Morgunblaðið - 24.03.2003, Blaðsíða 4
KNATTSPYRNA
4 B MÁNUDAGUR 24. MARS 2003 MORGUNBLAÐIÐ
IPSWICH Town hefur samþykkt að selja tvo leikmenn liðsins, Hermann
Hreiðarsson og Darren Ambrose, leikmann með 21 árs liði Englendinga.
Hermann mun eiga viðræður við Portsmouth sem nú er efst í 1. deild og
Ambrose ætlar að ræða við forráðamenn úrvalsdeildarliðsins Newcastle.
Ipswich segir að liðinu sé nauðugur einn kostur að selja leikmennina vegna
slæmrar fjárhagsstöðu. Kaupverðið hefur ekki verið staðfest en því hefur
verið hent á loft að það gæti verið um ein millj. punda, eða um 125 millj.
króna. Sé þetta rétt verð er það er ekki nema þriðjungur af þeirri upphæð
sem WBA var tilbúið að reiða fram fyrir Hermann í haust.
„Stuðningsmenn liðsins verða óánægðir með þessa ákvörðun þegar við er-
um svo skammt frá því að komast í stöðu um laust sæti í úrvalsdeildinni,“
sagði David Sheepshanks, stjórnarformaður Ipswich, en benti jafnframt á
erfiða fjárhagsstöðu Ipswich. „Við erum engu að síður með sterkt lið og von-
umst til þess að það nái í úrslitakeppnina í vor,“ sagði stjórnarformaðurinn.
Hermann er meiddur um þessar mundir en mun strax í vikunni hefja við-
ræður við forráðamenn Portsmouth um kaup og kjör. Portsmouth er í efsta
sæti 1. deildar og er nær öruggt um sæti í ensku úrvalsdeildinni á næstu
leiktíð. Knattspyrnustjóri liðsins er Harry Redknapp sem áður stýrði m.a.
West Ham.
Ipswich samþykkir
að selja Hermann
Hermann Hreiðarsson
JAMES Beattie, framherji enska úrvals-
deildarliðsins Southampton, skoraði 20.
mark sitt á leiktíðinni gegn Aston Villa
á laugardag er liðin skildu jöfn, 2:2.
Beattie er markahæsti leikmaður deild-
arinnar og gerir sér vonir um að verða í
enska landsliðinu sem mætir Liechten-
stein í undankeppni EM um næstu helgi
– en þrátt fyrir mörkin 20 er Beattie
ekki sáttur við gengi liðsins. „Það er
ánægjulegt að hafa skorað 20 mörk en
við höfum ekki sýnt stöðugleika í leikj-
um okkar í vetur,“ segir Beattie en hann
hefur komið flestum á óvart í vetur.
Southampton náði að jafna leikinn
gegn Aston Villa eftir að hafa verið
tveimur mörkum undir og er þetta í
annað sinn á tveimur vikum sem liðið af-
rekar slíkt – í fyrra skiptið jafnaði liðið
metin, 2:2, gegn Fulham.
Svekktur þrátt
fyrir 20 mörk
FÓLK
ÓSENNILEGT er talið að David
Seaman leiki í marki enska lands-
liðsins um næstu helgi þegar það
leikur við Liechtenstein í undan-
keppni EM í knattspyrnu. Seaman
er meiddur í aftanverðu læri og gat
af þeim sökum ekki leikið með Ars-
enal gegn Everton í úrvalsdeildinni í
gær. Reiknað er með að David
James, hjá West Ham, taki stöðu
Seamans í landsliðinu.
ÞÁ er einnig talið ósennilegt að
Seaman geti staðið á milli stanga
Arsenal marksins í síðari undanúr-
slitaleiknum í bikarnum við Eið
Smára Guðjohnsen og samherja á
Stamford Bridge á miðvikudags-
kvöldið.
PETER Handyside, fyrirliði
Stoke, leikur ekki með liðinu á
næstu leiktíð, hvort sem því tekst að
halda sér uppi í 1. deildinni eða þá að
það fellur. Handyside hefur verið í
herbúðum Stoke í rúm tvö ár og er
með lausan samning í vor. Ekkert
hefur verið rætt við hann um fram-
haldið og því ákvað hann sjálfur að
höggva á hnútinn og tilkynna það að
hann hygðist róa á önnur mið í sum-
ar. Handyside lék sinn 80. leik fyrir
Stoke gegn Watford.
FYRRVERANDI leikmaður
danska landsliðsins í knattspyrnu,
Stig Tøfting, hefur snúið til heima-
lands síns frá Bolton á Englandi og
mun ekki leika fleiri leiki með liðinu
á þessari leiktíð. Ástæðan er sú að
Tøfting mun á næstunni dvelja í
réttarsölum í Danaveldi vegna lík-
amsárásar sem hann er talinn hafa
átt þátt í.
NORÐMAÐURINN Øyvind Leon-
hardsen er ekki inni í myndinni hjá
forráðamönnum Aston Villa og er
líklegt að norski landsliðsmaðuinn
haldi heim á leið í sumar er samn-
ingur hans við félagið rennur út.
Leonhardsen er laus við öll meiðsl
en fær ekki að leika með varaliði fé-
lagsins og er því – úti í kuldanum.
Þess má geta að Leonhardsen var á
sínum tíma dýrasti leikmaður
norsku knattspyrnunnar er hann var
seldur til Wimbledon frá Molde fyrir
rétt rúmar 10 millj. ísl. kr. Hann fór
til Liverpool frá Wimbledon og var
einnig hjá Tottenham um skeið.
MARC Overmars, leikmaður
spænska liðsins Barcelona, hefur
borið til baka að hann sé á leið til
Manchester United. Spænskir fjöl-
miðlar sögðu í gær að hollenski
landsliðsmaðurinn ætti að fylla
skarð Ryan Giggs sem væri á leið til
Inter Milan í sumar.
