir væru pólitískar og ættu því
ekki heima í kirkju. Mér fannst
þetta aðfinnsluvert og hefði þótt
eðlilegt að þetta ylli uppnámi með-
al kirkjunnar manna en þar sem
engin opinber viðbrögð hafa borist
úr þeim ranni hlýt ég að álykta að
innan Þjóðkirkjunnar þyki sjálf-
sagt að ritskoða bænarefni kirkju-
gesta.
Auðvitað get ég ekki fullyrt að
fyrir engum í þessum hópi hafi
vakað að nota guðshús í áróðurs-
skyni með því að biðjast fyrir í
kastljósi fjölmiðla, eins og Jesús
varar við: „Verið ekki eins og
hræsnararnir. Þeir vilja helst
standa og biðjast fyrir í samkund-
um og á gatnamótum til þess að
menn sjái þá.“ [Matt. 6:5] Þó held
ég að óþarfi sé að efast um að bæn-
arefnin hafi verið fólkinu afar hug-
leikin.
Hins vegar getur á engan hátt
talist óviðurkvæmilegt að leita til
drottins með sín dýpstu hjartans
mál, hvort sem þau varða einkalíf
manns eða umhverfi. Frelsarinn
væntir þess af hinum trúaða að
hann knýi á með það sem hann
finnur í hjarta sér: „Biðjið og yður
mun gefast, leitið og þér munuð
finna, knýið á, og fyrir yður mun
upplokið verða.“ [Lúk. 11:9-10]
Jesús segir: „Þegar þér biðjist
fyrir, skuluð þér ekki fara með fá-
nýta mælgi að hætti heiðingja. Þeir
hyggja að þeir verði bænheyrðir
fyrir mælgi sína. Líkist þeim ekki.
Faðir yðar veit hvers þér þurfið áð-
ur en þér biðjið hann. En þannig
skuluð þér biðja.“ [Matt. 6:7-10]
Síðan kennir hann Faðirvorið.
Skilji ég Jesú rétt fullyrðir hann
þarna að hinn trúaði komist ekki
hjá því að opinbera hjartans mál
sín fyrir drottni í bæninni, þótt
hann geri ekki annað en að fara
með Faðirvorið. Guð þekkir bæn-
arefni okkar á undan okkur sjálfum
og veit hvers við þörfnumst betur
en við sjálf. Þannig biður hver sá,
sem er í senn trúaður og hefur
pólitískar hugsjónir, sífellt pólitísk-
ar bænir.
Og reyndar er fordæmið til.
Sýknt og heilagt er verið að biðja
bænir sem varða pólitík í kirkjum
landsins. Í öllum messum er farið
með langa bænaromsu sem er köll-
uð almenna kirkjubænin. Öðru
hverju segir presturinn: „… fyrir
Jesú Krist, drottin vorn,“ sem
kirkjugestir bonta með orðunum:
„Drottinn, heyr vora bæn.“ Í öllum
útgáfum þessarar bænar er beðið
fyrir fósturjörðinni, ríkisstjórninni,
jafnvel dómstólum og Alþingi, og í
öllum tilfellum er gengið svo langt í
pólitískri afstöðu að biðja fyrir því
að friður og eining ríki meðal þjóð-
anna. Er þetta pólitísk afstaða
kirkjunnar til heimsmála eða fánýt
mælgi?
Ég hélt því að það væri í lagi að
biðja fyrir jafnhefðbundnu póli-
tísku málefni og umhverfisvernd.
Reyndar þarf hvorki prestsmennt-
un né guðfræðilegar hundakúnstir
til að taka afstöðu með umhverf-
isvernd á kristnum forsendum. Jes-
ús segir okkur dæmisögu um vonda
vínyrkja sem fá vínekru til um-
sjónar og berja og drepa alla sem
landeigandinn sendir til að rukka
leiguna svo hann fær ekki neitt fyr-
ir sinn snúð. [Matt. 21:33-39] Eins
og ég skil söguna er það hlutverk
okkar að annast sköpunarverkið
fyrir skaparann, en ekki að rupla
það og ræna. Við erum ráðsmenn
yfir jörðinni, ekki eigendur hennar.
Okkur ber heilög skylda til að skila
henni af okkur í ekki síðra ástandi
en við tókum við henni. Við megum
yrkja hana en ekki eyðileggja, jafn-
vel ekki fyrir fúlgur fjár.
Víst er hægt að afgreiða þessa
afstöðu á fljótlegan og þægilegan
hátt sem pólitískt dægurþras sem
ekki eigi heima fyrir augliti al-
mættisins, en fyrir kristna um-
hverfissinna er hér á ferðinni
hvorki meira né minna en grund-
vallarafstaða þeirra til hlutverks
síns í sköpunarverkinu. Ef mér líð-
ur eins og vondu vínyrkjarnir séu
að ná völdum í aldingarði drottins
kemst ég ekki hjá því að segja guði
það í bæninni, reyndar vissi hann
það á undan mér.
Nú er það af sem áður var þegar
enginn var svo mikill guðsvolaður
aumingi að kirkjunni þætti ekki
betra að hafa hann í sínum röðum
og verstu fúlmenni gátu jafnvel
notið kirkjugriða. Nú eru umhverf-
issinnar ekki guðshúsum hæfir og
lokað á þá þegar þeir knýja á, á
þeim forsendum að bænarefni
þeirra eigi ekki heima þar. Þú hlýt-
ur að skilja að ég get ekki tilheyrt
kirkju þar sem bænarefni mín eru
óvelkomin. Þetta er í raun ekki
spurning um afstöðu til umhverf-
ismála heldur til bænarinnar.
