Morgunblaðið - 11.03.2003, Blaðsíða 4

FRÉTTIR
4 ÞRIÐJUDAGUR 11. MARS 2003 MORGUNBLAÐIÐ
LÖGREGLUMAÐUR og eiginkona
hans, ásamt þriðja manni hafa verið
dæmd í 45 daga skilorðsbundið
fangelsi hvert fyrir að hafa í blekk-
ingarskyni og heimildarleysi sett á
tvær bifreiðir skráningarnúmer sem
voru ranglega sögð innlögð til
skráningarstofu ökutækja, en með-
ákærði hjónanna gekk frá tilkynn-
ingu þar að lútandi.
Meðákærði neitaði frá upphafi að
hafa vitað um að umrædd ökutæki
yrðu notuð eftir að hann hafði látið
skrá það í ökutækjaskrána að
skráningarmerkin hefðu verið lögð
inn. Var það tekið til greina og hann
því sýknaður af því að hafa átt þátt í
að hjónin frömdu brot sitt.
Hann var hins vegar sakfelldur
fyrir að hafa sent ranga tilkynningu
til skráningarstofu um innlögn ofan-
greindra skráningarnúmera án þess
að þau væru í raun innlögð og kom-
in í vörslu hans. Sama gilti um út-
tekt beggja númeranna um hálfum
mánuði seinna, þrátt fyrir að núm-
erin væru þá á bifreiðunum.
Brot hjónanna þóttu til þess fallin
að raska mikilsverðum opinberum
hagsmunum og einkahagsmunum
og var það metið þeim til refsiþyng-
ingar. Þá vó það til að þyngja refs-
ingu eiginmannsins sérstaklega að
hann var yfirmaður í lögreglu er
brotið var framið. Þó var og litið til
þess að honum var vikið úr því
starfi um stundarsakir vegna máls-
ins.
Pétur Guðgeirsson héraðsdómari
kvað upp dóminn. Verjandi lög-
reglumannsins var Karl Georg Sig-
urbjörnsson hrl. og verjandi eigin-
konu hans Björn Þorri Viktorsson
hdl. Verjandi meðákærða var Örn
Clausen hrl.
Lögreglumaður dæmdur
í fangelsi fyrir blekkingar
SAMFYLKINGIN mælist með
36,2% fylgi og Sjálfstæðisflokkurinn
35,2% í könnun Fréttablaðsins, sem
birt var í gær um fylgi stjórnmála-
flokka vegna alþingiskosninga í vor.
Fylgi beggja flokka hefur minnkað
frá seinustu könnun blaðsins fyrir
viku en þá mældist Samfylkingin
með 37,9% og Sjálfstæðisflokkurinn
38,6%. Vinstrihreyfingin – grænt
framboð bætir við fylgi sitt frá síð-
ustu könnun og mælist nú með
13,5% en mældust með 8,6% fyrir
viku. Frjálslyndi flokkurinn eykur
einnig við fylgi sitt skv. könnuninni
og mælist nú með 4,7% fylgi en var
með 2,3% fyrir viku. Framsóknar-
flokkurinn tapar hins vegar fylgi,
fær nú 9,7% skv. könnuninni en
mældist með 12,5% í síðustu könnun
blaðsins.
Könnunin var gerð sl. laugardag.
Hringt var í 600 manns á landinu
öllu og tóku 66,8% afstöðu.
VG og Frjálslyndir
bæta við sig fylgi
ÆFÐ var rýming í grunnskóla Mýrdalshrepps vegna
hugsanlegs Kötlugoss. Æfingin felur í sér að unnið verð-
ur eftir innanhússneyðaráætlun skólans og æfð viðbrögð
við hættu vegna eldsumbrota í Mýrdalsjökli. Að sögn
Kolbrúnar Hjörleifsdóttur skólastjóra gekk æfingin
mjög vel. Það tók aðeins sautján mínútur að rýma skól-
ann og koma öllum nemendum í öruggt skjól í gistiheim-
ilinu Ársölum sem stendur ofarlega í þorpinu. Gert er
ráð fyrir að svona æfing verði haldin á hverju ári. Þátt-
argerðarfólk frá sænska sjónvarpinu fylgdist með æf-
ingunni og ræddi við nokkra nemendur og kennara en
þeir eru að vinna að gerð þáttar um börn nærri háska.
Morgunblaðið/Jónas Erlendsson
Kötluæfing í grunnskólanum í Vík
Vík. Morgunblaðið.
FJÓRIR stjórnarmenn í Hf. Eim-
skipafélagi Íslands hætta störfum á
aðalfundi félagsins nk. fimmtudag,
þar á meðal stjórnarformaður fé-
lagsins, Benedikt Sveinsson, sem
lætur af störfum að eigin ósk. Auk
hans hætta í stjórninni þeir Jón H.
Bergs, Gunnar Ragnars og Kristinn
Björnsson.
Í kjölfar skipulagsbreytinga sem
orðið hafa hjá Hf. Eimskipafélagi
Íslands verður fækkað í stjórn móð-
urfélagsins og því koma einungis
tveir nýir menn inn í stjórn í stað
þeirra sem hætta, eða þau Inga
Jóna Þórðardóttir og Einar Sveins-
son. Inga Jóna er jafnframt fyrsta
konan sem tekur sæti í stjórninni.
Garðar Halldórsson, Jón Ingvars-
son, Kolbeinn Kristinsson, Benedikt
Jóhannesson og Páll Sigurjónsson
bjóða sig fram til áframhaldandi
stjórnarsetu.
