Morgunblaðið - 17.03.2003, Side 28

FRÉTTIR
28 MÁNUDAGUR 17. MARS 2003 MORGUNBLAÐIÐ
FRÆÐSLUMIÐSTÖÐ Reykjavíkur
hefur gefið út bækling fyrir erlenda
foreldra grunnskólabarna á 12
tungumálum. Bæklingurinn er liður
í að bæta þjónustu við erlenda nem-
endur í grunnskólum og foreldra
þeirra en í Reykjavík eru tæp 600
börn í grunnskólum sem hafa annað
tungumál en íslensku að móðurmáli.
Friðbjörg Ingimarsdóttir,
kennsluráðgjafi nýbúafræðslu
Fræðslumiðstöðvar Reykjavíkur,
sagði afar mikilvægt að taka vel á
móti þessum börnum. Oft hafi þau
ólíkan bakgrunn. Þar af leiðandi
eru foreldrar þeirra oft óöryggir á
mörgum sviðum. Til dæmis vita þeir
oft á tíðum ekki hvort börnin þurfa
að koma með nesti í skólann eða
hvort þau eigi að fara út í frímín-
útur.
Finnst nánd milli kennara og
nemenda oft óþægileg
„Það kemur foreldrunum oft á
óvart hversu ólíkt skólakerfið er því
sem þau þekkja,“ sagði Friðbjörg.
Hún sagði að mörgum þætti sú nánd
sem ríkir milli nemenda og kennara
á Íslandi óþægileg í fyrstu en þegar
foreldrar kynnast henni betur verða
þeir mjög ánægðir. Friðbjörg sagði
einnig að áherslur í náminu hér
væru oft aðrar en þær sem þeir eru
vanir. Auk þess væri mikilvægt fyr-
ir foreldrana að læra íslensku til að
geta stutt við börn sín. „Öll börn á
aldrinum 9–15 ára fara í móttöku-
deildir sem eru við þrjá skóla í
Reykjavík,“ sagði Friðbjörg. Hún
sagði 6–8 ára nemendur fara beint í
venjulega bekki þar sem þau fá sér-
stakan stuðning og aukna íslensku-
fræðslu. „Það skiptir einnig ótrú-
lega miklu máli að börnin komist í
lengda skólavist því þar læra þau
leikmálið og líkamsmálið. Það er
svo mikilvægt upp á alla félags- og
tungumálafærni að þau komist sem
fyrst í félagsskap og byggi upp
tengslanet.“
Upplýsingabæklingurinn fékk
styrk úr Jöfnunarsjóði sveitarfélaga
auk þess sem haft var samráð við
ýmsa aðila sem koma að málefnum
útlendinga og túlkaþjónustu Al-
þjóðahúss. Einnig var gefið út ritið
Innritun og móttaka erlendra barna
í grunnskóla Reykjavíkur. Telur
Fræðslumiðstöð lykil að farsælu
samstarfi vera góða móttöku er-
lendra nemenda, sem felur í sér
gagnvirkt upplýsingastreymi. Ritið
er gefið út til að styðja skóla í sam-
starfi við erlenda foreldra.
Bæklingur fyrir foreldra
á 12 tungumálum
Morgunblaðið/Jim Smart
Friðbjörg Ingimarsdóttir, kennslu-
ráðgjafi nýbúafræðslu Fræðslu-
miðstöðvar Reykjavíkur, kynnti
nýjan kynningarbækling sem kem-
ur út á 12 tungumálum.
TENGLAR
..............................................
www.grunnskolar.is
www.ahus.is
HALDIN verður í Reykjavík á
morgun, þriðjudag, námstefna um
kvennaheilsu. Verða þar fluttir fyr-
irlestrar um efni eins og konur og
kransæðasjúkdómar, beinvernd,
um hormóna og um sjúkdóma
kvenna í bókmenntum. Í næsta
mánuði verður keimlík námstefna
um karlaheilsu.
Lionshreyfingin á Íslandi stend-
ur fyrir námstefnunum sem ætl-
aðar eru almenningi. Í fyrra hélt
hreyfingin námstefnu um karla-
heilsu sem var vel sótt og var því
ákveðið að efna til annarrar um
það efni.
Námstefnan á morgun fer fram í
Norræna húsinu og á að standa
milli kl. 16.30 og 18.15. Þórunn
Gestsdóttir, varaumdæmisstjóri
Lions, setur hana en fundarstjóri
er Katrín Fjeldsted alþingismaður
og heimilislæknir.
Fyrsta erindið flytur Halldóra
Björnsdóttir hjartalæknir og nefn-
ist erindi hennar konur og krans-
æðasjúkdómar. Hildur Thors heim-
ilislæknir fjallar um beinvernd og
forvarnir og Bryndís Benedikts-
dóttir heimilislæknir fjallar um
kosti og galla hormónameðferðar á
breytingaskeiði. Lokaerindið flytur
Katrín Fjeldsted og ræðir hún um
sjúkdóma kvenna í bókmenntum.
