Morgunblaðið - 09.03.2003, Blaðsíða 44

MINNINGAR
44 SUNNUDAGUR 9. MARS 2003 MORGUNBLAÐIÐ
✝ Kristján BjörnSigurðsson fædd-
ist í Bæjum á Snæ-
fjallaströnd 15. maí
1925. Hann lést á
sjúkrahúsi í Hamil-
ton í Ontario í Kan-
ada 19. janúar síðast-
liðinn. Foreldrar
hans voru Sigurður
Ólafsson, f. 12. maí
1882, d. 25. mars
1959, og María Re-
bekka Ólafsdóttir, f.
1. september 1880, d.
9. apríl 1970. Krist-
ján var næstyngstur
16 systkina. Hin eru Sigurður
Guðmundur, f. 1902, d. 1969, Ingi-
björg Sara, f. 1904, d. 1931, Hall-
dór Kristinn, f. 1905, d. 1931,
Gunnar, f. 1907, d. 1996, María
Rebekka, f. 1910, d. 1994, Óskar,
f. 1911, d. 1977, Aðalsteinn, f.
1912, d. 1996, Jón 1913, d. 1915,
Jón, f. 1915, d. 1984,
Ásgeir Guðmundur,
f. 1917, d. 1988, Arn-
þrúður Guðbjörg
Sigurðardóttir
Kaldalóns, f. 1919,
Torfi Salmundur, f.
1921, d. 2000, Hall-
dór, f. 1923, d. 1997,
Ólafur Marinó, f.
1927, og Magnús
Benóný, f. 1911.
Kristján kvæntist
3. nóvember 1949
eftirlifandi eigin-
konu sinni Brynhildi
Berndsen, f. 3. nóv-
ember 1929. Börn þeirra eru
Dagný María, f. 4. apríl 1949, Olga
Margrét, f. 19. nóvember 1951,
Sigurður, f. 27. apríl 1954, Her-
mann Hans, f. 6. maí 1958, og
Lloyd George, f. í Kanada.
Útför Kristjáns var gerð í
Hamilton.
Það var snemma vors 2001 sem ég
fékk tölvupóst frá Kristjáni frænda
mínum, sem þá hafði búið í Kanada í
um 30 ár og ég hafði lítið kynnst,
nema sem barn og unglingur vegna
þess að hann hélt alltaf góðu sam-
bandi við móður mína Maríu Re-
bekku, sem var eldri systir Krist-
jáns. Þegar foreldrar mínir voru
staddir í höfuðborginni var oftast
farið í heimsókn til Kristjáns og
Brynhildar og eins kom Kristján
nokkrum sinnum á heimili okkar á
Ísafirði.
Mér er sérstaklega minnisstæð
ein slík heimsókn þegar ég var um
11–12 ára gamall. Ég hafði þá verið í
Tónlistarskóla Ísafjarðar og lært
tónfræði hjá Ragnari H. og sótt pí-
anótíma hjá Bettý Kristjáns í nokkur
ár og fannst ég kunna nokkuð fyrir
mér, en þegar Kristján settist við pí-
anóið og spilaði Tunglskinssónötuna
eftir Beethoven lýtalaust eftir eyr-
anu frá upphafi til enda varð mér
ljóst hve hæfileikaríkur Kristján var.
Erindi hans við mig 40 árum síðar
var að biðja mig liðsinnis varðandi
útgáfu á ljóðabók sinni „Kveðja til
Íslands“ sem hann hafði sent til Ís-
lands í þeim tilgangi að fá hana gefna
út, en enginn árangur orðið. Ég svar-
aði honum strax að ég hefði engin
tengsl inn í þennan útgáfubransa og
nefndi sem hugmynd hvort hann
vildi ekki frekar búa til nokkra texta
við lög eftir mig, sem við gætum svo
reynt að koma á framfæri saman. Við
ákváðum að reyna þetta og urðu til 4
ný lög með textum eftir Kristján, áð-
ur en veikindin rændu hann sköpun-
argleðinni. En við skrifuðumst samt
á fram á haustið 2002 en þá sagði
hann mér í síðasta skeytinu sínu að
heilsan væri alveg að þverra og hann
væri t.d. búinn að missa röddina út af
krabbameininu og gæti ekkert talað
lengur. Nokkrir mánuðir liðu án þess
að ég heyrði frá Kristjáni, og það
kom mér því ekki á óvart þegar Her-
mann sonur hans skrifaði mér til að
tilkynna lát föður síns.
