Morgunblaðið - 17.03.2003, Blaðsíða 13
VIÐSKIPTI/ATHAFNALÍF
MORGUNBLAÐIÐ MÁNUDAGUR 17. MARS 2003 13
Skráningarlýsing
Framtaks fjárfestingarbanka hf.
Hlutafé Framtaks fjárfestingarbanka hf., sem áður var Eignarhaldsfélagið
Alþýðubankinn hf., var aukið um 1.100.000.000 kr. að nafnverði á árinu
2002. Kauphöll Íslands hf. skráði þá aukningu þann 7. október 2002 í
samræmi við lög og reglur Kauphallarinnar. Hlutaféð var ekki boðið í
almennri sölu. Heildarhlutafé Framtaks fjárfestingarbanka hf. er nú
2.440.705.574 kr. að nafnverði og er það allt skráð á Aðallista
Kauphallarinnar.
Á hluthafafundi Framtaks fjárfestingarbanka hf. þann 7. október 2002 var
samþykkt að auka hlutafé um 1.100.000.000 kr. að nafnverði. Hluthafar
féllu frá forgangsrétti til aukningarinnar, sem eingöngu skyldi nota til að
mæta samruna Eignarhaldsfélagsins Alþýðubankinn hf. og Þróunarfélags
Íslands hf. Hið nýja hlutafé var allt greitt í hlutabréfum til hlutahafa
Þróunarfélags Íslands hf. og var skiptigengi 1 kr. hlutafjár í Eignarhalds-
félaginu fyrir hverja 1 kr. hlutafjár í Þróunarfélaginu. Nafni félagsins var
breytt á aðalfundi 24. febrúar 2003 og er nú Framtak fjárfestingarbanki hf.
Skráningarlýsing vegna hlutafjáraukningar Framtaks fjárfestingarbanka hf.
liggur frammi hjá félaginu og Verðbréfastofunni hf. sem er umsjónaraðili
skráningarinnar. Einnig má nálgast skráningalýsinguna á heimasíðum
félaganna www.fbank.is og www.vbs.is.
Perlan við Dóná
Heimsferðir bjóða nú ótrúlegt tilboð á síðustu sætunum til Buda-
pest þann 27. mars í beinu flugi til þessarar heillandi borgar sem
er að verða einn vinsælasti borgaráfangastaður Íslendinga. Þú
bókar tvö flugsæti, en greiðir aðeins fyrir eitt og getur kynnst
þessari fegurstu borg Evrópu á einstökum kjörum. Þú getur valið
um úrval góðra hótel í hjarta Budapest á frábærum kjörum og að
sjálfsögðu nýtur þú traustrar þjónustu fararstjóra Heimsferða í
Budapest allan tímann.
Helgarferð til
Budapest
27. mars
frá kr. 19.950
Skógarhlíð 18, sími 595 1000. www.heimsferdir.is
Verð kr. 2.900
Verð fyrir mann, m.v. 2 í herbergi,
Mercure Duna, per nótt með morgunmat.
Völ um góð 3ja og 4 stjörnu hótel.
Ferðir til og frá flugvelli, kr. 1.800.
Verð kr. 19.950
Flugsæti til Budapest, út 27. mars, heim
31. mars. Flug og skattar á mann miðað
við að 2 ferðist saman, 2 fyrir 1.
Síðustu 28 sætin
Glæsileg hótel í hjarta Budapest
Mercure Metropol
Mercure Duna
Munið Mastercard
ferðaávísunina
Spennandi kynnisferðir
Kynnisferð um Búdapest
Farþegar sóttir á hótel og ekið um
þessa mögnuðu borg. Hetjutorgið,
óperuhúsið, Stefánskirkja og þing-
húsið. Margrétarbrú, Buda hæðirnar,
Mattheusarkirkjan, Gellert hæð og
Citadellan. Hálfur dagur. Leiðsögn
með íslenskum fararstjórum Heims-
ferða. Verð kr. 1.900 á mann
Sigling á Dóná með kvöldverði
Innifalið í verði: Sigling, matur, hálf
flaska af víni, skemmtiatriði.
Verð kr. 4.900.
Szentendre
Undurfagur bær við Dóná um klukku-
stundarakstur frá Budapest. Í dag er
bærinn einna líkastur lifandi safni.
Fjöldi listamanna hefur sest þar að.
Húsin eru áberandi litrík og verslanir,
vinnustofur og söfn setja svip sinn á
bæinn. Haldið til baka síðdegis með
rútu. Um 6 klst. ferð. Verð kr. 2.400.
„HAGFRÆÐINGAR hafa í gegnum
tíðina verið of samdauna stjórnmál-
um,“ voru orð Þorvaldar Gylfasonar
hagfræðings í pallborðsumræðum á
málþingi sem Hagfræðistofnun og
Sagnfræðistofnun héldu í tilefni út-
gáfu bókarinnar Frá kreppu til við-
reisnar. Bókin, sem kom út fyrir síð-
ustu jól, hefur að geyma sjö ritgerðir
hag- og sagnfræðinga um tímabilið
1930–1960 þegar gjaldeyris- og inn-
flutningshöft voru við lýði hér á landi.
Jónas H. Haralz ritstýrði bókinni en
Ásgeir Jónsson hagfræðingur og
Helgi Skúli Kjartansson sagnfræð-
ingur voru frummælendur á mál-
þinginu. Stjórn málþingsins var í
höndum Sigurðar Snævarr.
