Morgunblaðið - 10.03.2003, Blaðsíða 13

INDÓNESÍSKIR múslímar leggjast
niður og hrópa „Allah er mikill“ á
útisamkomu í Jakarta þar sem beðið
var fyrir friði í Írak. Hermt er að
allt að hálf milljón manna hafi sótt
samskonar bænafund í Surabaya,
höfuðstað Austur-Jövu, á vegum
stærstu hreyfingar múslíma í
Indónesíu, fjölmennasta múslíma-
ríki heims.
„Vonandi heyrir Bandaríkja-
stjórn bænir mannkynsins,“ sagði
Hasan Wirayuda, utanríkisráðherra
landsins, á fundinum. „Vonandi opn-
ast augu og eyru bandarískra ráða-
manna með þessum bænum.“
Reuters
Hundruð
þúsunda
Indónesa biðja
fyrir friði
ERLENT
MORGUNBLAÐIÐ MÁNUDAGUR 10. MARS 2003 13
BRESKIR og bandarískir fall-
hlífahermenn eru að búa sig undir
að hertaka alþjóðaflugvöllinn í
Bagdad í djarfri og hættulegri
leifturárás á borgina, að sögn
breska blaðsins Sunday Telegraph
í gær.
Að sögn blaðsins stefna Banda-
ríkjamenn og Bretar að því að her-
taka Bagdad innan þriggja sólar-
hringa eftir að stríð hefst.
Blaðið segir að stríðið eigi að
hefjast með stýriflaugaárásum og
síðan geri flugvélar sprengjuárásir
á stjórnstöðvar Írakshers. Árásin
á flugvöllinn eigi að hefjast nokkr-
um klukkustundum eftir að fyrir-
mæli verði gefin um að hefja hern-
aðinn þegar loftvarnastöðvar og
íraskar hersveitir við flugvöllinn
hafa verið upprættar.
Talið er að tvær 25.000 fót-
gönguliðadeildir Bandaríkjahers
ráðist inn í Írak frá Kúveit og
breskar og bandarískar skyndi-
árásarsveitir geri árásir á Basra,
næststærstu borg Íraks. Banda-
ríkjamenn vonast enn til þess að
tyrkneska þingið veiti þeim heim-
ild til innrásar frá Tyrklandi.
Hyggjast her-
taka Bagdad á
þremur dögum
RECEP Tayyip Erdogan, leiðtogi
stjórnarflokksins í Tyrklandi, var
kjörinn á tyrkneska þingið í auka-
kosningum sem fram fóru í kjör-
dæmi hans í gær. Þar með er ekk-
ert því til fyrirstöðu að hann taki
við embætti forsætisráðherra.
Búist er við að Abdullah Gul
forsætisráðherra segi af sér á
miðvikudaginn kemur.
Þing Tyrklands hafði áður sam-
þykkti breytingu á stjórnarskránni
til að gera Erdogan kleift að
verða forsætisráðherra. Þingið af-
nam ákvæði sem bannaði Erdog-
an, vinsælasta stjórnmálamanni
landsins, að gegna opinberu emb-
ætti þar sem hann hefur verið
dæmdur fyrir að „kynda undir
trúarlegu hatri“.
Erdogan er hlynntur því að
þingið veiti Bandaríkjamönnum
heimild til að gera innrás í Írak
frá Tyrklandi. Búist er við að eitt
af fyrstu verkum hans sem for-
sætisráðherra verði að reka ráð-
herra sem eru andvígir því að
beiðnin verði samþykkt.
Erdogan
kjörinn
á þing
Ankara. AFP.
Reuters
Stuðningsmenn Tayyips Erdogans fagna kjöri hans á þing í gær.
LÍKUR eru á að færeyska land-
stjórnin falli vegna nýrrar deilu
milli stjórnarflokkanna, að sögn
danskra fjölmiðla í gær.
Deilan hófst í vikunni sem leið
þegar Anfinn Kallsberg, lögmaður
Færeyja og leiðtogi Fólkaflokks-
ins, vék Annlis Bjarkhamer úr
embætti mennta- og menningar-
málaráðherra vegna deilu um skip-
un nýs landsbókavarðar. Høgni
Hoydal, formaður Fólkaflokksins,
og flokksbræður hans eru mjög
óánægðir með brottvikninguna og
íhuga nú að slíta stjórnarsamstarf-
inu, að sögn Jyllands-Posten í
gær.
Sambandsflokkurinn krafðist
þess að stjórnin yrði leyst upp.
Fyrr á árinu munaði litlu að
stjórnin félli þegar Jørgen Niclas-
sen var neyddur til að segja af sér
embætti sjávarútvegsráðherra.
Færeyska
landstjórnin
í kreppu
♦ ♦ ♦
COLIN Powell, utanríkisráðherra
Bandaríkjanna, sagði í gær að hann
væri vongóður um að níu af fimmtán
aðildarríkjum öryggisráðs Samein-
uðu þjóðanna samþykktu nýja álykt-
un þar sem Írökum yrði gefinn frest-
ur til 17. þessa mánaðar til að hlíta
afvopnunarskilmálum ráðsins. Hann
viðurkenndi þó að Frakkar, Rússar
og Kínverjar væru enn andvígir
slíkri ályktun og kynnu að beita neit-
unarvaldi sínu gegn henni.
Powell kvaðst hafa rætt við
nokkra fulltrúa í öryggisráðinu um
helgina og telja að stuðningurinn við
ályktunartillögu Bandaríkjamanna
og Breta væri að aukast. „Ég tel að
flest kjörnu aðildarríkjanna séu að
gera upp hug sinn núna um helgina
og ég hef haft náið samband við þau.
Ég er vongóður um að við getum
fengið þau níu eða tíu atkvæði sem
þarf til að ályktunin verði samþykkt
og við verðum að sjá til hvort eitt-
hvert ríkjanna vill beita neitunar-
valdi.“
Pútín sagður lofa að Rússar
beiti ekki neitunarvaldi
Bandaríski utanríkisráðherrann
bætti við að beittu Frakkar neitun-
arvaldi sínu í málinu myndi það hafa
„mjög alvarleg áhrif á samskipti
ríkjanna“.
Tímaritið Time skýrði frá því í
gær að Vladímír Pútín Rússlands-
forseti hefði fullvissað George W.
Bush Bandaríkjaforseta um að
Rússar myndu ekki beita neitunar-
valdi sínu gegn ályktuninni. Stefnt
er að því að hún verði borin undir at-
kvæði á næstu dögum, hugsanlega á
morgun.
The New York Times birti í gær
forystugrein þar sem blaðið kveðst
vera andvígt hernaði í Írak án stuðn-
ings öryggisráðs Sameinuðu þjóð-
anna.
Washington. AP, AFP.
Vongóður um að níu ríki
samþykki ályktunina