Morgunblaðið - 11.03.2003, Blaðsíða 44

ÍÞRÓTTIR
44 ÞRIÐJUDAGUR 11. MARS 2003 MORGUNBLAÐIÐ
DAGNÝ Linda Kristjánsdóttir,
skíðakona frá Akureyri, keppti á
þremur mótum í Voss í Noregi um
helgina og átti góðu gengi að fagna.
Dagný Linda sigraði í svigi á
föstudagskvöld og fékk þá 45,35
FIS-punkta. Á laugardag hafnaði
hún í öðru sæti í stórsvigi og fékk
46,03 FIS-punkta, og loks varð hún
önnur á öðru stórsvigsmóti á sama
stað á sunnudaginn. Þá fékk hún
52,93 FIS-punkta.
Dagný
Linda
vann
í Voss
GUÐNI Bergsson, fyrirliði enska
knattspyrnuliðsins Bolton, sagði á
heimasíðu félagsins í gær að hann
vonaðist til þess að geta haldið
heim til Íslands í vor með bros á
vör, eftir að hafa hjálpað Bolton til
að halda sæti sínu í úrvalsdeildinni.
Guðni var óhress með ósigurinn
gegn Liverpool, 2:0, á laugardaginn
og sagði að munurinn á liðunum
hefði verið lítill en leikmenn Liver-
pool þyrftu ekki mörg færi til að
tryggja sigur og þar hefði skilið á
milli liðanna.
„Við eigum níu leiki eftir og ef
við horfum á næstu þrjá, eigum við
að geta unnið þá alla. Þeir eru gegn
Sunderland úti og Tottenham og
Manchester City á heimavelli. Það
er mikil reynsla í okkar liði, sem
ætti að nýtast okkur, en það eru
líka leikmenn í okkar röðum sem
hafa ekki áður tekið þátt í fallbar-
áttu. Núna reynir á hvernig liðið
bregst við þessari stöðu og hvort
samstaðan og styrkurinn til að tak-
ast á við hana eru til staðar. Við
þurfum að ná því besta út úr liðinu.
Það er engin spurning um hæfileik-
ana, þeir eru til staðar, en þeim
þurfa að fylgja ákveðni og löngun,
sem þarf að endurspeglast í hverj-
um einasta leik,“ segir Guðni
Bergsson.
Guðni vill fara
brosandi heim
Reuters
Guðni Bergsson, fyrirliði Bolton, á hér í höggi við Ray Parlour,
miðjumann Englandsmeistara Arsenal.
FÓLK

JÓHANNES Harðarson, fyrr-
verandi leikmaður ÍA í knatt-
spyrnu, lék allan leikinn með
Veendam sem tapaði, 1:0, fyrir
Volendam í hollensku 1. deildinni í
knattspyrnu um helgina. Viktor
Bjarki Arnarsson fór af velli á 82.
mínútu hjá TOP Oss sem tapaði,
1:2, heima fyrir Den Bosch í sömu
deild. Íslendingaliðin eru bæði í ró-
legri stöðu um miðja deild.

EINAR Þór Daníelsson var rek-
inn af velli í upphafi síðari hálfleiks
þegar KR tapaði fyrir ÍA, 2:0, í
deildabikarnum í knattspyrnu á
sunnudag. Einar Þór verður því í
leikbanni í næsta leik KR í keppn-
inni sem er gegn Þór 21. mars.

ARSENE Wenger, knattspyrnu-
stjóri Arsenal, segist ekki hafa
neinar ráðagerðir um að hvíla ein-
hverja af landsliðsmönnum sínum
þegar lið hans mætir Chelsea öðru
sinni í 8-liða úrslitum ensku bik-
arkeppninnar þann 25. mars. Að-
eins fjórum dögum síðar leikur
England við Liechtenstein og
Frakkland við Möltu í undan-
keppni EM.

WENGER segir að landsliðin
hafi fjögurra daga rétt á leikmönn-
unum og þau geti ekki gert neinar
kröfur til þess að þeir verði hvíldir.
„Svona eru reglurnar, það getur
enginn komið í veg fyrir að við not-
um leikmennina á þriðjudegi. Þess-
ar reglur geta bæði unnið með og á
móti landsliðunum og þær hafa
margoft verið notaðar gegn okk-
ur,“ segir Wenger.

BRETT Emerton leikmaður
Feyenoord í Hollandi var um
helgina útnefndur knattspyrnu-
maður ársins í Eyjaálfu. Emerton
er Ástrali og skoraði annað af
mörkum Ástrala í sigrinum á Eng-
lendingum í síðasta mánuði. Land-
ar Emertons urðu í tveimur næstu
sætum. Harry Kewell, Leeds, varð
annar og Mark Schwarzer mark-
vörður Middlesbrough í þriðja.

SHAY Given markvörður New-
castle meiddist á fingri á æfingu
liðsins um helgina og óvíst hvort
hann geti staðið í marki liðsins í
leiknum við Inter í Meistaradeild-
inni sem fram fer á San Síró í Míl-
anó í kvöld. Bobby Robson, stjóri
Newcastle, hefur sagt Steve Harp-
er varamarkverði sínum að vera
viðbúinn að spila en leikurinn er
nánast úrslitaleikur um það hvort
liðið komist áfram í 8-liða úrslitin.

