Morgunblaðið - 17.03.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 17. MARS 2003 C 3
ARNAR Grétarsson skoraði tvö fyrstu mörk Lokeren
sem vann stórsigur á Gent, 5:1, í belgísku 1. deildinni í
knattspyrnu á laugardagskvöldið. Arnar hefur þar
með skorað 13 mörk fyrir Lokeren í deildinni í vetur.
Marel Baldvinsson gerði eitt markanna, sitt fyrsta eftir
að hann gekk til liðs við Lokeren. Rúnar Kristinsson og
Arnar Þór Viðarsson voru einnig í liði Lokeren að
vanda.
Lokeren er í harðri baráttu um sæti í meistaradeild
Evrópu en er þó 15 stigum á eftir toppliði Club Brugge.
Þó er það samdóma álit knattspyrnusérfræðinga að
Lokeren leiki skemmtilegustu knattspyrnuna í deild-
inni og það fengu áhorfendur að sjá í leiknum við Gent
þar sem hinir leiknu leikmenn Lokeren lögðu sig alla
fram um að sýna hvernig leika eigi knattspyrnu.
Strax á 2. mínútu skoraði Arnar úr vítaspyrnu eftir
að Rúnar Kristinsson tók hornspyrnu og Bangoura var
togaður niður í vítateignum. Arnar kom Lokeren síðan
í 2:1 með glæsilegu skoti í bláhornið eftir góðan sam-
leik við Rúnar Kristinsson. Arnar hefur trúlega aldrei
verið betri en nú og hann var langbesti maður vallarins
í fyrri hálfleik en á fyrstu mínútu þess síðari meiddist
hann og haltraði af leikvelli.
Rúnar Kristinsson fór aftur á miðjuna í stað Arnars
og lék þar eins og honum einum er lagið. Rúnar lagði
upp þriðja markið fyrir Bangoura, Marel skoraði
fjórða markið með góðu skoti rétt innan vítateigs eftir
að skot frá Bangoura var varið. „Loks kom markið sem
allir biðu eftir,“ kallaði þulurinn á leikvangi Lokeren.
Bangoura bætti fimmta markinu við og skömmu fyrir
leikslok fékk Rúnar heiðursskiptingu, við dynjandi
lófatak áhorfenda sem hrópuðu „Kristinsson, Krist-
insson“.
Arnar Þór Viðarsson, fyrirliði Lokeren, sem fagnaði
24 ára afmæli sínu á laugardag, vann geysilega vel all-
an leikinn á miðjunni hjá Lokeren.
Arnar með tvö og
Marel eitt í stórsigri
Morgunblaðið/RAX
Arnar Grétarsson
■ Úrslit, staða /C11
UNGA kynslóðin hélt uppi merk-
inu hjá Frömurum þegar þeir
gerðu jafntefli, 2:2, við KA í
deildabikarkeppninni í knatt-
spyrnu á Akureyri á laugardag-
inn. Kvöldið áður höfðu Framarar
tapað, 2:1, fyrir Þór en báðir leik-
irnir fóru fram í Boganum. Þrátt
fyrir að Akureyrarferðin skilaði
Frömurum aðeins einu stigi eru
þeir áfram efstir í A-riðli keppn-
innar en Þórsarar standa þó best
að vígi, hafa unnið alla þrjá leiki
sína. KA fékk hinsvegar sitt
fyrsta stig á laugardaginn.
„Elsti útispilarinn í byrjunarlið-
inu hjá mér gegn KA var fæddur
1979. Ég notaði marga leikmenn í
þessum tveimur leikjum og þetta
var gott tækifæri til að gefa yngri
strákunum tækifæri, sem þeir
nýttu vel. KA var betri aðilinn í
fyrri hálfleik en við í þeim síðari,“
sagði Kristinn Rúnar Jónsson,
þjálfari Fram eftir leikinn.
