Morgunblaðið - 10.03.2003, Blaðsíða 3

ÍÞRÓTTIR
MORGUNBLAÐIÐ MÁNUDAGUR 10. MARS 2003 B 3
ROBERT Jan Derksen, kylfingur
frá Hollandi, kom, sá og sigraði á
Dubai Classic mótinu í golfi sem
lauk í Dubai í Sameinuðu arabísku
furstadæmunum í gær en mótið var
liður í Evróputúrnum svokallaða.
Derksen, sem ekki er einu sinni á
lista yfir 3.000 bestu kylfinga í
heimi, hafði betur á móti S-Afríku-
manninum Ernie Els, heitasta kylf-
ingi heims um þessar mundir, og
kom þar með í veg fyrir fimmta sig-
ur Els á þessu tímabili. Derksen fékk
fugl á lokaholunni og lék hringinn á
65 höggum, eða sjö undir pari vall-
arins, og það dugði honum til sigurs.
Derksen lauk keppni á 217 höggum,
17 höggum undir parinu, en Els lék
á 218 höggum. Els gat jafnað Derk-
sen á lokaholunni með því að fara
hana á fugli en það tókst honum
ekki. Els fékk par á holuna og þar
með var sigurinn í höfn hjá Derksen.
„Ég er hreinlega orðlaus og þetta
er stærsta stund í mínu lífi. Þetta er
hreint ótrúlegt,“ sagði Hollending-
urinn sem fyrir mótið var nánast al-
gjörlega óþekktur kylfingur en
þetta var hans fyrsti sigur á ferl-
inum.
Bandaríski kylfingurinn Tiger
Woods hætti við þátttöku á mótinu
vegna fyrihugaðs stríðs Bandaríkja-
manna á hendur Írak og það var til
þess að Derksen var boðin þátttaka
á mótinu.
Óþekktur Hollendingur
stal senunni í Dubai
Reuters
Robert Jan Derksen
LIVERPOOL vann sinn fyrsta sig-
ur á heimavelli í ensku úrvals-
deildinni frá því í nóvember þegar
liðið bar sigurorð af Bolton, 2:0, í
eina leik ensku úrvalsdeildarinnar
um helgina. Senegalinn El Hadji
Diouf skoraði fyrra mark Liver-
pool undir lok fyrri hálfleiks og
Michael Owen innsiglaði sigur
„rauða hersins“ um miðjan síðari
hálfleik með sínu fjórða marki í
jafnmörgum leikjum og þessi mikli
markahrókur hefur nú skorað 20
mörk á leiktíðinni.
Með sigrinum komst Liverpool
upp í sjötta sæti og eygir þar með
enn möguleika á að ná Meist-
aradeildarsætinu en Bolton er í
fjórða neðsta sæti, með jafnmörg
stig og West Ham, sem er í fall-
sæti.
„Við lögðum að velli gott lið sem
veitti okkur virkilega harða
keppni. Bolton nær yfirleitt að
spila vel á móti betri liðum eins og
dæmin sanna á móti okkur, Man-
chester United, Chelsea og New-
castle. Við vorum okkur meðvit-
andi um það, mér fannst mínir
menn andlega sterkir og þó svo ég
hafi merkt ákveðna þreytu í mann-
skapnum sá ég að viljinn var mik-
ill í liðinu,“ sagði Gerard Houllier,
stjóri Liverpool, eftir leikinn.
Guðni Bergsson lék allan leikinn
í vörn Bolton.
Langþráður
heimasigur
Liverpool
Reuters
Michael Owen, fyrir framan Guðna, sendir knöttinn framhjá
Jussi Jaaskelainen, markverði Bolton.
Grétarsson og Arnar Þór Viðarsson
ráða ríkjum á miðjunni hjá Lokeren,
Jóhannes Karl Guðjónsson hefur
verið öflugur þar hjá Aston Villa,
sem og Þórður bróðir hans í Bochum,
Helgi Kolviðsson hjá Kärnten og
Brynjar Björn Gunnarsson með
Stoke. Þessir eru allir heitir og hljóta
allir að vera sterkir kandídatar í
miðjustöðurnar. Þá hefur Bjarni
Guðjónsson leikið flesta leiki Stoke
hægra megin á miðjunni og Marel
Baldvinsson hefur fest sig í sessi sem
miðjumaður vinstra megin hjá Lok-
eren. Atli hefur því um marga kosti
að velja þegar kemur að því að raða
upp miðvallarleikmönnum Íslands.
Eiður og Rúnar
frammi?
Þrír íslenskir leikmenn hafa farið á
kostum í sóknarleik sinna félagsliða í
vetur, Eiður Smári Guðjohnsen með
Chelsea, Heiðar Helguson með Wat-
ford og Rúnar Kristinsson með
Lokeren. Þar hefur Rúnar skilað
nýrri stöðu með afbrigðum vel og
hefur sennilega sjaldan eða aldrei
leikið betur en einmitt um þessar
mundir. Það væri forvitnilegt að sjá
jafnflinka og útsjónarsama leikmenn
og Rúnar og Eið Smára glíma saman
við skosku varnarjaxlana, og eins
þarf enginn að efast um ósérhlífni og
kraft Heiðars í þeirri baráttu.
Sterk varnarlína
Fimm íslenskir varnarmenn eru á
fullum krafti í tveimur efstu deild-
unum í Englandi. Guðni Bergsson er
enn lykilmaður í vörn Bolton, 37 ára
gamall, og stenst snúning hvaða
sóknarmanni úrvalsdeildar sem er.
Lárus Orri Sigurðsson hefur spilað
mikið í úrvalsdeildinni í vetur, Her-
mann Hreiðarsson og Ívar Ingimars-
son eru lykilmenn í vörnum sinna liða
í 1. deildinni og þó að Pétur Mar-
teinsson hafi spilað minnst af þeim 16
leikmönnum sem hér hafa verið tínd-
ir til, hefur hann jafnan staðið sig vel
þegar hann hefur fengið tækifæri
með Stoke. Meira að segja verið
kjörinn „maður leiksins“ í stöðu
hægri bakvarðar, stöðunni sem hefur
verið helsta vandamál landsliðsins
upp á síðkastið. Það er hins vegar
ekki raunhæft að reikna með því að
Guðni verði kallaður til nú, frekar en
áður, en þeir Hermann, Ívar, Lárus
Orri og Pétur eiga að geta leyst varn-
arstöðurnar fjórar með sæmd. Óvíst
er þó með þátttöku Hermanns eftir
meiðslin sem hann varð fyrir á laug-
ardag.
Margir fleiri til taks
Þetta er sá leikmannakjarni sem
væntanlega mun bera uppi lið Ís-
lands á Hampden Park en eflaust
koma einhverjir af Norðurlöndunum
inn í hópinn, þó varla til annars en að
vera til taks í þetta skiptið. Þar eru
þeir Tryggvi Guðmundsson, Helgi
Sigurðsson, Gylfi Einarsson, Jóhann
B. Guðmundsson, Indriði Sigurðs-
son, Hjálmar Jónsson, Ólafur Stígs-
son, Atli Sveinn Þórarinsson, Auðun
Helgason, Andri Sigþórsson og
Bjarni Þorsteinsson, ásamt Árna
Gauti Arasyni þegar hann verður
leikfær á ný. Þá eru ónefndir margir
leikmenn íslenskra liða sem verða
betur í stakk búnir fyrir verkefni
með landsliðinu eftir nýtt og betra
undirbúningstímabil í höllunum. Úr
þessum hópi munu eflaust einhverjir
leika stærri hlutverk í verkefnum
landsliðsins síðar á árinu. Núna er
hins vegar tækifærið til að nýta
krafta hinna sem best.
Morgunblaðið/Brynjar Gauti
Rúnar Kristinsson, fyrirliði landsliðsins, Bjarni Guðjónsson og Heiðar Helguson.
   




