Morgunblaðið - 14.03.2003, Blaðsíða 1

STOFNAÐ 1913 71. TBL. 91. ÁRG. FÖSTUDAGUR 14. MARS 2003 PRENTSMIÐJA ÁRVAKURS HF. mbl.is
Undir
hamrinum
Hugleikarar fara á
kostum | Listir 30
Íþróttir sem tómstunda-
gaman | Daglegt líf 4
Eiffelturn
og Tangram
Vel heppnaðir þemadagar
í Varmárskóla | 24
Píla
og keila
GRÍÐARLEG sprenging varð við Kárahnjúka síðdegis í
gær þegar rúm sjö tonn af sprengiefni voru notuð til að
sprengja meira en 20 þúsund rúmmetra af bergstáli úr
brún árgljúfurs Jöklu við Kárahnjúka í gær. Var þetta
ein stærsta sprengingin við undirbúninginn að smíði
Kárahnjúkastíflu. Verið er að gera vegstæði niður
bergstálið að væntanlegum hjárennslisgöngum við
stíflusvæðið. Þetta var þriðja sprengingin frá því á
mánudag og er búið að losa yfir 40 þúsund rúmmetra af
bergi í þessari viku. Við undirbúning stóru sprengj-
unnar í gær voru boraðar 110 sprengiholur.
Svona upplifði blaðamaður Morgunblaðsins sem
fylgdist með þessari gífurlegu sprengingu þennan at-
burð: „Eftir endalaust andartak bifaðist jörðin og þung
druna úr iðrum jarðar smaug inn í merg og bein. Berg-
brúnin lyftist á löngum kafla og tók flugið. Fyrst upp og
svo út yfir gljúfrið. Drunan stóð enn. Kolsvartur berg-
mökkurinn sveif út yfir grængolandi fljótið og tók svo
að falla í hægum boga. Um leið og grjóthaugurinn lenti
í ánni tók hún flugið upp með austurbakka gilsins.
Svartur bergstrókur að vestan og hvítur vatnsstrókur
að austan. Vatnssúlan skvettist meira en 100 metra upp
gilbarminn að austan og rennbleytti bergvegginn og
svartar skriðurnar fyrir ofan.“
Morgunblaðið/RAX
„Druna úr iðrum jarðar“
GEORGE W. Bush Bandaríkjaforseti er sátt-
ur við að frestað verði þar til í næstu viku at-
kvæðagreiðslu í öryggisráði Sameinuðu þjóð-
anna (SÞ) um nýja ályktun um Íraksdeiluna, ef
það megi verða til þess að auka stuðning við
ályktunina. Þetta kom fram í máli talsmanns
forsetans í gær. Colin Powell utanríkisráð-
herra sagði að einnig kæmi til greina að hætta
við að reyna að fá ályktun borna undir atkvæði.
Bandaríkjastjórn hefur sótt fast að atkvæða-
greiðsla um ályktunina, sem Bandaríkjamenn
og Bretar hafa lagt fram, færi fram í dag, en í
henni er Írökum gefinn lokafrestur til mánu-
dags til að afvopnast. Haft var eftir ónafn-
greindum embættismanni í Hvíta húsinu í gær,
að forsetinn hefði ákveðið að vert væri að gefa
Tony Blair, forsætisráðherra Breta, nokkra
daga í viðbót til að reyna að ná samkomulagi
við andstæðinga ályktunarinnar. Verði at-
kvæðagreiðslunni frestað er líklegt að loka-
fresturinn, sem Írakar fá, frestist einnig.
„Vanhugsað neitunarvald“
„Forsetinn er með þessu að teygja sig eins
langt og hann getur til að gefa færi á að ná
samkomulagi,“ sagði talsmaður Bush, Ari
Fleischer, í gær.
Frakkar, sem ásamt Rússum hafa sagst
myndu beita neitunarvaldi í öryggisráðinu til
að koma í veg fyrir ályktun er heimilaði að
Írakar yrðu afvopnaðir með hervaldi, höfnuðu í
gær tillögu Breta um breytingu á drögum
ályktunarinnar þess efnis, að Írökum yrði gert
að uppfylla sex skilyrði til að sanna að þeir séu
að afvopnast, og komast þannig hjá stríði.
Bandaríkjamenn ávítuðu Frakka í gær fyrir
að hóta „vanhugsuðu neitunarvaldi“ gegn
ályktuninni. Fleischer var spurður hvort
Bandaríkjamenn hefðu afskrifað Frakka í deil-
unni við Íraka, og svaraði hann því til, að
Frakkar hefðu sagt að þeir myndu „beita neit-
unarvaldi gegn ályktuninni burtséð frá því
hvað í henni standi. Þannig að ég held að
Frakkar sjái sjálfir um afskriftirnar“.
Bush sáttur við frestun
atkvæðagreiðslu SÞ
Hugsanlega hætt við
að leggja ályktun fyrir
Washington, París. AP, AFP.
STARFSMENN Rauða krossins og Rauða
hálfmánans vinna nú að því í Jórdaníu, um
fimm km frá landamærunum að Írak, að
reisa viðkomubúðir fyrir flóttafólk ef til
stríðs kemur, og eru menn hér að koma upp
salernisaðstöðu.
Búist er við að brjótist út átök í Írak muni
erlendir ríkisborgarar sem þar eru, m.a. fjöl-
margir Egyptar, reyna að komast úr landi,
og yrði þá tekið á móti fólkinu í þessum búð-
um í Jórdaníu, þar sem það gæti fengið mat
og aðrar nauðsynjar áður en það héldi áfram
til síns heima.
Landsfélög Rauða krossins og Rauða hálf-
mánans í ríkjunum er liggja að Írak eru nú
tekin að búa sig undir flóttamannastraum,
komi til átaka. Hafa verið fluttar til Jórdaníu
miklar birgðir af helstu nauðsynjum.
Morgunblaðið/Þorkell
Búa sig
undir stríð
SERBNESKAR öryggis-
sveitir handtóku í gær tugi
manna í víðtækum aðgerð-
um er miðast að því að finna
morðingja Zorans Djindjic,
fyrrverandi forsætisráð-
herra landsins, sem leyni-
skyttur réðu af dögum í
Belgrad í fyrradag.
Þrátt fyrir handtökurnar
í gær leika þeir, sem helst
eru grunaðir, enn lausum hala. Forsprakki
þeirra er fyrrverandi sérsveitarlögreglumað-
ur, Milorad Lukovic.
Tugir hand-
teknir í Serbíu
Djindjic

Óttast pólitískar/20
Belgrad. AFP.
♦ ♦ ♦

Stóra bomban/4