Morgunblaðið - 14.03.2003, Blaðsíða 43

jákvæðni til starfsins: „Ég væri
ekki búinn að vera hérna í nærfellt
20 ár ef ég kynni ekki vel við
starfið. Hér er gott að vinna og
mér líkar vel við fyrirtækið“. Við
samstarfsmenn Hannesar hjá
Strætó tökum undir þessi orð
hans, hann var góður starfsmaður
og okkur líkaði vel við hann. Við
minnumst góðs félaga og sam-
starfsmanns, sem ávallt vann störf
sín af trúmennsku, dugnaði og al-
úð.
Börnum Hannesar og foreldr-
um, sem og fjölskyldunni allri,
vottum við samúð okkar. Blessuð
sé minning Hannesar Garðarsson-
ar.
Ásgeir Eiríksson.
Kveðja frá
Málfundafélaginu Óðni
Hannes H. Garðarsson fyrrum
formaður Málfundafélagsins Óðins
er látinn. Við félagar hans í Óðni
söknum vinar í stað, en þar fór
tryggur og traustur félagi. Hannes
var virkur í Sjálfstæðisflokknum
og gegndi þar fjölda trúnaðar-
starfa. Hann átti m.a. margsinnis
sæti í uppstillingarnefndum fyrir
Sjálfstæðisflokkinn og nú síðast
fyrir framboðslista til alþingis í
Reykjavík á næstu vordögum. Þá
átti hann sæti í stjórn verkalýðs-
ráðs Sjálfstæðisflokksins um ára-
bil. Hannes var skemmtilegur fé-
lagi, sem hafði áhuga á þjóðmálum
og öllu því sem bæta má mannlífið.
Hann var duglegur félagsmála-
maður og skoraðist ekki undan, ef
til hans var leitað. Hann var stétt-
vís og trúr sinni sannfæringu. Með
fráfalli Hannesar H. Garðarssonar
er skarð fyrir skildi hjá okkur í
Málfundafélaginu Óðni.
Fjölskyldu Hannesar vottum við
samúð, um leið og við þökkum góð-
um dreng samfylgdina.
F.h. Málfundafélagsins Óðins,
Ívar Andersen formaður.
Kynni mín af heiðursmanninum
Hannesi H. Garðarssyni hófust á
vettvangi Sjálfstæðisflokksins fyr-
ir um fimmtán árum. Hannes
ávann sér traust og vinsældir inn-
an flokksins enda var hann for-
maður Óðins um margra ára skeið
og helsti skipuleggjandi starfs fé-
lagsins vegna kosninga til Alþingis
og borgarstjórnar.
Hannes var ötull við að safna fé-
lögum fyrir Óðinn, lagði sérstaka
áherslu á að yngja upp í félaginu
og kalla unga menn til trúnaðar-
starfa, hvort sem það var í stjórn
félagsins eða á framboðslistum
flokksins. Átti hann í þeim efnum
gott og farsælt samstarf við stjórn
Heimdallar.
Hannes talaði aldrei neina tæpi-
tungu og þurfti maður ekki lengi
að velkjast í vafa um afstöðu hans
til manna og málefna. Oftast
skreytti hann ræðu sína með góð-
um skammti af gamansemi og
hæfilegri hæðni ef honum bauð svo
við að horfa.
Eitt sinn ræddum við um við-
kvæmt úrlausnarefni, sem kom til
kasta hans á vettvangi Óðins og
sagði Hannes þá eftirfarandi, sem
mér finnst á margan hátt lýsa hon-
um vel: „Ég hef mjög einfaldan
stjórnunarstíl. Ég ræð.“ Maður
vissi þannig ætíð hvar maður hafði
Hannes og ef hann var við stjórn-
völinn, gátu menn treyst því að
tekið væri á málunum.
Hæfileikar Hannesar í fé-
lagsmálum nýttust víðar en í Sjálf-
stæðisflokknum og þar gat hann
sér ekki síður orð fyrir málafylgju.
Fljótlega eftir að hann hóf störf
hjá Strætisvögnum Reykjavíkur
var hann kjörinn trúnaðarmaður
starfsmanna og fulltrúi þeirra í
stjórn Starfsmannafélags Reykja-
víkurborgar.
