Morgunblaðið - 10.03.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 10. MARS 2003 B 5
ROBERTO Carlos, brasilíski heims-
meistarinn, sem leikur með Evr-
ópumeisturum Real Madrid, segir í
samtali við breska blaðið News of
the World að hann hafi tekið stefn-
una á að leika í ensku úrvalsdeild-
inni þegar samningur hans við Real
Madrid rennur út eftir tvö ár. Carl-
os, sem er 29 ára gamall og hefur
um árabil talist í hópi bestu knatt-
spyrnumanna heims, segist horfa til
Arsenal, en þar vill hann spila.
„Mér líst ákaflega vel á Arsenal.
Tveir landar mínir leika með liðinu,
þjálfarinn er frábær og mannskap-
urinn sem liðið hefur yfir að ráða er
geysilega góður. Það er mjög margt
líkt með Arsenal og Real Madrid.
Bæði leika þau af miklu sjálfstrausti
og það er erfitt að leggja þau að
velli. Ég hef nokkrum sinnum kom-
ið til London og þar kann ég mjög
vel við mig,“ segir Carlos.
Reynsla Arsenal af Brasilíu-
mönnum er góð en með liðinu leika
Gilberto Silva og Edu.
Carlos vill spila
með Arsenal

JUVENTUS er með þriggja stiga
forskot á Inter í ítölsku 1. deildar-
keppninni í knattspyrnu, A-deild-
inni. Juventus vann 1:0 sigur á Ud-
inese í gær og skoraði Frakkinn
David Trezeguet, sem kom inná sem
varamaður, sigurmarkið sjö mínút-
um fyrir leikslok.

ÚRÚGVÆINN Alvaro Recoba var
hetja Inter í leiknum við Bologna í
ítölsku 1. deildinni í knattspyrnu.
Recoba skoraði bæði mörk Inter sem
sigraði, 2:1, og sigurmarkið sex mín-
útum fyrir leikslok.

Í borgarslag Rómarliðanna skildu
Roma og Lazio jöfn, 1:1, þar sem ein-
um leikmanni úr hvoru liði var vikið
af velli. Dejan Stankovic kom Lazio
yfir á 6. mínútu en tveimur mínútum
fyrir leikslok jafnaði Antonio Cass-
ano metin. Á lokamínútunni sauð
upp úr sem endaði með því að Marko
Delvecchio, sóknarmaður Roma, og
Stankovic voru sendir í bað.

REAL Madrid er komið á góða
siglingu í spænsku 1. deildinni og
leikmenn Racing Santader fengu að
kenna á snilli Evrópumeistaranna.
Madridarliðið sýndi allar sínu bestu
hliðar og vann öruggan sigur, 4:1.
Luis Figo, Zinedine Zidane, Javier
Portillo og Guti settu mörkin fyrir
Real Madrid.

BÖRSUNGAR urðu að láta sér
lynda 1:1 jafntefli á móti Valladolid.
Bæði mörkin voru sjálfsmörk.
Börsungar komust yfir með sjálfs-
marki Torrez Gomes en markvörður
Barcelona, Bonano, varð fyrir því
óláni að slá boltann í eigið mark og
jafnaði þar með metin.

BAYERN München náði um
helgina 13 stiga forskoti í þýsku
Bundesligunni þegar liðið vann
Bayer Leverkusen, 3:0, á ólympíu-
leikvanginum í München. Givovane
Elber skoraði tvö markanna líkt og
hann gerði á móti Leverkusen í síð-
ustu viku þegar Bæjarar báru sig-
urorð af Leverkusen í bikarkeppn-
ninni, 3:1.

MICHAEL Ballack, miðjumaður-
inn snjalli hjá Bæjurum, meiddist illa
á ökkla og var borinn útaf á 22. mín.
Áætlað er að hann verði frá æfingum
og keppni næstu tvo mánuðina.

MIKAEL Forsell, Finninn sem er í
láni hjá Gladbach frá Chelsea, skor-
aði eina mark sinna manna sem
gerðu titilvonir meistara Dortmund
að engu. Forsell skoraði eina mark
leiksins um miðjan síðari hálfleik.

