Morgunblaðið - 23.03.2003, Blaðsíða 12
12 C SUNNUDAGUR 23. MARS 2003 MORGUNBLAÐIÐ
Rannsóknastofnun
fiskiðnaðarins og Háskóli
Íslands auglýsa styrk til
doktorsnáms
Rannsóknastofnun fiskiðnaðarins og Háskóli
Íslands auglýsa til umsóknar styrk til doktors-
náms í matvælafræði. Umsækjandi þarf að
hafa lokið MS prófi í raunvísindum frá viður-
kenndum háskóla.
Verkefnið er hluti af rannsóknum sem eru
styrktar af RANNÍS og verður unnið við Rann-
sóknastofnun fiskiðnaðarins, Háskóla Íslands,
og Primex ehf. og í samvinnu við erlendar
rannsóknastofnanir og háskóla. Styrkurinn er
ætlaður til rannsókna á eðliseiginleikum kítína
og áhrifum þeirra í matvælum.
Leiðbeinendur verða þeir Kristberg Kristbergs-
son og Sigurjón Arason við Háskóla Íslands
og Rannsóknastofnun fiskiðnaðarins og Jó-
hannes Gíslason hjá Primex ehf.
Umsóknir með upplýsingum um námsferil,
einkunnir og fyrri störf ásamt eintaki af MS
ritgerð, birtum og óbirtum vísindagreinum be-
rist til dr. Kristbergs Kristbergssonar við Há-
skóla Íslands eða Rannsóknastofnunar fiskið-
naðarins fyrir 5. apríl nk.
Alþjóðlegir friðar-
styrkir Rótarý-
hreyfingarinnar
2004—2006
Rótarýsjóðurinn, ROTARY FOUNDATION,
sem rekinn er af Alþjóða Rótarýhreyfingunni,
mun veita 70 styrki til tveggja ára meistara-
náms skólaárin 2004—2006. Styrkirnir verða
veittir til náms og rannsókna sem tengjast
alþjóðasamstarfi og eflingu friðar í heiminum
og eru ætlaðir fólki sem þegar hefur reynslu
af alþjóðastarfi.
Í þessu skyni hefur Rótarýsjóðurinn komið
á samvinnu við sjö virta háskóla:
Universidad del Salvador, Argentínu.
University of Queensland, Ástralíu.
Duke University & University of North Carol-
ina, Bandaríkjunum.
University of California-Berkeley,
Bandaríkjunum.
University of Bradford, Englandi.
Sciences Po, Frakklandi.
International Christian University, Japan.
Styrkirnir, sem eiga að standa undir
tveggja ára námskostnaði, eru alþjóðlegir
samkeppnisstyrkir. Rótarýhreyfingin á
Íslandi má senda eina umsókn. Val íslenska
umsækjandans fer fram eftir ítarleg viðtöl og
könnun á námsferli og störfum. Makar, afkom-
endur og makar afkomenda lifandi Rótarý-
félaga geta ekki sótt um styrkinn.
Nánari upplýsingar um námið, háskólana og
umsóknarskilmála er að finna á heimasíðu
Rotary International: rotary.org/foundation/
educational (Rotary Centers for International
Studies). Einnig má nálgast upplýsingar á skrif-
stofu Rótarýumdæmisins í síma 568 2233.
Þeir sem hafa áhuga á að sækja um styrk
eru beðnir um að senda ítarlegt æviágrip
sem allra fyrst, í síðasta lagi 1. maí, til
skrifstofu Rótarýumdæmisins, Suður-
landsbraut 54, 108 Reykjavík, merkt:
„Friðarstyrkur“.
TILKYNNINGAR
Ríkislögreglustjórinn
Auglýsing um inntöku
nýnema í Lögregluskóla
ríkisins 2003
Um námið:
Lögregluskóli ríkisins er sjálfstæð stofnun sem
starfar samkvæmt lögreglulögum nr. 90/1996
og reglugerð um Lögregluskóla ríkisins nr. 490/
1997. Grunnnám miðar að því að veita hald-
góða fræðslu í almennu lögreglustarfi.
Námið skiptist í þrjár annir. Skólagjöld eru eng-
in. Fyrsta önnin (GD I), sem er ekki launuð en
lánshæf námsönn, stendur fram í maímánuð.
