Morgunblaðið - 17.03.2003, Blaðsíða 8

HANDKNATTLEIKUR
8 C MÁNUDAGUR 17. MARS 2003 MORGUNBLAÐIÐ
HASLUM, undir stjórn Krist-
jáns Halldórssonar, komst í
gærkvöld upp í norsku úrvals-
deildina í handknattleik þrátt
fyrir tap gegn Heimdal, 28:25, í
lokaumferð 1. deildarinnar.
Haslum endaði í fjórða sæti og
fór upp á fimm mörkum betri
markamismun en næsta lið,
Follo, sem vann Oppsal í gær,
33:21. Haslum hefði með sigri í
gær náð öðru tveggja efstu
sæta deildarinanr og komist
þar með í úrslitakeppni um
norska meistaratitilinn ásamt
sex liðum úrvalsdeildar, en það
verða Heimdal og Kristiansand
sem fara í þá keppni. Ósigurinn
þýðir að leikurinn í gær var
lokaleikur Kristjáns með liðið
en hann hefur verið ráðinn
þjálfari danska kvennaliðsins
Skovbakken/Brabrand.
Leikmenn Haslum fá Íslands-
ferð að launum fyrir úrvals-
deildarsætið en með liðinu
leika þeir Daníel Ragnarsson,
Heimir Árnason og Theódór
Hjalti Valsson og á undan
Kristjáni stjórnaði Óskar
Bjarni Óskarsson liðinu.
Hlynur Jóhannesson og fé-
lagar í Stord steinlágu fyrir
Runar, 39:24, í lokaumferð úr-
valsdeildarinnar í gær. Þau úr-
slit skiptu ekki máli þar sem
Stord hafði þegar tryggt sér
fimmta sætið í deildinni og sæti
í úrslitakeppninni um meist-
aratitilinn.
Haslum komst upp
í úrvalsdeildina
KA/Þór á enn möguleika á að kom-
ast í átta liða úrslit 1. deildar
kvenna í handknattleik. Norðan-
stúlkur unnu Gróttu/KR frekar
óvænt um helgina og eru aðeins
stigi á eftir Fylki/ÍR sem er í átt-
unda sætinu sem stendur. Ein um-
ferð er eftir og þá fær KA/Þór lið
Víkings í heimsókn.
Inga Dís Sigurðardóttir var at-
kvæðamest í liði KA/Þórs á laugar-
daginn og gerði 6 mörk en fimm
stúlkur skoruðu fyrir liðið á meðan
markaskorunin dreifðist meira hjá
heimastúlkum en þar komust átta
leikmenn á blað.
Það lið sem lendir í áttunda sæti
deildarinnar, síðasta sætinu inn í
átta liða úrslitin, mætir Eyjastúlk-
um, sem verður væntanlega erfitt
verkefni.
KA/Þór á
möguleika
Fyrstu fjögur mörkin voru Hauk-anna en hægt og bítandi sóttu
gestirnir í sig veðrið og minnkuðu
muninn jafnt og þétt
með góðri baráttu.
Fljótlega eftir hlé
náðu Haukar aftur
góðum leik sem skil-
aði mest fimm marka forystu. Meiri
hraði og harka var í leiknum enda
skoruðu liðin samtals 33 mörk eftir
hlé. Munurinn var lengi vel þrjú til
fjögur mörk en seigla gestanna skil-
aði þeim þremur mörkum í röð síð-
ustu mínúturnar og staðan 29:28. FH
fékk nokkur færi til að jafna en
Lukresija Bokan í marki Hauka stóð
fyrir sínu, eins og reyndar Jolanta
Slapikiene í marki FH, sem varði
mörg erfið skot eftir hlé.
„Við fáum alltof mörg mörk á okk-
ur og þá verðum við sjálfar að skora
svo mikið,“ sagði Inga Fríða
Tryggvadóttir, sem átti mjög góðan
leik fyrir Hauka. „Okkur gekk vel í
byrjun en þegar við breyttum vörn-
inni gekk ekki nógu vel svo við
breyttum aftur. Við byrjuðum á flatri
vörn og ætluðum að halda henni
þangað til við fengjum fyrsta markið
á okkur en FH-stelpurnar eru seigar
og gefast aldrei upp, ef maður slakar
aðeins á eru þær komnar í bakið á
manni,“ sagði Inga Fríða og fagnaði
mikilvægum stigum. „Sigurinn skipti
öllu máli fyrir okkur því þá getum við
farið afslappaðri til Eyja í næsta leik,
þá er ekki allt undir því það er stutt í
þriðja sætið. Það er erfitt að fara
með pressuna til Eyja, sérstaklega ef
farið er með Herjólfi.“ Lukreija í
markinu, Hanna G. Stefánsdóttir,
Brynja Steinsen og Harpa Melsteð
voru einnig góðar.
