Morgunblaðið - 17.03.2003, Blaðsíða 14

ERLENT
14 MÁNUDAGUR 17. MARS 2003 MORGUNBLAÐIÐ
LAGT var til í gær að Zoran Zivko-
vic, traustur bandamaður Zorans
Djindjic, forsætisráðherra Serbíu,
sem ráðinn var af dögum í síðustu
viku, tæki við embætti forsætisráð-
herra, að því er haft var eftir emb-
ættismönnum. Zivkovic hét því að
halda áfram umbótastefnu Djindjic í
Serbíu, og ítrekaði að „pólitískur
stöðugleiki sé nauðsynlegur“ í land-
inu.
„Við verðum að nýta þetta tæki-
færi fyrir Serbíu, ekki fyrir okkur
sjálfa eða okkar flokk,“ sagði Zivko-
vic, sem er 42 ára. „Við lítum á Serb-
íu sem leiðandi afl á Balkanskaga,
framtíðaraðildarríki í Evrópusam-
bandinu, ríki með sterkar, lýðræð-
islegar stofnanir.“ Hét Zivkovic enn-
fremur að halda áfram samstarfi
Serbíu við stríðsglæpadómstól Sam-
einuðu þjóðanna.
Serbneska þingið þarf að sam-
þykkja skipan nýs forsætisráðherra,
og er þess vænst að atkvæðagreiðsla
um Zivkovic geti farið fram í vik-
unni.
Fréttaskýrendur segja að þótt
hann njóti almennra vinsælda og
stuðnings umbótasinna muni Zivko-
vic þurfa hjálp frá fjölda sérfræð-
inga, taki hann við forsætisráð-
herraembættinu. Hann mun einnig
taka við formannshlutverkinu í
Demókrataflokknum, sem hefur for-
ystuna í samsteypustjórninni, uns
flokksþing verður haldið á næsta
ári.
Átján flokkar eiga aðild að stjórn-
inni, og hafa verið deilur meðal
þeirra undanfarið. Enginn flokk-
anna, fyrir utan Demókrataflokkinn,
nýtur mikils fylgis.
Orðhvass og viljasterkur
Zivkovic er sagður orðhvass
stjórnmálamaður, viljasterkur og
staðráðinn í að auka samvinnu við
Vesturlönd. Haft hefur verið eftir
honum að „stjórnmálamaður verði
að vera svartur eða hvítur, alls ekki
grár, fólk treystir ekki þannig
manni“.
Hann gekk í Demókrataflokkinn
1990, og eftir að Slobodan Milosevic,
fyrrverandi forseti, var hrakinn frá
völdum í október 2000 varð Zivkovic
varaformaður flokksins. Hann er
hagfræðingur að mennt og nýtur
gífurlegra vinsælda í heimabæ sín-
um, Nis, sem er þriðji stærsti bær-
inn í Serbíu. Hann hafði engan
áhuga á því að sýna meðreiðarsvein-
um Milosevic linkind.
„Þeir eru hreinræktuð illmenni,
og þeir sýna sífellt fram á það, dag
eftir dag. Þess vegna hika ég ekki
við að láta til skarar skríða. Það er
það eina sem vit er í.“
Ganga enn lausir
Serbneska lögreglan segist hafa
handtekið 187 manns í tengslum við
rannsókn morðsins, þ. á m. einn af
23 meintum leiðtogum samtakanna
sem talin eru hafa staðið að morð-
inu. En þeir tveir menn, sem helst
eru grunaðir, ganga enn lausir. Ann-
ar þeirra er fyrrverandi yfirmaður
sérsveita lögreglunnar í stjórnartíð
Slobodans Milosevic.
Djindjic var borinn til grafar á
laugardaginn og gengu hundruð
þúsunda syrgjenda þögul um götur
Belgrad. Margir lögðu blóm og
kveiktu á kertum við gröf hans.
Dagblaðið Danas sagði í fyrirsögn á
sérútgáfu sinni í gær: „Vertu sæll,
serbneski Kennedy.“
Zivkovic líklegur
eftirmaður Djindjic
Heitir því að
halda umbóta-
stefnunni áfram
Belgrad. AFP.
AP
Zoran Zivkovic við mynd af Zoran Djindjic á fundi miðstjórnar Demókrataflokksins í gær.
SAGAN um vatnakarfann talandi
hefur farið eins og eldur í sinu
meðal hasídagyðinga um allan
heim, og nýverið rataði hún á síð-
ur The New York Times. Sumir
kalla þetta kraftaverk, aðrir segja
þetta skemmtisögu sem Isaac
Bashevis Singer hefði getað verið
hreykinn af. Sagan á upptök sín,
að því er blaðið segir, í litlum bæ
um 50 km norðvestur af Manhatt-
an, þar sem búa um sjö þúsund
meðlimir Skver-safnaðar hasída-
gyðinga.
