Morgunblaðið - 12.03.2003, Blaðsíða 4

4 B MIÐVIKUDAGUR 12. MARS 2003 MORGUNBLAÐIÐ
bílar
OPEL bauð til kynningar á nýjasta
bíl sínum, Meriva, á sumarleyfiseyj-
unni Mallorca í síðustu viku. Meriva
var frumsýndur á bílasýningunni í
París 2002 sem hugmyndabíll og
kemur á markað hérlendis síðsumars
en í vor á meginlandi Evrópu. Þetta
er fimm manna bíll byggður á und-
irvagni Corsa og markar talsvert tíð-
indi því þarna fer lítill bíll með
óvenjumiklu innanrými og nýstárleg-
um lausnum í sætaskipan. Opel-menn
segja að Meriva ryðji brautina fyrir
nýja gerð bíla, eins og stóri bróðir
Zafira gerði á sínum tíma, en þó verð-
ur að geta þess að Ford hefur þegar
sett svipaðan bíl á markað sem heitir
Fusion og einnig er Mazda 2 af svip-
uðum meiði. Þessir bílar hafa þó ekki
verið á markaði hérlendis.
Með Meriva hefur Opel stigið enn
eitt skrefið til að endurnýja fólksbílal-
ínu sína. Ný Corsa er komin sem og
Vectra og í sumar setur fyrirtækið á
markað Signum sem kemur í stað
Omega sem hætt verður að framleiða.
Þá er von á nýjum Astra á næsta ári.
Mikið hjólhaf – mikið innanrými
Meriva er 4,04 metrar á lengd, eða
27 cm styttri en Zafira en hjólhafið er
2,63 metrar eða aðeins 6 cm styttra
en á Zafira. Hjólin eru enda á ystu nöf
sem gerir að verkum að innanrýmið
er með mesta móti miðað við stærð
bílsins. Framendinn er stuttur og
með miklum halla og við tekur stór
hallandi framrúða og þykkir a-bitar.
Þakið myndar síðan boga að aftur-
endanum sem er brattur, með há-
stæðum afturljósaklasa og stórum
afturhlera sem opnast upp. Það eru
laglegar línur í bílnum sem sver sig í
ætt annarra Opel bíla þar sem hvass-
ar línur mæta mýkri formum.
Þegar inn í bílinn er sest sést strax
að það hefur verið vandað til verka. Á
sætum og hurðarspjöldum er sterk-
legt áklæði í tveimur lit-
um og annað efnisval er
vandað. Frágangur er alls
staðar upp á það besta.
Innbyggð hljómtæki með
geislaspilara og tölvu-
stýrð miðstöð með loft-
kælingu ásamt leiðsögu-
tæki var í prófunar-
bílunum og stillingar fyrir
hljómtæki og leiðsögu-
tæki eru í stýrishjólinu.
Öll stjórntæki leika í
höndum ökumanns og
hann finnur sig vel undir
stýri. Sætastaðan er
hærri en almennt er í
fólksbílum. Stór a-bitinn
hamlar þó dálítið útsýni
úr bílnum þegar beygt er
fyrir blindhorn þrátt fyrir
litla skjáinn milli framrúðu og hlið-
arrúðu.
Flexspace sætafyrirkomulag
Þrír komast í aftursæti og þar eru
þrír hnakkapúðar og þrjú þriggja
punkta belti. Þar með er þó ekki öll
sagan sögð því Opel kynnir þarna til
sögunnar svokallað Flexspace sæta-
fyrirkomulag. Það felur í sér aftur-
sæti fyrir þrjá eða tvo sem vilja
ferðast í miklum þægindum. Að auki
felur kerfið í sér að farangursrými er
stækkanlegt úr 350 lítrum, þegar það
er minnst, upp í allt að 1.410 lítra án
þess að nokkur sæti séu fjarlægð úr
bílnum. Aftursætunum er skipt upp í
þrjár sjálfstæðar einingar; tvö breið
sæti og eitt mjórra miðjusæti. Í þess-
ari stöðu er fótarýmið 993 millimetrar
eða 31 millimetra meira en í miðju-
röðinni í Zafira. Athygli vekur einnig
gott höfuðrými í aftursætunum sem
er 27 millimetrum meira en í Zafira.
Miðjusætið er hægt að fella niður og
myndast þá armpúði með geymslu
milli ytri aftursætanna. Síðan er
hægt að færa bæði ytri sætin á sleða
um allt að 75 millimetra nær hvort
öðru til að auka þægindi þegar tveir
ferðast í aftursætum. Til þess að auka
enn á þægindin er hægt að færa aft-
ursætin um allt að 700 millimetra aft-
ur til að auka fótarýmið. Loks er
hægt að halla aftursætisbökunum úr
23 gráðu halla í 29 gráðu halla sem er
þægilegt á lengri ferðum. Með þessu
hefur Opel skotið öðrum ref fyrir rass
því aðrir bílar í þessum stærðarflokki
bjóða ekki upp á jafnmargar lausnir
til að auka þægindi þeirra sem ferðast
í aftursætum.