Þegar SVR var breytt í hluta-
félag árið 1993, var óskað eftir því
að Hannes tæki sæti í stjórn fyr-
irtækisins. Var ætlunin sú að hann
yrði fulltrúi starfsmanna í stjórn-
inni en einnig vakti fyrir stofn-
endum að nýta yfirgripsmikla
þekkingu hans á fyrirtækinu og
innviðum þess. Hlutafélagavæðing-
in var umdeild og vissi Hannes
fyrirfram að stjórnarmenn þess
myndu ekki sitja á friðarstóli.
Engu að síður ákvað hann að setj-
ast í stjórn þótt honum væri ljóst
að hlutskiptið yrði vanþakklátt.
Með því að leggja sig allan fram í
stjórninni, taldi hann sig best
þjóna hagsmunum starfsmanna
sem og borgarbúa.
Óhætt er að segja að mjög hafi
gustað um Strætisvagna Reykja-
víkur hf. það tæpa ár sem það
starfaði. Hlutafélagið varð bitbein
í pólitískum hráskinnsleik kosn-
ingaveturinn 1993-94 og andaði
jafnvel köldu í garð stjórnar frá
ýmsum starfsmönnum. Við þessar
aðstæður lenti Hannes í mikilli
orrahríð og veit ég að hann fékk á
þessum tíma margar árásir á sig
frá andstæðingum hlutafélagsins.
Þeir sem slíkt þurfa að reyna á
vinnustað, vita að það getur verið
afar erfitt. Aldrei kveinkaði Hann-
es sér þó undan þessu hlutskipti
en lagði enn harðar að sér við að
bera klæði á vopnin og koma með
tillögur til úrbóta.
Þegar ég spurði Hannes um
þetta tímabil, skynjaði ég vel að
það hefði á margan hátt verið hon-
um erfitt. Hann bar sig þó vel og
sagði glottandi að út af fyrir sig
hefði þetta verið góð reynsla og
þarna hefði hann sennilega komist
næst því að verða drepinn.
Síðar, þegar SVR var aftur orð-
ið borgarfyrirtæki og öldurnar
hafði lægt, viðurkenndu jafnvel
hörðustu andstæðingar hluta-
félagsins að Hannes hefði unnið
gott starf í stjórn þess við erfiðar
aðstæður, staðið traustan vörð um
hagsmuni starfsmanna og fært
ýmsa hluti til betri vegar.
Undirritaður settist í stjórn
Strætisvagna Reykjavíkur þegar
fyrirtækinu var breytt í borgarfyr-
irtæki a nýju árið 1994. Verð ég
ávallt þakklátur Hannesi fyrir góð
ráð og hvatningu vegna þeirra
starfa.
Skarð er fyrir skildi, nú þegar
góður drengur fellur frá fyrir ald-
ur fram. Veit ég að Hannesar
verður sárt saknað af starfsmönn-
um Strætó bs., Óðinsmönnum og
öðrum sjálfstæðismönnum, sem
ganga nú til kosninga án dýrmætr-
ar liðveislu hans. Mestur er þó
missir fjölskyldu Hannesar og
sendi ég henni innilegar samúðar-
kveðjur.
Kjartan Magnússon.
Ég kynntist Hannesi í tengslum
við störf hans fyrir Sjálfstæðis-
flokkinn. Hannes vann að velferð-
armálum og var sérstaklega annt
um hag þeirra sem minna mega
sín.
Hannes var lengi fyrirsvari mál-
fundafélagsins Óðins, verkalýðs-
arms Sjálfstæðisflokksins. Það
sem einkenndi störf og hugmyndir
Hannesar var umhyggja fyrir öðr-
um. Hugmyndir Hannesar áttu
sterkan samhljóm með skoðunum
manna eins og Bjarna Benedikts-
sonar og Ólafs Thors, allir fengu
rými – enginn útundan.
Ég fann að kristið siðgæði var
grunnur í hugmyndum og verkum
Hannesar. Stundum hugsaði ég að
ef ekki væru menn eins og Hannes
þrengdust sjónarmið stjórnmála
um knappa hagsmuni.
Hannesi var treyst af samstarfs-
mönnum sínum umfram marga
aðra menn, verðleikar hans voru
miklir.
Góður vinur er horfinn. Hans er
sárt saknað. Kraftar hans sem
okkur nýttust ekki hér verða að
vonum nýttir á æðri sviðum.
