Morgunblaðið - 17.03.2003, Síða 2

FRÉTTIR
2 MÁNUDAGUR 17. MARS 2003 MORGUNBLAÐIÐ
SÓLARHRINGSFRESTUR
George W. Bush Bandaríkja-
forseti gaf í gær Sameinuðu þjóð-
unum sólarhringsfrest til að ákveða
hvort þær styðji stríð á hendur
Saddam Hussein Íraksforseta undir
forystu Bandaríkjamanna.
Ekkert stöðvar Alcoa
Stríð stöðvar ekki áform Alcoa á
Íslandi, að sögn Alain J. Belda, for-
stjóra Alcoa. Hann segist ekki sjá
neitt í stöðunni sem gæti stöðvað
áform fyrirtækisins hér á landi.
Hálfíslensk kona myrt
Hálfíslensk kona, sem var íslensk-
ur ríkisborgari, var myrt á heimili
sínu í Bandaríkjunum á föstudag.
Fyrrverandi eiginmaður hennar hef-
ur verið kærður fyrir morðið. 16 ára
sonur hennar var skotinn í bakið.
Morðingi sagður á leiðinni
Eftirlit á Keflavíkurflugvelli var
hert verulega á miðvikudag þar sem
tilkynning barst frá Interpol um að
einn af meintum morðingjum serbn-
eska forsætisráðherrans Zoran
Djindjic væri á leið til landsins.
Faraldurinn áhyggjuefni
Íslensk heilbrigðisyfirvöld eru á
varðbergi vegna bráðrar lungna-
bólgu sem greinst hefur víða í Asíu
og Kanada. Haraldur Briem sótt-
varnalæknir segir faraldurinn
áhyggjuefni.
Miðflokkur vann í Finnlandi
Miðflokkurinn sigraði í þingkosn-
ingum í Finnlandi í gær. Allar líkur
eru á að Anneli Jäättenmäki, for-
manni flokksins, verði fyrst veitt
umboð til stjórnarmyndunar. Hún
yrði fyrsti kvenforsætisráðherra
landsins en kona gegnir nú embætti
forseta.
Júlía tognaði
Nína Dögg Filippusdóttir leik-
kona datt af sviðinu á sýningu á
Rómeó og Júlíu í Borgarleikhúsinu á
laugardagskvöld. Leikritið fór á
annan veg en venjulega, Rómeó og
Júlía enduðu kvöldið á slysavarð-
stofunni.
2003
MÁNUDAGUR 17. MARS BLAÐ C
B L A Ð A L L R A L A N D S M A N N A
JÓN ARNAR RÉTT MISSTI AF VERÐLAUNUM Á HM / C2
Öll mörkin voru skoruð í fyrrihálfleik. Sverrir Sverrisson
kom bikarmeisturum Fylkis yfir
strax á 8. mínútu. KR-ingar jöfnuðu
um miðjan hálfleikinn þegar einn
Árbæinganna sendi boltann í eigið
mark og Einar Þór Daníelsson skor-
aði sigurmark þeirra skömmu fyrir
leikhlé. Leikurinn var jafn og hraður
og lofaði góðu fyrir framhaldið hjá
liðunum.
„Ég er virkilega ánægður með
þennan sigur. Við KR-ingar lögðum
mikinn metnað í leikinn, enda um að
ræða bikar sem er á margan hátt eft-
irsóknarverður og það er erfiðara að
vinna sér rétt til að leika um hann en
nokkurn annan. Þetta var jafn leikur
og sigurinn gat lent hvorum megin
sem var og mér finnst hann sýna að
liðin eru mun nær því að vera komin í
góða leikæfingu fyrir sumarið en áð-
ur hefur þekkst á þessum árstíma.
Það getum við þakkað knattspyrnu-
húsunum, liðin hafa leikið mikið fleiri
leiki að vetrarlagi en áður og það
getur ekki annað en skilað sér þegar
fram í sækir,“ sagði Willum Þór
Þórsson, þjálfari KR, við Morgun-
blaðið eftir leikinn.