Námstefnan um karlaheilsu
verður haldin þriðjudaginn 8. apríl
í Norræna húsinu.
Námstefna
um kvenna-
heilsu
HEIMIR Már Pétursson, fram-
kvæmdastjóri og einn stofnenda
Hinsegin daga í Reykjavík, hefur
verið valinn varaforseti InterPride
en það eru heimssamtök borga sem
halda hinsegin hátíðir (Gay Pride).
Á hverju ári sækja um 20 milljónir
manna þær 120 Pride-hátíðir sem
eiga aðild að InterPride og eru
borgirnar í 24 löndum í sex heims-
álfum.
Hinsegin dagar í Reykjavík hafa
verið aðilar að InterPride frá árinu
1999 og í fyrra sóttu yfir 30 þúsund
manns hátíðina. Á heimsþingi Int-
erPride, síðasta haust var sam-
þykkt að heimsþing samtakanna ár-
ið 2004 færi fram í Reykjavík.
Heimir Már
varaforseti
InterPride
STÆRÐFRÆÐIKEPPNI Mennta-
skólans við Sund fór fram í fimmta
sinn fyrir stuttu. Menntaskólinn við
Sund hefur staðið að þessari keppni
undanfarin 5 ár í samvinnu við Flens-
borgarskóla og grunnskóla á höfuð-
borgarsvæðinu. Skráðir til keppni
voru 390 grunnskólanemendur í 8., 9.
og 10. bekk úr 12 grunnskólum.
Verðlaunaafhending fór fram við
hátíðlega athöfn í Menntaskólanum
við Sund miðvikudagskvöldið 12.
mars síðastliðinn. Úrslit keppninnar
urðu sem hér segir:
8. bekkur: 1.–3. Arna Pálsdóttir
Árbæjarskóla, 1.–3. Kolbrún Þor-
finnsdóttir, Laugalækjarskóla, 1.–3.
Viktor Orri Valgarðsson Seljaskóla,
4. Bjarni Þór Árnason Varmárskóla,
5. Brynja Xiang Jóhannsdóttir Voga-
skóla, 6. Ásgeir Jónasson; Árbæjar-
skóla, 7. Ragna Sigríður Bjarnadótt-
ir Laugalækjarskóla, 8.–9. Arnar
Freyr Aðalsteinsson Árbæjarskóla,
8.–9. Hreindís Ylva Garðarsdóttir
Varmárskóla, 10. Olga Rún Krist-
jánsdóttir Varmárskóla.
9. bekkur: 1. Bryndís Bjarkadóttir
Laugalækjarskóla, 2. Hlynur Páls-
son Varmárskóla, 3. Kristleifur Guð-
jónsson Réttarholtsskóla, 4. Jón
Benediktsson Háteigsskóla, 5. Bald-
vin Ingi Gunnarsson Réttarholts-
skóla, 6.–7. Hafsteinn Einarsson
Foldaskóla, 6.–7. Mikkjel T. Trönnes
Háteigsskóla, 8. Hanna Valdís Halls-
dóttir Árbæjarskóla, 9.–10. Elísabet
Kemp Stefánsdóttir Árbæjarskóla,
9.–10. Lilja Kjartansdóttir Varmár-
skóla.
10. bekkur: 1. Hilmar Jónsson
Réttarholtsskóla, 2. Kristín Magnús-
dóttir Árbæjarskóla, 3. Bryndís
Björk Ásmundsdóttir Hólabrekku-
skóla, 4.–5. Jóhanna Sigmundsdóttir
Árbæjarskóla, 4.–5. Miriam Laufey
Gerhardsdóttir Hólabrekkuskóla, 6.
Helga Kristjana Bjarnadóttir
Laugalækjarskóla, 7. Hrafnhildur
Héðinsdóttir Háteigsskóla, 8. Kjart-
an Þór Birgisson Varmárskóla, 9.
Guttormur Þorsteinsson Laugalækj-
arskóla, 10.–11. Máni Bernharðsson
Varmárskóla, 10.–11. Þóra Sigurðar-
dóttir Háteigsskóla.
Verðlaunahafarnir í 10 efstu sæt-
unum í hverjum aldursflokki fengu
viðurkenningarskjöl frá skólanum og
glæsilegar Casio-reiknivélar. Þá
voru vegleg peningaverðlaun veitt
fyrir efstu þrjú sætin í hverjum ald-
ursflokki auk þess sem skólinn veitti
þremur efstu nemendunum í 10.
bekk sérstök verðlaun.
Fjölmargir nemendur sem tóku
þátt í keppninni voru að taka þátt í
annað og þriðja sinn. Níu af verð-
launahöfum þessa árs hafa áður ver-
ið á verðlaunapalli í þessari keppni
og af því tilefni voru þeir kallaðir
fram til að veita móttöku sérstökum
verðlaunum, segir í fréttatilkynn-
ingu.
Stærðfræðikeppni Menntaskólans við Sund fyrir grunnskólanemendur.
