Morgunblaðið - 12.03.2003, Blaðsíða 3

MORGUNBLAÐIÐ MIÐVIKUDAGUR 12. MARS 2003 B 3
bílar
Ný Nissan Micra hreppti hönn-
unarverðlaunin 2003 á bílasýning-
unni sem nú stendur yfir í Genf í
Sviss. Þessi verðlaun, sem hafa
verið veitt frá árinu 1996, eru veitt
af hönnuðum í bílaiðnaðinum, sam-
tals um 600 manns frá 30 löndum.
Þótti nýja Nissan Micran standa
upp úr sem best hannaði bíllinn í
sínum flokki.
Fulltrúi dómnefndar í þessu kjöri,
Dominique Fontignies, afhenti
Shiro Nakamura, hönnunarstjóra
Nissan, verðlaunin og sagði við það
tækifæri: ,,Nýja Micran var valin
besti kosturinn vegna þess að
hönnuðum hennar hefur tekist að
skapa afar vel heppnaðan bíl með
sterk einkenni. Allt útlit Micrunnar
er ferskt og aðlaðandi og vel hefur
tekist að blanda saman hagnýtum
hlutum við tækninýjungar af ýmsu
tagi.
Nýja Micran er afrakstur sam-
starfs hönnuða í Japan og Evrópu
en bifreiðin er hins vegar framleidd
í Bretlandi. Ingvar Helgason hf. er
umboðsaðili Nissan á Íslandi og
hefst sala á nýju Micrunni í næsta
mánuði.
Nissan Micra hreppti
hönnunarverðlaunin í Genf
Morgunblaðið/Guðjón Guðmundsson
Nissan Micra fékk hönnunarverðlaunin í Genf.
BÚIST er við að búnaður sem dregur
úr hættunni á því að ökumenn dotti
undir stýri verði kominn í flesta bíla
innan þriggja ára. Búnaðurinn, sem
kallast ASTid (Advisory System for
Tired Drivers), er nýlega kominn í
sölu og kostar í Bretlandi um 500
sterlingspund. Búnaðurinn tekur mið
af því í hve margar klukkustundir við-
komandi ökumaður hefur sofið, tíma
dags og vegaðstæður og reiknar síðan
út hvenær ökumanni sé nauðsynlegt
að gera hlé á akstrinum. Einnig
skynjar búnaðurinn hreyfingu stýris-
hjólsins og aðrar vísbendingar um
syfju ökumanns og varar hann við.
ASTid var hannaður í samstarfi
fyrirtækisins Pernix og svefnrann-
sóknastofnunarinnar í Leicest-
ershire. Samkvæmt Pernix er talið að
búnaðurinn verði vinsæll hjá þeim
sem starfa við langflutninga og leigu-
bílaakstur en hann verður einnig
markaðssettur fyrir almennan mark-
að.
Gegn dotti
undir stýri
HUGMYNDIR um hvernig best sé
að vernda líf og limi vegfarenda
streyma fram í kjölfar aukinna krafna
frá umferðaryfirvöldum jafnt í
Bandaríkjunum og Evrópu. Ford hef-
ur nú tekið forystuna á þessu sviði.
Ekki er langt síðan fyrirtækið kynnti
búnað sem lyftir vélarhlífinni upp
skömmu áður en vegfarandi skellur á
henni og skýtur jafnframt út líknar-
belg á utanverðri vélarhlífinni. Nú
kynnir Ford sérstaka varnarhlíf sem
skýst undan framstuðaranum þegar
ekið er á gangandi vegfaranda. Bún-
aðinum er komið fyrir neðan við fram-
stuðarann. Hann skýst fram á sama
hraða og líknarbelgur blæs út þegar
skynjari í stuðaranum finnur að ekið
hafi verið á fyrirstöðu. Hlífin gefur lít-
illega eftir þegar hún lendir á fæti
vegfaranda og dregur þar með úr
högginu og hættunni á meiðslum. En
tilgangur hlífarinnar er fyrst og
fremst sá að gangandi vegfarandi
lendi ekki undir bílnum heldur kastist
upp á vélarhlífina þar sem hann á að
lenda á vélarhlífinni sem hefur lyfst
frá festingum sínum og á líknarbelg
sem hefur blásið út. Stuðarinn sjálfur
verður gerður úr ofurþéttu svamp-
kenndu efni svo meiðsli á neðanverð-
um fæti verði sem minnst.
Fótahlíf neðan
stuðarans