Morgunblaðið - 14.03.2003, Blaðsíða 52
ÍÞRÓTTIR
52 FÖSTUDAGUR 14. MARS 2003 MORGUNBLAÐIÐ
STEVE Bruce, knattspyrnustjóri
Birmingham, segir það vera for-
gangsmál í vor að kaupa Christophe
Dugarry frá Bordeaux en kappinn
hefur verið í láni frá franska félaginu
síðan í janúar.
FULHAM hefur vísað á bug tilboði
frá Liverpool í bakvörðinn Steve
Finnan, en Liverpool mun hafa boðið
4 millj. punda í leikmanninn. Fulham
vill a.m.k. 7 millj. punda fyrir Finnan
sem hefur verið í herbúðum Fulham
í fimm ár.
EKKI verður rætt við Teddy
Sheringham um nýjan samning við
Tottenham fyrr en leiktíðinni verður
lokið í vor, en samningur Shering-
hams við félagið rennur út í júní.
Glenn Hoddle knattspyrnustjóri
Tottenham, segir að framhaldið hjá
Sheringham velti á því hvort Totten-
ham tekst að komast í Evrópukeppn-
ina eða ekki. Komist félagið ekki í
Evrópukeppnina verði ekki gerður
nýr samningur við Sheringham
nema að hann samþykki nokkra
lækkun launa.
SHERINGHAM er 37 ára gamall
en hefur eigi að síður verið einn besti
leikmaður Tottenham í vetur og er
m.a. markahæsti leikmaður liðsins.
Hann hefur rúmar 12 millj. króna í
lauk á mánuði.
CHRISTIAN Vieri, leikmaður Int-
er Mílanó, hefur vísað ásökunum á
bug þess efnis að hann hafi látið niðr-
andi ummæli falla í garð Lomana
LuaLua í viðureign Inter og New-
castle í vikunni, en Knattspyrnu-
samband Evrópu, UEFA, hefur mál-
ið til athugunar um þessar mundir.
UEFA ætlar ekki að gera neinar
athugasemdir við leikmannaskipan
Manchester United í Evrópuleik
gegn Basel, en á varamannabekk
liðsins sátu leikmenn úr byrjunarlið-
inu eins og Ryan Giggs, Paul Schol-
es, David Beckham og Ruud van
Nistelrooy. Talsmaður UEFA sagði
í gær að Sir Alex Ferguson hafi full-
an rétt á að hvíla leikmenn. „Svo
framarlega að hann tefli fram leik-
mönnum af 25 manna nafnalista a-
hópsins getur UEFA ekkert gert.“
TERRY Venables, knattspyrnu-
stjóri Leeds, sagði í gær að miðvall-
arleikmennirnir Nicky Barmby og
Eirik Bakke séu orðnir góðir af
meiðslum sem hafa hrjáð þá og þeir
verði með í leik gegn Middlesbrough
um helgina.
ÍTALSKA stúlkan Karen Putzer
kom fyrst í mark í risasvigi í heims-
bikarkeppninni á skíðum. Keppt var
í gær í Kvitfjell í Noregi. Þetta var
síðasta mót keppnistíðarinnar í risa-
svigi kvenna þar sem Carole Mont-
illet frá Frakklandi var heimsbikar-
meistari. Sigur Montillet kemur
réttum tveimur árum eftir að landa
hennar Regine Cavagnoud vann
heimsbikarinn í sömu grein, en
Cavagnoud lést í slysi á æfingu fyrir
hálfu öðru ári. Montillet tileinkaði
Cavagnoud sigurinn.
FÓLK
ÞEIR sem verða í sviðsljósinu á
Hampden Park, eru – landsleikir:
Markverðir
Birkir Kristinsson, ÍBV..................73
Árni Gautur Arason, Rosenborg ...25
Aðrir leikmenn
Rúnar Kristinsson, Lokeren..........96
Guðni Bergsson, Bolton..................77
Arnar Grétarsson, Lokeren ...........57
Þórður Guðjónsson, Bochum .........43
Lárus Orri Sigurðsson, WBA ........37
Brynjar B. Gunnarsson, Stoke ......34
Pétur H. Marteinsson, Stoke .........25
Heiðar Helguson, Watford.............23
Arnar Þór Viðarsson, Lokeren ......22
Eiður S. Guðjohnsen, Chelsea .......20
Marel Baldvinsson, Lokeren..........11
Ívar Ingimarsson, Brighton.............9
Jóhannes K. Guðjónsson, A. Villa....9
Bjarni Þorsteinsson, Molde .............8
Gylfi Einarsson, Lilleström .............7
Indriði Sigurðsson, Lilleström ........6
Þeir mæta Skotum
STEPHEN Eberharter frá Aust-
urríki tryggði sér í gær heimsbik-
armeistaratitilinn í risasvigi og í
samanlagðri alpakeppni. Hann
sigraði á síðasta risasvigsmóti
heimsbikarkeppninnar í Lille-
hammer í Noregi, á 1.36,97, og er
nú kominn með 273 stiga forystu í
samanlagðri keppninni og þar sem
aðeins eru eftir tvö mót, svig og
stórsvig, eru aðeins 200 stig eftir.
Lasse Kjus varð annar í gær, 0,41
sekúndu á eftir Eberharter og landi
meistarans, Hannes Reichelt, varð
þriðji, tveimurhundruðustu úr sek-
úndu á eftir Norðmanninum.
