Morgunblaðið - 16.03.2003, Blaðsíða 15

MORGUNBLAÐIÐ SUNNUDAGUR 16. MARS 2003 B 15
Guðmundur Ármannsson verktaki.
NÝ þvotta- og litunarstöð fyrir nætur í fiskeld-
iskvíar er í smíðum við höfnina á Reyðarfirði. Fyr-
irtækið G. Ármannsson á Egilsstöðum reisir þar
650 m2 stálgrindarhús fyrir Netagerð Friðriks Vil-
hjálmssonar í Neskaupstað.
Að sögn Gunnars Larssonar byggingatækni-
fræðings hjá Hönnun hf. og eftirlitsmanns með
byggingunni verður þetta fyrsta stöð sinnar teg-
undar hér á landi. Til að byrja með er ætlunin að
stöðin þjóni fiskeldisfyrirtækjum á Austurlandi en
með tíð og tíma landinu öllu. Tækjabúnaður og
hreinsibúnaður stöðvarinnar kemur frá Noregi.
Mengunarvarnir verða þær bestu sem völ er á og
skaðleg efni hreinsuð úr úrgangi úr stöðinni.
Stefnt er að því að taka stöðina í notkun í apríl
næstkomandi, að sögn Gunnars.
Fiskeldisnætur í þvott og litun
Fyrstu íbúðarhúsin í tíu ár rísa nú í Reyðarfirði. F.v.: Árni Guðmundsson, Sig-
urður Guðmundsson, Birgir Guðjónsson og Guðmundur Árni Árnason.
ÁRNI Guðmundsson bygginga-
meistari, sem rekur Eikarsmiðjuna á
Reyðarfirði, var ásamt þremur
starfsmönnum sínum að vinna við
nýtt parhús við Stekkjargrund þeg-
ar blaðamenn bar að garði.
„Ég byrjaði á þessu í nóvember og
steypti grunninn fyrir jól,“ sagði
Árni. Hann segir að í hvoru húsi sé
104 m2 íbúð auk bílskúrs, samtals 132
m2. Ætlunin er að loka húsunum og
ganga frá gólfplötu nú og ljúka svo
frágangi þegar húsin hafa verið seld.
„Það er óhemju mikið spurt um hús-
in, ekki síst af ungu fólki sem hefur
verið í leiguhúsnæði, eða verið hús-
næðislaust, og hugsar sér að vera
hér áfram. Fyrirspurnir hafa komið
frá fólki hér á Reyðarfirði, Eskifirði
og á Akureyri.“
Árni segist ekki kvíða verkefna-
skorti þegar hann hefur lokið við
byggingu parhússins. Hann fékk út-
hlutað fjórum parhúsalóðum til við-
bótar við sömu götu, fyrir alls átta
hús, og eins eru töluverð verkefni í
viðhaldi og ýmsu öðru. En hvernig
metur hann ástandið nú?
„Hér var allt á síðasta snúningi og
ekkert að gera. Nú er hugur í mönn-
um og miklu bjartara yfir öllu en
var.“
Ný íbúðarhús
eftir tíu ára hlé
FRÁ því að Alþingi samþykkti heimildarfrumvarp vegna
álversins í Reyðarfirði 5. mars síðastliðinn hefur Guð-
mundur Beck, bóndi að Kollaleiru í Reyðarfirði, flaggað
íslenska fánanum í hálfa stöng. Með þessu vill hann sýna
andstöðu sína við álvers- og virkjanaframkvæmdirnar.
Guðmundur segist fara út með fánann um leið og dagleg
störf hefjast, en hann er eggjaframleiðandi og sauðfjár-
bóndi. Ásamt eiginkonu sinni sér hann einnig um veð-
urmælingar við bæinn Reyðarfjörð fyrir Veðurstofuna.
