Morgunblaðið - 17.03.2003, Blaðsíða 7

KÖRFUKNATTLEIKUR
MORGUNBLAÐIÐ MÁNUDAGUR 17. MARS 2003 C 7
„ÞEGAR við lögðum Grindvíkinga
að velli í síðasta leiknum okkar í
deildarkeppninni og tryggðum
okkur þar með réttinn til að leika í
úrslitakeppninni, sáum við að það
er hægt að gera ýmislegt ef menn
leggja hart að sér allan leikinn og
berjast af fullum krafti. Við náðum
að endurtaka leikinn nú í úrslita-
keppninni og ég er mjög ánægður
með það að vera ekki úr leik strax.
Leikmenn mínir hafa náð góðu
sjálfstrausti og þá átti Keith Vassell
frábæran leik – fór með okkur eins
langt og hægt var. En þessi leikur
gerir í rauninni ekki neitt fyrir
okkur ef við vinnum ekki næsta
leik,“ sagði Pétur Ingvarsson, þjálf-
ari Hamarsmanna, eftir sigur
þeirra á Grindvíkingum í Hvera-
gerði á laugardaginn. Hamar mæt-
ir Grindvíkingum í oddaleik í
Grindavík í kvöld.
„Það var stefnan hjá okkur að
klára þessa rimmu hérna í Hvera-
gerði, en því miður tókst það ekki
þannig að við verðum að leika einn
leik til viðbótar - og þann leik ætl-
um við að sjálfsögðu að vinna og
komast áfram í keppninni. Við tök-
um þessum ósigri af karlmennsku
og mætum grimmir í næsta leik,“
sagði Friðrik Ingi Rúnarsson, þjálf-
ari Grindvíkinga.
Keith Vassell átti frábæran
leik gegn Grindavík
Leikmenn Grindavíkur byrjuðu af mikl-
um krafti í upphafi fjórða leikhluta og jafn-
aði Darrel, 71:71, þegar sex mínútur voru
eftir. Um nokkurt skeið var leikurinn í járn-
um en síðan sigu Grindvíkingar fram úr og
komust í 75:81 og héldu þá margir að sigur
væri unninn. Heimamenn voru þó aldeilis á
öðru máli og með mikilli baráttu í lok leiks-
ins jafnaði Hamar og komst yfir en Lárus
Jónsson tryggði þeim sigurinn með tveggja
stiga körfu eftir að Keith Vassel hafði stolið
boltanum. Þá voru 9 sekúndur eftir en
Grindvíkingar misstu boltann klaufalega
frá sér og Hamarsmenn fögnuðu sigri.
Vassel fór hamförum í þessum leikhluta,
sem og Darrel Lewis en hann skoraði 17
stig í þessum leikhluta. Þá átti Hallgrímur
Brynjólfsson skemmtilega innkomu hjá
Hamri, en hann setti niður tvær mikilvæg-
ar þriggja stiga körfur þegar Hamar var
kominn undir í fjórða leikhluta.
Hjá Hamri bar Keith Vassel höfuð og
herðar yfir sína menn en einnig átti Lárus
Jónsson stórleik.
Hjá Grindavík var það Darrel Lewis sem
hélt sínum mönnum á floti.
tryggði
a leikinn
eikinn í einvígi liðsins við deild-
a úrslitum úrslitakeppninnar um Ís-
er liðið vann 90:88 í Hveragerði á laug-
á upphafi til enda og bauð upp á allt
ða upp á.
Liðin skiptust á um að hafa forystuí leiknum og aldrei bar meira á
milli en tvö til þrjú stig, en oftar jafnt
á stigatöflunni en
áhorfendur eiga að
venjast. Eftir þriðja
leikhluta var staðan
52:52 og 71:71 að
venjulegum leiktíma loknum. Í fram-
lengingu tókst svo heimamönnum að
sigra.