Morgunblaðið/Árni Torfason
Einar Þór Daníelsson, fyrirliði KR, lyftir meistarabikarnum í Egilshöllinni í gærkvöld en það var
einmitt hann sem skoraði sigurmark Íslandsmeistaranna gegn bikarmeisturunum.
Þriðji sigur KR-inga
í meistarakeppninni
KR-INGAR eru meistarar meistaranna í knattspyrnunni eftir sigur á
Fylki, 2:1, í Egilshöll í gærkvöld. Þeir tóku þar með við Sigurðarbik-
arnum, sem ekki hafði verið afhentur frá árinu 1998 þegar keppnin
fór síðast fram. Þetta er þriðji sigur KR í Meistarakeppni KSÍ en áð-
ur fögnuðu Vesturbæingar sigri í henni árin 1969 og 1996.
LANDSLIÐSMENNIRNIR í knatt-
spyrnu Jóhannes Karl Guðjónsson
hjá Aston Villa og Arnar Grétars-
son hjá Lokeren urðu báðir fyrir
meiðslum fyrir og um helgina.
Þeir telja þó báðir að þau komi
ekki til með að setja strik í reikn-
inginn hjá sér fyrir landsleikinn
gegn Skotum á Hampden Park 29.
mars.
Jóhannes Karl meiddist á æfingu
hjá Aston Villa á fimmtudag og
var því ekki í leikmannahópnum
gegn Manchester United í ensku
úrvalsdeildinni á laugardaginn.
„Ég sneri mig bæði á ökkla og
hné en sem betur fer er ekki um
alvarlega tognun að ræða,“ sagði
Jóhannes við Morgunblaðið í gær.
Arnar Grétarsson fór meiddur
af velli á laugardagskvöldið eftir
að hafa skorað tvívegis þegar
Lokeren sigraði Gent, 5:1, í belg-
ísku knattspyrnunni. „Ég fékk
spark aftan í hælinn og var aumur
þar fyrir vegna álagsmeiðsla.
Þetta tekur sennilega nokkra daga
að jafna sig, en þar sem hvorki er
um tognun né slit að ræða, er ég
viss um að ég geti spilað með
Lokeren næsta laugardag,“ sagði
Arnar.
Komast til
Glasgow
LEE Sharpe hefur ákveðið að
ganga að tilboði því sem Grindvík-
ingar gerðu honum og ætlar að
leika með þeim í sumar.
Sharpe kom hingað til lands fyr-
ir stuttu og leit á aðstæður og seg-
ir að sér hafi líkað vel það sem
hann sá og ákvað kappinn í kjöl-
farið að slá til. Sharpe hefur með-
al annars leikið með Manchester
United, Leeds United, Bradfrod,
Exeter og Sampdoria á Ítalíu.
Hann hefur ekkert leikið síðan
hann var á mála hjá Exeter í
þriðju deildinni ensku síðasta
haust.
Grindvíkingar eru ánægðir með
að fá kappann og segja að þó svo
hann hafi ekki leikið mikið að und-
anförnu muni hann styrkja liðið
mikið og telja hann verða mikla
lyftistöng fyrir íslenska knatt-
spyrnu.
Sharpe
með
Grindavík
í sumar
Yf ir l i t
Í dag
Sigmund 8 Bréf 30
Viðskipti 12/13 Kirkjustarf 31
Erlent 14/15 Dagbók 32/33
Listir 16/18 Leikhús 34
Umræðan 19/23 Fólk 34/37
Forystugrein 20 Bíó 34/37
Minningar 25/27 Ljósvakar 38
Þjónusta 27 Veður 39
* * *
Morgunblaðinu í dag fylgir Z-viðauki.
Blaðinu er dreift um allt land.
TÆPLEGA fertug kona, Lucille Yvette Mosco, sem átti
íslenska móður og var íslenskur ríkisborgari, var myrt á
heimili sínu í Flórída í Bandaríkjunum á föstudagsmorg-
un. Fyrrverandi eiginmaður hennar, 35 ára gamall
Bandaríkjamaður, hefur verið kærður fyrir morðið og
fyrir að skjóta 16 ára gamlan son hennar í bakið. Hann
slapp undan morðingjanum og greindi lögreglu frá því að
fyrrum stjúpfaðir hans hefði verið að verki.
