Morgunblaðið - 11.03.2003, Blaðsíða 8

FRÉTTIR
8 ÞRIÐJUDAGUR 11. MARS 2003 MORGUNBLAÐIÐ
Verður kosningabarátta Samfylkingarinnar bara leðju drifin slóð?
Fyrirlestraröð um vímuvarnir
Vímuvarnar-
starf er eilífð-
arverkefni
FræðsluhópurinnNáum áttum stend-ur fyrir fræðslu- og
umræðufundi um vímu-
varnir og lífsleikni í sal
Rauða kross Íslands,
Efstaleiti 9, í dag klukkan
15.30. Um er að ræða ann-
an fundinn af þremur í
fundaröð með yfirskrift-
inni: Hugmyndir um
áfengis- og vímuvarnir í
skólum. Fundunum er ætl-
að að vekja athygli á því að
þegar fer fram mikið for-
varnarstarf í skólum og
leikskólum.
Kristín Karlsdóttir
ræddi við Morgunblaðið
um fundinn í dag og sagði
að á fundinum í dag yrðu
dregin fram dæmi um út-
færslu lífsleikniverkefna
skóla og uppeldisstofnana á öllum
skólastigum. Á þriðja fundinum,
sem verður í apríl, verður tekið
fyrir hvernig ýmsir utanaðkom-
andi aðilar, s.s. foreldrafélög,
heilsugæsla, lögregla og frjáls fé-
lagasamtök, geta stutt við for-
varnarstarf í skólum.
– Segðu okkur aðeins frá þessu
starfi.
„Náum áttum er opinn sam-
starfshópur um fræðslu- og fíkni-
efnamál sem undanfarin ár hefur
staðið fyrir á annan tug fræðslu-
og umræðufunda um vímuvarnir
og málefni tengd þeim fyrir fag-
fólk og almenning. Að hópnum
koma fulltrúar Rauða krossins,
Geðræktar, Götusmiðjunnar,
Landlæknis, Vímulausrar æsku,
Barnaverndarstofu, Samstarfs-
nefndar Reykjavíkur um afbrota-
og fíkniefnavarnir, Áfengis- og
vímuvarnarráð, Heimilis og skóla,
Lögreglunnar í Reykjavík, Bind-
indissamtaka IOGT, Biskups-
stofu, Félags grunnskólakennara,
Ríkislögreglustjóra og stundum
nemenda í framhaldsskólum.
Þessi hópur var upphaflega mynd-
aður til að skipuleggja ráðstefnu
um vímuvarnir haustið 2000 fyrir
tilstilli Íslands án eiturlyfja og
Götusmiðjunnar sem fengu styrk
úr forvarnarsjóði til verksins.“
– Fyrirlestrarnir í dag, um hvað
fjalla þeir?
„Í upphafi er fyrirlestur sem Al-
dís Yngvadóttir, ritstjóri hjá
Námsgagnastofnun, flytur um
vímuvarnir og uppbyggingu lífs-
leiknináms. Því næst tala ég fyrir
hönd hóps leikskólakennara sem
hefur hist reglulega um margra
ára skeið og rætt um og lesið
fræðilegt efni sem leikskólastarf
byggist á. Mest höfum við kynnt
okkur hugsmíðahyggju Kamii og
DeVries en þær eru amerískar
fræðikonur sem leggja áherslu á
sjálfræði barnsins sem felst í því
að barnið finni sjálft lausnir en sé
hvatt til að taka mið af tilfinning-
um og skoðunum annarra. Ég
mun í þessu erindi
fjalla um rannsóknir
sem greint hafa per-
sónulega og félagslega
þætti sem eru taldir
einkenna einstaklinga
sem síður ánetjast
fíkniefnum. Tilraun er
gerð til að tengja þessa þætti við
starf með börnum og greint er frá
því á hvern hátt leikskólinn og for-
eldrar geta haft áhrif á þætti í fari
barna og umhverfi þeirra.
Forvarnarstarf Lindarskóla í
Kópavogi verður kynnt sem dæmi
um útfærslu forvarnarstarfs í
grunnskóla. Guðrún Snorradóttir,
náms- og starfsráðgjafi, og Guð-
rún Soffía Jónasdóttir aðstoðar-
skólastjóri munu annast þessa
kynningu og njóta við það aðstoð-
ar Ástu Maríu Harðardóttur og
Arnars Páls Birgissonar sem bæði
eru nemendur í 10. bekk skólans.
Loks mun María Pétursdóttir,
forvarnarfulltrúi Borgarholts-
skóla, kynna útfærslu forvarnar-
starfs í framhaldsskóla.“
– Tilurð og tilgangur þessa?
„Aðstandendur Náum áttum
hópsins vilja með þessari funda-
röð vekja athygli á fjölbreyttu for-
varnarstarfi og þar með vímu-
varnarstarfi skólanna. Undan-
farin ár hafa nýjar hugmyndir um
bestu aðferðir við forvarnarstarf
verið að ryðja sér til rúms og það
er full ástæða til að gera tilraun til
að kynna þessar hugmyndir sem
allra víðast. Vonast er til að þessir
fundir verði fólki sem vinnur að
forvörnum, hvort sem er innan
skólanna eða í tengslum við þá,
hvatning í starfi og hugmynda-
brunnur um hvernig er
hægt að stunda for-
varnarstarf.“
– Hvernig standa
annars málin í þessum
eilífðarslag?