Ég er afar þakklátur fyrir að hafa
fengið að kynnast þessum einstæða
frænda mínum og að okkar leiðir
skuli hafa legið saman, þó aðeins hafi
verið um stuttan spöl að ræða.
Blessuð sé minning Kristjáns
Björns Sigurðssonar.
Guð blessi og styrki fjölskyldu
hans.
Erling Gunnarsson.
KRISTJÁN BJÖRN
SIGURÐSSON
Ég er staddur á
bryggjunni í Leith,
sem er ein af útborg-
um Edinborgar, á fal-
legum haustdegi árið
1955, en í Edinborg hafði ég nýlega
hafið nám í verslunarskóla. Á
bryggjunni er ys og þys og mikil
eftirvænting ríkir á svæðinu enda
Ms. Gullfoss að leggjast að bryggju.
Á þeim tíma var Gullfoss flaggskip
íslenska flotans og var nú að koma
við í Leith á einni af mörgum ferð-
um sínum til Kaupmannahafnar.
Fólkið stóð í hópum á bryggjunni
þegar skyndilega víkur sér að mér
hár og ljóshærður ungur maður sem
segist heita Árni Ragnarsson og
formálalaust spyr hann mig hvað ég
sé að gera hér. Ég segi honum það,
en þá kemur í ljós að Árni er að
hefja nám við sama verslunarskóla
og ég. Hann hafði áður lokið námi
við Kennaraskóla Íslands og hafði
nú áhuga á að mennta sig betur í
verslunarfræðum. Okkur varð strax
vel til vina, en þarna á bryggjunni
hófst vinátta sem stóð í 47 ár. Á
þessum tímapunkti hrannast minn-
ingarnar upp. Árni veitti mér mikla
aðstoð í námi, enda sýndi það sig að
þarna hafði ég eignast frábæran vin
sem alltaf var gott að leita til á lífs-
leiðinni. Félagslífið í Edinborg á
þessum árum þótti mjög fjölbreytt
og ber hæst hina frægu Edinborg-
ÁRNI
RAGNARSSON
✝ Árni Ragnarssonfæddist á Flateyri
við Önundarfjörð 16.
maí 1935. Hann lést á
Spáni 17. desember
síðastliðinn. Bálför
Árna fór fram á
Spáni. Kveðjuathöfn
um hann var haldin í
kapellunni í Fossvogi
21. febrúar.
arhátíð sem enn í dag
er haldin árlega og
einnig var vinsælt á
þessum árum hjá Ís-
lendingum að heim-
sækja Alþjóðahúsið
(The International
house) um helgar en
þar var oft glatt á
hjalla. Í Edinborg
kynntist Árni Guðfinnu
Halldórsdóttur frá Ísa-
firði og þar giftu þau
sig 13. apríl 1956. Guð-
finna reyndist Árna
mikil stoð og stytta í
lífinu og eignuðust þau
fjögur mannvænleg börn sem hafa
verið stolt foreldra sinna. Eftir að
dvölinni í Edinborg lauk fluttu þau
til Íslands og stofnuðu heimili. Árni
hóf fljótlega störf hjá Heimdalli, fé-
lagi ungra sjálfstæðismanna, einnig
hjá Raftækjaverslun Heklu í Aust-
urstræti og síðan á skrifstofu Öl-
gerðar Egils Skallagrímssonar. Þar
starfaði hann í nokkur ár, uns hann
keypti Hljóðfærahús Reykjavíkur í
Hafnarstræti 1 í samvinnu við bróð-
ur sinn Jóhann, sem lést langt um
aldur fram. Fyrirtækið óx og dafn-
aði í höndum Árna og að því kom að
hann flutti fyrirtækið í stærra hús-
næði á Laugavegi 96. Hljóðfæra-
húsið rak hann í 20 ár en þá ákvað
hann að selja og reyna fyrir sér á
nýjum vettvangi. Þau hjónin keyptu
Kodak Express-framköllunarfyrir-
tæki við Suðurlandsbraut við hlið
Hótels Esju. Það fyrirtæki ráku þau
í nokkur ár uns þau seldu það og
fluttu af landi brott til Spánar. Ekki
má gleyma að minnast á hin eft-
irminnilegu jólaboð og boðin til
þeirra á gamlárskvöld en þau eru
mér efst í huga þegar ég hugsa til
Árna og Guðfinnu með miklu þakk-
læti. Guðfinna stóð sem klettur við
hlið Árna í alvarlegum veikindum
hans á Spáni en Árni lést þar hinn
17. desember á síðasta ári og var
öllum vinum sínum mikill harm-
dauði. Ég votta Guðfinnu, börnum
þeirra, svo og öllum aðstandendum
þeirra mína innilegustu samúð.
