Morgunblaðið - 14.03.2003, Blaðsíða 14
VIÐSKIPTI/ATHAFNALÍF
14 FÖSTUDAGUR 14. MARS 2003 MORGUNBLAÐIÐ
LANDSBANKI Íslands gekk í
gær frá kaupum á 20,3% hlutafjár í
Fjárfestingafélaginu Straumi, en
kaupverð hlutabréfanna nam tæp-
um 1.800 milljónum króna. Seljandi
að 18,9% hlutafjár var Íslands-
banki, sem eftir viðskiptin á 23%
hlutafjár í Straumi.
Tilkynningar vegna viðskiptanna
streymdu inn á Kauphöll Íslands í
gær, en í tengslum við þau seldu
Íslandsbanki og Landsbanki öll
hlutabréf sín í Íslenska hugbún-
aðarsjóðnum, ISHUG, til Straums.
Eftir kaupin á Straumur 45,43% í
ISHUG og er orðinn langstærsti
hluthafinn. Íslandsbanki seldi
Straumi 15,39% hlutafjár í ISHUG,
eða 217.770.141 krónur að nafn-
virði, á genginu 1,55. Kaupverð
nam því 337,5 milljónum króna.
Landsbankinn seldi Straumi
13,08% í ISHUG, eða 185 milljónir
að nafnverði, á sama gengi. Þannig
nam kaupverðið 287 milljónum
króna.
Straumur keypti bréf
í ISHUG af Íslandsbanka
og Landsbanka
Samtals keypti Straumur hluta-
bréf í ISHUG fyrir 624,5 milljónir
króna af bönkunum tveimur. Þórð-
ur Már Jóhannesson, fram-
kvæmdastjóri Straums, segir að fé-
laginu hafi litist vel á ISHUG sem
fjárfestingu. Hann vill þó ekki tjá
sig um fyrirætlan Straums með fé-
lagið. Hann segist telja að kaup
Landsbankans á fimmtungi hluta-
fjár í Straumi styrki félagið enn
frekar, sem óháð og sjálfstætt fyr-
irtæki.
Bjarni Ármannsson, forstjóri Ís-
landsbanka, segir að bankinn hafi
tekið þá ákvörðun, í samráði við
stjórnendur Straums, að bjóðast til
að kaupa eignarhluti smærri hlut-
hafa. „Vegna þess að þá höfðu orð-
ið breytingar á stefnu og þar með
hlutverki Straums, auk þess sem
skattaafsláttur vegna hlutabréfa-
kaupa var afnuminn að fullu um
áramótin. Við þetta eignaðist Ís-
landsbanki stóran eignarhlut í
Straumi, rétt tæplega 40%, og okk-
ur fannst það styrkja stöðu
Straums sem fjárfestingafélags að
fá Landsbankann inn sem hluthafa.
Við erum ánægð að sjá hvernig
þetta hefur æxlast,“ segir hann.
Tapið vegna ISHUG alltaf
komið fram í afkomu bankans
Spurður um ástæður fyrir sölu á
eign í ISHUG segir Bjarni: „Eign
okkar í sjóðnum var tilkomin vegna
þess að við áttum eignarhlut í sjóð-
um sem bankinn áður rak; Talentu
hátækni og Talentu Internet. Þar
sem bankinn rekur ekki þessa sjóði
höfðu þessir eignarhlutir ekki
stefnumótandi gildi fyrir bankann.
Því varð það að ráði, þegar
Straumur sýndi bréfunum áhuga,
að selja þau.“.
Bjarni segist ekki vera með tölu
tiltæka um tap bankans á viðskipt-
um með hlutabréfin í ISHUG.
„Bréfin hafa alltaf verið skráð á
markaðsvirði í reikningum bank-
ans, þannig að tapið hefur ávallt
komið fram í afkomunni. Ég hef
ekki handbæra tölu yfir tapið, en
augljóslega hefur það verið nokk-
urt, í samræmi við gengi hugbún-
aðargeirans síðustu misseri,“ segir
hann.
Halldór J. Kristjánsson, banka-
stjóri Landsbankans, segir að
bankinn telji að umbreytingarverk-
efni, líkt og Straumur sérhæfi sig í,
eigi eftir að verða stærri og fleiri
hér á landi í framtíðinni. „Við telj-
um að náið samstarf við félag eins
og Straum auki styrk okkar á
þessu sviði,“ segir hann og bætir
við að Landsbankinn sé einnig að
huga að áhættudreifingu með
kaupunum. „Straumur keypti
hlutabréf af Landsbankanum í
tengslum við þessi kaup meðal
annars í Íslandssíma, Íshug og
Landsbanka Íslands og Straumur
verður þannig jafnframt meðalstór
hluthafi í bankanum.“
Gott samstarf Lands-
banka og Íslandsbanka
Halldór segir Landsbankann
hafa átt mjög gott samstarf við Ís-
landsbanka um tiltekin verkefni.