Mikið flutningsrými
En þar með er sagan ekki öll sögð
því það er auðvelt að breyta Meriva í
hálfgildings sendibíl. Fyrst eru aft-
ursætin færð fram í fremstu stillingu
og sætisbökin sett í 17 gráðu halla og
þar með myndast 560 lítra farangurs-
rými. Sé þörf fyrir enn meira flutn-
ingsrými er hægt að fella sætisbökin
alveg fram og myndast þá slétt gólf
alveg að framsætum. Farangursrým-
ið er þá komið upp í 890 lítra og sé
fremra farþegasætisbak einnig fellt
fram er farangursrýmið komið upp í
2.005 lítra og hægt að flytja hluti sem
eru allt að 2,40 metrar á lengd. Undir
farangursrýminu er síðan 60 lítra hólf
sem er hentugt til að geyma ýmsa
smáhluti en varadekkið er geymt
undir bílnum.
En væntanlegir kaupendur eru
ekki einungis að leita að hagkvæmum
sæta- og rýmislausnum í bílum. Þeir
krefjast einnig þokkalegs akstursbíls.
Meriva verður boðinn með fjórum
vélargerðum þótt líklegt sé að aðeins
tvær rati alla leið til Íslands. Þarna er
um að ræða tvær 1,6 lítra vélar, þ.e. 8
ventla, 87 hestafla vél, sem verður
ekki í boði hérlendis, og Ecotec, 16
ventla, 100 hestafla vél, sem verður
líklega helsti sölubíllinn á Íslandi.
Með þessari vél er bíllinn fáanlegur
bæði með fimm gíra handskiptingu
og Easytronic sjálfvirkri skiptingu.
Að auki verður hann fáanlegur með
1,8 lítra, 125 hestafla vél og 1,7 lítra
samrásardísilvél, 100 hestafla.
Beinskipting eða Easytronic
Annan prófunardaginn var bíllinn
reyndur með 1,8 l Ecotec-vélinni og
beinskiptingu. Með þessum búnaði
eru menn með í höndunum virkilega
aflmikinn bíl. Leiðin lá meðal annars
um fjallavegi á norðausturhluta eyj-
arinnar og þar kom að góðum notum
hið mikla tog vélarinnar. Það var því
óþarfi að hræra mikið í gírunum
nema rétt þegar skotist var milli vink-
ilbeygjanna. Bíllinn er vel einangrað-
ur frá vél en nokkur vegdynur heyrð-
ist enda bíllinn á lágprófilbörðum og
allur hinn sportlegasti. Staðalbúnað-
ur er diskabremsur á öllum hjólum
með ABS og hemlunarátaksdreifingu
og neyðarhemlun. Stýrið er, eins og í
svo mörgum nýjum bílum, með raf-
magnsmótor sem dregur úr bensín-
eyðslu, og aðlagar sig jafnframt að
auknum hraða með þyngingu.
1,6 lítra Ecotec-vélin er sömuleiðis
góður kostur í þennan bíl. Hún var
reynd með Easytronic-skiptingunni
sem er ekki sjálfskipting heldur kúp-
lingslaus beinskipting þótt skiptingin
fari annaðhvort fram sjálfvirkt eða
með því að pikka gírstöngina eins og í
Tip- og Steptronic sjálfskiptingum.
Munurinn er bara sá að meiri hnökr-
ar eru á skiptingunni, þ.e.a.s. smáhik
myndast áður en bíllinn skiptir um
gír þegar ökumaður velur að skipta
sjálfur. Þetta er svipað kerfi og Sele-
speed frá Alfa Romeo. Engin hefð-
bundin sjálfskipting verður í boði í
Meriva.
Eins og fyrr segir er þessi nýstár-
legi bíll væntanlegur hingað til lands
seint í sumar og má búast við að verð-
ið verði á bilinu 1,7–1,8 milljónir
króna. Lítið er hægt að segja um verð
fyrr en búnaður liggur fyrir og auk
þess er ljóst að Meriva er ekki að fara
í beina samkeppni við aðra bíla á
markaði hérlendis heldur ryðja
brautina fyrir nýjar lausnir í innan-
rými í þessum stærðarflokki.
Hár afturendi með hástæðum afturljósum og stórum rúðum.
Morgunblaðið/Guðjón Guðmundsson
Meriva er rétt rúmir 4 metrar á lengd en hjólhafið er mikið.
Gott efnisval og laglegur frágangur er á innanrýminu.
Opel Meriva með
nýstárlegar lausnir
gugu@mbl.is
Rúmgóður og fjölhæfur.
REYNSLUAKSTUR
Opel Meriva
Guðjón Guðmundsson
A-bitinn
skyggir á út-
sýni við viss-
ar aðstæður.
Lengd: 4.042 mm.
Breidd: 1.694 mm.
Hæð: 1.624 mm.
Hjólhaf: 2.630 mm.
Flutningsrými:
350-1.410 lítrar.
Eigin þyngd: 1.350 kg.
Hleðslugeta: 455 kg.
1,6 Ecotec:
100 hestöfl, 150 Nm við
3.600 sn./mín.
Hröðun: 13,3 sekúndur.
Hámarkshraði:
175 km/klst.
Eyðsla: 7,5 lítrar í blönd-
uðum akstri (beinskiptur).
1,8 Ecotec:
125 hestöfl, 165 Nm við
4.600 sn./mín.
Hröðun: 11,3 sekúndur.
Hámarkshraði: 192 km/
klst (beinskiptur).
Eyðsla: 8,2 lítrar í blönd-
uðum akstri (beinskiptur).
Opel Meriva
1,6 og 1,8 Ecotec