LEWIS Neal, miðjumaðurinn
efnilegi, hefur skrifað undir nýjan
samning við Íslendingafélagið
Stoke City til tveggja ára. Neal,
sem er 21 árs, lék sem lánsmaður
með ÍBV um skeið fyrir tveimur
árum en hann hefur þótt standa
sig mjög vel að undanförnu og fékk
sérstakt hrós fyrir frammistöðu
sína í sigurleik Stoke gegn Bright-
on í ensku 1. deildinni á dögunum.
Keppnin felst í að keppendureiga að skjóta í mark af 25
metra færi, með 22ja kalíbera
skammbyssu, 60
skotum í tólf hrin-
um með 5 skotum í
hverri. Þeir fá mest
tíu stig fyrir að
hitta í miðhringinn sem er 4 senti-
metrar í þvermál en síðan stigi
minna fyrir næsta tveggja senti-
metra hring og svo framvegis. Í
fyrstu hrinu fær hver 150 sek-
úndur til að skjóta hverjum 5 skot-
um og í næstu 25 sekúndur en
mesta spennan og mestu svipting-
ar eru í lokahrinunni þegar kepp-
endur fá 10 sekúndur til að skjóta
fimm skotum.
„Ég hef stundum kroppað í efstu
sætin og vann með sportbyssu í
fyrra en hef aldrei unnið þessa
grein áður,“ sagði Eiríkur eftir
mótið. Honum gekk ekki sem best
til að byrja með en hann náði sér á
strik í lokin. „Það er mjög sárt að
skjóta langt framhjá því það getur
verið erfitt að vinna sig upp úr því.
Það þarf ekki nema eitt skot út
fyrir. Það þarf því ekki bara ná-
kvæmni heldur er tíminn naumur
og ekkert svigrúm fyrir mistök.
Ég keppi líka með loftbyssu og
ætli hún sé ekki skemmtilegust því
þar eru mistök ekki eins afdrifarík
en þegar maður er í uppsveiflu er
gaman í þessum greinum,“ sagði
Eiríkur sem er þrítugur lögreglu-
maður og keppir fyrir íþróttafélag
lögreglunnar. Í öðru sæti varð
Steindór Hr. Grímarsson og brons
hlaut Carl J. Eiríksson eftir bráða-
bana við Gunnar Sigurðsson.
Kristína var eina konan í keppn-
inni því aðrar sem æfa voru fjarri
góðu gamni. „Við erum tvær sem
keppum í þessari grein. Ég keppi
líka í loftbyssu og sportskamm-
byssu en þetta er erfiðasta greinin
því það er svo stuttur tími sem
maður fær til að
skjóta. Samt er
þetta allt jafn
skemmtilegt en
fer eftir því
hvernig maður
finnur sig í hverri
grein,“ sagði
Kristína sem
einnig er í lög-
reglunni. „Ég
byrjaði 1995 þeg-
ar við nokkrar
stelpur í lögregl-
unni vorum í
handbolta en það
gekk ekki sem
best svo að við
snerum okkur að
byssunum. Við
byrjuðum fimm
en ég er ein eft-
ir.“
Morgunblaðið/Stefán Stefánsson
Lögreglumennirnir Kristína Sigurðardóttir og Eiríkur Jónsson unnu Íslands-
mótið með staðlaðri skammbyssu á laugardaginn. Þau hampa hér verðlaun-
um sínum og byssum en lögregluhundurinn Barón lætur sér fátt um finnast.
STÖÐUG hönd skipti öllu máli þegar Íslandsmótið í
skotfimi með staðlaðri skammbyssu fór fram í
Digranesi á laugardaginn enda þurfti helst að hitta
á 4 sentimetra hring af 25 metra færi til að krækja
sér í tíu stig. Þegar upp var staðið reyndist Eiríkur
Jónsson hlutskarpastur af körlunum með 518 stig
en Kristína Sigurðardóttir í kvennaflokki með 468.
Eiríkur
besta
skyttan
Stefán
Stefánsson
skrifar
Undanfarin ár hefur farið framforkeppni, síðan hafa 16 lið
leikið í fjórum riðlum og eftir það
verið leikin útsláttarkeppni átta
liða.
Næsta vetur munu hinsvegar 32
lið hefja keppni í átta riðlum. Tvö
efstu lið í hverjum riðli fara síðan í
16 liða útsláttarkeppni.
Þjóðverjar og Spánverjar munu
eiga þrjú lið í keppninni, hvor þjóð,
og Ungverjar, Slóvenar, Króatar
og Danir fá tvö lið hver þjóð. Síðan
munu 18 næstu þjóðir á styrkleika-
lista Evrópu eiga sinn fulltrúann
hver í keppninni. Ólíklegt er að ís-
lensku meistararnir komist inn í
deildina vegna lítillar þátttöku ís-
lenskra liða í Evrópumótunum
undanfarin ár og meistaralið Ís-
lands í vor fer því væntanlega í
EHF-bikarinn.
Nýja fyrirkomulagið þýðir að
Magdeburg, undir stjórn Alfreðs
Gíslasonar, á góða möguleika á
sæti í meistaradeildinni næsta vet-
ur þrátt fyrir að hafa fallið úr
keppni í 8-liða úrslitum hennar um
helgina. Magdeburg er í þriðja
sæti þýsku 1. deildarinnar og haldi
liðið þeirri stöðu, fer það í meist-
aradeildina ásamt Lemgo og
Flensburg. Þá stefnir allt í að
Ciudad Real, lið Rúnars Sigtryggs-
sonar, sem Ólafur Stefánsson
gengur til liðs við í sumar, komist
einnig í deildina.
Breytt meistaradeild
Evrópu í handknattleik
FRAMKVÆMDASTJÓRN Handknattleikssambands Evrópu, EHF,
ákvað á fundi sínum í Vínarborg um helgina að breyta keppnisfyr-
irkomulaginu á Meistaradeild Evrópu fyrir næsta tímabil.