„Þessu tengt er að Landsbanki og
Íslandsbanki stóðu rétt fyrir jól
saman að stofnun fasteignafélags
um rekstur banka og opinberra
eigna. Íslandsbanki og Landsbanki
hafa í tengslum við þessi viðskipti
rætt um að auka samstarf sín á
milli á sviði fasteignamála sem sér-
hæfi sig í rekstri almenns atvinnu-
húsnæðis og byggi í því efni á
starfsemi Landsafls sem Lands-
bankinn á þegar fjórðungshlut í,“
segir Halldór.
Ein þeirra eigna sem Lands-
bankinn selur nú er eignarhlutur í
Íshug sem bankinn hefur tapað
nokkuð á, m.a. á árinu 2001. „Við
gerðum auðvitað vel grein fyrir því
þá. Söluverðið á bréfunum núna,
1,55, er hins vegar nokkru hærra
en síðasta bókfært verð í reikn-
ingum okkar. Bréfin hafa ávallt
verið færð á markaðsvirði, þannig
að þau hafa alltaf haft áhrif á af-
komu bankans, þar með talið já-
kvæð áhrif við söluna nú,“ segir
hann.
Landsbankinn
með 20% í Straumi
Kaupverð tæplega
1,8 milljarðar –
Aukið samstarf
bankanna
ÓLAFUR Ólafsson forstjóri Sam-
skipa mun láta af störfum sínum
sem forstjóri og verða starfandi
stjórnarformaður félagsins í sam-
ræmi við breytingar á stjórn-
skipulagi og rekstrarfyrir-
komulagi sem stjórn Samskipa
samþykkti í gær.
Breytingarnar fela í sér að
Samskipum verður skipt upp í tvö
félög, Samskip Ísland og Samskip
Global. Knútur G. Hauksson, sem
verið hefur aðstoðarforstjóri
Samskipa, verður forstjóri Sam-
skip Ísland og Ásbjörn Gíslason
verður forstjóri Samskip Global.
„Þessar breytingar á rekstr-
arfyrirkomulagi Samskipa hafa
verið lengi í farvatninu og eru í
takt við þær áherslubreytingar
sem orðið hafa á starfsemi Sam-
skipa á undanförnum árum,“ seg-
ir Ólafur Ólafsson, fráfarandi for-
stjóri, í fréttatilkynningu sem
fyrirtækið sendi frá sér. „Sam-
skip voru skipafélag en eru í dag
alþjóðlegt flutningafyrirtæki sem
býður viðskiptavinum sínum
hvers kyns flutningatengda þjón-
ustu, hvort sem er í lofti, á láði
eða legi.“
Samkvæmt tilkynningunni
verður verkefni starfandi stjórn-
arformanns m.a. að samhæfa
rekstur og vinna að áframhald-
andi stefnumótun og uppbygg-
ingu Samskipa, jafnt heima sem
erlendis.
Morgunblaðið/Kristinn
Ásbjörn Gíslason, Ólafur Ólafsson og Knútur G. Hauksson.
Ólafur verð-
ur starfandi
stjórnar-
formaður
HEILDARAFLI íslenskra skipa
var 285.105 tonn í febrúar sl. og
dróst saman um 154.367 tonn frá
febrúarmánuði 2002 en þá veiddust
439.472 tonn. Botnfiskafli var
33.386 tonn samanborið við 35.954
tonn í febrúarmánuði 2002 sem er
tæplega 2.600 tonna munur á milli
ára. Þorskafli dróst saman um
3.338 tonn en ýsuafli jókst aftur á
móti um 1.127 tonn á milli ára.
Af flatfiski bárust 1.885 tonn á
land en í febrúarmánuði 2002 var
aflinn 2.611 tonn og dróst flatfisk-
aflinn því saman um 726 tonn á
milli ára. Mest var veitt af grálúðu
eða 1.144 tonn, 303 tonn fengust af
skrápflúru og 148 tonn af skarkola.
Af loðnu veiddust 246 þúsund
tonn en loðnuaflinn í febrúarmán-
uði 2002 var hins vegar 395 þúsund
tonn og er munurinn 149 þúsund
tonn. Af síld veiddust tæplega
1.100 tonn í ár en 3.600 tonn í fyrra.