„Vímuvarnarstarf er
eilífðarverkefni. Það er
ekki víst að aðferðir sem virka í
dag komi að gagni á morgun og
það felst sífellt áskorun í því að
leita nýrra leiða og að reyna að
skyggnast inn í framtíðina til að
sjá við þeim sem eru að markaðs-
setja vímuefni. Því fleiri sem taka
þátt í þeirri vinnu þeim mun meiri
líkur eru á því að árangur náist.“
Kristín Karlsdóttir
 Kristín Karlsdóttir er lektor í
leikskólafræði við Kennarahá-
skóla Íslands. Hún er stúdent frá
MR 1974 og lauk BA-prófi í sál-
fræði við HÍ og útskrifaðist sem
leikskólakennari frá Háskól-
anum í Gautaborg. Lauk
kennslufræði til kennsluréttinda
frá HÍ 1996 og meistaraprófi frá
KHÍ 2001. Stundar nú nám í
„psycodrama“ í samstarfi
þriggja háskóla á Norður-
löndum. Vann við ýmsa leikskóla
1981–1994, en eftir það sem
kennari við Fósturskóla Íslands
og síðan KHÍ. Hefur unnið að
ýmsum verkefnum sem tengjast
námi og kennslu yngri barna.
M.a. þátttakandi í Evrópuverk-
efnum sem unnið hafa námsefni
fyrir uppeldisstéttir um leik
barna og samfélag án aðgrein-
ingar. Maki er Guðmundur
Sverrisson læknir og eiga þau
þrjú börn og tvö barnabörn.
…gera tilraun
til að kynna
þessar hug-
myndir sem
allra víðast
STOFNAÐ var áhugamannafélag
um vegtengingu milli lands og Eyja
sl. laugardag. Félagið heitir Áhuga-
mannafélag um Vestmannaeyja-
göng. Á stofnfundinn mætti um 120
manns en mikill áhugi er í Vest-
mannaeyjum um bættar samgöngur
við fastalandið.
Gísli Gíslason, bæjarstjóri á Akra-
nesi og formaður stjórnar Spalar,
sem reisti og rekur Hvalfjarðar-
göngin, flutti framsöguerindi sem
var bæði forvitnilegt og mjög fróð-
legt fyrir áhugasama Vestmannaey-
inga. Þá flutti Ingi Sigurðsson, bæj-
arstjóri í Vestmannaeyjum, erindi
um sama mál. Kom fram í máli
þeirra beggja að þar sem jarðgöng
hefðu verið grafin og bætt sam-
göngur milli tveggja staða hafa
áhrifin verið mjög jákvæð.
Þannig sagði Gísli frá því að byggð
beggja vegna við Hvalfjörð hefði
styrkst með tilkomu Hvalfjarðar-
ganga og umferð um göngin verið
langt umfram allar áætlanir. Í máli
hans kom fram að það sama hefði
gerst í Færeyjum, jarðgöng hefðu
eflt byggðir og skapað jákvætt and-
rúmsloft fyrir smærri fyrirtæki að
flytjast til staða þar sem bættar
samgöngur hafa verið forsenda upp-
byggingar smáfyrirtækja.
Fram kom á fundinum að jarð-
göng milli lands og Eyja verði á
bilinu 15–18 kílómetrar. Í dag kosti
hver kílómetri í göngum 500 millj-
ónir. Í Hvalfjarðargöngunum kost-
aði hver kílómetri 900 milljónir á
verðlagi þess tíma.
Tveggja tíma ferð
Með göngum milli lands og Eyja
má komast til Reykjavíkur á tveimur
klukkustundum. Þau bæjarfélög
sem nú blómstra á landinu eru innan
tveggja stunda radíuss frá Reykja-
vík, þar má nefna Akranes, Borgar-
nes og Selfoss. Jarðgöng milli Vest-
mannaeyja og lands myndu styrkja
allt Suðurland og mynda nýtt
kjarnasvæði á Suðurlandi sem gæti
samnýtt ýmsa þætti í atvinnu,
menntun, íþróttum og fl. Þetta
svæði, Hella, Hvolsvöllur, Vest-
mannaeyjar og sveitir gæti orðið um
10 þúsund manns innan ekki langs
tíma. Í skýrslu sem Vegagerðin lét
gera árið 2000 kom m.a. fram að
göng milli lands og Eyja myndu
rjúfa samgöngulega einangrun
eyjanna og valda byltingu í allri að-
stöðu þar fyrir atvinnu og mannlíf.
Þau myndu án efa einnig hafa mikil
áhrif á austanverðu Suðurlandi.
Samþykkt voru lög fyrir félagið og
kosin stjórn. Hana skipa Ingi Sig-
urðsson, bæjarstjóri, formaður, Ey-
þór Harðarson, Friðrik Friðriksson,
Helgi Bragason, Börkur Grímsson,
Ólafur Hreinn Sigurjónsson og Sig-
urður Páll Ásmundsson.
Telja jarðgöng munu
styrkja allt Suðurland
Vestmannaeyjum. Morgunblaðið.
Um 120 manns stofna félag um vegtengingu milli lands og Eyja