Morgunblaðið - 23.03.2003, Blaðsíða 13
bílar
ALLTAF Á MIÐVIKUDÖGUM
SMÁAUGLÝSING
AÐEINS 995 KR.*
Áskrifendum Morgunblaðsins
býðst smáauglýsing fyrir aðeins 995 kr.*
Pantanafrestur er til kl. 12 á þriðjudögum.
* 4 línur og mynd.
HAFÐU SAMBAND!
Auglýsingadeild Morgunblaðsins sími 569 1111 eða augl@mbl.is
Lengi vel virtist meistari Paul Newman 110%
öruggur um sigur. Hann er í sínu hrikalegasta
formi sem ískaldur, írskættaður glæpaforingi í
Leiðinni til Perdition. Ed Harris sýnir enn og
aftur hvers hann er megnugur í Stundirnar og
Christopher Walken er ósvikinn stórleikari sem
hefur ekki fengið tækifæri að sanna það í ára-
tugi fyrr en nú. Árangur hans í Gríptu mig... er
slíkur að hann verður einn eftirsóttasti skap-
gerðarleikari kvikmyndanna næstu áratugina.
John C. Reilly er í annarri hverri gæðamynd að
vestan og alltaf jafn notalegur og gefandi leikari
sem bætir allar myndir. En enginn þessara
ágætu manna fær Óskarinn í ár; mér sýnist þau
frátekin fyrir einn besta kvikmyndaleikara sam-
tímans, mann sem við höfum dáðst að í jafn ólík-
um myndum og Lone Star, October Sky og Am-
erican Beauty, Chris Cooper. Leikur hans í
Aðlögun er sjón sögu ríkari.
Chris Cooper — Aðlögun
Paul Newman — Leiðin til Perdition/Road to Perdition
Christopher Walken — Gríptu mig ef þú getur/
Catch Me if You Can
John C. Reilly — Chicago
Ed Harris — Stundirnar
Besti kvenleikari í aukahlutverki
Meryl Streep hefur haft úr minna að moða á
undanförnum árum enda „komin á aldur“ sam-
kvæmt Hollywood-stöðlum. Í fyrra fékk hún
tækifæri að sýna að hún er jafnvel betri en
nokkru sinni fyrr og leikur af snilld mjög óhefð-
bundið „Streep-hlutverk“ í Aðlögun. Tilnefning-
in er sú þrettánda og þar með setur leikkonan
nýtt allsherjarmet í kvikmyndaiðnaðinum og
getur jafnað önnur með því að vinna í ár í þriðja
sinn. Streep er þó engan veginn öruggur sig-
urvegari frekar en aðrir í nótt. Catherine Zeta
Jones nýtur meðbyrs og kom heldur betur á
óvart í minnisstæðum dansatriðum í Chicago.
Þriðja leikkonan sem getur staðið uppi sem sig-
urvegari í þessum frábæra hóp er Julianne
Moore sem á góðan dag eins og aðrar leikkonur í
Stundirnar. Eins og fram hefur komið er Moore
einnig tilnefnd sem aðalleikkona, sem er stóraf-
rek útaf fyrir sig og væri vel að sigri komin í öðr-
um hvorum flokknum. Kathy Bates er ein að-
sópsmesta skapgerðarleikkona Hollywood en
hlutverk hennar í Varðandi Schmidt er lítið, líkt
og í Primary Colors (’98), þar sem hún stal einn-
ig senunni í örfáar mínútur – án þess að bera
nokkuð úr býtum. Smæð hlutverksins minnkar
einnig möguleika Queen Latifah.
Meryl Streep — Aðlögun
Catherine Zeta-Jones — Chicago
Julianne Moore — Stundirnar
Kathy Bates — Varðandi Schmidt
Queen Latifah — Chicago
Besta frumsamið handritið
Tilnefningarnar endurspegla höfuðvanda
Hollywood: Þurrðina á vel skrifuðum handrit-
um, ekki síst frumsömdum. Akademían verður
að leita í smiðju tveggja, mikilhæfra spænsku-
mælandi kvikmyndagerðarmanna til að fylla
upp í höfðatöluna, mexíkósku Cuarón-bræðr-
anna og Spánverjans Pedros Almodóvar. Við
þekkjum verkin þeirra og þau eiga það sann-
arlega skilið að vera í hópi útvaldra. Ég hallast
þó að því að Todd Haynes vinni fyrir dramað
Fjarri himnum, sem fjallar um kynþáttamisrétti
á Nýja-Englandi á sjötta áratugnum. Það hefur
hlotið mikið lof og slatta af verðlaunum. Jay
Cocks, fyrrum gagnrýnandi Time, og Óskars-
verðlaunaðir félagar hans gætu blandað sér í
slaginn en Evrópumennirnir hljóta að eiga tak-
markaða möguleika hjá íhaldssömum, miðaldra
akademíumeðlimum. Nia Vardalos virkar sem
dvergur í þessum risaslag og undarlegt að hún
sé tekin fram fyrir alvörupenna einsog Paul
Thomas Anderson (Örvita af ást/Punch Drunk
Love).