Nærri 400 nemendur
í stærðfræðikeppni
Í TENGSLUM við brúðkaupssýn-
inguna Já, sem haldin var í Smára-
lind dagana 7.–9. mars sl., var efnt
til brúðkaupsleiks fyrir verðandi
brúðhjón. Hægt var að skrá nöfn
brúðhjóna á sérstaka þátttöku-
seðla sem birtir voru í blaðinu
Brúðkaup, sem fylgdi Morgun-
blaðinu, og skila þeim á sýning-
unni. Vinningarnir voru fjölmargir
og voru dregin út nöfn níu hepp-
inna para sem fyrirhuga brúðkaup
á næstunni:
Ein nótt á Icelandair-hóteli að
eigin vali fyrir tvo í tveggja manna
herbergi með morgunverðarhlað-
borði, í boði Icelandair Hotels:
Linda G. Sigurjónsdóttir og Ingv-
ar Guðjónsson, Fljótaseli 24, 109
Reykjavík.
Borðbúnaður að eigin vali fyrir
25.000 krónur frá versluninni Lífi
og list: Guðrún Hafliðadóttir og
Edgar Smári Atlason, Akurgerði
10, 108 Reykjavík.
Ávísun sem gildir sem 25% af-
sláttur af veisluföngum frá veislu-
þjónustunni Kokkunum: Bryndís
Rut Jónsdóttir og Jón Brynjar
Birgisson, Stigahlíð 30, 105
Reykjavík.
Fjögurra manna Imperial Flair
Platinum-matar- og kaffistell frá
versluninni Kristal og postulíni:
Ásta Svandís Jónsdóttir og Þór-
arinn Ásmundsson, Mánatröð 14,
700 Egilsstöðum.
Allur búnaður og hráefni sem
þarf í eina lögun af rauðvíni, frá
Ámunni: Svava Skaftadóttir og
Abi Giddings, 21/1 Lily Avenue
Jayanthipura, Battaramulla, Sri
Lanka.
Merktur hringapúði, áletrað
kerti og slaufur á bílinn, frá versl-
uninni Völusteini: Inga Birna
Bernburg og Troy Vickers, Aust-
urbergi 18, 111 Reykjavík.
Áletruð glös með slaufuskreyt-
ingu og „hjónabandi“, frá Merkt
ehf.: Linda Rós Magnúsdóttir og
Guðmundur Árni Sigfússon,
Frostafold 6, 112 Reykjavík.
Tveir englar að verðmæti
10.500, frá IESS Járngalleríi:
Hulda Sif Þorsteinsdóttir og Er-
lendur Þór Gunnarsson, Laufás-
vegi 18a, 101 Reykjavík.
Pilgrim-skartgripir fyrir brúð-
ina að verðmæti 5.000 kr., frá IS-
IS: Þóra Kristín Steinarsdóttir og
Daði Júlíus Agnarsson, Rauða-
gerði 10, 108 Reykjavík.
Morgunblaðið þakkar öllum
þeim sem tóku þátt í leiknum um
leið og við óskum hinum heppnu til
hamingju og vonum að vinning-
arnir komi sér vel þegar kemur að
stóra deginum. Gjafabréf verða
send til vinningshafa.
Vinnings-
hafar í brúð-
kaupsleik
Á LANDSPÍTALA–háskóla-
sjúkrahúsi hefur verið skipuð
nefnd um þróun verkjameð-
ferðar, í samræmi við tillögur
nefndar á vegum fram-
kvæmdastjóra lækninga og
hjúkrunar um að stofnuð verði
þverfagleg verkjamiðstöð á
sjúkrahúsinu. Ætlunin er að
verkjamiðstöðin verði staðsett
á göngudeildinni G-3 í Foss-
vogi.
Í fréttatilkynningu segir að
verkefni nefndarinnar séu m.a.
að móta framtíðarsýn fyrir
starfsemi tengda verkjameð-
ferð sjúklinga á spítalanum,
vinna að auknu samstarfi
þeirra sem annast verkjameð-
ferð innan spítalans sem utan,
vinna að bættu skipulagi og
þjónustu við verkjameðferð á
LSH og setja fram tillögur um
kennslu- og rannsóknarhlut-
verk þessa sérsviðs innan
sjúkrahússins.
Nefndinni er ætlað að starfa
a.m.k. til áramóta 2004–2005
en þá munu störf hennar og
framtíð verða endurmetin.
Beðið er um áfangaupplýsing-
ar frá nefndinni 1. nóvember
2003 og 1. júní 2004.
Segir að verkjameðferð sé
vaxandi þjónustugrein innan
nútíma heilbrigðiskerfis.
Margir sjúklingar með lang-
vinna verki verði best með-
höndlaðir af teymi sérfræðinga
þar sem mikilvægi líkamlegra,
andlegra og félagslegra þátta
verði best nálgast. Í mörgum
rannsóknum hafi verið sýnt
fram á að þverfagleg verkja-
meðferð gefi mun betri árang-
ur til lengri tíma litið þegar um
sjúklinga með flókna verki er
að ræða.
Verkjamið-
stöð verði
stofnuð
á LSH
♦ ♦ ♦