Morgunblaðið - 10.03.2003, Blaðsíða 4
FRÉTTIR
4 MÁNUDAGUR 10. MARS 2003 MORGUNBLAÐIÐ
Heimsferðir bjóða nú ótrúlegt tilboð á síðustu sætunum til Prag þann
17. mars. Þú bókar 2 flugsæti, en
greiðir aðeins fyrir 1 og getur
kynnst þessari fegurstu borg Evrópu
á einstökum kjörum. Þú getur valið
um úrval góðra hótela í hjarta Prag
og að sjálfsögðu nýtur þú traustrar
þjónustu fararstjóra Heimsferða í
Prag allan tímann.
2 fyrir 1 til
Prag
17. mars
frá kr. 19.550*
Skógarhlíð 18, sími 595 1000.
www.heimsferdir.is
Verð kr. 19.550*
Flugsæti til Prag, 17. mars, heim 20. mars.
Almennt verð með sköttum.
*Flug og skattar per mann m.v. að tveir
ferðist saman.
Verð kr. 3.900
Verð fyrir mann, m.v. 2 í herbergi á
Pyramida, per nótt m. morgunmat. Völ
um góð 3 og 4 stjörnu hótel.
Ferðir til og frá flugvelli, kr. 1.800.
Fegursta borg Evrópu
Munið Mastercard
ferðaávísunina
FJÖLMENNI lagði leið sína á fjallið
Skjaldbreið á laugardaginn síðasta
í tilefni af tuttugu ára afmæli ferða-
klúbbsins 4 x 4.
Ferðalangarnir fengu afskaplega
gott veður og tilkomumikla fjalla-
sýn eins og sést á þessari mynd sem
var tekin af því tilefni. Alls voru um
tvöhundruð jeppar með í för upp á
fjallið. Á myndinni sést hvar horft
er í austurátt ofan af Skjaldbreiði.
Fjallið Hlöðufell er fyrir miðju á
myndinni, Kálfstindur og Högn-
arhöfði eru hægra megin við
Hlöðufell, og Hagafellsjökull
vinstra megin.
Morgunblaðið/Árni Sæberg
„Fanna
skautar
faldi
háum …“
SAMRUNI Síldarvinnslunnar og
SR-mjöls var samþykktur á aðal-
fundi Síldarvinnslunnar á laugardag.
Áður hafði aðalfundur SR-mjöls
samþykkt samrunann og er hann því
endanlegur og teljast þau eitt félag
frá og með 1. janúar síðastliðnum.
Félagið mun starfa undir nafni
Síldarvinnslunnar og verða höfuð-
stöðvar félagsins í Neskaupstað.
Forstjóri er Björgólfur Jóhannsson
og formaður stjórnar Þorsteinn Már
Baldvinsson, Akureyri. Aðrir í stjórn
hins sameinaða félags eru Kristinn
V. Jóhannsson, Neskaupstað, Guð-
mundur Bjarnason, Neskaupstað,
Finnbogi Jónson, Hafnarfirði, og
Heimir V. Haraldsson, Reykjavík. Á
fundinum var ákveðið að greiða hlut-
höfum 16% arð fyrir árið 2002, en
hagnaður Síldarvinnslunnar á síð-
asta ári var um 1,2 milljarðar kr.
Samruni
endanlega
samþykktur
Síldarvinnslan
og SR-mjöl
KARLMAÐUR á sextugsaldri
fannst meðvitundarlaus með
höfuðáverka við veitingastað-
inn Glaumbar í Tryggvagötu kl.
4.20 aðfaranótt sunnudags og
var fluttur með sjúkrabifreið á
Landspítalann í Fossvogi. Ekki
er ljóst hvernig hann hlaut
áverkana.
Að sögn vakthafandi læknis á
gjörgæsludeild í gær var hinn
slasaði á batavegi og ekki þörf á
að tengja hann við öndunarvél.
Lögreglan í Reykjavík lýsir eft-
ir vitnum að tildrögum atviks-
ins og biður þá sem geta varpað
ljósi á málið að hafa samband.
Fannst
meðvitund-
arlaus með
höfuð-
áverka
STJÓRN Landsvirkjunar sam-
þykkti á fundi sínum á laugardag að
ganga til samninga við Norðurál
vegna stækkunar álversins á Grund-
artanga um 90 þúsund tonn. Jafn-
framt var samþykkt að leita leiða til
að tryggja Norðuráli raforku til
frekari stækkunar eftir að fram-
kvæmdum á Austurlandi lýkur.
Friðrik Sophusson forstjóri Lands-
virkjunar segir hugsanlegt að nú séu
að hefjast framkvæmdir í virkjunar-
málum sem standi látlaust frá árinu
2003 og til 2009.
Til að mæta orkuþörf vegna fyrri
stækkunarinnar verður ráðist í
Norðlingaölduveitu á grundvelli úr-
skurðar Jóns Kristjánssonar, og
leitað samninga við Orkuveitu
Reykjavíkur, OR, og Hitaveitu Suð-
urnesja, HS, um kaup á orku sem
vantar upp á til að mæta orkuþörf
vegna stækkunarinnar. Að sögn
Friðriks Sophussonar, forstjóra
Landsvirkjunar, er stefnt að því að
ganga frá samningum við orkufyr-
irtækin og Norðurál á vormánuðum
svo undirbúningsframkvæmdir geti
hafist í sumar og afhendingaráætl-
anir standist.