„Ég er sjálfsagt sá eini í bænum sem flaggar í hálfa
stöng af þessu tilefni en ég veit um marga fleiri sem eru á
móti álverinu þó að þeir láti ekki mikið á því bera. Þessar
skoðanir eru ekki vinsælar hér. Í rauninni er viðhorfið
þetta: „Þú mátt hafa þessa skoðun en í guðs bænum
vertu ekki að hafa orð á henni.“ Með því að flagga í hálfa
er ég að láta í ljós vanþóknun mína á þeim vinnubrögðum
sem hafa verið viðhöfð við undirbúning fram-
kvæmdanna. Náttúran er ekki látin njóta neins. Ég leit
svo á að Kárahnjúkavirkjunin væri prófsteinn á það
hvort yfirleitt ætti að fara eftir lögum um mat á umhverf-
isáhrifum eða ekki. Verði þessu hleypt í gegn getum við
alveg eins afnumið þessi lög,“ segir Guðmundur.
Guðmundur hefur einnig áhyggjur af umhverfismál-
um í Reyðarfirði með tilkomu álversins. Mengun muni
aukast gríðarlega. Veðurfarslega séð sé ekki hægt að
finna óheppilegri staðsetningu fyrir álver, m.a. sökum
þess hve loftið sé kyrrstætt. Logn sé mjög algengt í firð-
inum og við sólfarsvinda þegar líði á daginn sé hætta á að
reyk frá álverinu leggi yfir byggðina í Reyðarfirði.
Guðmundur segist ekki fá mikil viðbrögð bæjarbúa,
þeir þekki hans skoðanir og sumir virði þær, aðrir ekki.
Einhverjir hafi þó séð spaugilegu hliðina á málinu því að
fyrsta daginn sem hann flaggaði í hálfa stöng hafi önnur
systir hans, sem vinnur í frystihúsinu á staðnum, verið
spurð að því hver hafi dáið í fjölskyldunni. Hún hafi sagt
með sinni alkunnu hægð: „Ætli hafi ekki bara drepist
nokkrar hænur hjá honum.“
Flaggar í hálfa
Guðmundur Beck á Kollaleiru í Reyðarfirði.
FERÐASKRIFSTOFA
GUÐMUNDAR
JÓNASSONAR EHF.
Borgartúni 34, Rvík, sími 511 1515
www. gjtravel.is Netfang: outgoing@gjtravel.is
ELSTA STARFANDI FERÐASKRIFSTOFA LANDSINS – Almenn farseðlaútgáfa, hópferðir, einstaklingsferðir, viðskiptaferðir, ferðaráðgjöf, hótelbókanir, fagleg persónuleg þjónusta, áratuga reynsla
ORÐSPORIÐ SEGIR SÍNA SÖGU
Helsinki, Berlín, Prag, Búdapest og Vín
Til Prag 28. apríl á góðu verði
Nú bjóðum við aftur skemmtilega vorferð til Prag
í beinu flugi Flugleiða til Frankfurt og rútuferð
þaðan til Prag. Við gistum 6 nætur á 4ra stjörnu
hóteli i Prag og eftir viðkomu í þeim fagra bæ
Karlovy Vary, eigum við næsturstað í Þýskalandi
áður við höldum heim frá Frankfurt.
Innifalið: Flug,flugvallaskattar, akstur milli
Frankfurt og Prag, gisting í 2ja manna herbergi,
morgunverður, skoðunarferð um Prag, íslensk
fararstjórn og leiðsögn. Aðrar skoðunarferðir
bókast og greiðast hjá fararstjóra.
Ferðatími: 28. apríl til 5. maí
Verð á mann er aðeins 79.900 krónur.
Fararstjóri: Pétur Gauti Valgeirsson
Leiðsögn alla ferðina.
Beint leiguflug til Prag 1. ágúst
Í Prag, höfuðborg Tékklands, búa 1.2 milljónir
manna. Borgin, forn og sögufræg var til skamms
tíma höfuðborg sambandslýðveldisins Tékkósló-
vakíu og áður konungsríkisins Bæheims, sem
um aldir var hluti af veldi Habsborgarættarinnar.
Andblær liðinna tíma endurspeglast í umgjörð
stórborgar Evrópu sem í dag laðar til sín milljónir
ferðamanna árlega, enda ekki að ástæðulausu,
því borgin, arfleifð hennar og íbúarnir – bjóða til
Farseðlar, ferðaráðgjöf, hótelbókanir, hópferðir, einstaklingsferðir, viðskiptaferðir...