Gengi New York-borgar: Jay Cocks, Steve Zaillian
og Kenneth Lonergan
Fjarri himnum/Far From Heaven: Todd Haynes
Talaðu við hana: Pedro Almodóvar
Og mamma þín líka/Y Tu Mama También: Carlos
Cuarón, Alfonso Cuarón
Gríska brúðkaupið mitt/My Big Fat Greek Wedding:
Nia Vardalos
Besta handrit byggt á áður birtu efni
Það vekur mesta athygli að í hópnum er ekki
að finna nöfn Jims Taylor og Alexanders Payne,
höfunda Varðandi Schmidt, sem að margra
dómi er langbesta, aðlagaða handritið í ár. Fjar-
vera þeirra er eitt af furðum tilnefninganna og
opnar „Kaufmanbræðrum“ greiðan aðgang að
Óskari. Þetta er í fyrsta skipti sem tilnefning
fellur í skaut ímyndaðrar persónu, en „Donald“
er hugarsmíð hins óútreiknanlega og hug-
myndaríka Charlies Kaufmans. David Hare,
Ronald Harwood og höfundar Sögu um dreng
eiga fyllilega skilið að vera í hópnum. Það skyldi
þó aldrei verða Bill Condon sem stingur þeim
öllum aftur fyrir sig?
Aðlögun — Charlie Kaufman og Donald Kaufman
Chicago — Bill Condon
Stundirnar — David Hare
Píanistinn — Ronald Harwood
Saga um dreng/About a Boy — Peter Hedges,
Chris Weitz og Paul Weitz
Besti kvikmyndatökustjórinn
Þá eru allir meginflokkarnir að baki og farið
fljótt yfir sögu. Möguleikar sigurvegaranna
áfram í samræmi við röðunina.
Leiðin til Perdition — Conrad L, Hall
Gengi New York-borgar — Michael Ballhaus
Chicago — Dion Beebe
Píanistinn — Pawel Edelman
Fjarri himnum — Edward Lachman
Besta klipping
Chicago — Marin Walsh
Gengi New York-borgar — Thelma Schoonmaker
Stundirnar — Peter Boyle
Tveggja turna tal — D. Michael Horton
Píanistinn — Hervé de Luze
Besta tónlistin
Gríptu mig ef þú getur — John Williams
Fjarri himnum — Elmer Bernstein
Frida — Elliot Goldenthal
Stundirnar — Philip Glass
Leiðin til Perdition — Thomas Newman
Besta lagið
The Hands That Built America, úr Gengi New York-
borgar — Lag og texti: Bono, the Edge, Adam Clayton og
Larry Mullen
Lose Yourself, úr 8 mílur/8 Mile — Lag: Eminem, eff
Bass og Luis Resto. Texti: Eminem
I Move On, úr Chicago — Lag: John Kander. Texti: Fred
Ebb
Burn It Blue, úr Frida — Lag: Elliot Goldenthal. Texti:
Julie Taymor
Father and Daughter úr Villtu þyrniberjamyndinni/The
Wild Thornberrys Movie. Lag og texti: Paul Simon
Besta búningahönnun
Sandy Powekk — Gengi New York-borgar
Colleen Antwood — Chicago
Ann Roth — Stundirnar
Anna B. Sheppard — Píanistinn
Julie Weiss — Frida
Besta listræn stjórn
John Myhre, Gordon Sim — Chicago
Dante Ferretti, Francesca LoSchiavo — Gengi New
York-borgar
Dennis Gassner, Nancy Haigh — Leiðin til Perdition
Grant Major, Dan Hennah og Alan Lee — Tveggja
turna tal
Felipe Fernández del Paso, Hannia Robledo — Frida
Besta teiknimyndin
Ísöld — Ice Age
Lilo og Stitch — Lilo & Stitch
Gullplánetan — Treasure Planet
Villti folinn — Spirit: Stallion of the Cimarron
Sen to Chihiro no kamikakushi
SPÁ— Besta myndin — Chicago.
Reuters
SPÁ— Besti leikstjórinn: Martin Scorsese.
SPÁ— Besta erlenda myndin: Maður án fortíðar.
MORGUNBLAÐIÐ SUNNUDAGUR 23. MARS 2003 B 13
bíó