Einvarður Jóhannsson þjálfari
FH-stúlkna var ánægður með allt
nema byrjunina. „Við byrjuðum illa
og lentum fjórum mörkum undir og
erum síðan að elta þær allan leikinn.
Það er sérstaklega erfitt á móti
svona góðu liði eins Haukum. Fyrir
utan fyrstu fimm mínúturnar spiluð-
um nógu vel til að vinna þær þó að við
höfum alls ekki spilað nógu góðan
leik. Ég er ánægður með að við skul-
um ekki leggja árar í bát en það
breytir ekki því að það var slæmt að
koma sér í þessa slæmu stöðu í byrj-
un,“ bætti þjálfarinn við en lið hans
hefur bætt sig eftir því sem á líður
veturinn. „Við náðum níu stigum í
fyrstu umferð, sjö í næstu og erum
nú þegar komin með tíu í þessari. Við
höfum verið klaufar í leikjunum við
liðin, sem eru á svipuðum slóðum og
við í deildinni því þar telja stigin
mest og við hefðum þá verið ofar í
deildinni en við höfum strítt liðunum
fyrir ofan okkur í deildinni.“ Jolanta
var góð eins og Björk Ægisdóttir,
sem skoraði 15 mörk. Sigrún Gils-
dóttir og Dröfn áttu nokkra góða
kafla.
Lánleysi Valsstúlkna
varð þeim að falli
Lánleysi Valsstúlkna upp við markStjörnunnar varð þeim að falli
þegar þær tóku á móti Garðbæing-
unum á Hlíðarenda á laugardaginn.
Með sigri hefði Valur
getað tryggt sér 3.
sæti deildarinnar en
niðurstaðan varð
tveggja marka sigur
Stjörnunnar, 16:18.
Stjörnustúlkur byjuðu leikinn af
miklum krafti og náðu fljótt fjögurra
marka forystu, 1:5. Valsstúlkur létu
þessa byrjun gestanna ekki slá sig út
af laginu heldur náðu með ágætum
varnarleik og góðri markvörslu
Berglindar Hansdóttur að minnka
muninn í eitt mark um miðjan hálf-
leikinn, 5:6. Þegar hér var komið
sögu hrundi sóknarleikur Vals, þær
gerðu sig sekar um mörg mistök í
sókninni og Jolana Jovanovic varði
það sem á markið kom og Valur skor-
aði ekki mark seinustu 13 mínúturn-
ar í hálfleiknum. Stjarnan nýtti sér
þetta ólán Vals eins og þær gátu og
fóru inn í leikhlé með fjögurra marka
forystu, 5:9.
Allt stefndi í að Stjarnan myndi
gera út um leikinn á upphafsmínút-
um seinni hálfleiks. Þær juku foryst-
una í 6 mörk, 7:13, en þá hrukku
Valsstúlkur í gang og smám saman
söxuðu þær á forskot Stjörnunnar.
Kolbrún Franklín átti góðan leik-
kafla og skoraði mikilvæg mörk fyrir
Val, sem náði að minnka muninn í
eitt mark rétt undir lok leiksins. Það
var hins vegar Hind Hannesdóttir
sem skoraði síðasta markið og gerði
út um leikinn og tveggja marka sigur
Stjörnunnar var því í höfn.
Þær Hind og Amela Hegic voru
potturinn og pannan í sóknarleik
Stjörnunnar og voru varnarmönnum
Vals mjög erfiðar. Sóknarleikur Vals
í fyrri hálfleik varð þeim að falli. Kol-
brún Franklín átti góðan leik í seinni
hálfleik en það dugði ekki til og
Stjarnan fór því með bæði stigin í
Garðabæinn.
Haukastúlkur sluppu með skrekkinn gegn FH-ingum í Kaplakrika
„Við fáum alltof
mörg mörk á okkur“
AFLEIT byrjun FH-stúlkna varð
þeim að falli á laugardaginn er
þær sóttu Hauka heim á Ásvelli í
1. deildarkeppninni í hand-
knattleik. Haukum dugði ekkert
annað en sigur til að tryggja sér
annað sæti deildarinnar og
tókst það með herkjum í 30:28
sigri því nágrannarnir frá Kapla-
krika héldu þeim við efnið fram
á síðustu mínútu.