HERTHA Berlín var í miklu stuði
á Ólympíuleikvanginum í Berlín þeg-
ar liðið tók lið 1860 München í karp-
húsið og sigraði, 6:0. Brasilíumaður-
inn Marcelinho og Michael Preetz
skoruðu tvö mörk hvor fyrir Berl-
ínarliðið.

ÞÓRÐUR Guðjónsson, landsliðs-
maður í knattspyrnu, lék einungis
fyrri hálfleikinn fyrir Bochum sem
tapaði fyrir Werder Bremen í þýsku
Bundesligunni í knattspyrnu á laug-
ardaginn. Eyjólfur Sverrisson var
ekki í leikmannahópi Herthu Berlin
sem burstaði 1860 München, 6:0.
FÓLK
Heiðar Helguson stóð sig vel þeg-ar Watford vann Burnley á
heimavelli sínum, 2:0. Heiðar fór
mikinn í sókninni þótt honum tækist
ekki að skora. Hann átti hinsvegar
þátt í báðum mörkum liðsins sem
þeir Tommy Smith og Stephen Glass
skoruðu með sex mínútna millibili á
síðustu 16 mínútum leiksins. Í fyrra
markinu vann Heiðar hornspyrnu
eftir að markvörður Burnley hafði
varið hörkuskot hans. Upp úr horn-
spyrnunni skoraði Smith mark sitt.
Sex mínútum síðar var brotið á
Heiðari rétt utan vítateigs og dæmd
aukaspyrna. Glass skoraði beint úr
spyrnunni og innsiglaði verðskuldað-
an sigur Watford og þar með sæti í
undanúrslitum bikarkeppninnar.
Sigurinn ætti að vera til þess að lyfta
brún forráðamanna Watford og auka
tekjur þess en fjárhagur Watford
hefur verið í molum eins og svo
margra annarra liða á Englandi.
„Við ætlum að njóta stundarinnar
og sjá síðan til hver örlög okkar
verða í undanúrslitunum. Áður en að
undanúrslitunum kemur eigum við
nokkra leiki í deildinni fyrir hönd-
um,“ sagði Glass og var með báða
fætur á jörðinni.
Smith, sá sem skoraði fyrra mark-
ið, lenti í umferðarslysi fyrir hálfum
mánuði og var reiknað með því að
hann yrði frá keppni um tíma af þeim
sökum. Bati hans varð hins vegar
skjótari en gert var ráð fyrir. „Það
var var stórkostlegt að vinna og ekki
síður að koma liðinu á bragðið þótt
markið væri ekki það glæsilegasta
sem sést hefur,“ sagði Smith með
bros á vör í leikslok. „Ég hélt bara að
við ætluðum aldrei að skora en líkt
og í mörgum leikjum í vetur þá gáf-
umst við aldrei upp, börðumst allt til
enda og að þessu sinni uppskárum
við samkvæmt því,“ sagði Smith enn-
fremur.
Kabba skaut Leeds úr keppni
Steve Kabba skaut Leeds út úr
bikarkeppninni þegar hann skoraði
sigurmark Sheffield United tólf mín-
útum fyrir leikslok. Þetta var tíundi
sigur liðsins á heimavelli í bikar-
keppnunum tveimur á leiktíðinni og
prísuðu leikmenn sig sæla yfir því að
þurfa ekki að fara á Elland Road og
leika að nýju, en viðureignin í gær
þótti tilþrifalítil og lengi vel stefndi í
markalausa viðureign.
„Við uppskárum eins og við sáðum
í þessum leik, það er því miður ekki
alltaf svo í knattspyrnunni,“ sagði
Neil Warnock, knattspyrnustjóri
Sheffield, glaður í bragði eftir leik-
inn. „Við verðskulduðum svo sann-
arlega þennan sigur og sæti í undan-
úrslitum. Um leið eflast mínir menn
af reynslu og dug. Okkur þyrsti í sig-
ur en mér fannst eins og leikmenn
Leeds lékju upp á jafnteflið, vildu