Aðstandendum Lucille hefur verið tjáð að saksóknari
muni væntanlega fara fram á dauðarefsingu yfir mann-
inum. Þeir hafa gagnrýnt lögreglu fyrir að taka hótanir
hans ekki alvarlega en hann hafði áður verið kærður fyrir
ofbeldi gegn henni og brotið gegn nálgunarbanni.
Lucille Yvette Mosco fæddist í Bandaríkjunum 28.
september 1965. Samkvæmt upplýsingum frá ættingjum
hennar fluttist hún til Íslands 1976 og var búsett í Reykja-
vík og á Akureyri auk þess sem hún dvaldi tímabundið í
Bandaríkjunum. Árið 1989 giftist hún íslenskum manni,
Júlíusi Hafsteinssyni, og eignaðist með honum son, Jón
Atla Júlíusson. Þau skildu og árið 1995 flutti hún til
Pensacola í Flórída þar sem hún vann við verslunarstörf.
Hún giftist síðar manninum sem nú er í haldi vegna
morðsins en þau slitu samvistum fyrir um ári. Lucille læt-
ur eftir sig tvo syni, 16 og 17 ára gamla. Faðir Jóns var
væntanlegur til Flórída í gær ásamt eldri syninum.
Slapp naumlega
Samkvæmt fréttum á vefsíðu Pensacola News Journal
(PNJ) ruddist fyrrverandi eiginmaður Lucille, Sebastian
Edward Young, 35 ára gamall, inn á heimili hennar í
Pensacola snemma á föstudagsmorgun. Hann er sagður
hafa skotið hana með haglabyssu í höfuðið og síðan skotið
Jón í bakið þegar pilturinn hljóp út um bakdyr hússins.
Í samtali við Morgunblaðið sagði Róbert Mosco, bróðir
Lucille, að Young hafi elt piltinn út. Byssan hafi verið tví-
hleypt og því ekki fleiri skot í byssunni en Young hafi
stungið piltinn fimm sinnum með hnífi. Hlaut hann m.a.
djúpan skurð á bakið og annan í andlit. Young hafi einnig
dregið hann á hárinu niður brekku og slegið hann í höf-
uðið með byssuskeftinu. Pilturinn hafi varið sig eftir
mætti og loks tekist að sleppa. Hann leitaði síðan skjóls
inni í matvöruverslun. Hann var aðeins klæddur í stutt-
buxur og á baki hans voru fjölmörg kúlnaför eftir hagla-
skotið. Afgreiðslustúlka faldi hann inni á skrifstofu versl-
unarinnar og gætti þess að hann missti ekki meðvitund
þar til aðstoð barst. Líðan Jóns er eftir atvikum góð og er
ekki útlit fyrir að hann bíði varanlegt líkamlegt tjón af.
Mörg brot gegn nálgunarbanni
Young komst undan en var handtekinn í Baton Rouge í
Louisiana á föstudagskvöld. Farið hefur verið fram á að
hann verði framseldur til Flórída. Að sögn Róberts hefur
saksóknarinn í Pensacola tjáð ættingjum að væntanlega
verði farið fram á dauðarefsingu fyrir
morð og tilraun til morðs.
Í PNJ segir að morðið hafi vakið
spurningar um hvernig lögregla
verndi konur sem verði fyrir ofbeldi
af hálfu maka eða fyrrum maka en
Young mun hafa ofsótt Lucille und-
anfarið ár. Haft er eftir Sue Hand,
framkvæmdastjóra kvennaathvarfs,
að Lucille hafi gert allt sem í hennar
valdi stóð til að vernda sig og son
sinn. Í samtali við Morgunblaðið
gagnrýndi Róbert Mosco lögregluna harðlega fyrir að-
gerðarleysi. Segir hann Young hafa ofsótt systur sína
með ýmsum hætti í heilt ár, m.a. brotist inn og haldið hníf
að hálsi hennar, skorið á öll dekk á bifreið hennar og
margoft komið á vinnustað hennar og haft í frammi hót-
anir. Lögregluyfirvöld hafi á hinn bóginn ekki lagt trúnað
á allar frásagnir systur sinnar og ekki brugðist við með
fullnægjandi hætti. „Hún sagði að lögreglan myndi ekki
skipta sér af þessu fyrr en hún hefði verið myrt,“ sagði
hann. Fulltrúar lögreglu hafa vísað gagnrýni á bug.