MIA Hamm, þekktasta knatt-
spyrnukona heims undafarin ár hef-
ur ákveðið að leggja knattspyrnu-
skóna á hilluna í sumar að loknu
heimsmeistaramótinu í Kína. Hamm
er 30 ára og hefur undanfarin 15 ár
verið helsta stjarna bandaríska
landsliðsins sem hefur m.a. bæði
orðið heims- og ólympíumeistari.
Wenger sagði að leikmenn Ever-ton hefðu svo sannarlega sýnt
hvað þeir væru öflugir í leiknum á
Highbury. Það var afar mikilvægt
fyrir okkur að ná sigri á Everton eftir
áfallið í Valencia og afar lélegan leik
gegn Blackburn sem tapaðist. Þegar
við mættum til leiks vissum við að
ekkert nema sigur kæmi til greina.“
Það var fyrirliðinn Patrick Vieira
sem skoraði sigurmark Arsenal og
má segja að það sé þýðingarmesta
markið sem hann hefur skorað fyrir
lið sitt. Arsenal fékk óskabyrjun í
leiknum er franski varnarmaðurinn
og umdeildasti leikmaður Arsenal að
undanförnu, Pascal Cygan, skoraði
fyrra mark Arsenal með skalla eftir
aðeins átta mín. Eins og oft áður réðu
leikmenn Arsenal ferðinni, en þeir
náðu ekki að nýta sér það og bæta við
mörkum. Hinn ungi Wayne Rooney
hrelldi leikmenn Arsenal á ný, er
hann náði að jafna, 1:1.
„Ég verð að játa að það fór um mig
og leikmenn mína hrollur, þegar
Everton jafnaði. Sem betur fer stóð-
ust mínir menn álagið og ég get ekki
annað gert en að hrósa þeim. Erfiðar
stundir eru að baki – við höfum tekið
út okkar þjáningar og erum ákveðnir
að skemmta okkur á lokasprettinum.
Það kemur síðan í ljós hver uppsker-
an verður, en við erum með leikmenn
til að gera hana góða,“ sagði Wenger.
David Moyes, knattspyrnustjóri
Everton, var einnig ánægður með
sína menn. „Ég sagði við strákana í
leikhléi, að ef það væri draumur
þeirra að vera í hópi þeirra bestu, þá
yrðu þeir að mæta inn á í seinni hálf-
leik og sýna hvað þeir vildu og gætu.
Þeir sýndu mér það og léku vel –
náðu að jafna og voru ekki langt frá
því að komast yfir. Við vorum
óheppnir, fengum á okkur ódýrt
mark, sem kostaði okkur tap. Þrátt
fyrir tapið fer ég ánægður heim,“
sagði Moyes.
Gerard Houllier, knattspyrnu-
stjóri Liverpool, hrósaði sínum
mönnum fyrir góðan leik gegn Leeds
á Anfield í gær. „Tapið fyrir Celtic í
UEFA-keppninni hefur legið á okk-
ur sem mara. Strákarnir sýndu það
gegn Leeds, að þeir eru ekki búnir að
játa sig sigraða – þeir vilja meira. Við
byrjuðum leikinn vel gegn Leeds og
Michael Owen kom okkur yfir á
tólftu mínútu. Síðan skoraði Danny
Murphy glæsilegt mark áður en
mark Viduka náði að minnka muninn
fyrir Leeds rétt fyrir leikhlé. Það var
síðan Gerrard sem rak smiðshöggið á
sigur okkar,“ sagði Houllier, eftir
sigur Liverpool, 3:1.
Houllier sagði að með þessum sigri
væri stefnan tekin á að ná einu af
fjórum efstu sætunum í úrvalsdeild-
inni, sem gæfi liðinu rétt á að leika í
meistaradeild Evrópu næsta keppn-
istímabil. Liverpool er í fimmta sæti,
tveimur stigum á eftir Chelsea og
tveimur stigum á eftir Everton, en
þessi þrjú lið berjast um fjórða sætið.
„Við höfum verk að vinna og ég hef
mikla trú á leikmönnum mínum,“
sagði Peter Reid sem stjórnaði
Leeds í fyrsta leiknum.
Þungu fargi létt af Arsene Wenger,
knattspyrnustjóra Arsenal, á Highbury
Fór um mig
hrollur er
Everton jafnaði
ARSENE Wenger, knattspyrnustjóri Arsenal, sagði að þungu fargi
væri létt af sér og leikmönnum sínum, eftir sigur á Everton á High-
bury í gær, 2:1. Leikmenn Manchester United lögðu mikla pressu á
leikmenn Arsenal er þeir skutust á toppinn með sigri á Fulham á
laugardag, 3:0. Arsenal endurheimti toppsætið með sigri á Everton
og sagði Wenger að sínir menn hefðu sýnt mikinn styrk, þar sem
allt hefði gengið á afturfótunum hjá liðinu að undanförnu. „Það var
sárt að komast ekki í átta liða úrslit í meistaradeild Evrópu. Leik-
urinn gegn Everton tók á taugarnar, en sem betur fer náðum við
sigri. Við munum nú leggja alla krafta okkar í að verja meistaratit-
ilinn og þá er það uppbót fyrir okkur að komast í úrslitaleikinn í bik-
arkeppninni. Til þess þurfum við að leggja Chelsea að velli og síðan
Sheffield United,“ sagði Wenger.
Reuters
Pascal Cygan fagnar fyrsta marki sínu fyrir Arsenal, en hann kom liðinu á bragðið gegn Everton í
gær. Cygan hefur verið mjög umdeildur að undanförnu í leikjum Arsenal – hafði staðið sig illa.