Morgunblaðið - 16.03.2003, Blaðsíða 17

Bílaleigubílar
Sumarhús
í Danmörku
og Mið-Evrópu
Ódýrari bílaleigubílar fyrir
Íslendinga.
Bílar frá dkr. 1.975 á viku.
Innifalið í verði:
Ótakmarkaður akstur, allar
tryggingar. (Afgrgjöld á
flugvöllum.)
Aðrir litlir og stórir bílar, 6-7
manna, minibus og rútur.
Sumarhús og íbúðir.
Norðurlönd og Mið-Evrópa.
Hótel. Heimagisting. Bændagisting.
Heimasíðan www.fylkir.is
með fjölbreyttar upplýsingar.
Nýjustu verðlistarnir komnir.
Hringið og fáið sendan.
Dancenter, Lalandia,
Novasol/Dansommer.
Fylkir Ágústsson,
Fylkir — Bílaleiga ehf.,
ferðaskrifstofan
sími 456 3745.
Netfang fylkirag@fylkir.is
Heimasíða www.fylkir.is
Enskuskóli Erlu Ara auglýsir
• Enskunám í Hafnarfirði.
• Vinsælu vornámskeiðin að hefjast.
• Námsferðir til Englands fyrir 12-15 ára.
• Námsferðir til Englands fyrir fullorðna.
Íslenskir hópstjórar með í för allan tímann.
Skráning í síma 891 7576 frá 13-17 alla daga.
Nánari upplýsingar um starfsemi skólans á
www.simnet.is/erlaara
Hafi fólk hug á að ferðast um La
Palma-eyjuna sem tilheyrir Kan-
aríeyjum koma þessar slóðir að not-
um: www.lapalmabiosfera.com og
www.lapalmaturismo.com
EITT AF því sem ferðalangar velta
fyrir sér þegar halda á til útlanda er
hvort fara eigi á eigin bíl og láta gæta
hans á meðan verið er í fríi eða hvort
taka eigi rútu, leigubíl eða bílaleigu-
bíl. Kostnaðurinn er jafn misjafn og
möguleikarnir eru margir og ef verið
er að velta fyrir sér hagkvæmasta
kostinum þá veltur hann á farþega-
fjölda.
Ef fimm manna fjölskylda er tekin
sem dæmi þá kostar 1.000 krónur
fyrir fullorðna með Kynnisferðum en
þeir eru sérleyfishafar á leiðinni að
Leifsstöð og til baka. Ef miði er
keyptur fram og til baka þá kostar
hann 1.800 krónur fyrir fullorðinn
einstakling. Börn frá 0–11 ára fá frítt
með rútunni og 12–15 ára fá helm-
ingsafslátt sem þýðir að miðinn kost-
ar 500 krónur fyrir þau. Að sögn
Unnar Svavarsdóttur sölu- og mark-
aðsstjóra Kynnisferða var afsláttur
til barna aukinn verulega um síðustu
áramót en fargjaldið fyrir fullorðna
hækkaði úr níu hundruð krónum í
þúsund krónur sl. haust.
Ódýrara ef margir eru saman
Leigubílaakstur hjá BSR og
Hreyfli kostar fyrir 5–8 farþega til
Keflavíkur 9.200 krónur aðra leiðina
sem þýðir 18.400 krónur fram og til
baka. Sé um einn til fjóra farþega að
ræða kostar farið 7.200 krónur eða
14.400 fram og til baka. Róbert
Geirsson hjá BSR bendir á að leigu-
bílstjórar sæki fólk heim að dyrum
hvar sem er á höfuðborgarsvæðinu
og hann nefnir sem dæmi að ef
nokkrir einstaklingar sameinist um
leigubíl til Keflavíkur fari þeir heim
til þeirra allra til að sækja þá.
Hertz-bílaleiga hefur að undan-
förnu verið með tilboð á bílaleigubíl-
um til og frá Leifsstöð. Margrét Lín-
dal Steinþórsdóttir sölustjóri Hertz á
Íslandi segir að miðað sé við að þeir
sem eigi flug snemma morguns sæki
bílinn fyrir klukkan 19 daginn áður
og skili honum í Keflavík að morgni.
Í Leifsstöð er Hertz með opið frá
5.30–17.30 alla daga vikunnar og síð-
an aftur á kvöldin kl. 21–1 yfir vetr-
artímann, en kl. 20–3 yfir sumartím-
ann. Í Reykjavík geta farþegar sótt
eða skilað bíl hjá bílaleigunni í Öskju-
hlíð eða á Reykjavíkurflugvelli.
Fyrir 5 manna fjölskyldu kostar
leigan á Toyota Avensis eða sam-
bærilegum bíl 2.700 krónur og er
innifalið í því 18 klukkustunda leiga,
80 km, kaskó og skattur. Ef fólk hins
vegar vill fá nóg pláss undir farang-
urinn þá býður Hertz einnig upp á
Toyota Avensis Station eða sam-
bærilegan bíl og kostar leigan á hon-
um 3.300 krónur. Við bætist bensín-
kostnaður. Þessi tilboð gilda
einungis fyrir leigu á bíl til og frá
Keflavíkurflugvelli og er miðað við
að farþeginn sé búinn að skila bílnum
innan 18 klst. frá því hann var leigð-
ur.
Kjósi fólk að aka á eigin bíl og láta
gæta hans á meðan verið er í burtu er
um tvo möguleika að ræða, inni-
geymslu og útigeymslu.