Stefán Þór Eyjólfsson, 18 ára,
kom Fram yfir eftir 20 mínútna
leik en Örvar Eiríksson jafnaði
tveimur mínútum síðar. Hreinn
Hringsson skoraði fyrir KA, 2:1, í
byrjun síðari hálfleiks en 16 ára
piltur, Helgi Ólafur Axelsson, sem
lék sinn fyrsta meistaraflokksleik
fyrir Fram, jafnaði um miðjan
hálfleikinn.
Kristinn sagði að margir leik-
menn Fram sem hafa verið
meiddir væru að tínast inn í hóp-
inn á ný. „Reykjavíkurmótið var
okkur erfitt, við spiluðum þrjá
leiki á einni viku og misstum
marga í meiðsli en þetta er allt að
koma og þeir Ragnar Árnason og
Kristinn Tómasson voru aðeins
með í Akureyrarferðinni,“ sagði
Kristinn Rúnar.
Framstrákarnir gerðu
jafntefli við KA
■ Staðan /C10
SVETLANA Feofanova frá Rúss-
landi endurheimti heimsmetið í
stangarstökki kvenna á heims-
meistaramótinu í frjálsíþróttum
innanhúss í Birmingham í gær þeg-
ar hún stökk yfir 4,80 metra. Met-
stökkið kom í annarri tilraun og
var þetta eina heimsmetið sem sett
var á mótinu. Gamla metið, 4,78
metra, átti Stacy Dragila frá
Bandaríkjunum, sem komst ekki í
úrslitakeppnina í Birmingham.
Hálfur mánuður er liðinn síðan
Dragila setti sitt met en þá bætti
hún met Feofanovu um einn sentí-
metra. Feofanova var öruggur sig-
urvegari í stangarstökki en landa
hennar, Jelena Isinbajeva, varð
önnur með 4,60 metra. Monika Pyr-
ek frá Póllandi varð þriðja, hún
stökk 4,45.
var besta grein Jóns í þrautinni.
Hann hafnaði í öðru sæti í stangar-
stökkinu og náði sér upp í þriðja sæt-
ið samanlagt, en aðeins munaði fjór-
um stigum samanlegt á honum og
Sebrle eftir stangarstökkið þar sem
Sebrle náði sínum besta árangri á
ferlinum, stökk 5 metra.
Þar með var ljóst að keppnin um
bronsið stæði á milli Jóns og Sebrle
þegar kom að síðustu greininni. Þeir
voru svo gott sem jafnir, fjögurra
stiga forskot er það sama og menn
séu jafnir, forskotið svaraði aðeins til
um þriðjungi úr sekúndu.
Þriðja besta þrautin á ferlinum
Árangur Jóns Arnars í þrautinni í
Brimingham, 6.185 stig, er sá þriðji
besti sem hann hefur náð á ferlinum.
Norðurlandametið, 6.293 stig, setti
Jón á HM fyrir fjórum árum. Þá
fékk Jón Arnar 6.233 stig á HM fyrir
2 árum þegar hann vann bronsverð-
launin. Fjórði besti árangur Jóns í
sjöþraut er 6.170 stig frá 1998.
úr greipum í síðustu grein sjöþrautarinnar á heimsmeistaramótinu í Birmingham
Reuters
Jón Arnar Magnússon fagnaði ógurlega þegar honum varð ljóst að hann hafði komist yfir
fimm metra í stangarstökkinu. Hann fór síðan yfir 5,10 metra en missti af þriðja sætinu í
1.000 metra hlaupinu þannig að munaði 11 stigum þegar upp var staðið eftir sjö greinar.
Ljósmynd/Gordons Förlag
Þórey Edda náði sér ekki á strik í stangarstökkinu á HM í Birm-
ingham, en hér er hún samt hátt yfir ránni í einu stökka sinna.
Reuters
Jón Arnar Magnússon er hér vel yfir ránni í hástökkskeppninni í
sjöþrautinni á heimsmeistaramótinu í Birmingham á laugardaginn.
Heimsmetið endurheimt