„Við stefnum að því að ganga frá
samningum sem allra fyrst því flýta
þarf framkvæmdunum svo þær lendi
sem minnst á sama tíma og fram-
kvæmdir fyrir austan [við Kára-
hnjúkavirkjun og álver á Reyðar-
firði],“ sagði Friðrik. Hann segir
þegar liggja fyrir viljayfirlýsingu
milli Landsvirkjunar og Norðuráls
um stækkun álversins um 90 þúsund
tonn. „Við gerum ráð fyrir að hægt
verði að afhenda orkuna í árslok
2005 og í upphafi árs 2006. Svo fyrri
hluta ársins 2006 ætti 90 þúsund
tonna stækkunin að vera komin al-
farið í gagnið.“
Friðrik segir viðræður við OR og
HS þegar hafnar, en þau fyrirtæki
þurfa að leggja til meiri orku en í
upphafi var gert ráð fyrir, þar sem
orkugeta Norðlingaöldu minnkaði
með úrskurði setts umhverfisráð-
herra. Gert er ráð fyrir að Lands-
virkjun útvegi innan við helming
orkunnar sem þarf til stækkunar-
innar en að OR og HS útvegi það
sem á vantar. „Þetta eru flóknir
samningar þar sem þeir eru á milli
margra aðila,“ segir Friðrik um
gang mála.
„Einnig vegna nýrra raforkulaga,
þar sem segir að gera verði mun á
framleiðsluverði og flutningsverði
raforkunnar. Það gerir málið ennþá
flóknara milli orkufyrirtækjanna.“
Stjórn Landsvirkjunar samþykkti
einnig að leitað verði leiða til að
tryggja Norðuráli raforku með lang-
tíma samningum vegna frekari
stækkunar álversins á Grundar-
tanga um 60 þúsund tonn til viðbótar
í kjölfar framkvæmda á Austurlandi.
„Vilji stendur til þess að Norðurál
stækki ekki um 60 þúsund tonn til
viðbótar fyrr en að loknum fram-
kvæmdum fyrir austan. Þess vegna
er hugsanlegt að ef við semjum við
Norðurál séum við að byrja á fram-
kvæmdum í virkjunarmálum sem
koma til með að standa frá árinu
2003 og látlaust til 2009.“
Stjórn Landsvirkjunar samþykkir að ganga til samninga
við Norðurál vegna stækkunar álversins á Grundartanga
Hugsanlega unnið við
virkjanir óslitið til 2009
„ÞAÐ er vont veður og lítill afli eft-
ir,“ sagði karlinn í brúnni, Bjarni
Bjarnason, skipstjóri á Súlunni EA
300, sem lá við Ægisgarð í gær. Súl-
an landaði um 800 tonnum af loðnu
í Helguvík í fyrrinótt og beið af sér
brælu á miðunum í gær og nótt. Sú
hvíld var þó skammvinn, taka átti
stefnuna á miðin í morgun enda
gerði veðurspáin ráð fyrir skap-
legra veðri. Það verður jafnframt
síðasti loðnutúr áhafnarinnar að
sinni því kvótinn er uppurinn.
Frá áramótum hefur Súlan fiskað
um 14 þúsund tonn og einungis um
400 tonn eftir af kvóta þegar þessi
orð eru skrifuð. Á ýmsu hefur
gengið á loðnuvertíðinni í vetur.
„Þetta er búinn að vera sérstakur
vetur. Það hefur gengið illa að
ákveða kvótann, til dæmis, og hvað
megi veiða. Það er raunverulega
ekki búið að gefa það út enn,“ segir
Bjarni.
Hann segir skýringuna vera
háttalag loðnunnar. Hins vegar
hefði þurft að halda sig betur við
rannsóknir á loðnunni í vetur en
menn hafa gert, að hans mati. „Þeir
voru óánægðir þegar þeir komu úr
janúartúrnum og þá áttu þeir að
halda áfram. Þá tóku þeir hálfs-
mánaðarhlé og byrjuðu svo aftur
og ég held að það hafi ekki verið
góð ráðstöfun,“ segir Bjarni um
störf Hafrannsóknastofnunar.
Loðnan er á hinn bóginn mjög
góð og vel fram gengin, að hans
mati. „En hvað er mikið af henni er
ómögulegt að segja. Ég er nú búinn
að vera 33 vertíðir og þetta er búið
að vera eins og í meðalári finnst
mér.“
Bjarni hóf störf á Súlunni árið
1968. Hinn 17. mars nk. fagnar
hann 35 ára starfsafmæli. „Ég er
búinn að vera allar loðnuvertíðir
sem hafa verið stundaðar síðan
1970, bæði sumar- og vetrarloðnu-
vertíðir.“
„Þetta er búinn
að vera sér-
stakur vetur“
Morgunblaðið/Jim Smart