Morgunblaðið - 11.03.2003, Blaðsíða 7

FRÉTTIR
MORGUNBLAÐIÐ ÞRIÐJUDAGUR 11. MARS 2003 7
MIKLIR fagnaðarfundir urðu í
gær þegar vélsleðamennirnir
Knútur Hreinsson og Jón Bjarni
Hermannsson hittu fjölskyldur
sínar í Reykjavík eftir að hafa
verið týndir á Langjökli í aftaka-
veðri í nærri sólarhring. Þeim
tókst að halda lífi með því að
hörfa niður af jöklinum og grafa
sig í fönn uns þeim var bjargað.
Víðtæk leit var gerð að þeim í
einni umfangsmestu björgunar-
aðgerð í langan tíma. Alls týnd-
ust þrír á jöklinum á sunnudag,
en einn þeirra, Bjarni Guð-
mundsson, fannst klukkan 23.15
þá um kvöldið eftir illa vist uppi
á jökli. Knútur og Jón Bjarni
fundust síðan heilir á húfi undir
hádegið í gær eftir næturlanga
leit og voru fluttir með þyrlu
Landhelgisgæslunnar til Reykja-
víkur.
„Við vissum að veðrið væri
miklu betra neðar og fórum nið-
ur af jöklinum, í átt að Hveravöll-
um,“ sagði Knútur um viðbrögð
þeirra Jóns Bjarna þegar ljóst
var orðið að þeir höfðu týnt fé-
lögum sínum í svartabyl. Þeir
höfðu þá ekið í klukkustund suð-
ur frá Hveravöllum og héldu til
baka í átt að Þjófadölum þar sem
þeir grófu sig í fönn. „Þegar við
vorum komnir niður í skaplegra
veður grófum við okkur niður.
Við hittum ekki alveg á Þjófadali
en stöðvuðum þar rétt hjá.“ Þeir
tvímenntu á einum sleða niður af
jöklinum, en hinn sleðann fundu
leitarmenn í fyrrinótt yfirgefinn
uppi á jökli.
Knútur sagði vistina ekki hafa
verið góða í fönninni en skap-
lega, auk þess sem þeir höfðu
gott nesti, ólíkt Bjarna Guð-
mundssyni, sem hafði ekki annað
en eitt súkkulaðistykki og gadd-
freðna kók til matar á sunnudag-
inn. Honum tókst ekki að grafa
sig í fönn vegna veðurs og hírðist
við sleða sinn allan sunnudaginn
og var orðinn mjög kaldur á ann-
arri hendinni þegar hann fannst.
Gott að sjá þyrluna
„Við erum fegnir að vera
komnir heim og það var gott að
sjá þyrluna þegar hún kom. Við
urðum varir við björgunarmenn í
[gær]morgun og það var gaman
að heyra í þeim. Við vissum alltaf
að tveir fyrstu [Magnús Guðjóns-
son og Samúel Magnússon] hefðu
komist til byggða en vissum ekki
hvert Bjarni hefði farið. Hann er
hins vegar vanur sleðamaður og
gjörþekkir svæðið,“ sagði Knút-
ur.
Spurður um hvernig tilfinning
það væri að vera kominn til baka
eftir dvöl á jöklinum sagði Jón
Bjarni að það væri yndislegt að
komast aftur til byggða. Hann
sagðist aldrei hafa gefið upp von-
ina heldur hafi þeir Knútur graf-
ið sig í fönn. „Þetta er engu að
síður ævintýri sem maður vill
helst ekki lenda í,“ sagði Jón.
Magnús Guðjónsson sagðist
feginn að sjá félaga sína komna
fram heilu og höldnu eftir miklar
raunir. „Veðrið var þannig að
sleðarnir drápu á sér og ekkert
annað að gera í stöðunni en að
kalla út aðstoð í Tjaldafelli,“
sagði hann, en þangað komust
þeir Samúel og tilkynntu um
hvarf félaga sinna þriggja. „Ég
held að við hefðum engan veginn
getað brugðist öðruvísi við. Við
viljum skila innilegu þakklæti til
Landsbjargar og allra þeirra
sem komu að þessu máli. Það er
yndisleg tilfinning að heimta
hópinn úr helju. Við höfum verið
í þessu í 20 ár og aldrei lent í því
að missa menn frá okkur. Þessi
reynsla undirstrikar mikilvægi
þess að allir séu með GPS-tæki.“
Morgunblaðið/Golli
Jóni Bjarna Hermannssyni, t.v., og Knúti Hreinssyni var vel fagnað af ástvinum sínum við heimkomuna.
„Fegnir að vera komnir heim“
Sunnudagur 9. mars
Kl. 14.35. Lögreglu tilkynnt um að þrír vél-
sleðamenn hafi orðið viðskila við tvo ferða-
félaga sína norðan við Þursaborgir á
Langjökli.
Kl. 15. Fyrstu björgunarsveitir kallaðar út.
Kl. 15–16. Einn mannanna þriggja hefur
símasamband og segist hafa týnt félögum
sínum. Ákveðið að sækja hann upp á jök-
ulinn.
Kl. 18. Voru um 40 björgunarsveitarmenn á
jeppum, vélsleðum og snjóbílum við leit á
jöklinum.
Kl. 23.15. Manninum sem hafði hringt komið
til bjargar. Um nóttina eru 113 björg-
unarsveitarmenn við leit.
Mánudagur 10. mars
Kl. 4.30. Vélsleði annars mannanna tveggja
finnst yfirgefinn.
Kl. 7. Fleiri björgunarsveitir kallaðar út.
Kl.7.45. TF-LÍF fer í loftið með björgunar-
sveitarmann og leitarhund um borð.
Vegna aðstæðna á jöklinum var ekki talið
líklegt að hundurinn kæmi að gagni og fór
hann því aldrei til leitar.
Kl. 8.30. Samtals 236 björgunarsveitarmenn
leita á jöklinum á 38 jeppum, 76 vélsleðum
og 10 snjóbílum.
Kl. 10.45. Björgunarsveitarmenn fóru fram á
að óskað yrði eftir aðstoð og búnaði
slökkviliðsins á Keflavíkurflugvelli. Heim-
ild fékkst frá yfirstjórn Varnarliðsins. Þá
var þyrlusveit Varnarliðsins einnig í við-
bragðsstöðu.
Kl. 11.24. Björgunarmenn á vélsleða fundu
mennina tvo sem saknað var heila á húfi
en kalda og hrakta.
Kl. 11.46. Þyrla Landhelgisgæslunnar TF-
LÍF hélt frá Reykjavík til að sækja menn-
ina.
Kl. 12.25. TF-LÍF lendir hjá sleðamönnunum.
Kl. 13.12. TF-LÍF lenti í Reykjavík með vél-
sleðamennina innanborðs.
Atburðarásin