Það var ljóst þegar í upphafi að
Haukarnir voru komnir til þess að
klára dæmið en einnig lá nokkuð í
augum uppi að Tindastólsmenn ætl-
uðu ekki að gefa áframhaldandi veru
í úrslitakeppninni upp á bátinn bar-
áttulaust. Bæði liðin léku mjög
sterkan varnarleik og með Axel að
dekka Stevie náði sá síðarnefndi
ekki að gera mikinn usla í vörn
heimamanna, og skiptust liðin á að
skora og hafa forystuna, en þegar
tæp mínuta lifði af leikhlutanum og
heimamenn tveim stigum yfir, mis-
tókst skot frá Halldóri, og Tinda-
stólsmenn náðu frákastinu og Cook
skoraði fallega þriggja stiga körfu og
heimamenn höfðu fimm stiga for-
ystu. Í öðrum leikhlutanum byrjuðu
gestirnir með látum, Axel var kom-
inn með þrjár villur og kom lítið inn í
þessum hluta enda fór nú Stevie á
kostum og skoraði þrjár körfur í röð
án þess að heimamönnum tækist að
svara og voru nú Haukarnir komnir
yfir. Haukarnir léku nú sóknarleik
þar sem Stevie var ætlað að klára
sóknirnar enda skoraði hann fjórtán
af sextán stigum liðsins í þessum
leikhluta. Hjá Stólunum var Cook í
svipuðu hlutverki og Kristinn var
góður utan við þriggja stiga línuna,
og Antropov sterkur undir körfunni.
Í lokaleikhlutanum var jafnt á
flestum tölum baráttan var í al-
gleymingi og ljóst að sigurinn gat
fallið hjá hvoru liðinu sem var. Ingv-
ar skoraði tvær þriggja stiga körfur
fyrir Hauka, en Cook og Kristinn
svöruðu í næstu sókn fyrir Tindastól.
Þegar tíu sekúndur voru til leiksloka
náði Halldór Kristmannsson með
harðfylgi að jafna 71:71 og leiktím-
inn rann út án þess að Tindastóls-
menn næðu að knýja fram sigur. Í
framlengingunni var jafnt á tölunum
eins og áður. Í stöðunni 76:76 skoraði
Ingvar þriggja stiga körfu fyrir
Hauka og breytti stöðunni í 76:79, en
Cook svarið með samskonar skoti,
og jafnaði aftur, 15 sekúndur voru
eftir, Haukar með boltann og brotið
var á Bojovic sem náði ekki að skora
úr vítunum, Tindastólsmenn náðu
boltanum og Cook braust í gegnum
vörn Haukanna og skoraði, og nú
leið leiktíminn án þess að Haukarnir
næðu að jafna.
Kristinn Friðriksson var ánægður
í leikslok. „Við vorum óheppnir því
við áttum að vinna fyrsta leikinn, og
þá spiluðum við betur en við gerðum
í kvöld. Þetta var spennandi leikur
og örugglega skemmtilegur fyrir
áhorfendur, vörnin hjá okkur var fín,
en sóknin slök, og þar verða allir að
vera virkir ef hlutirnir eiga að ganga
upp. Nú förum við bara suður á
þriðjudaginn og klárum þetta dæmi.
Við höfum sýnt það í vetur að við
spilum oft betur á útivelli og við ætl-
um að notfæra okkur það núna,“
sagði hann.
Tindastóll knúði
fram oddaleik
TINDASTÓLSMENN bitu í skjaldarrendur og náðu af harðfylgi að
knýja fram sigur í öðrum leik sínum við Hauka í 8-liða úrslitum Int-
ersportdeildarinnar í körfuknattleik. Tindastóll sigraði 81:79 eftir
framlengdan leik og verða liðin að mætast þriðja sinni, annað kvöld
í Hafnarfirði.
Björn
Björnsson
skifar
Gestirnir úr Keflavík hófu leikinnmeð þriggja stiga körfu en
tókst ekki að fylgja því eftir enda sást
snemma að þeir voru
ekki alveg tilbúnir í
slaginn. Breiðhylt-
ingar aftur á móti
spiluðu þróttmikla
svæðisvörn og tóku mikla spretti til
að hindra eða trufla stórskyttur Kefl-
víkinga. Það býður hættunni heim en
gekk upp og um miðjan fyrsta leik-
hluta hafði ÍR 20:11 forystu. Sá mun-
ur var hinsvegar fljótur að hverfa og
snemma í öðrum leikhluta var for-
skotið komið niður í eitt stig, 32:31.