Blessuð sé minning Árna Ragnars-
sonar.
Magnús Sverrisson.
Elskuleg eiginkona mín, móðir, stjúpmóðir,
tengdamóðir, amma og dóttir,
GUÐBJÖRG HERMANNSDÓTTIR,
Hávegi 15,
Kópavogi,
lést á líknardeild Landspítalans í Kópavogi
föstudaginn 7. mars.
Gylfi Björgvinsson,
Sigmundur Hjörvar Gylfason,
Martha Dís Brandt, Sveinn Viðfjörð Aðalgeirsson,
Davíð Hermann Brandt, Guðrún Áslaug Einarsdóttir,
Sigurbjörg Lilja Gylfadóttir, Karl Gerhard Hafner,
María Bóel Gylfadóttir, Hjörtur Hjartarson,
Daníel Friðgeir Sveinsson,
Ardri Karlsson Hafner,
Markús Karlsson Hafner,
Aðalbjörg Jónsdóttir.
Innilegar þakkir fyrir auðsýnda samúð, vináttu
og hlýhug við andlát og útför ástkærs sam-
býlismanns míns, föður okkar, tengdaföður,
afa og langafa,
HARÐAR SIGURJÓNSSONAR
fyrrv. flugstjóra,
Háaleitisbraut 81,
Reykjavík.
Bertha I. Johansen,
Magnús Már Harðarson, Sigurdís Haraldsdóttir,
Kristján Harðarson, Helga R. Jóhannesdóttir,
Sigríður Harðardóttir, Magnús Magnússon,
Elísabet Þórdís Harðardóttir, Einar Tómasson,
Hörður Harðarson, María Davíðsdóttir,
barnabörn og barnabarnabörn.
Inger Steinsson,
útfararstjóri,
s. 691 0919
Ólafur Ö. Pétursson,
útfararstjóri,
s. 896 6544
Bárugötu 4, 101 Reykjavík.
S. 551 7080
Vönduð og persónuleg þjónusta.
Útfararþjónustan ehf.
Stofnuð 1990
Rúnar Geirmundsson
útfararstjóri
Sími 893 8638
Hef starfað við
útfarir í 20 ár
Sími 567 9110
www.utfararstofan.is
Sími 551 3485 • Fax 551 3645
Áratuga reynsla í umsjón útfara
Önnumst alla þætti
Davíð Osvaldsson
útfararstjóri
Sími 896 8284
Eyþór Eðvarðsson
útfararstjóri
Sími 892 5057
Vaktsími allan sólarhringinn
Innilegar þakkir til allra þeirra, sem sýndu
okkur samúð við andlát og útför ástkærs eigin-
manns míns, föður okkar og bróður,
JÓNS KALDAL,
Laugarásvegi 18,
Reykjavík.
Sérstakar þakkir til starfsfólks á deild 11E
Landspítalanum við Hringbraut og heima-
hjúkrunar Krabbameinsfélagsins.
Steinunn Kaldal,
Jón Kaldal,
Guðrún Kaldal,
Steinar Kaldal,
Sóley Kaldal,
Anna Kaldal,
Kristinn R. Sigurbergsson,
Dagmar Kaldal,
Ingibjörg Kaldal
og fjölskyldur.