Morgunblaðið - 17.03.2003, Blaðsíða 4
KNATTSPYRNA
4 C MÁNUDAGUR 17. MARS 2003 MORGUNBLAÐIÐ
JUVENTUS og Inter unnu örugga
sigra í ítölsku 1. deildinni um
helgina og nú blasir við einvígi
þeirra um meistaratitilinn þegar
níu umferðum er ólokið. Juventus
er þremur stigum á undan Inter en
AC Milan sem lengi var líklegt til
afreka er nú átta stigum á eftir Ju-
ventus þar sem liðið gerði aðeins
jafntefli, 0:0, við Reggina. Þar lék
Paolo Maldini, fyrirliði AC Milan,
sinn 500. deildaleik.
Pavel Nedved skoraði tvívegis
fyrir Juventus sem sigraði Modena,
3:0, á laugardaginn. Toppliðið hafði
þó heppnina með sér því mark, sem
við nánari skoðun reyndist full-
komlega löglegt, var dæmt af Mo-
dena rétt áður en Nedved kom Ju-
ventus yfir í leiknum.
Christian Vieri skoraði tvö
marka Inter í 4:0 sigri á botnliðinu
Como í gær. Vieri hefur nú skorað
23 mörk og er markahæstur í deild-
inni og hann hefði getað gert fleiri í
gær því hann nýtti ekki vítaspyrnu
í fyrri hálfleiknum og mark var
dæmt af honum í þeim síðari.
Francesco Toldo, markvörður Int-
er, varði vítaspyrnu frá Nicola Am-
oruso í fyrri hálfleiknum þegar
staðan var 2:0.
Juventus og Inter
halda sínu striki
PETER Ridsdale, knattspyrnu-
stjóri Leeds, segist viss um að ástr-
ölsku landsliðsmennirnir Harry
Kewell og Mark Viduka leiki áfram
með félaginu á næsta tímabili. Rids-
dale segir að viðræður við þá báða
séu á næsta leiti og þeir hafi lýst yfir
vilja sínum til að vera um kyrrt í
röðum Leeds þrátt fyrir mikinn
óróa hjá félaginu í vetur og ljóst sé
að liðið leiki ekki í Evrópukeppni á
næsta tímabili.
HAKAN Sükür, tyrkneski fram-
herjinn hjá Blackburn, var valinn
maður leiksins þegar lið hans lagði
Arsenal á laugardaginn. Það var
fyrsti leikur hans í byrjunarliði
Blackburn en hann fótbrotnaði á
fyrstu æfingu sinni hjá félaginu þeg-
ar hann kom til Englands í desem-
ber.
GRAEME Souness, knattspyrnu-
stjóri Blackburn, kveðst vongóður
um að halda Sükür í sínum röðum
en hann gerði skammtímasamning
við Blackburn eftir að hafa verið
leystur frá störfum hjá Parma á
Ítalíu. Sam Allardyce, knattspyrnu-
stjóri nágrannaliðsins Bolton, er
sagður ákafur í að lokka tyrkneska
sóknarmanninn yfir í sínar raðir.
OLE Gunnar Solskjær, norski
sóknarmaðurinn hjá Manchester
United, fullyrti að félagi sinn Fab-
ian Barthez væri besti markvörður
heims, eftir sigur United á Aston
Villa, 1:0, á laugardaginn. Barthez
átti þá stórleik og varði sérstaklega
vel frá Darius Vassell úr dauðafæri
snemma í leiknum.
SOLSKJÆR sagði að Barthez
hefði verið frábær í allan vetur.
„Hann hefur oft mátt sitja undir
gagnrýni en í okkar augum er hann
sá besti í heiminum,“ sagði Sol-
skjær.
JESPER Grönkjær, danski kant-
maðurinn hjá Chelsea, fékk þungt
högg í andlitið frá félaga sínum,
Carlton Cole, á æfingu fyrir
helgina. Í enskum fjölmiðlum var
sagt að þeir hefðu lent í miklum
slagsmálum í kjölfarið en þeir hafa
nú báðir borið það af sér og segja
fregnir af málinu stórlega ýktar.
EL-HADJI Diouf, leikmaður Liv-
erpool, hefur boðið skoska piltinum
Dominic Schiavone og félaga hans á
síðari leik Celtic og Liverpool í
UEFA-bikarnum á fimmmtudag.
Diouf hrækti á áhorfandann Schiav-
one í fyrri leik liðanna í Glasgow
síðasta fimmtudag og var fyrir vikið
sektaður um tveggja vikna laun,
sem verða látin renna til góðgerð-
armála.
SCHIAVONE, sem er 18 ára, og
félagi hans verða sóttir með bifreið
til Glasgow, munu dveljast í tvo sól-
arhringa í Liverpool og þar mun
Diouf biðja hann formlega afsökun-
ar á atvikinu. Félagarnir munu
njóta allrar bestu fyrirgreiðslu á
Anfield og horfa á leikinn úr við-
hafnarstúku á vellinum.
FÓLK
sigurinn. „Við fengum nokkur færi í
fyrri hálfleik sem okkur tókst ekki að
nýta og því varð þetta erfiðara en það
hefði þurft að vera. Völlurinn var
slæmur og boltinn hoppaði og skopp-
aði um allan völl þannig að það var
erfitt að ná valdi á honum. Ég hefði
við eðlilegar aðstæður skorað annað
mark, en boltinn hoppaði frá mér í
staðinn fyrir að koma til mín þegar ég
fékk frábært færi til að skora fyrr í
leiknum,“ sagði Beckham.