Þá var eins og Keflvíkingar héldu sig
komna á beinu brautina en því var
ekki að heilsa. Þeir lögðu ekki nóg í
skotin og því brást hittnin en sköpum
skipti að ÍR-ingar spýttu duglega í
lófana, börðust fyrir hverjum bolta
og tóku næstum öll fráköst þangað til
þeir höfðu náð 17 stiga forystu, 48:31.
Tvær þriggja stiga körfur Hregg-
viðs Magnússonar áður en mínúta
var liðin af síðari hálfleik skilaði ÍR
20 stiga forskoti. Þeir hefðu mátt
fagna ögn varlegar því næstu 11 stig
voru gestanna og aftur komin spenna
í leikinn. Keflvíkingar náðu hinsveg-
ar ekki að fylgja þessum kafla eftir
og það fór í skapið á þeim, sumir
lögðu á sig krók til að ná sér í villu og
Damon Johnson fékk sína fjórðu og
fór útaf í bili. Þeir náðu ekki upp bar-
áttuanda til að komast inn í leikinn en
ÍR-ingar voru komnir á bragðið.
Undir lokin hitnaði mikið í kolunum
og menn gerðu sig seka um mörg
óþarfa brot í hita leiksins eftir að úr-
slit voru ráðin.
„Við spiluðum hreyfanlega svæð-
isvörn og Keflvíkingar reyndar hittu
ekki eins vel og í fyrri leiknum en það
var líka góð barátta í mínum mönn-
um og mér fannst þeir eiga sigurinn
fyllilega skilinn,“ sagði Eggert Garð-
arsson þjálfari ÍR eftir leikinn.
„Munurinn lá svolítið í því að Keflvík-
ingar voru slappir í kvöld en við til-
búnir til að verja okkar heimavöll og
gefa ekki leikinn í hendurnar á þeim.
Við erum að eiga við topplið og verð-
um að standa klárir ef við ætlum að
eiga möguleika í Keflvíkinga.“ Egg-
ert sagði erfiðan leik framundan en
sigur mögulegan. „Það skiptir máli í
úrslitakeppninni að það er svo stutt á
milli leikja og menn muna ófarir sín-
ar vel. Það er því ekki erfitt fyrir
Keflvíkinga að undirbúa sig fyrir
næsta leik eftir að þeim var rúllað
upp hérna í kvöld. Við erum hinsveg-
ar á bleiku skýi núna en verðum að
halda áfram að bíta frá okkur.“ Hjá
ÍR lögðu margir hönd á plóg til að
uppskera þennan sigur, Eugene
Christopher skoraði grimmt og
Hreggviður einnig með 5 af sex
þriggja stiga skotum sínum í körfuna
og 11 fráköst. Eiríkur Önundarson
tók 8 fráköst og átti 15 stoðsendingar
en Sigurður Þorvaldsson tók 15 frá-
köst.
Stuðningsmenn Keflvíkinga vildu
sumir auglýsa eftir lykilmönnum í
hálfleik því það fór lítið fyrir þeim en
flestir þeirra náðu að bæta sig eftir
hlé. Guðjón Skúlason skoraði fjórar
þriggja stiga körfur. Edmund
Saunders tók 13 fráköst og varði þrjú
skot og Damon Johnson tók tíu frá-
köst en átti 11 stoðsendingar.
Hamskipti
ÍR dugðu
UMSKIPTIN frá fyrri leik ÍR og Keflavíkur á föstudaginn og öðrum í
Seljaskóla í gærkvöldi voru mikil. Mesti munurinn lá í því að nú
mættu Keflvíkingar á hælunum en Breiðhyltingar á tánum og með
góðri baráttu tókst þeim að ná undirtökunum og halda þeim allan
leikinn. Það skilaði 103:86 sigri og því verður oddaleikur liðanna í
Keflavík annað kvöld. Fyrsta leikinn vann Keflavík með 28 stiga
mun en ÍR nú með 17 stigum svo að það er allra veðra von og áhorf-
endur líklega ekki sviknir um hörkuleik.
Morgunblaðið/Árni Torfason
iríkur Önundarson, ÍR, sækir að körfu Keflvíkinga í leiknum í gærkvöld en Gunnar Einarsson er til varnar.
Stefán
Stefánsson
skrifar