Ég sendi fjölskyldu Hannesar
dýpstu samúð mína.
Jón Gunnar Hannesson.
Minn elskulegi vinur, með þess-
um fáu línum langar mig að kveðja
þig að sinni og þakka fyrir öll árin
sem við áttum saman.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem.)
Ég votta börnum Hannesar, for-
eldrum hans og og fjölskyldunni
allri, innilega samúð mína. Blessuð
sé minning Hannesar Garðarsson-
ar.
Ársæll.
Í dag er Hannes, vinur okkar og
kær samstarfsfélagi borinn til
hinstu hvíldar. Okkur langar til að
minnast hans með fáeinum orðum.
Hannes vann af heilindum að
starfsmannamálum og fyrir það
erum við honum þakklátir. Hann
var öflugur liðsmaður í veiðiferð-
um með félögum sínum á næt-
urvaktinni, einnig góður samferða-
maður í utanlandsferðum sem
félagarnir fóru á stundum.
Það var gott að eiga samstarf
við Hannes, hann skipti aldrei
skapi og var með eindæmum þægi-
legur í umgengni.
Við minnumst Hannesar með
hlýhug og virðingu.
Börnum hans, foreldrum og öðr-
um þeim sem eiga um sárt að
binda við fráfall hans sendum við
okkar innilegustu samúðarkveðjur
og biðjum þeim blessunar og
huggunar í þeirra raun.
Starfsmenn næturvaktar
Strætó bs.
MINNINGAR
MORGUNBLAÐIÐ FÖSTUDAGUR 14. MARS 2003 43
Laugardags-
fræðsla Íslensku
Kristskirkjunnar
stundar langur fyrirlestur, síðan
hressing og eftir það fyrirspurnir og
umræður. Allir eru velkomnir.
Fræðslufundur
í Eyjafirði
DALVÍKURPRESTAKALL, Hrís-
eyjarprestakall, Ólafsfjarð-
arprestakall og Félags- og skóla-
þjónustan við utanverðan Eyjafjörð
verða með fræðslufundi um „með-
virkni“ laugardaginn 15. mars á eft-
irtöldum stöðum:
Ólafsfjörður kl. 10:00 í safn-
aðarheimilinu, Dalvík kl. 13:00 í
safnaðarheimilinu og í Hrísey kl.
16:00 í Hlein.
Stefán Jóhannsson MA í fjöl-
skylduráðgjöf, verður með fyr-
irlestur og sýnt verður myndband.
Allir velkomnir.
ALLA laugardaga í mánuði, nema
þann fyrsta,er boðið upp á símennt-
unar-námskeið í Íslensku Krists-
kirkjunni, Bíldshöfða 10. Margvísleg
efni um kristna trú og hluti tengda
henni eru til umfjöllunar.
Næsta laugardag er efni kennsl-
unnar: „Hvað er ólíkt með Íslensku
Kristskirkjunni og öðrum söfn-
uðum?“ Kennari er Friðrik Schram,
prestur safnaðarins. Fjallað verður
um hugsjón Íslensku Kristskirkj-
unnar og markmið, helstu guð-
fræðilega áhersluþætti, stjórnun og
skipulag. Námskeiðið hefst kl. 10 og
stendur til hádegis. Fyrst er klukku-
Hallgrímskirkja. Eldriborgarastarf í dag kl.
13. Leikfimi, æfingar við allra hæfi, undir
stjórn Jóhönnu Sigríðar. Súpa, kaffi og
spjall. Allir velkomnir.
Langholtskirkja. Kl. 12.10 lestur Passíu-
sálma og bænagjörð í Guðbrandsstofu í
anddyri Langholtskirkju. Allir velkomnir.
Laugarneskirkja. Mömmumorgunn kl. 10.
Kaffispjall fyrir mæður, góð upplifun fyrir
börn. (Sjá síðu 650 í Textavarpi).
Breiðholtskirkja. Mömmumorgnar kl. 10-
12.
Fella- og Hólakirkja. Starf fyrir 8–10 ára
drengi á laugardögum kl. 11. Starf fyrir
11–12 ára drengi á laugardögum kl.
12.30.
Grafarvogskirkja. Á leiðinni heim. Helgi-
stund í Grafarvogskirkju alla virka daga
föstunnar kl. 18.15-18.30.