Í PNJ er greint frá því að Young hafi verið handtekinn
fyrir heimilisofbeldi 25. janúar 2002. Í kjölfarið var hann
úrskurðaður í nálgunarbann. Það braut hann fimm sinn-
um. Á föstudagsmorgun er talið að hann hafi ekið frá Bat-
on Rouge til Pensacola og klukkan 5:15 hafi hann gengið
inn á heimili Lucille og hleypt af. Talið er að hún hafi þá
verið í þann mund að fara til vinnu. Róbert segir að Luc-
ille verði jarðsett á Íslandi í samræmi við óskir hennar.
Hálfíslensk kona
myrt í Flórída
Morðinginn skaut son hennar í bakið þegar hann
hljóp út um bakdyr – Ættingjar gagnrýna lögregluna
Jón Atli Júlíusson hlaut alvarleg sár og slapp naumlega
undan morðingjanum. Gert var ráð fyrir að hann yrði
útskrifaður af gjörgæslu í gær. Með honum á myndinni
er Oddrún Hulda Einarsdóttir.
Lucille Yvette
Mosco
EFTIRLIT á Keflavíkurflug-
velli var hert til muna sl. mið-
vikudag eftir að tilkynning barst
frá Interpol um að einn af
meintum morðingjum serbn-
eska forsætisráðherrans Zoran
Djindjic væri á leið til landsins.
Rúmum sólarhring síðar var til-
kynnt að viðkomandi lægi ekki
lengur undir grun og var við-
búnaði því aflétt.
Á miðvikudagsmorgun barst
ríkislögreglustjóra tilkynning
frá landsskrifstofu Interpol í
Belgrad um að maður að nafni
Borek Krojez, sem talinn var
einn af launmorðingjum for-
sætisráðherrans, væri á leið til
Íslands. Þórir Oddsson vararík-
islögreglustjóri segir að lögregl-
unni á Keflavíkurflugvelli,
Reykjavík, Akureyri og Egils-
stöðum hafi verið gert viðvart en
eðli málsins samkvæmt var við-
búnaður mestur á Keflavíkur-
flugvelli. Að sögn Jóhanns R.
Benediktssonar, sýslumanns á
Keflavíkurflugvelli, var sam-
dægurs tekið upp strangt landa-
mæraeftirlit á landamærum Ís-
lands að Schengen-ríkjunum en
að öllu jöfnu þurfa farþegar frá
Schengen-ríkjum ekki að gang-
ast undir vegabréfaeftirlit.
Snemma á fimmtudagskvöld
bárust upplýsingar frá Interpol
um að maðurinn væri ekki leng-
ur grunaður um morðið og var
viðbúnaði því aflétt.
Í sænskum og norskum dag-
blöðum var í gær greint frá því
að maðurinn hefði sést á flug-
vellinum í Sarajevo með farmiða
í fórum sínum þar sem Ísland
var tilgreint sem lokaáfanga-
staður. Þessar upplýsingar
komu ekki fram í tilkynningunni
frá Interpol, að sögn Þóris
Oddssonar. Lögreglan í Svíþjóð
taldi þó allt eins líklegt að hann
myndi reyna að leynast í Svíþjóð
eða Noregi. Í Svíþjóð gæti hann
leynst um alllanga hríð með
hjálp serbneskra og sænskra
glæpasamtaka.
Meintur
launmorð-
ingi sagð-
ur á leið
til Íslands
LÖGREGLAN í Reykjavík telur
góðar líkur á að henni takist að
handsama mann sem rændi lyfjum
úr lyfjaverslun Lyfju við Lágmúla
skömmu fyrir klukkan 9 í gærmorg-
un. Talið er að öryggismyndavél hafi
náð góðri mynd af manninum auk
þess sem starfsfólk gat gefið grein-
argóða lýsingu á honum. Lögregla
kveðst hafa góðar vísbendingar um
hver hafi verið að verki.