Danir fegnir að losna við okkur
Í erindi sínu kallaði Ásgeir tímann
frá 1930 til 1960 „myrkt tímabil“ í
hagsögu Íslands. Hann kastaði því
fram að miðað við þær hagstjórnar-
aðferðir sem voru við lýði væri líklegt
að Danir hefðu verið fegnir að losna
við okkur Íslendinga af sínu framfæri
árið 1944. Ásgeir nefndi að þróun
þjóðhagfræðikenninga hefði verið
stutt á veg komin á þessum tíma og
því hafi ekki verið kenningarlegur
grunnur til að takast á við kreppuna.
Hann sagði Landsbanka Íslands ekki
hafa verið í stakk búinn til að takast á
við hlutverk seðlabanka 1927. Bókin
bendi á það hversu óeðlilegur fjár-
magnsmarkaður hér á landi hafi ver-
ið, útlán hafi aukist mikið í kringum
stríðið og gjaldeyrisvarasjóðir tæmd-
ust. Landsbankinn hafi ekki haft bol-
magn til að takast á við gjaldeyris-
þurrðina og því hafi bankinn í raun
neyðst til að biðja stjórnvöld um að
setja á höft.
Rík þjóð sem skammtaði matinn
Íslendingar gengu mun lengra í
haftastefnu en flestar aðrar þjóðir og
Ásgeir sagðist telja það hafa nokkuð
að gera með þjóðareinkenni Íslend-
inga, þrjóskuna. Hann segir ljóst að
Íslendingar hefðu getað snúið fyrr
frá haftastefnunni en raun bar vitni
en það sé athyglisvert að sjá hversu
lengi haldið var í hana, án sjáanlegrar
ástæðu. „Við erum orðin ein ríkasta
þjóðin í Evrópu eftir stríðið en
skömmtum samt matinn. Við kom-
umst í samband við helstu markaðs-
þjóð heims, Bandaríkin, en höftin
jukust bara meira.“
Ásgeir sagði bókina vera gott yf-
irlit yfir tímabilið en spurningunni
um af hverju höftin voru tekin upp þó
enn ósvarað.
Lærdóminn sem draga megi af
bókinni og þessu tímabili í hagsögu
Íslendinga telur Ásgeir vera að Ís-
lendingar skuli varast að hugsa um
sig sem eyland. Mikilvægt sé að við
útilokum okkur ekki frá öðrum þjóð-
um og ef ákveðið verður að taka upp
fastgengisstefnu þá verði það að vera
byggt á samvinnu við önnur lönd.
„Við verðum að sjá okkar efnahags-
mál í samhengi við aðrar þjóðir.“ Þá
sagðist Ásgeir telja mikilvægt að virk
umræða fari fram um hagfræði og
viðskipti en að hún sé óháð stjórn-
völdum.
Helgi Skúli Kjartansson sagðist
telja bókina mikilvægt framlag til ís-
lenskrar hagsögu. Hann benti á að at-
hyglisvert væri hversu breiður hópur
fræðimanna leggur til ritgerðir í bók-
ina. Þrír þeirra; Jónas H. Haralz, Jó-
hannes Nordal og Bjarni Bragi Jóns-
son væru í raun hluti af söguefninu og
heimildamenn um hagstjórn á Íslandi
á umræddu tímabili. Hinir fjórir
fræðimennirnir sem eiga ritgerðir í
bókinni eru Guðmundur Jónsson,
Magnús Sveinn Helgason, Valur
Ingimundarson og Þórunn Klemens-
dóttir.
Í sínu erindi sagði Helgi að þessir
þrír áratugir skeri sig úr hagsögunni
fyrir þær sakir að þá hefði hagkerfinu
í raun verið stjórnað „út frá brjóstviti
og með handafli“, eins og hann orðaði
það. Þegar kreppan skall á hafi fyrst
þurft að beita hagstjórn að einhverju
marki og þá hefði það verið gert með
því að beita sértækum aðgerðum
fremur en almennum efnahagsað-
gerðum eins og síðar varð.
Í umræðum að framsöguerindum
loknum var ljóst að fundarmenn voru
sammála um að það skyldi vera
keppikefli í hagstjórn Íslands að láta
söguna ekki endurtaka sig.
Hagfræðingar samdauna
stjórnmálum
Þorvaldur Gylfason sagðist telja
slæmt ef hagfræðingar töluðu máli
stjórnvalda. „Hagfræðingar hafa í
gegnum tíðina verið of samdauna
stjórnmálum. Þetta hefur bitnað á
hagstjórn og kjörum almennings í
landinu,“ sagði Þorvaldur og beindi
þeirri spurningu til Jónasar H. Har-
alz hvort hagfræðingar sem komu að
hagstjórn á tímum hafta hefðu ekki
verið undir miklum áhrifum stjórn-
valda. „Við höfðum ekki nokkra ein-
ustu trú á stjórnmálamönnum á þess-
um tíma,“ sagði Jónas og uppskar
hlátur viðstaddra. Hann sagði stjórn-
málamenn ekki hafa reynt að hafa
áhrif á viðhorf eða kenningar hag-
fræðinga á þessum tíma. Hagfræð-
ingarnir hafi þó ekki haft nein völd og
það hafi skilið á milli þeirra og þeirra
sem héldu um stjórnartaumana.
Hagkerfi á ekki að
stjórna með handafli
Sérfræðingar um
hagfræði og sagnfræði
ræddu íslenska hag-
stjórn á tímabilinu
1930–1960 á mál-
þingi sem Eyrún
Magnúsdóttir sat
á laugardag.
Morgunblaðið/Kristinn
„Við höfðum ekki nokkra einustu trú á stjórnmálamönnum,“ sagði Jónas
H. Haralz um haftaárin á málþingi í Odda á laugardag. Arnór Sighvatsson,
Jónas H. Haralz, Sigurður Snævarr, Þorvaldur Gylfason og Guðmundur
Jónsson tóku þátt í fjörugum pallborðsumræðum.
eyrun@mbl.is