Lindakirkja í Kópavogi. Kl. 15 LLL -
KFUM&K í safnaðarheimilinu, Uppsölum
3.
Landakirkja í Vestmannaeyjum. Kl. 13
Litlir lærisveinar, æfing hjá báðum hópum.
Sigurlína Guðjónsdóttir kórstjóri og Guð-
mundur H. Guðjónsson, undirleikari.
Kirkjuskólinn í Mýrdal. Minnum á sam-
veruna í Víkurskóla á morgun, laugardag-
inn 15. mars, milli kl. 11.15-12. Hittumst
hress og kát. Sóknarprestur og starfsfólk
kirkjuskólans.
Boðunarkirkjan, Hlíðarsmára 9. Samkom-
ur alla laugardaga kl. 11-12.30. Lofgjörð,
barnasaga, prédikun og biblíufræðsla.
Barna- og unglingadeildir á laugardögum.
Létt hressing eftir samkomuna. Allir vel-
komnir. Biblíufræðsla alla virka daga kl.
10, 13 og 22 á FM 105,5.
KFUM&K, Holtavegi 28. Kristiboðsvika.
Kl. 20 Viltu vinna að kristniboði? Samvera
með fjölbreyttri dagskrá. Afróvisjón, söng-
ur, spurningar Þorsteins J. og hugleiðingar
Hrannar Sigurðardóttur. Sjoppa og kristni-
boðsbingó eftir samkomuna. Allir vel-
komnir.
Hvítasunnukirkjan á Akureyri. Unglinga-
samkoma kl. 21.
Hjálpræðisherinn á Akureyri. Flóamarkað-
ur frá kl. 10-18 í dag.
Kirkja sjöunda dags aðventista.
Samkomur laugardag:
Aðventkirkjan Ingólfsstræti 19. Biblíu-
fræðsla kl. 10. Guðsþjónusta kl. 11.
Ræðumaður R. Richardson.
Loftsalurinn, Hólshrauni 3, Hafnarfirði.
Biblíufræðsla/guðsþjónusta kl. 11.
Ræðumaður Jóhann Grétarsson. Björgvin
Snorrason flytur fyrirlestra á þriðjud. kl.
20. Biblíurannsókn og bænastund á
fimmtudögum kl. 20.
Safnaðarheimili aðventista, Blikabraut 2,
Keflavík: Biblíufræðsla kl. 10.15. Guðs-
þjónusta kl. 11. Ræðumaður Brynjar Ólafs-
son. Biblíurannsókn og bænastund á
föstudögum kl. 20.
Safnaðarheimili aðventista, Gagnheiði
40, Selfossi. Biblíufræðsla kl. 10. Guðs-
þjónusta kl. 11. Ræðumaður Elías Theo-
dórsson. Biblíurannsókn og bænastund
að Breiðabólstað í Ölfusi á miðvikudögum
kl. 20.
Aðventkirkjan, Brekastíg 17, Vestmanna-
eyjum. Biblíufræðsla/ guðsþjónusta kl.
10.30. Ræðumaður Halldór Ólafsson.
Safnaðarstarf
KIRKJUSTARF
Nýja Glæsibæ, sími 533 6129 • Smáratorgi, sími 544 4031
Hafnarfirði, sími 565 0480 • Reykjanesbæ, sími 421 1501
Heiðrum minningu látinna
Blómalagerinn • beint frá bóndanum
Bróðir minn og mágur,
EINAR VILHELM GUÐMUNDSSON,
Garðvangi, Garði,
síðast til heimilis að Sólbakka,
áður Haga, Sandgerði,
andaðist á Garðvangi mánudaginn 10. mars.
Útförin fer fram frá Hvalsneskirkju í dag, föstu-
daginn 14. mars, kl. 14.00.
Fyrir hönd systkina,
Ólafur S. Guðmundsson, Sigurbjörg Smith.
Innilegar þakkir til allra þeirra, sem auðsýndu
okkur samúð og hlýhug, og veittu okkur styrk,
við fráfall elskulegrar móður okkar,
KRISTÍNAR HERMUNDSDÓTTUR
frá Strönd.
Guð blessi ykkur öll.
Margrét Hjartardóttir,
Nína Hjartardóttir,
Hermundur Rósinkrans Sigurðsson,
Björn Sigurðsson.