Morgunblaðið/Kristinn
Amela Hegic, leikmaður Stjörnunnar, ógnar marki Valsstúlkna í leiknum á laugardaginn en til
varnar eru Drífa Skúladóttir og Kolbrún Franklín, sem var atkvæðamest í Valsliðinu.
■ Úrslit /C10
■ Staðan /C10
Stefán
Stefánsson
skrifar
Benedikt Rafn
Rafnsson
skrifar
FYLKIR/ÍR lagði Fram nokkuð
örugglega, 24:15, þegar liðin mætt-
ust í 1. deild kvenna í handknattleik
um helgina. Stúlkurnar úr efri
byggðum Reykjavíkur virðast því
staðráðnar í að komast í átta liða
úrslitin en þær vita af norðan-
stúlkum stigi á eftir sér.
Fylkir/ÍR á heimaleik í síðustu
umferðinni, rétt eins og KA/Þór, og
tekur á móti Valsstúlkum og verður
róðurinn örugglega erfiður því Val-
ur er í baráttunni við Víking um
fjórða sætið, sem gefur heima-
leikjarétt.
Hekla Daðadóttir fór á kostum í
liði Fylkis/ÍR, gerði tíu mörk og lék
vel. Staðan í leikhléi var 15:11
þannig að Framstúlkur náðu aðeins
að gera fjögur mörk í síðari hálf-
leiknum en heimamenn 9.
Fylkir/ÍR
ætlar áfram
EYJASTÚLKUR lentu í smábasli
þegar þær heimsóttu Víkings-
stúlkur um helgina. ÍBV, sem hefur
aðeins tapað einum leik í deildinni í
vetur og er með 199 mörk í plús,
sigraði 24:20 eftir að hafa verið
11:9 undir í leikhléi, en Víkingur
gerði fyrstu fjögur mörk leiksins.
Í síðari hálfleik komst ÍBV fjór-
um mörkum yfir um tíma en heima-
stúlkur minnkuðu muninn í eitt
mark, en komust ekki nær og eru
þær því enn í fimmta sæti, tveimur
stigum á eftir Val.
ÍBV á heimaleik á móti Haukum í
síðustu umferðinni og verður það
örugglega hörkuleikur þó svo hann
skipti ekki nokkru máli, ÍBV er
deildarmeistari og Haukastúlkur
enda í öðru sæti, sama hvernig fer í
Eyjum í síðustu umferðinni.
Öruggt hjá
Eyjastúlkum
RÓBERT Sighvatsson átti stórleik
með Wetzlar þegar lið hans sigr-
aði Nordhorn, 27:26, í þýsku 1.
deildinni í handknattleik á laugar-
daginn. Róbert skoraði átta mörk í
mikilvægum sigri og Julian Ró-
bert Duranona var líka drjúgur
með Wetzlar og gerði 4 mörk. Lið
þeirra er þar með komið þremur
stigum frá fallsæti.
Magdeburg vann nauman sigur
á Wallau-Massenheim, 40:37, og
tryggði sér hann með góðum
endaspretti. Ólafur Stefánsson var
sem fyrr í aðalhlutverki hjá
Magdeburg og skoraði 9 mörk en
Sigfús Sigurðsson gerði 4. Einar
Örn Jónsson náði ekki að skora
fyrir Wallau.
Essen vann Minden auðveldlega,
31:21, og fylgir Magdeburg eftir í
baráttunni um þriðja sætið. Guð-
jón Valur Sigurðsson skoraði 5
mörk fyrir Essen og Patrekur
Jóhannesson 1.
Gylfi Gylfason var ekki á meðal
markaskorara hjá Wilhelmshaven-
er sem steinlá fyrir HSV Ham-
burg, 28:15.
Markus Baur skoraði 10 mörk
fyrir topplið Lemgo sem færðist
enn nær meistaratitlinum með
sigri á Gummersbach, 35:28.
Flensburg, sem er áfram sex
stigum á eftir Lemgo, burstaði
Pfullingen, 39:27, og gerði Lars
Christiansen 13 mörk fyrir Flens-
burg.
Morgunblaðið/Golli
Róbert Sighvatsson
Róbert skoraði átta
mörk gegn Nordhorn
■ Úrslit, staða /C10