Lyfjaverslunin er opin kl. 8-24 alla
daga. Þar er ekki öryggisvörður en
lögregla var komin á vettvang um
tveimur mínútum eftir að starfs-
menn ýttu á neyðarhnapp. Maðurinn
kom að versluninni á bíl sem hann
hafði stolið um nóttina. Hann skildi
bílinn eftir í gangi á meðan hann
rændi verslunina en bíllinn fannst
síðar á bifreiðastæði í Ármúla.
Guðrún Björg Elíasdóttir lyfja-
fræðingur segir að maðurinn hafi
gengið inn í verslunina og for-
málalaust ruðst inn fyrir afgreiðslu-
borð og ógnað henni og lyfjatækni
sem var þar við störf með barefli.
Hann hafi spurt eftir því hvar ákveð-
in lyf voru geymd en þær ekki svar-
að því. Hann virðist á hinn bóginn
hafa vitað hvar lyfin voru geymd því
hann gekk rakleitt inn að lyfja-
geymslu og hrifsaði með sér talsvert
af lyfjum. Aðspurð sagði Guðrún
Björg ekki tímabært að greina frá
hversu mikið hann tók eða af hvaða
tegund. Um væri að ræða sterkt
verkjalyf sem gengi talsvert kaup-
um og sölum á svörtum markaði.
Guðrún Björg telur að maðurinn
hafi varla verið meira en eina mín-
útu inni í lyfjaversluninni. Um leið
og hann ruddist inn í lyfjaafgreiðsl-
una hafi hún ýtt á neyðarhnapp og
lögregla verið komin á staðinn eftir
um tvær mínútur. Hún og lyfja-
tæknirinn voru einar í versluninni
en ræninginn mætti viðskiptavini
sem var á leiðinni út. Telur hún ekki
ólíklegt að maðurinn, sem er á þrí-
tugsaldri, hafi setið um verslunina
og beðið færis. Hann var ekki
grímuklæddur en með sólgleraugu
og segir Guðrún Björg að hann hafi
virst vera í annarlegu ástandi. Hún
segir að vissulega hafi henni brugðið
en verið fljót að jafna sig. Aðspurð
segir Guðrún Björg að viðbúið sé að
umbúnaður um lyf í versluninni
verði tekinn til endurskoðunar í kjöl-
far ránsins. Þegar ránið var framið
voru aðeins tveir dagar liðnir frá því
nýtt öryggismyndavélakerfi var sett
upp í lyfjaversluninni. Jónas Halls-
son, aðstoðaryfirlögregluþjónn í
Reykjavík, sagði í samtali við Morg-
unblaðið í gær að verið væri að
skerpa mynd sem náðist af mann-
inum og bjóst hann fastlega við að
gæði myndarinnar yrðu fullnægj-
andi.
Lögregla með vísbending-
ar eftir rán úr lyfjaverslun
Morgunblaðið/Júlíus
Sérfræðingur frá tæknideild og
annar lögreglumaður við bíl sem
ræninginn stal og notaði við ránið.
LÆKJARTORG í Reykjavík hálf-
fylltist í gærkvöldi þegar yfirvof-
andi stríði í Írak var mótmælt með
kertaljósum og þögn. Aðstand-
endur mótmælanna telja að á milli
500 og 700 manns hafi verið á
Lækjartorgi um sjöleytið í gær.
Mótmælin fóru auk þess fram á Ak-
ureyri, Ísafirði og í Snæfellsbæ.
Mótmælin hafa þegar farið fram
á rúmlega 6.000 stöðum í 136 lönd-
um víðs vegar um heiminn. Átakið
er nefnt Global Vigil for Peace og
er skipulagt af MoveOn.org í sam-
vinnu við Win Without War, trúar-
leiðtogann og friðarverðlaunahaf-
ann Desmond Tutu ásamt fjölmörg-
um trúarsamtökum.
Morgunblaðið/Kristinn
Þögul mótmæli
við kertaljós