Bílarnir bónaðir
Alex bílahús er upphitað bíla-
stæðahús skammt frá Leifsstöð og
með þjónustuborð bæði í brottfarar-
og komusal Leifsstöðvar.
Að sögn Guðmundar Þóris Einars-
sonar framkvæmdastjóra Alex kost-
ar það 900 krónur að geyma bílinn í
tvo sólarhringa, 3.150 í sjö sólar-
hringa og 5.950 krónur í fjórtán
daga. Við verðið bætist síðan 550
króna ábyrgðartrygging og 600
króna gjald fyrir að koma bílnum í
bílahúsið. Þá kostar 600 krónur
aukalega að taka á móti og afhenda
bíl að flugstöð við heimkomu.
Guðmundur segir að bíleigendum
standi til boða að láta þrífa bílinn á
meðan hann er í geymslu. Hann segir
að alþrif á miðstærð af fólksbíl kosti
5.300 krónur en þá er bíllinn þrifinn
að utan og innan og bónaður.
Að lokum bendir Guðmundur Þór-
ir á að veittur sé 15% pakkaafsláttur
af gistingu á Alex móteli og þá býðst
frítt útistæði allt að einni viku ef gist
er eina nótt hjá þeim.
Bíleigendum stendur einnig til
boða að geyma bílinn hjá Securitas
við Leifsstöð en um útistæði er að
ræða sem eru vöktuð allan sólar-
hringinn. Þar kostar tveggja daga
geymsla 900 krónur, vikan 2.835
krónur og 14 dagar 5.670 krónur.
Hægt er að fá bílinn þrifinn og kosta
alþrif á fjölskyldubíl 4.350 krónur en
hann er þá þrifinn að utan og innan
og bónaður. Vilji fólk fá bílinn afhent-
an við komusal Leifsstöðvar kostar
það 750 krónur.
Borgar sig að fara á eigin bíl, í leigubíl, á bílaleigubíl eða með rútu í Leifsstöð?
Fjöldi farþega skiptir máli þegar
velja á hagstæðasta kostinn
Þegar halda á í frí til útlanda
er hægt að fara á Keflavík-
urflugvöll á eigin bíl og láta
gæta hans og jafnvel þvo og
bóna á meðan verið er í burtu.
Það er einnig hægt að taka
rútu, leigubíl eða bílaleigubíl
og misjafnt hvað fólki finnst
þægilegasti ferðamátinn. Það
veltur á farþegafjölda hver
ódýrasti kosturinn er.
Margir láta geyma bílana sína við Leifsstöð á meðan þeir eru í burtu og enn
aðrir nýta sér rútuferðir, leigja bíl eða taka leigubíl.
Á ÁTTUNDA hundrað tjaldstæða
í Danmörku eru eingöngu ætluð
fólki sem er á göngu, á hjóli, að
sigla eða ferðast á hestbaki.
Ferðalangar á farartækjum eins
og fólksbíl, húsbíl eða vélhjólum
geta ekki fengið að gista á þessum
svæðum.
Yfirleitt er gistiaðstaðan ókeypis
eða kostar í mesta lagi um 150
krónur íslenskar.
Tjaldsvæðin tilheyra bændum,
skólum og bæjarfélög hafa einnig
útbúið tjaldsvæði við göngu- og
hjólreiðastíga og við þekktar leiðir
sem hægt er að fara á eikju
(canoe).
Á 150 tjaldsvæðum er lögð
áhersla á að tjalda megi inni í
miðjum skógi til að njóta náttúr-
unnar og geta fylgst með þeim
hljóðum sem eru í skóginum án ut-
anaðkomandi truflunar.
Lögð er áhersla á góða um-
gengni og að fólk skilji við um-
hverfið eins og það var þegar það
kom á svæðið.
Ókeypis
tjaldstæði í
Danmörku

Nánari upplýsingar um tjald-
svæðin fást á slóðinni
www.teltpladser.dk. Þar er
hægt að panta bók þar sem
fram koma upplýsingar um öll
tjaldsvæðin sem standa til
boða.
ÞEIR Íslendingar sem lagt hafa
leið sína í sumarfrí til Costa del
Sol þekkja eflaust Gussabar.
Það er eini íslenski barinn í
miðbæ Torremolinos. Þetta hef-
ur verið einn aðal samkomu-
staður Íslendinga og Guð-
mundur Jónsson eða Gussi eins
og hann er kallaður hefur tekið
vel á móti löndum sínum. Hann
hefur rekið barinn í rúm 18 ár og
búið á Costa del Sol í 29 ár.
Að sögn Gussa hefur lengi
staðið til að gera breytingar á
barnum en miklar rigningar í
nóvember flýttu fyrir þeim
framkvæmdum. Þá flæddi í
kjallarann og barinn var í kjölfar-
ið tekinn í gegn, útbúin betri
vinnuaðstaða en áður, málað og
flísalagt. Í janúar síðstliðinum
var síðan barinn opnaður að
nýju.
Á veturna sækja Spánverjar
staðinn og Ísledningarnir bæt-
ast svo í hópinn þegar fer að
vora.
Gussi segist alltaf hlakka til
þegar sól hækkar á lofti og Ís-
lendingarnir fara að koma en
margir þeirra sem koma ár eftir
ár eru orðnir góðir vinir hans.
Guðmundur Jónsson, eða Gussi
eins og hann er kallaður, á barn-
um sem hann rekur á Costa del
Sol á Spáni.
Íslenski barinn
á Torremolinos
Búið að
taka Gussa-
bar í gegn