    


  

 !"

"
#
$% &    

 
vs@mbl.is
 ARNAR Grétarsson, 31 árs,
57 landsleikir, 2 mörk. Hefur
skorað 11 mörk í 22 leikjum
með Lokeren í efstu deild í
Belgíu.
 ARNAR Þór Viðarsson, 25
ára, 22 landsleikir. Hefur leik-
ið alla 24 leiki Lokeren og
skorað 2 mörk í efstu deild í
Belgíu. Fyrirliði Lokeren.
 BJARNI Guðjónsson, 24 ára,
12 landsleikir, 1 mark. Hefur
leikið 33 leiki með Stoke og
skorað 1 mark í ensku 1. deild-
inni.
 BRYNJAR Björn Gunn-
arsson, 27 ára, 34 landsleikir, 3
mörk. Hefur leikið 30 leiki með
Stoke og skorað 4 mörk í
ensku 1. deildinni.
 EIÐUR Smári Guðjohnsen,
24 ára, 20 landsleikir, 6 mörk.
Hefur skorað 9 mörk í 27 leikj-
um með Chelsea í ensku úr-
valsdeildinni.
 GUÐNI Bergsson, 37 ára, 77
landsleikir, 1 mark. Hefur leik-
ið 22 leiki og skorað 1 mark
fyrir Bolton í ensku úrvals-
deildinni. Fyrirliði Bolton.
 HEIÐAR Helguson, 25 ára,
23 landsleikir, 2 mörk. Hefur
skorað 9 mörk í 25 leikjum
með Watford í ensku 1. deild-
inni.
 HELGI Kolviðsson, 31 árs,
29 landsleikir. Hefur leikið 19
leiki og skorað 3 mörk fyrir
Kärnten í austurrísku úrvals-
deildinni.
 HERMANN Hreiðarsson, 28
ára, 46 landsleikir, 2 mörk.
Hefur leikið 28 leiki með Ips-
wich í ensku 1. deildinni.
 ÍVAR Ingimarsson, 25 ára, 9
landsleikir. Hefur leikið 14
leiki með Wolves (2 mörk) og 4
leiki með Brighton í ensku 1.
deildinni.
 JÓHANNES Karl Guð-
jónsson, 22 ára, 9 landsleikir, 1
mark. Hefur leikið 5 síðustu
leiki Aston Villa í ensku úr-
valsdeildinni en lék einn leik
með Real Betis á Spáni fyrir
jól.
 LÁRUS Orri Sigurðsson, 29
ára, 37 landsleikir, 2 mörk.
Hefur leikið 22 leiki með WBA
í ensku úrvalsdeildinni.
 MAREL Baldvinsson, 22 ára,
11 landsleikir. Hefur leikið alla
5 leiki Lokeren í efstu deild í
Belgíu eftir að hann kom þang-
að í janúar.
 PÉTUR Marteinsson, 29 ára,
25 landsleikir. Hefur leikið 11
leiki með Stoke og skorað 2
mörk í ensku 1. deildinni.
 RÚNAR Kristinsson, 33 ára,
96 landsleikir, 3 mörk. Hefur
leikið 19 leiki og skorað 8
mörk fyrir Lokeren í efstu
deild í Belgíu.
 ÞÓRÐUR Guðjónsson, 29
ára, 43 landsleikir, 11 mörk.
Hefur leikið 22 leiki og skorað
3 mörk fyrir Bochum í efstu
deild í Þýskalandi.
Þetta hafa þeir
gert í vetur