Ég ætla ekki að hætta að fara
með Faðirvorið á kvöldin og fela
allar bænir mínar í því, persónu-
legar sem pólitískar, meðvitaðar
sem dulvitaðar, eins og ég er vanur
og Jesús leiðbeinir um: „Þegar þú
biðst fyrir, skaltu ganga inn í her-
bergi þitt, loka dyrunum og biðja
föður þinn, sem er í leynum. Faðir
þinn, sem sér í leynum, mun
umbuna þér.“ [Matt. 5:6]
Hins vegar hef ég greinilega ver-
ið boðflenna í Þjóðkirkjunni í hart-
nær fjóra áratugi. Ég þakka þér
fyrir að gera mér það ljóst.
Lifðu heill.
Eftir Davíð Þór
Jónsson
„Ef mér
líður eins
og vondu
vínyrkjarnir
séu að ná
völdum í aldingarði
drottins kemst ég ekki
hjá því að segja guði
það í bæninni.“
Höfundur er þýðandi.
Að vera guðshúsum
hæfur – opið bréf til
sr. Hjálmars Jónssonar
Vantar herslumuninn?
nb.is býður veðlán til allt að 25 ára með 6,90 –10,35% vöxtum. Hámarksveðhlutfall hefur
verið hækkað í 75% af markaðsverði eigna sem er talsvert hærra en býðst víðast annars
staðar. Lánin eru háð lánshæfismati nb.is. Eingöngu er hægt að veðsetja eigin eignir.
75%ve∂hlutfall!
• Kauptu eldhúsinnréttingu
• Kláraðu bílskúrinn
• Gerðu allt þetta og meira til...
• Leggðu lokahönd á íbúðina
• Greiddu upp óhagstæð skammtímalán
• Komdu garðinum í stand
• Endurskipuleggðu fjármálin
A
B
X
/
S
ÍA
9
0
2
1
2
3
2
Spurðu fasteignasalann, kynntu þér málið á www.nb.is eða hringdu í síma 550 1800
Allt a∂
Banki með betri vexti
FURUGRUND 42 OPIÐ HÚS Í DAG
Björt og skemmtil. 88 fm. 3ja her-
bergja endaíb. á 1. hæð í Steni-
klæddu fjölbýli. Parket á gólfum
með góðum innréttingum. Rúmgóð-
ar 6 fm suðursvalir, sem ekki eru
inni í heildar fm fjölda. Sameign og
íbúð í fráb. ástandi, m.a. hefur sam-
eign nýlega verið máluð. Áhv. 2,6 m. V. 11,5 m. (3165)
OPIÐ HÚS Í DAG MILLI KL: 14:00 OG 18:00 STEFÁN INGI
MUN TAKA VEL Á MÓTI YKKUR.
ÁSBRAUT 7 OPIÐ HÚS Í DAG.
Virkilega góð 90,3 fm 3ja her-
bergja íbúð á 1. hæð í afar
snyrtilegu fjölbýli. 2 rúmgóð
svefnherbergi. Eldhús með fal-
legri innréttingu, nýlega stands-
ett. Stofa rúmgóð með útgang á
góðar suðursvalir. Blokkin öll ný-
lega standsett að utan. Áhv. 4,9 m. V. 12,4 m. (3619)
Opið hús í dag á milli kl: 14:00 og 16:00. Lára Guðrún og
Guðmundur Ingi taka vel á móti ykkur.
NJÁLSGATA 32 OPIÐ HÚS Í DAG.
Virkilega kósý 2-3 herbergja íbúð
á 2. hæð í þríbýlishúsi með sérinn-
gangi. Parket og flísar á gólfum.
Sérgeymsla og þvottahús í kj.
Eignin var öll tekin í gegn fyrir 4.
árum. Áhv. 5,6 m. V. 9,5 m. (3093)
Opið hús í dag á milli kl: 15:00
og 17:00. Björg tekur vel á móti
ykkur.
WWW.EIGNAVAL.IS
Bæjarhrauni 10 • Hafnarfirði
BRATTAKINN 4 - HF. - SÉRH.
Magnús Emilsson löggiltur fasteignasala
Opið hús í dag frá kl. 14-16.
Nýkomin í einkas. á þessum góða stað
mjög góð ca 100 fm neðri hæð ásamt
31 fm bílskúr, samtals um 130 fm. Góð
staðs. Suðurgarður. 3 herb., þar af eitt í
kjallara. Laus strax. Verð 13,9 millj.
María tekur á móti áhugasömum vænt-
anlegum kaupendum í dag.
FJÓLUHLÍÐ 1 - HF. - SÉRH.
Opið hús í dag frá kl. 14-17
Glæsil. fullbúin 115 fm efri sérh. í
vönduðu nýju tvíb. Vandaðar sérsmíð-
aðar innréttingar. Parket. Þrjú rúmgóð
svefnherb. Glæsil. eign í alla staði.
Hagst. lán. Verð 16,9 millj. Kristinn og
Ragnhildur bjóða gesti velkomna.
JÖRÐ ÓSKAST
Landmikil jörð með veiðihlunnindum, skot- og
stangveiði, óskast.
Æskileg staðsetning Vesturland, Suðurland eða Austurland.
Upplýsingar í síma 897 7061