Nemarnir teljast ekki til lögreglumanna en þeir
sem standast kröfur á önninni fara í launaða
starfsþjálfun (GD II) í lögregluliði á höfuðborg-
arsvæðinu í u.þ.b. þrjá og hálfan mánuð. Að
lokinni starfsþjálfuninni tekur við launuð þriðja
önn (GD III) í Lögregluskólanum sem lýkur með
prófum í desember.
Lögreglunemar klæðast búningi almennra lög-
reglumanna sem þeir fá án endurgjalds; á
fyrstu námsönn er búningurinn án lögregluein-
kenna.
Lögreglunemar í starfsþjálfun (GD II) stunda
vaktavinnu og þá og einnig á þriðju námsönn
í skólanum (GD III) teljast þeir til lögreglu-
manna og fá greidd laun skv. kjarasamningi
Landssambands lögreglumanna og fjármála-
ráðherra.
Almenn skilyrði:
Sérstök valnefnd velur nema í Lögregluskólann
úr hópi umsækjenda. Henni ber að velja hæf-
ustu umsækjendurna til náms og eru ákvarðan-
ir hennar endanlegar. Í samræmi við það sem
fyrir er mælt í lögreglulögum þarf umsækjandi
að uppfylla eftirtalin skilyrði:
a) vera íslenskur ríkisborgari, 20-35 ára. Val-
nefnd getur vikið frá aldurshámarkinu við
sérstakar aðstæður,
b) ekki hafa gerst brotlegur við refsilög. Val-
nefndin getur þó vikið frá þessu ef til álita
kemur smávægilegt brot sem umsækjandi
kann að hafa framið eða ef langt er um liðið
frá því að það var framið,
c) vera andlega og líkamlega heilbrigður. Um-
sækjandi þarf að staðfesta það með vottorði
læknis síns. Trúnaðarlæknir skólans leggur
sjálfstætt mat á vottorðið og skilar valnefnd
áliti sínu,
d) hafa lokið að minnsta kosti tveggja ára al-
mennu framhaldsnámi eða öðru sambæri-
legu námi með fullnægjandi árangri eða
starfsþjálfun sem jafna má til slíks náms,
e) hafa gott vald á íslensku, einu Norðurlanda-
máli auk ensku eða þýsku,
f) hafa almenn ökuréttindi til bifreiðaaksturs,
g) vera syndur,
h) standast inntökupróf í íslensku og þreki og
önnur próf sem valnefnd ákveður.
Skil umsókna og úrvinnsla:
Þeir sem hafa áhuga á námi í Lögregluskólanum
og uppfylla framangreind skilyrði skulu skila um-
sóknum til valnefndar Lögregluskóla ríkisins,
Krókhálsi 5b, 110 Reykjavík, fyrir 15. apríl 2003.
Umsóknareyðublöð fást hjá lögreglustjórum
og Lögregluskóla ríkisins, en einnig er hægt að
nálgast þau á lögregluvefnum,
www.logreglan.is, undir liðnum „Eyðublöð“
Umsóknir sem berast of seint eru ekki teknar
með og því endursendar strax.
Konur sem uppfylla skilyrðin og sem áhuga
hafa á lögreglunámi, eru sérstaklega hvattar
til að sækja um inngöngu í skólann.
Þegar umsóknir liggja fyrir fer valnefndin yfir
þær. Þeir umsækjendur, sem taldir eru hæfir
samkvæmt umsókn og nauðsynlegum fylgi-
skjölum, verða boðaðir í inntökupróf sem fara
fram í Lögregluskólanum dagana 25. – 29.
ágúst. Þeir umsækjendur, sem standast inn-
tökupróf varða að þeim lokum boðaðir í viðtal
við valnefnd. Viðtölin fara fram í skólanum í
september 2003.
Nánari upplýsingar um námið og inntökuprófin
er hægt að nálgast upplýsingar á lögregluvefn-
um, www.logreglan.is, undir Lögregluskóli
ríkisins/Inntaka nýnema.
Reykjavík, 17. mars
2003.
Ríkislögreglustjórinn.ATVINNUAUGLÝSINGARsendist á augl@mbl.is