Skel- og krabbadýraafli var
3.095 tonn sem er 659 tonnum
meiri afli en í febrúar 2002. Mest
veiddist af rækju eða tæplega 1.900
tonn, því næst kom kúfiskur en af
honum veiddust 999 tonn. Á fyrstu
tveimur mánuðum ársins 2003
nemur heildarafli íslenskra skipa
alls 542 þúsund tonnum og er það
tæplega 82 þúsund tonnum minni
afli samanborið við árið 2002. Af
botnfiski hafa borist liðlega 61 þús-
und tonn sem er tæplega 2 þúsund
tonnum minna en gerðist á árinu
2002 fyrir sama tímabil. Þá er
loðnuaflinn orðinn rúmlega 466
þúsund tonn en það er 75 þúsund
tonnum minni afli en á árinu 2002.
Milli febrúarmánaðar 2002 og
2003 dróst verðmæti bráðabirgða-
fiskaflans saman, á föstu verði árs-
ins 2001, um 17,2%. Fyrir tímabilið
janúar-febrúar dróst aflaverðmæti
saman, á föstu verði ársins 2001,
um 7,1% miðað við sama tímabil ár-
ið 2002.
(&
)&
* Mikill samdrátt-
ur í fiskafla
Lakari loðnuveiði meginskýring
á 154.000 tonna samdrætti
HAGNAÐUR Granda hf. á síðasta
ári nam 1.814 milljónum króna eft-
ir skatta eða um 30% af rekstr-
artekjum. Í tilkynningu frá
Granda kemur fram að tekjur fé-
lagsins námu tæpum 6 milljörðum
króna og jukust um 26% milli ára.
Rekstrargjöld námu um 4,4 millj-
örðum króna sem er 32% meira en
árið á undan.
Í tilkynningu frá Granda kemur
fram að rekstrarhagnaður fyrir af-
skriftir og fjármagnsliði var 1.608
milljónir króna eða 27% af rekstr-
artekjum. Á árinu 2001 var sama
hlutfall rúm 30%.
Veltufé frá rekstri nam 1.253
milljónum sem er 21% af rekstr-
artekjum samanborið við 1.192
milljónir og 25% árið áður. Eigið
fé félagsins var í árslok 5.473
milljónir og eiginfjárhlutfallið 38%.
Sú breyting hefur orðið á reikn-
ingsskilaaðferð félagsins að árs-
reikningur er ekki verðleiðréttur.
Hefði það verið gert hefði hagn-
aður ársins verið 130 milljónum
hærri og eigið fé félagsins 150
milljónum hærra.
Hlutdeildarfélög öll rekin
með hagnaði
Grandi hf. átti eignarhluta í
þremur innlendum og einu erlendu
hlutdeildarfélagi í árslok. Innlendu
félögin eru Hraðfrystihús Eski-
fjarðar hf., Þorbjörn-Fiskanes hf.
og Stofnfiskur hf. en þau voru öll
rekin með hagnaði 2002. Félagið
seldi á árinu eignarhluti sína í Þor-
móði ramma-Sæbergi hf. og hagn-
aðist um 339 milljónir á þeirri
sölu. Einnig seldi félagið hlut sinn
í Haraldi Böðvarssyni hf. og nam
hagnaður af því 164 milljónum
króna. Dótturfélagið Faxamjöl hf.
sameinaðist Granda hf. á árinu.
Grandi seldi togarann Snorra
Sturluson og nam hagnaður af sölu
hans 85 milljónum króna. Þá seldi
félagið Isla hf. á árinu 2002 en
áhrif þess fyrirtækis á reksturinn
voru neikvæð um 93 milljónir
króna. Grandi eignaðist fjórðungs-
hlut í Þorbirni Fiskanesi hf. á síð-
asta ári og jók við fjárfestingu sína
í Hraðfrystihúsi Eskifjarðar, á nú
yfir 20% í því félagi.
Grandi gerir nú út þrjá frysti-
togara, tvo ísfisktogara og eitt
fjölveiðiskip og starfrækir fisk-
vinnslu í Reykjavík auk mjölverk-
smiðja í Reykjavík og Þorlákshöfn.
Heildarbotnfisksafli félagsins var
34.889 tonn á árinu 2002, en veiði
fjölveiðiskipsins á uppsjávarfiski
var 70.668 tonn, segir í tilkynn-
ingu.
Aðalfundur Granda hf. verður
haldinn föstudaginn 4. apríl 2003 í
matsal fyrirtækisins í Norðurgarði
kl. 17. Gerð er tillaga um 15% arð-
greiðslu til hluthafa.
Grandi skilar
góðri afkomu
!
"
#
!!
$ # "
%
$ %
&
!
'
(
)('
!
)
)
*
!
'
(
)( '
!
!
!