Eberharter
heimsbikar-
meistari
Atli sagðist ekki vera að láta und-an kröfum eins eða neins með
valinu á Guðna, en styr hefur á tíðum
staðið um Atla eftir
að hann tók við þjálf-
un landsliðsins fyrir
að leita ekki eftir
kröftum Guðna. „Ég
tel að Guðni geti hjálpað okkur mikið
í þessum leik við Skota og því fannst
mér rétt að kanna hug hans að þessu
sinni. Og eins og ég vissi þá var
Guðni klár í slaginn,“ sagði Atli og
neitaði því að meiðsli Hermanns
Hreiðarssonar, varnarmanns hjá
Ipswich, réðu mestu um að Guðni
væri valinn að þessu sinni. „Auðvitað
er það áfall að geta ekki teflt Her-
manni fram að þessu sinni. En hvort
sem Hermann hefði getað spilað
þennan leik sem framundan er eða
ekki þá var ég staðráðinn í að leita
eftir kröftum Guðna. Ég hefði valið
þá báða ef sá möguleiki hefði verið
fyrir hendi,“ sagði Atli sem sagðist
hafa átt hreinskilnislegt samtal við
Guðna um leið og hann leitaði eftir
kröftum hans vegna landsleiksins.
„Við hreinsuðum loftið og skildum
sáttir, ákveðnir í að snúa bökum
saman. Mér þykir ákaflega vænt um
að Guðni skyldi verða við beiðni
minni. Hann býr yfir gríðarlegri
reynslu sem á eftir að vera okkur
ómetanlegt veganesti í þessum erf-
iða leik við Skota, ekki síst vegna
þess að Hermann verður fjarri góðu
gamni,“ sagði Atli.
Spurður hvort hann væri með
þessu vali á Guðna að opna leið fyrir
hann vegna landsleikjanna í undan-
keppni EM sem fram fara í júní,
sagði Atli svo ekki endilega vera.
„Nú var ég að velja hóp fyrir leikinn
við Skota. Hverja ég vel fyrir leikina
í vor kemur í ljós þegar að þeim
leikjum kemur.“
Vonast til að Árni
Gautur geti leikið
Einnig vakti það athygli í gær að
Árni Gautur Arason er í hópnum en
hann gekkst undir aðgerð á olnboga í
byrjun mánaðarins. „Ég vona að
Árni Gautur hafi jafnað sig þegar að
leiknum kemur og þess vegna vel ég
hann, en auðvitað getur brugðið til
beggja vona. Geti hann ekki leikið þá
er ég reiðubúinn að kalla í mann í
hans stað. Þetta kemur hins vegar
allt í ljós í næstu viku,“ sagði Atli og
vildi ekki gefa upp hvaða markverði
hann hefði í handraðanum. „Ég er
hins vegar bundinn af því að tilkynna
norska knattspyrnusambandinu um
val á leikmönnum sem leika þar í
landi með hálfs mánaðar fyrirvara.
Þess vegna kalla ég eftir Árna því
hafi ég ekki tilkynnt um val á honum
með lögbundnum fyrirvara þá er
ekki möguleiki að velja hann viku
fyrir leikinn ef sú staða kæmi þá upp
að hann væri klár í slaginn,“ sagði
Atli ennfremur.
Skotar eru sterkari en í haust
Atli sagði ennfremur að ljóst væri
að leikurinn í Skotlandi yrði erfiður.
Skotarnir hefðu verið sterkir sl.
haust þegar þjóðirnar áttust við og
þeir væru eflaust enn sterkari nú.
„Bæði vegna þess að keppnistímabil-
ið hjá leikmönnum liðsins er að ná
hámarki og einnig sökum þess að
Berti Vogts landsliðsþjálfari hefur
kynnst Skotunum enn meira síðan
við lékum við þá í haust og um leið þá
þekkja leikmenn betur til Vogts og
hvers hann ætlast til af þeim,“ segir
Atli sem býr sig undir harða rimmu á
Hampden Park. „Ég tel mig hafa
valið það besta lið sem við eigum völ
á um þessar mundir. Flestir leik-
menn eru að leika þýðingarmikil
hlutverk í sínum félagsliðum og virð-
ast vera fullir sjálfstrausts.“
Sárir eftir fyrri leikinn
Eggert Magnússon, formaður
KSÍ, sagði leikinn á Hampden Park
vera einkar þýðingarmikinn. „Við er-
um sárir eftir fyrri viðureign þjóð-
anna hér heima síðasta haust sem
tapaðist. Kannski er það vegna þess
að væntingar okkar vegna leiksins
voru of miklar. Að þessu sinni þá er
það klárt að Skotar ganga til leiks
sem sigurstranglegra liðið og það
með réttu,“ sagði Eggert Magnús-
son.
Morgunblaðið/Kristinn
Guðni Bergsson klæddist síðast landsliðspeysu Íslands gegn Írum á Laugardalsvellinum 6. september 1997. Guðni (nr. 7), sem var
fyrirliði landsliðsins í leiknum gegn Írum, er við öllu búinn er David Connolly sækir að Kristjáni Finnbogasyni markverði.
Guðni Bergsson valinn í íslenska landsliðið eftir nærri sex ár úti í kuldanum
Vissi alltaf að Guðni
myndi svara kallinu
GUÐNI Bergsson, varnarmaður og fyrirliði Bolton í Englandi, var
kallaður inn í íslenska landsliðið í knattspyrnu fyrir leikinn við
Skota í undankeppni EM sem fram fer á Hampden Park í Glasgow
29. þessa mánaðar. „Ég hef alltaf sagt að Guðni myndi svara kalli
okkar á jákvæðan hátt ef til hans yrði leitað,“ sagði Atli Eðvaldsson
landsliðsþjálfari um valið á Guðna sem vakti mikla athygli þegar
landsliðshópurinn var tilkynntur en Guðni hefur ekki leikið með
landsliðinu í hálft sjötta ár eða frá því að Íslendingar léku við Íra á
Laugardalsvelli í undankeppni HM í september 1997.
Eftir
Ívar
Benediktsson