Það voru tveir fisksalar sem
heyrðu, að því er sagan segir, fisk-
inn mæla af munni fram heims-
endaspá, og hann talaði hebresku.
Zalmen Rosen, 57 ára hasídi sem
á ellefu börn, og Luis Nivelo, þrí-
tugur innflytjandi frá Ekvador,
ætluðu að slátra fiskinum og selja
hann, um klukkan hálffimm síð-
degis, 28. janúar sl., þegar hið
meinta kraftaverk átti sér stað.
Nivelo, sem er ekki gyðingur,
tók fiskinn lifandi upp úr kassa og
ætlaði að rota hann. Þá fór fisk-
urinn að tala. Nivelo skilur ekki
hebresku, en honum var mjög
brugðið, engu að síður. Hann leit í
kringum sig til að ganga úr
skugga um að enginn væri að
mæla fyrir munn fisksins, og svo
sótti hann í ofboði Rosen sem var
frammi í búðinni að tala í símann.
„Fiskurinn talar!“ æpti Nivelo
og reif Rosen úr símanum. „Ég
hrópaði: Þetta er djöfullinn! Djöf-
ullinn er hérna! En Zalmen sagði
að ég væri brjálaður,“ hefur The
New York Times eftir Nivelo.
Rosen segist svo frá, að þegar
hann nálgaðist fiskinn hafi fiskur-
inn byrjað að gefa fyrirskipanir og
aðvaranir á hebresku. „Hann
sagði: Tzaruch Shemirah og Has-
of Bah, sem þýðir eiginlega að all-
ir verði að standa reikningsskil
gerða sinna vegna þess að enda-
lokin séu nærri,“ sagði Rosen.
Síðan skipaði fiskurinn Rosen
að leggjast á bæn og lesa helgirit
gyðinga og kynnti sig sem sál has-
ídagyðings úr bænum sem lést í
fyrra. Maðurinn hafði oft keypt
vatnakarfa af Rosen. Rosen varð
hræddur og reyndi að slátra fisk-
inum með sveðju, en fiskurinn
spriklaði svo mikið að Rosen end-
aði með því að höggva fingur af
sjálfum sér. Fiskurinn hvarf aftur
ofan í kassann, en Nivelo náði að
slátra honum og seldi hann.
Hvort sem sagan er sönn eður
ei er hún í samræmi við þá trú
sumra hasídasöfnuða að fólk geti
endurholdgast í líki fiska. En það
eru ekki allir sem trúa þessu.
„Hlustiði nú á mig. Aðeins börn
taka þetta trúanlegt,“ sagði C.
Meyer, rabbíni í bænum. „Þetta
er eins og saga um fljúgandi
furðuhluti. Mér er alveg sama
þótt allir séu að tala um þetta.“
Og Rosen er búinn að fá alveg
nóg af sögunni um fiskinn talandi.
„Æi hættum nú að tala um þennan
fisk,“ sagði hann þegar The New
York Times hafði fyrst samband
við hann. „Ég vildi að ég hefði
aldrei minnst á þetta. Það hringir
fjöldi manns í mig á hverjum degi.
Frá Ísrael, London, Miami,
Brooklyn. Allir vilja heyra um tal-
andi fiskinn.“
„Fiskurinn
talar!“
NÝLEGA barst inn á skrifstofu
kirkjugarðs í Massachusetts sím-
reikningur og var hann stílaður á
mann, David Towles, sem þar var
grafinn fyrir fimm árum.
Yfirmaður garðsins, Wayne
Bloomquist, segist hafa orðið
mjög hissa er hann sá reikninginn
og það með þessu heimilisfangi.
Var reikningurinn upp á 12 sent
og þar af 10 fyrir símtal, sem
dagsett var í febrúar sl., fimm ár-
um eftir dauða Towles. Þegar
haft var samband við símafyr-
irtækið, sagði sá, sem varð fyrir
svörum, að hann væri til í að
geyma reikninginn og láta hann
ekki fara lengra að sinni. „Annars
er hætta á, að lánstraust herra
Towles skaðist,“ sagði hann.
Rukkað
út yfir gröf
og dauða
Auburn. AP.
JÓHANNES Páll páfi sagði í gær, er
hann flutti blessunarorð á Péturs-
torginu í Róm, að enn væri tími til að
finna friðsamlega lausn á Íraksdeil-
unni. Sagði hann írösk stjórnvöld
skyldug til að sýna alþjóðasamfélag-
inu samstarfsvilja til að koma í veg
fyrir stríð. Páfi sagði ennfremur, að
þar sem hann hefði upplifað heims-
styrjöldina síðari þætti honum sér
bera skylda til að segja við umheim-
inn: Aldrei aftur stríð.
Reuters
Enn tími til samninga