Andy Cole var ekki í leikmanna-
hópi Blackburn þegar liðið tók á móti
Arsenal, en hann og Graeme Souness
lentu í smárifrildi á æfingu fyrir
helgina. „Það er ekkert óalgengt að
menn rífist aðeins. Ég vil að liðið taki
hressilega á á hverri æfingu, æfi af
ákveðni og ástríðu þannig að það sé
tilbúið í alla leiki. Okkur lenti aðeins
saman en við leysum það nú um
helgina,“ sagði Souness um viðskipti
hans og Cole.
Ákafi og ástríða leikmanna Soun-
ess skilaði sér á laugardaginn því sig-
ur Blackburn var sanngjarn og getur
liðið nú státað af því að hafa unnið
Arsenal tvívegis í vetur og United
einu sinni en þau eiga eftir að mætast
öðru sinni.
Lið Arsenal var talsvert breytt frá
því sem það hefur verið lengstum í
vetur. Seaman varð að sætta sig við
að fresta 1.000 deildarleiknum sínum
og Stuart Taylor tók stöðu hans í
markinu. Vieira og Campbell voru
báðir meiddir og ekki lagaðist vörnin
þegar Keown fór meiddur af velli á
18. mínútu.
Newcastle heldur sig ekki langt
undan efstu liðunum, vann góðan 2:0
sigur á Charlton á útivelli og er aðeins
fimm stigum á eftir Arsenal. Fyrirlið-
inn Alan Shearer kom gestunum yfir
með marki úr vítaspyrnu á 33. mín-
útu. Craig Bellamy vann vítaspyrn-
una, var togaður niður í vítateignum
og var Bobby Robson, stjóri þeirra
röndóttu, mjög ánægður með fram-
gang Bellamys í leiknum og sagði
hann tvímælalaust mann leiksins.
„Hann er ótrúlega fljótur og auk
þess sívinnandi, alltaf að reyna að fá
boltann á milli varnarmannanna eða
fyrir aftan þá. Það eru ekki margir
framlínumenn eins og hann nú til
dags og þess vegna finnst okkur
svona vænt um hann,“ sagði Robson
eftir leikinn.
Everton og West Ham gerðu
markalaust jafntefli og geta Hamr-
arnir verið aðeins hamingjusamari
með það en heimamenn í Everton þó
svo bæði lið hefðu viljað þrjú stig,
Everton til að dragast ekki of langt
aftur úr í baráttunni í efri hlutanum
og West Ham til að reyna að koma
sér af fallsvæðinu.
Það stefnir allt í spennandi ogskemmtilegan endasprett í
ensku deildinni. Arsenal er með
tveggja stiga forystu á United og eiga
liðin eftir að mætast á Highbury í
apríl og ekki ólíklegt að sá leikur ráði
miklu um hvaða lið fagnar mest í lok
tímabilsins.
David Beckham gerði eina mark
leiksins, sitt sjöunda á tímabilinu,
þegar United lagði Aston Villa 1:0 og
kom markið á 12. mínútu. Markið
kom eftir sendingu frá Ryan Giggs.
United var sterkari aðilinn í leiknum,
fékk nokkur færi sem nýttust ekki en
aðstæður til að leika knattspyrnu
voru ekki góðar, völlurinn mjög
ósléttur. „Við gerðum okkur þetta
óþarflega erfitt,“ sagði Beckham eftir
Retuers
David Beckham fagnar marki sínu gegn Aston Villa, það reyndist sigurmarkið.
Forysta Arsenal
aðeins tvö stig
MANCHESTER United minnkaði forskot Arsenal í baráttunni um
meistaratitilinn í Englandi um helgina um þrjú stig og hafa meist-
ararnir nú aðeins tveggja stiga forystu. United vann Aston Villa en
Arsenal tapaði öðru sinni í vetur fyrir Blackburn. Newcastle sigraði
einnig og er fimm stigum á eftir Arsenal.
KNATTSPYRNUSTJÓRARNIR Gerard
Houllier hjá Liverpool og Glenn Hoddle
hjá Tottenham sendu hvor öðrum tóninn í
enskum fjölmiðlum í gær eftir að Liver-
pool vann leik liðanna á White Hart Lane
í London, 3:2. Houllier sakaði Maurico
Taricco, argentínska varnarmanninn hjá
Tottenham, um að reyna markvisst að
æsa El-Hadji Diouf, senegalska leikmann-
inn hjá Liverpool upp og kvartaði ítrekað
yfir framkomu hans. Eftir hálftíma leik
var Houllier nóg boðið, gekk til Johns
Gormans, aðstoðarstjóra Tottenham, og
kvaðst ósáttur við það sem ætti sér stað
inni á vellinum, og í leikhléinu kvartaði
hann enn frekar við dómara leiksins.
„Ég reiddist mjög í fyrri hálfleik, en
hvort sem það var með ráðum gert eða
ekki leit út fyrir að Tariccio væri að
reyna að koma Diouf útaf með rautt
spjald. Sem betur fór tók dómarinn eftir
þessu. Mér fannst þetta vera ósæmileg
framkoma og bað því um að eitthvað yrði
gert í málinu,“ sagði Houllier.
Hoddle vísaði ásökunum Houlliers til
föðurhúsanna sem algjörri fjarstæðu og
sagði að Houllier hefði sjálfur farið yfir
strikið. „Ég skil ekki hvað honum gengur
til og það var honum ekki sæmandi að
ráðast með fúkyrðum að okkar leikmanni
þegar liðin gengu til búningsherbergja,“
sagði Hoddle.
Houllier og
Hoddle í hár
saman