Upplýsingar og bókanir – Sími 511 1515 – Takmarkað sætaframboð
Öll ofanskráð verð miðast við gengisskráningu 24. febrúar 2003.
söguveislu á hverju horni.
Nú förum við áttunda árið í röð til Prag í beinu
leiguflugi með Flugleiðum.
Innifalin er vegleg skoðunarferð um Prag á fyrsta
degi ferðarinnar, en auk þess eru aðrar skoðunar-
ferði í boði sem greiðast sérstaklega.
Innifalið: Flug,flugvallaskattar, akstur til og frá
flugvelli, gisting í 2ja manna herbergi, morgun-
verður, skoðunarferð um Prag, íslensk fararstjórn
og leiðsögn.
Ferðatími: 1. ágúst til 9. ágúst.
Verð á mann er aðeins 73.700 krónur.
Fararstjórar: Emil Örn Kristjánsson og Pétur
Gauti Valgeirsson. Leiðsögn alla ferðina.
Búdapest, Vínarborg í maí
Kræsingar eru aldrei langt undan í þessari
ferð, enda viðkomustaðirnir bæði Búdapest og
Vínarborg. Flogið er um Kaupmannahöfn til
Vínarborgar þann 21. maí og gist þar eina nótt.
Heimflug er frá Búdapest um Kaupmannahöfn
þann 28. maí. Veglegar skoðunarferðir um
Vínarborg og Búdapest eru innifaldar í verðinu.
Innifalið: Flug til Vínarborgar um Kaupmanna-
höfn og heim frá Búdapest, flugvallaskattar,
akstur til og frá flugvelli, gisting í tveggja
manna herbergi m. morgunverði, akstur milli
Vínarborgar og Búdapest, skoðunarferðir um
báðar borgirnar og íslensk fararstjórn og
leiðsögn. Flogið verður með Flugleiðum
og SAS um Kaupmannahöfn.
Ferðatími: 21. maí til 28. maí
Verð á mann er aðeins 83.900 krónur.
Fararstjóri: Emil Örn Kristjánsson
Leiðsögn alla ferðina
Beint til Berlínar 2. maí
Þriðja árið í röð bjóðum við ferðir til Berlínar.
Nú förum við 2. maí í beinu leiguflugi með
þýska flugfélaginu Aero Lloyd. Hér gefst ein-
stakt tækifæri að upplifa söguna og breytingar
á umliðnum áratug sem setja svip á borgina.
Hér er vöxturinn mikill og þróunin hröð. Vegleg
skoðunarferð um borgina er innifalin í verðinu.
Boðnar verða m.a. skoðunarferðir til Dresden
og Potsdam sem greiðast sérstaklega.
Innifalið: Flug,flugvallaskattar, akstur til og frá
flugvelli, gisting í 2ja manna herbergi, morgun-
verður, skoðunarferð um Berlín, íslensk
fararstjórn og leiðsögn.
Ferðatími: 2. maí til 8. maí
Verð á mann er aðeins 61.500 krónur.
Fararstjóri: Emil Örn Kristjánsson
Leiðsögn alla ferðina.
Tvær ferðir til Helsinki í apríl
Í apríl förum við 2 ferðir í beinu áætlunarflugi
Flugleiða til Helsinki, höfðuborgar Finnlands;
þann 16. apríl og svo viku síðar, þann 24. apríl.
Umfangsmikil skoðunarferð um Helsinki sem og
dagsferð til Tallin í Eistlandi eru innifaldar í
verðinu. Fararstóri og leiðsögumaður verður
Álfhildur Álfþórsdóttir sem búið hefur í Helsinki
og þekkir staðhætti. Hún fylgir hópunum alla
ferðina.
Innifalið: Flug, flugvallaskattar, akstur milli flug-
vallar og hótels við komu og brottför, gisting í
tveggja manna herbergi, morgunverður,
skoðunarferð um Helsinki, dagsferð til Tallin,
Íslensk fararstjórn og leiðsögn.
Fyrri ferðin þann 16/4–21/4 er 6 daga ferð
og kostar 66.400 krónur.
Síðari ferðin 24/4–28/4 er fimm daga löng
og kostar 62.500 krónur.
Fararstjóri: Álfhildur Álfþórsdóttir
Leiðsögn alla ferðina.