mæta okkur á nýjan leik á sínum
heimavelli. Þeim varð ekki að ósk
sinni,“ sagði Warnock sem sá sína
menn skella Leeds öðru sinni á leik-
tíðinni. Hann segist hafa breytt um
leikskipulag frá fyrri leiknum og það
hafi komið Leeds í opna skjöldu. „Nú
styrktum við miðjuna og létum
nægja að hafa einn frammi. Þessi
breyting skilað sér.“
Draumur Jones er úti
David Jones, fyrrverandi knatt-
spyrnustjóri Southampton, sem nú
stýrir Wolves, sótti ekki gull í greip-
ar síns gamla liðs. Draumur hans um
að koma Úlfunum í undanúrslitin
varð að engu. Chris Mardsen skoraði
fyrra mark Southampton um miðjan
síðari hálfleik en hann er einn þeirra
leikmanna sem Jones keypti til
Southampton í stjórnartíð sinni.
Paul Butler, varnarmaður Úlfanna,
varð síðan fyrir því óláni að skora í
eigið mark 15 mínútum fyrir leikslok
og þar með lágu úrslitin fyrir og
Southampton verður annað tveggja
úrvalsdeildarliðanna í pottinum þeg-
ar dregið verður til undanúrslita í
dag.
„Ég er sáttur við frammistöðu
minna manna í leiknum,“ sagði Jon-
es. „Þeir mættu til leiks og lögðu sig
fram. Því miður nægði það ekki,“
sagði Jones ennfremur og er þakk-
látur fyrir hlýjar móttökur sem hann
fékk hjá stuðningsmönnum South-
ampton, en hann var látinn fara frá
félaginu fyrir nokkrum árum.
„Ég samgleðst öllum þeim sem
vinna fyrir félagið að það skuli vera
komið svona langt í bikarkeppninni
og eiga þar með möguleika á að kom-
ast alla leið í úrslit,“ sagð Gordon
Strachan, knattspyrnustjóri South-
ampton. „Við verðskulduðum þenn-
an sigur fyllilega. Fyrri hálfleikur
var í jafnvægi en við vorum mun
sterkari í síðari hálfleik.“ Um óska-
mótherja í undanúrslitunum sagði
Strachan. „ Að sjálfsögðu óskum við
þess að fá annað hvort liðanna úr 1.
deild frekar en Arsenal eða Chelsea,
það er alveg ljóst.“
Heiðar fór mikinn
í sókn Watford
SOUTHAMPTON, Watford og Sheffield United tryggðu sér í gær
sæti í undanúrslitum ensku bikarkeppninnar í knattspyrnu og síð-
asttalda liðinu tókst að slá Leeds í annað sinn í vetur út úr bik-
arkeppni en í haust hafði Sheffield United betur gegn Leeds í
deildabikarnum. Þar með er ljóst að helmingur liðanna í undan-
úrslitunum koma úr 1. deild.
VELSKI framherjinn John
Hartson var hetja meistara
Celtic þegar þeir lögðu granna
sína og erkióvini í Rangers,
1:0, í rimmu Glasgow-risanna
á Parkhead, heimavelli Celtic.
Hartson skoraði með föstu við-
stöðulausu skoti á 57. mínútu
leiksins framhjá Þjóðverj-
anum Stefan Klose í marki
Rangers. Þar með opnaðist
einvígi liðanna um skoska
meistaratitilinn upp á gátt því
forysta Rangers er nú aðeins
eitt stig en Celtic á leik til
góða.
„John er einstaklega góður í
að nýta svona færi og ég vissi
að hann myndi skora. Það var
lífsnauðsynlegt fyrir okkur að
vinna því ósigur hefði þýtt að
titillinn væri líklega á leið frá
okkur,“ sagði Chris Sutton, fé-
lagi Hartsons í framlínu Celtic.
Celtic
lagði
Rangers
AP
Tommy Smith, sóknarleikmaður Watford, skorar hér fyrra mark liðsins.