Vill draga saman seglin
Benedikt Sveinsson segist í sam-
tali við Morgunblaðið vilja draga að-
eins saman seglin en hann á nú sæti
í stjórnum þriggja félaga auk Hf.
Eimskipafélags Íslands, þ.e. Flug-
leiða, Marels og Sjóvár-Almennra
en hann er jafnframt formaður
stjórnar þeirra tveggja síðasttöldu.
Benedikt telur að nú sé réttur
tími til að hverfa úr stjórn. „Ég átti
þátt í því á síðasta ári að stækka fé-
lagið um helming, og breyta mjög
mikið til í rekstrinum. Mér finnst
þetta því heppilegur tími að hverfa
þarna frá. Aðalástæðan er þó sú að
ég hef heldur viljað draga úr mínum
umsvifum, enda er maður víst ekki
að yngjast,“ segir Benedikt Sveins-
son.
Benedikt segir að starfið fyrir Hf.
Eimskipafélag Íslands hafi verið
það lang umsvifamesta af þeim fjór-
um framantöldu. „Þetta hefur verið
tímafrekasta starfið enda er í svo
mörg horn að líta. Þetta er gert í
góðu samkomulagi við mína sam-
starfsmenn og þetta er alfarið mín
ákvörðun.“
Aðalfundur Hf. Eimskipafélags
Íslands verður haldinn nk. fimmtu-
dag.
Fjórir stjórn-
armenn Eim-
skips hætta
Inga Jóna fyrst kvenna í stjórn
MISMUNUR á flutningskostnaði á
loðdýrafóðri milli Suðurnesja og
Danmerkur, annars vegar, og Suð-
urnesja og Vopnafjarðar, hins veg-
ar, skýrist af stærðarhagkvæmn-
inni. Þetta segir sölustjóri land-
flutningafyrirtækisins Flytjanda hf.
Á landsþingi Frjálslynda flokks-
ins síðastliðinn laugardag kom fram
í máli Guðmundar W. Stefánssonar,
bónda á Fremri-Núpum í Vopna-
firði, að það kosti þrjár krónur að
flytja hvert kíló af frystu refafóðri
frá Suðurnesjum til Danmerkur.
Hins vegar kosti þrjátíu krónur að
flytja hvert kíló til Vopnafjarðar.
Sagði Guðmundur að hægt væri að
taka fullt af slíkum dæmum.
Að hámarki 24 tonn í ferð
Loftur Sigurðsson, sölustjóri hjá
landflutningafyrirtækinu Flytjanda
hf., segir að samkvæmt gjaldskrá
fyrirtækisins kosti 32,57 krónur að
flytja hvert kíló af vöru milli
Reykjavíkur og Vopnafjarðar.
Hann segir að ástæðan fyrir hærra
verði í landflutningum, annars veg-
ar, og sjóflutningum til Danmerkur,
hins vegar, sé fyrst og fremst
stærðarhagkvæmnin. Með bílum
Flytjanda sé hægt að flytja allt að
24 tonn og þau þurfi að greiða ferða-
kostnaðinn. Meðalfrystiskip geti
hins vegar flutt um 3 þúsund tonn.
Þessi munur skýri verðmuninn á
mismunandi flutningskostnaði á
einingu.
Skinnfiskur ehf. í Sandgerði
framleiðir loðdýrafóður. Ari Leifs-
son, framkvæmdastjóri fyrirtækis-
ins, segir að flutningskostnaður á
loðdýrafóðri frá Suðurnesjum til
Danmerkur sé 3–5 krónur á kílóið.
Hann segir að færeysk skip sigli
með fóðrið, sem sé fryst. Því sé
skipað út í mjög stórum förmum og
það sé meginskýringin á því hve
verðið fyrir flutninginn sé hagstætt.
Minnst sé skipað út eitt þúsund
tonnum af loðdýrafóðri og allt upp í
tvö þúsund tonn.
Að sögn Ara er verðið fyrir flutn-
ing á loðdýrafóðri mun lægra en út-
flytjendur á sjávarafurðum þurfa að
greiða fyrir flutning á afurðum sín-
um í gámum með skipafélögunum.
Magnið af loðdýrafóðrinu sé miklu
meira en af sjávarafurðunum í
hverri ferð.
Ari segir að Skinnafiskur fram-
leiði 15-20 þúsund tonn af loðdýra-
fóðri á ári og að um 97% þess fari til
Danmerkur. Um 10-12 manns
starfa hjá fyrirtækinu.
Gjaldskrár hafa
hækkað umfram vísitölu
Fyrri part árs 2002 tók til starfa
starfshópur sem samgönguráð-
herra skipaði til að fjalla um al-
mennan flutningskostnað miðað við
þarfir atvinnulífsins. Hópurinn skil-
aði niðurstöðum í janúar síðastliðn-
um. Í niðurstöðunum segir að veru-
legar sviptingar hafi átt sér stað að
undanförnu í flutningum um landið.
Framboð strandflutninga hafi dreg-
ist saman og aðeins eitt áætlunar-
skip sigli nú með strönd landsins en
á sama tíma hafi framboð landflutn-
inga vaxið verulega.
„Samþjöppun aðila í landflutning-
um og þátttaka skipafélaga gerir
það að verkum að tveir flutnings-
aðilar eru með nær alla landflutn-
inga á Íslandi – fákeppni er því ráð-
andi í þessum flutningum. Samfara
þessu hafa gjaldskrár flutningsaðila
hækkað verulega umfram þróun
neysluvöruvísitölu,“ segir í niður-
stöðum starfshóps samgönguráð-
herra.
Flutningskostnaður
er hærri innanlands